|
اريدها مدرّسة ووالدتي رافضة أن تكون مدرّسة
ياهلا فيكم جميعاً
طبعاً مشتت البال محتاس متكدر ضايق صدري كرهت كل شي كرهت شي اسمه زواج السالفه في عمر الزهور قالت الوالده نبي نزوجك طبعاً بدون ما اطلب منها وانا رفضت لان البنت لا تناسبني لا فكرياً ولا حتى الشي الي اتمناه في شريكت حياتي المهم زعلت وعدت السنين المهم بعد ما تعديت عمر الشباب في نظري لقربي من الدخول في العقد الثالث فاتحت الوالده برغبتي في الزواج واني ابي وحده مدرسه قالت مدرسه هذي عجوز وش تبي ومن الكلام هذا المهم قفلت الدينا في وجهي وعرفت انها تبي تزوجني البنت الي في بالها انا محتار اخذ البنت الي في بالها وطموحي واحلامي الله يخلف عليها و اعيش وانا كاتم في قلبي ولا اكون على فكرتي الثانيه اني الزواج يكون على سن الاربعين حتى تتعب وتمل من عزوبيتي ثاني شي ودي اعرف ياناس ياعالم المدرسه كم يكون عمرها يعني بدايه التدريس كم يكون عمرها بجد اكتب وانا منقهر وفي راسي اشياء الله يستر بس منها لا احد يقول لي خذ وحده مو مدرسه لان الوضع نفسه اهي تبي البنت هذي تكفون والي يرحم والديكم دعواتكم لي بأن الله يفرجها علي ويفتحها في وجههي الاشراف : عذراً تم تعديل العنوان ,بالتوفيق. |
انصحك تبعد عن المدرسه
صدقني دراهم الحرمه مافيها بركه |
..... لا تعليق .....
|
اللي تكمل دراستها بنجاح وبدون رسوب او اعادة سنه تتخرج من الثانويه العامه وعمرها 18 سنه ... زيد عليها 4 سنوات في الجامعة .... يعني 22 ... اما كم العمر لما تتوظف ... فهذا يعتمد على حظ كل وحده ونصيبها ... بس المتوسط 24 سنه !!
.... كلام الوالده على العين والراس ... بس تزوج اللي انت تبيها ... لأنك انت اللي راح تعيش معها مو امك! بالتوفيق مقدما ً |
اقتباس:
لا تتوقع اني باخذها عشان فلوسها بعدين ترى لكل شخص تفكيره شاكر مرورك |
اقتباس:
|
اقتباس:
شاكر لك والله ييسر الامور |
لازم تقنع الوالده
انك انت اللي بتعيش معها ولا تاخذ الا اللي انت تبي |
طيب سؤال (والله بريء) ..
وش تبون بالمدرسة ؟؟؟ يعني إذا ماتبيها عشان تعينك على المصاريف أجل وش تبي بوحدة تقضي ثلث يومها برا البيت وثلثه نايمة ومايبقى لنفسها وزوجها وأولادها إلا الثلث الأخير ؟؟! |
اول شي اخي ادعي الله ان يسخر بنت الحلال المناسبه الصالحه ويسخر امك كما سخر البحر لموسى عليه السلام
الثاني في حل وسط روح شوف البنت اللي ترشحها الوالده بالشوفه الشرعيه راح تقدر تحدد مبدئيا ان كانت تناسبك اولا لو لا قدر الله طلعتما تناسبك وسط ناس قريبين من امك ان تجعلها تختار بنفسك بس اكثر من الدعاء والصدقه الله يسر الحلال لك ولنا ولكل المؤمنين والمؤمنات يارب |
اقتباس:
ولا تقول عشانها متعلمه لانك تقدر تاخذ جامعيه بس جالسه بالبيت |
الاشراف: تم نقله إلى مكانه المناسب
|
انا رأيي لن تجد المرأة الكاملة لأن الكمال لله وحده سبحانه سواءا ان كانت مدرسه ولا غيرها
وحال المدرسة لا تفرق عن حال اي موظفة أخرى ولاتنقص عن امرأه اخرى....وبالنسبة انها تصلح او لا تصلح وقتها وفلوسها لا أحد يعلم بالغيب ولا أحد يقدر يحكم على انسانه من ناحية الوظيفة.....ماشفنا كل الغير مدرسات ناجحات ومتهنيات في حياتهم الزوجية ولا شفنا اللي اختار غير المدرسة متهني.....الهناء والسعادة بيد رب العالمين لادخل للوظيفة ولا للمال ولاغيره.....بالعكس المدرسة لها تفكيرها الراقي في تربية ابناءها وادارة منزلها..... اخي الكريم ركز في الدين و الاخلاق قبل الوظيفة فأنت ستحتاج من تعينك على دينك أكثر من أي شيء آخر لتكسب آخرتك...وفي الأخير انت حر في اختيارك ولاتجعل أحد ان يتدخل في صلب اختيارك لانك انت من ستعيش معها.... |
