ماالحل في موضوعي لا استطيع الانتظار
 

السلام عليكم

خطبـت ولله الحمد وتمت الشوفه الشرعيه والحمد لله وافقت والبنت وافقت ولكن المشكله نظرا لان الاجازه الصيفيه قد قربت اخبروني بصعوبه الزواج فيه هذه الفتره . طلبت ان يكون الزواج في اجازه عيد الفطر المبارك وتم الرفض بحجه ان البنت مقبله على اول سنه لها بالجامعه وصعبه تتحمل الزواج لان بيكون دراسه لها . المهم طلبو مني ان تكون الملكه في ذي الحجه والزواج يكون في الصيف القادم باذن الله في نفس هذا الوقت . حاولت ان اقرب الموعد قبل لكن رفضو ماذا افعل ؟ انا ارتحت للبنت ومازلت ابيها لكن اشوف ان الفتره والانتظار مره طويل للملكه يعني بعد 6 شهور بعدين 6 شهور انتظار اخرى لموعد الزواج اشوفها مره طويله وتعب نفسي للطرفين وتفكير . مالحل ابي رايكم علما اني حاولت في ابوها ورفض الا بالصيف القادم .

ابوها معاه حق واللي يخطب بنت توها بالمدرسة يتحمل تبعات اختياره

مشكوره على ردك اخت بحله بالنسبه للبنت الله يعافيك هي تبي تخلص ثانويه عامه السنه هذي ... بعدين مرحله الجامعه عاده هي سن الزواج عندنا .... بعد الانتهاء من الثانوي ..

اخت مصريه مشكوره على ردك . يااختي العزيزه العادات والتقاليد تختلف عنكم في مصر انتم تتزوجون على مااعتقد بعد الجامعه ويمكن اكبر بعدين لاتقولين طفله 17 فما فوق تعتبر كبيره ومؤهله للزواج البنت من وجهه نظري الزواج لها ستر وعفه وكذلك للزوج والتعجيل فيه مطلوب .

اخي بالعكس ما فيها شي لو خليتوا الزواج للصيف القادم..

صدقني الايام تمشى..

و امور الزواج مو كويسة فيها العجلة..

وخصوصا انها رح تكون في اول سنوات الدراسة في الجامعة..

يعني صعب انها توفق بين حياتين جديدتين عليها...

انت قبل ما تفكر بنفسك فكر فيكم انتم الاثنين..


و مبارك خطبتك... و الله يتمم لك على خير..

أنصحك أخي بالانتظار ما دامت البنت غير مستعدة

لأنها ليست بالكبيرة في العمر و ربما تخشى من المسؤلية (الزواج+أولى جامعة)

و على فكرة الجمع بين الدراسة و الزواج ليس بهذه السهولة

أما إن كانت مستعدة و موافقة فحاول مرة أخرى

:::

أسأل الله لك التوفيق

اخوي اسال مجرب والله بتتعب نفسياً انا خطبت من شهر 10 الي طاف وزواجي في شهر 10 القادم قسم بالله تعبت نفسياً في التفكير فيها وفي امور الزواج مانصحك في التاخير ابد ابد ابد ... حاول فيهم يقدمون الزواج

والمفروض انك مارحت تشوف الشوفه الشرعيه دام لهم نية في تاخير الزواج ..

بالعكس الموضوع متظبط جداااااااااااااااااا

وفتره الملكه من احلى فترات العمر لاتضيعها ابدا

تمتع مع خطيبتك بالملكه والزواج حيكون له شوقه وحلاوه اكتر

الله يتمم لك بخير

وعليكم السلام ورحمة الله ...

بداية ً الف مبروك والله يتمم لكم على خير ...

من رأيي أن التأجيل مفيد جدا ً خاصة في أيام الغلا هذي .... منها ياأخي الكريم تقدر تكون نفسك عالآخر ... وتجهز امورك بروقان وتأني ...

ومنها تكون أنت والعروسة تفاهمتم مضبوط .. وعرفتوا طباع بعض ... وحطيتوا النقط على الحروف في جميع التعاملات والأمور المستقبليه ...

لذلك ... لا تزعل

صدقني ..

كل تأخيره ... وفيها خيره !!

الله يختار لكم الصالح ويوفقكم ....

بالعكس ما اشوف الموضوع يحتاج كل هل السرعه تريث اخي الكريم ... و عادي جدا 6 شهور و سنه عادي الوقت يمر و البنت في بدايه مرحله جديده تريث قليلا و ماله داعي العجله بالاخص اب امور الزواج..اذا عاجبتك تحمل لانها تدرس و صدقني راح تقدر
اختك بني

الايام تجري بسرعة جداا وماراح تحس بالوقت صدقنى واصبر على البنت دام انك مرتاحلها وهى كمان
لا تتعجل واصبر والله يوفقك ان شاء الله

اخوي الف مبروووك بداية على الخطبة والله يبارك لك فيها


مشكلتك نفس مشكلتي تقريباً والحمد الله تم حلها


انا زوجتي الله يحفظها ويحفظ نساء المسلمين السنه املايه كانت بآخر سنه

وتم الخطبة والنظرة الشرعية وقالوا لي مافيه زواج الا بالصيفيه لانها اخر سنه وما نبيها تضيع مستقبلها وتفكر بالعرس وهم الزواج والمسؤولية نبيها تخلص الجامعه على خير

وافقت على شرط الملكة تكون قبل الزواج ب 5 شهور

وبعد الملكة صرت اشوفها كل اسبوعين او كل اسبوع مره نجلس ندردش نسولف وش سوت للزواج وش ما سوت

انا ملكت بشهر 2 وزواجي بشهر 7 عقبالك ان شاء الله

وخاطبها من رمضان السنه الماضيه

حتى لو بتدور بنت غيرها والله تتعب الى ما تحصل بنت ثانيه ترتاح لها

خلاص قلبك ارتاح لهالبنت واهلها والنعم فيهم توكل على رب العالمين وانتظر والله بيعوض صبرك بخير

مثل ما الله عوض صبري

واعتبرها سنه تنظم امورك وتجمع دراهمك اكثر

والله اني كنت اجمع وادبر عمري وديون وحوسه والحمد الله خلال سنه صفيت اموري ونظمت كل شئ ولا اصرف من راتبي شئ

وجمعت زياده على ميزانية الزواج وزادت

وخذ بنصيحتي لان واحد من ربعي حصل بنت ارتاح لها لكن قالوا له انتظر ولا رضى وراح يدور غيرها وقعد 7 الى 8 شهور الى ما حصل بنت الحلال اخذت منه وقت اطول


توكل على رب اعلالمين وتراها سنه بتمر مثل الريح

تحية طيبة وبالتوفيق ان شاء الله

عادي يا أخوي
طيب ليه ما يكون في الإجازه إلي بين الترمين

عادي الوضع
أنا ملكت بشهر 12 هجري وزواجي بشهر 10

وكل هذا طوعاً لأبو زوجي

الله يعيننا على البعد والإنتظار

تحياتي