نظافة زوجي؟؟؟
 

السلام عليكم ورحمة الله وبركاتة ...

أدري بتضحكون علي على طرحي بس مليت من زوجي ومن عنادة..

المشكلة أهي إن زوجي مابيرضى يتحمم إلا في الأسبوع مرتين يوم الجمعة ويوم الإثنين (( بإستثناء إذا نام معي)) وصرت أسوي الشي هذا من شان يستحم .. ملابسة مقطوعه وشماغة مكوي بس فية شقوق وهو مايهتم ويكشخ و يلبس إلا للدوام حتى ثوب الصلاة مو من ملابسة الزينة المهم كل يوم جمعة نتهاوش عند الملابس وأقول روح أشتر دشداشتين بدل المهتريات وأشتر غترتين بدل المقطوعات مو راضي ,انا افتشل جدام ربعة وأهلة شو راح يقولون عني بصرررررررررررررراحة تعبت حدي...
أسأل الرجاجيل ليش أنتم كذا ماتحبون النظافة ومابتهتمون بلبسكم...مع العلم إني في اليوم الواحد أغتسل وألبس 3 مرات أقل شي وهو دايم يقولي أنتي نظيفة بزيادة ...
عطوني حل ... فكرت أشيل الثياب وأرميهم بس أخاف المشكلة تكبر حيل وتصير بعدها مشاكل .. أسعفوني بحل الله يرضى عليكم...

خلش معاه رقيقه وكلش انوثة
اعملي له انتي الحمام جهزية بشموع ورحة حلوة وانتي البسي اشياء مغرية
واسبحي معاه بالحمام مع الجماع كذا راح يعجبه الوضع

اشتري له ثوبين وشماغين جديده واهديهم له

حبايبي زوجي مو من الرجاجيل اللي يحبون رومنسيات الحمام وماعندي امكانية إني أسوي كل اللي تقولون علية أما بالنسبة للجماع بالحمام فأسويها كثير ...

[marq]خوذي فلوس ياحيييي


منه

واشتري له ملابس

وكل طلعه جهزي له ملابس معطره


نرى الزوج مراءه لزوجته


ليت زوجي يعطيه من اهتمامه حتى بالبيت يشخص:(


ولا فيه حدا راضي


ابيه يصير بسيط بالبيت[/marq]

لن اتكلم عن نفسي فالحمدلله اهتم لهذه الامور جدا

لكن هذه المشكله وجدتها في كثير من الشباب ،، لا يهتم بشكله ولا يعرف شي اسمه تنظيف بشره وحمامات تركيه وبخار ليس لها وجود في قاموسه

الشماغ والغتره ماركه قديمه ويكون مقطوع والثياب غير مرتبه وحقيقه هذا النوع مع احترامي له اجد فيه بخل يعني حتى على نفسه يبخل انه يلبس احلى الثياب ويخرج باجمل صورة وبكامل زينته

واجزم انه يتاثر بصديقه الخاص فالعاده هذا النوع من الشباب يكون اصحابه هكذا

فالعلاج ان يغير اصحابه ويغير اهتمامته وسترين التغير

مرحبااا اختي...

ممكن انك تتناقشين معاه في هالموضووووووع بس يكون مزاجه رايق حييل--------->>اختاري الاوقات المناسبه

وتوضحين له انك انتي متضايقه من هالناحيه ....

واذا زوجك من النووووووع اللي راسه عنيد وماينفع معه النقاش حطيه بالامر الواقع بس باسلوووووب حلو وبطريقه غير مباشرة...

ممكن اذا قبل مايطلع تجهزين له ملابس جديدة وتقوليين له ملابسك الثانيه بالغسيل لسى ماخلصت...

واذا من ناحيه الملابس القديمه والمتمزقه ------>> والرجال عادة مايفرطون بملابسهم زينا يالحريم

ممكن تقولين له اي عذر انك وانتي تغسيلينها انشقت حيل وماعادت تصلح

وعااااااااااااد انتي وبرائتك تقوليين وكنك متضايقه حييلعشانها وتتاسفين له.......



وانتي عااااد وشطارتك اشتري له ملابس جديدة وقدميها له بدل من القديمه.....

وقولي له اني خفت تزعل علي وجبت لك ملابس بدالها..............



والله يوووووووووووفقك اتمنى اني اكون افدتك........

كل يوم جهزي له ملابس نظيفة ومنشفة وعطر زهور وضعيها على طاولة بجانب دورة المياه والله يعينك

انا مع اللي قال اشتري له انت الملابس حتى لو كان من مصروف البيت او مصروفك..
وقولي له انك رميتي الملابس القديمة (بدون ماترميها)وشوفي ردة فعله...
وبيني له انك ماتقدري تقبلي عليه بدون مايكون نظيف ..اشتري له كريمات او عطور وقولي له انها تستخدم بعد الاستحمام وحابة اشمها فيك..

والله يهديه

جهزي له يوميا ملابس نظيفة..مع تعطيره و تبخيره دائما..

و ممكن هو معتاد منذ ان كان في بيت و الديه ..ان لايهتم احد ينظافة ثيابة..

و لذلك اهمل نفسه..

صدقيني اذا لاحظ اهتمامك هو تدريجيا..سيتغير..لكن اتمنى ان لا يزيد عن حده ..كي لا تطرحي مشكلة بعنوان زوجي مهووس نظافة..

اول شي الحمام انتي اسحبيه بدلعج وبطريقتج المغرية الى الحمام وتحمووا انتوا الاثنين وخلي الحمام ممتع سواليف ومزح وضحك وادا مايحب الرومانسيات خليها سواليف ومزاح وشوي شوي راح تلاقين نتيجة احتمال مش من اول مرة بس اصبري عليه شوي

اشتري له اغراض من صابون ورغوة وسائل استحمام وغيره وقدميها له كهديه وتدللي عليه برجاء انه يستخدم هالاشياء لانه تعتقدين انه راح تظهر عليه جدا برائحة جميلة انتي تحبينها في ال.........

حاولي تحلقين له انتي وجهه علشان يستمتع في الحلاقة بعد الحمام

وان شاء الله يحب الحمام والاستحمام


ثيابه بسيطة وانتي تكوينه طولي على حرار المكواة وحرقي الثوب وخليه يشتري غيره >>>> بس انا بريئة ومايخصني ادا سوى فيج شي على ثوبه العزيز ^_^


الله يعينج عليه ويهديه يارب

انتي الدور الكبير بالنسبة لهذا الموضوع فالزوج لايهتم كثيراً ولكن للزوجة الأثر الأكبر في ذلك

عزيزتي..

لماذا (تتفشلين جدام ربعه وأهله)؟؟؟؟؟
أنتِ زوجته يا أختي ولستِ أمه!!! .. وهو رجل بالغ عاقل وليس طفل نونو حتى تستدرجيه للحمام وتضحكي عليه بكلمتين وحركتين حتى يستحم وينظف!!!!!!!!!!!!

عذراً أختي الكريمة .. فأنا أتحدث ويدي في الماء البارد لأنني لم أعاني من شخص كهذا ولله الحمد .. ولا افهم أساساً كيف يمكن لشخص ألا يستحم لمدة يومين متتالين .. فما بالي بثلاثة أو أربعة أيام!!!!!!!!!!


على كل حال طبقي نصائح الإخوان فربما تنفعكِ .. وإلا فأقترح عليكِ تجاهل الموضوع تماماً .. ولا تطلبي منه بعد الآن أن يشتري ثياباً جديدة .. وإن رأيته يجهز نفسه للخروج أو الصلاة فقومي وناوليه ثوبه الممزق وشماغه المشقوق بنفسكِ .. ولكن فقط لا تبتسمي ولا تتحدثي في الموضوع بتاتاً .. فقط أظهري امتعاضكِ من خلال ملامح وجهكِ دون أن تنطقي بحرف.

واحرصي على أن تكوني هادئة.

الحل انك تشتري له ملابس هديه وترمي القديمه أذا كان زوجك ما يزعل
وأنت أدرى بطبعه
ممكن انك تتحايلي عليه وتترجيه انه يغير ويستحم حاولي ممكن يتعود بعدين على النظافه

انا أقولك طريقتي مع زوجي

إذا أتى من الدوام كان يرفض ياخذ شاور يقول تعبان مالي نفس

فايش كان دوري

بدأت إذا جاء من الدوام أكون مجهزه له البانيو بالرغوات والورود والقواقع والشموع وأغلب الأحيان اكتفي بالرغوات والزيوت المعطرة حتى لايمل

ولما يدخل اقول حبيبي الغدا جاهز بس ادخل استرخي شوي بالحمام على بال ماقدمه وتكون منتعش

فتعود كذا وصار لو ماجهزت البانيو مرات ياخذ شاور


ولو مرات ماخذ شاور وخصوصا إذا محتاجه

أصارحه وأقول حبيبي تحس إنك تعبان ومنهك لو تاخذ شاور راح تتنشط وتنتعش

ومن ناحية اللبس مرات أنا أشتريله لبسه

وخصوصا لبس البيت يفضل دايما اللبس المعتاد تحت الثوب الرسمي بس مرات أشتري له بنطلون وتي شيرت وأقوله رحت السوق وحسيت اللبسه هذا مناسبتك وتجنن عليك ايش رايك تجربها ولما يلبسها امدحها له وأقول احلى بكثير من ماكنت متخيلتها

مع ذلك يمكن تكون اللبسه الأولى والاخيره بس يكفيني إني حاولت فيه ولبسها لو مره وحده

وبالنسبة للبس خارج المنزل على العكس يهتم

الله يهديه لي ويفقنا لما يحبه ويرضاه

اعذرني حبيبتي على الإطالة بس حبيت أفيدك

تعرفي لو ده زوجي حعمل ايه ببساطة
حخليه نايم و أرمي كل شيء بالزبالة بكيس أسود كبير و أصور الكيس و ألزق صورته على الدولاب
و أروح أشتري ملابس جديدة من فلوسه اللي حاخدها بالذوق أو بالعنف
و كل ما تقدم حقوله روح اشتري أو حتصحى و تلاقي صورة لكيس جديد لكن المرة دي مش حتلاقي ملابس جديدة في الدولاب
أما عن الإستحمام فهدده بشكواه لأمه أو إخوانه
و إن ما نفعتش الشكوى , مش حخليه يقرب مني إلا على جثتي و حطرده من الغرفة و لو حاول حقوله الحمام عندك عايز تستحمى زي العالم اتفضل
مش عايز نام في غرفة تانية

جزا الله الجميع كل الخير لما قدموه لي من نصائح وأعاننا الله وإياكم على النظافة فالنظافة من الإيمان ...





&&& شكراً للجميع عدا من داخل يعيب على الناس &&&