الزواج من المدرسة له مميزاته
عطلها كثير و مع الأولاد مثقفة و مربية جيدة عملها سهل و لا يشغلها عن واجباتها طبعا لا تاخذ البنت اللي مش مقتنع بيها أصر على طلبك و قول لأمك لا أريد تلك الفتاة و أنا من سيتزوج و أنا لن أجاملك في زواجي خذ البنت اللي في بالك و ليس في بال أمك المدرسة يكون عمرها تقريبا 24 |
؟؟؟؟؟؟؟؟؟
ليش شو فيها المدرسة بالعكس احلى مهنة .....كاد المعلم ان يكون رسولا انا ناوية اصيير مدرسة و بتخرج قريب بس بقالي كورس وعمري بيكون 22 وكان ممكن اتخرج قبل بس كان في سنتين تحضيرية اجبارية للتوفل انا عديت السنتين التحضيرية وخليتهم سنة وبدل ال 4 سنوات تخصص خليتهم 3 ونص يعني معدل السنوات 4 ونص بس مو كل الجامعات فيها سنوات تحضيرية بالنسبة للعمر البنت تتخرج من الثانوية وتدخل الجامعة وهي 18 4 سنوات دراسة بالجامعة يعني 18 + 4 = 22 واذا اشتغلت على طول يكون عمرها 22 واذا دخلت الجامعة وهي صغيرة وكانت شاطرة و بدون سنة تحضيرية ممكن يكون عمرها 17 + 4 = 21 يعني اقل شيء 21 و ممكن يكون 22 او 23 او 24 مو اكثر هذا بالنسبة للعمر و شغلة التدريس فيها مميزات اجازاتها مع اجازات العيال ( اكثر الاجازات اجازات المدرسة) معارفها من المدرسات وكلهن مستواهم التعليمي متقارب المدرسة تقدر تساعد عيالها بالدراسة وممكن تنقل عيالها للمدرسة اللي تبيها ( على حسب سمعة المدرسة) تفكيرها يكون واعي وكبير الشغل فيه تواصل ..غير عن الشغل المكتبي ترجع من الشغل من وقت بنفس وقت رجوع العيال من المدرسة تقريبا عيوب المهنة ان شغلة التدريس متعب ويهد الحيل احيانا تضطر انها تاخذ بعض شغلها للبيت يحتاج للدقة والتركيز والعدل خاصة مع تحديد مستوى الطالب بس لازم المدرسة المتزوجة تكوون شاطرة وتخلص شغلها كلها بالمدرسة ( يعني التحضير والمراجعة والتصيح و ووضع الاختبارات) وترجع البيت وهي فاضية ومتفرغة لبيتها ..... و اكيد لازم تستعين بالخادمة علشان تساعدها باشغال البيت..... ونصيحة سواء بتتزوج مدرسة او غيرها حاول تتزوج وحدة من نفس تفكيرك...يعني في توافق فكري ..... |
اقرأ هذا الموضوع
http://www.66n.com/forums/showthread.php?t=163896 |
اخي نمبر 1
الدراسة دراسة بريطانية وهناك اوضاعهم مختلفة لا يمكن مقارنتها بعمل المراة في الدول العربية كما ان الرجل هنا ينفق على زوجته حتى لو كانت عاملة والدراسة ليست دقيقة ثم ان الطلاق بيد الله والزواج هو توفيق من الله ونجاح الزواج من عدمه تعتمد على الزوجين بالدرجة الاولى سواء كانت تعمل ام لا تعمل ..... هناك معايير اخرى في الحقيقة ان عمل المراة له فوائد عديدة سواء لها او لزوجها او لابنائها المرأتان العاملة والعاطلة ...كلتاهما لهما ايجابيات وسلبيات هنا ليس العمل هو من يحكم بل العقل والتدبير وطريقة التفكيير |
انت ليه ماحددت عمرمعين من كذا الى كذا مثلا؟
ليه قلت مدرسة؟ وع فكرة امك ضايقتني لما قالت مدرسة عجوز يعني انا عجوز ههههههههه عموما اذا انت كبير انصحك تاخذ وحدة بعمر ناضج كبيرة شوي كنوع من التوافق موفق اخوي |
اقتباس:
أخوي دامك مقتنع فيها حاول تقنع الوالدة....يمكن نظرتها سيئة للمدرسة مثل غيرها!!!!!! وبعدين أخوي أنت في سن مايفرض عليك من تتزوج حتى النساء لم يعد يفرض عليهن فما بالك الرجال...حاول تطيب خاطر الوالدة..وتناقش معها الموضوع..لعل الله يشرح صدرها بس قبل ماتكلمها صل ركعتين أن الله يشرح صدرها ويحنن قلبها عليك بعد كذا كلمها بالموضوع والله يوفقك.. |
اقتباس:
|
اقتباس:
اخترت مدرسه اول شي عشان اقدر افتك من الي تبي تزوجنياها لان لو اخذت غير مدرسه راح تصير مشكله ثاني شي معك مدرسه تعين على الحياه مثل ماانتي شايفه كيف الغلاء الي يقص الظهر قص |
اقتباس:
صحيح احبها مثل خواتي بس ما اقدر احبها كزوجه |
اقتباس:
ياخي عرفنا شباب زوجاتهم مو موظفات وجايبين الهم لهم يعني التوفيق بيد الله وابي اقول لك تفكري مو مادي وقلت هذا كلام في احد الردود |
اقتباس:
بصراحه اجبني كلامك لكن الظاهر بعد تعديل العنوان صار فيه لبس وان اني اريدها مدرسه مع العلم لو جيت للجد ما اخذت موظفه بس كل المقصد افتك من حنت الوالده عشان تكون عذر ومنها المدرسه برضوه تعين على الحياة الصعبه الان وطبعا الرجال الي تزوج وكل فكره فلوس الزوجه هذا زوج فاشل قبل كل شي الدين ولاخلاق الان اهي الي تبقى |
اقتباس:
|
اقتباس:
وفيه نقطه البنت الي تبيها الولده الافكار بينا متباعده مره مثل تباعد المشرق و المغرب يعني انا مستوي التعليمي وين وهي وين بس المدرسه او المتعلمه الجامعيه نكون نفس الافكار |
اقتباس:
|
اقتباس:
وطبعاً مسألت بنت تحت العشرين انا غير مقتنع فيها ابد من خلال واقع انا عرفته عن قرب بجد الغيره عندهم شي والحكم في القرارات سريع مع احترامي ولا اعمم كل الي تحت 20سنه |
اقتباس:
بجد انا من اشد المعارضين على الي يحاربون المعلمه حتى لو تزوجت المعلمه لان لولا الله ثم المعلمه لكان بنات جاهلات اما مسألته اكلمها ثاني مره اتوقع ان لامر هذي صار صبع بنسبه 99% انتظر لين هي تفتح الموضوع ولا ادري كم عمري بيصير وقتها لما يحين قلبها |
المرأة وهي قاعدة في البيت يجيها فتره في الشهر يتعكر مزاجها على الاخر والطلاق يحرم وقتها لانها عرضه لانفعالات
كيف الموظفة التي تتعرض يوميا لضغوط واجهاد العمل ؟؟ صدقني لن تستفيد منها لا مال ولا تفرغ للبيت .. ثقافة هناك من معهن ماجستير وفي البيت عاطلة والبيوت مليانة جامعيات فكرا جيدا قبل قرارك..... |
المشكلة انك مو صغييييييير علشان امك تقول عن المدسة عجوز
ان شاالله تبغى تاخذ لك بنت بالمدرسة تجيك البيت بمريولها وشنطتها بصراحة تفكير ماادري ايش يبي بس امك ماتنلام زمنهم غير عنا وما يعرفوا انو الدنيا الحين تطورت شوي شوي وراح تقتنع والله يكتب لك اللي فيه الخير |
لا ما تتأخرش في فتح الموضوع
على فكرة الراجل كل ما كبر كل ما البنات يبتدوا يتسائلوا ليه ما اتجوزش قبل كده ؟ ليه قاعد عازب ؟ يمكن اتزوج و مخبي علينا ؟ يعني لو أجلت الموضوع ممكن زواجك يكون صعب و بنات كتير ترفضك خوفا من تأخرك في الزواج و التسائل عن السبب شوف صلي ركعتين و استغفر شوية و بعدين اطلع لمامتك بهدوء و ممكن تكون جايبلها هدية و بعدين تقولها , يا غالية نفسي أطلب منك طلب نفسي أتجوز و تشوفي عيالي و يلعبوا معاكِ ( النقطة دي بتضغط على مشاعرها ) قولها خلاص أنا مش طايق الوحدة و عايز أعيش شبابي حتفتح معاك موضوع البنت التانية , ممكن تنهيه بكلمة وحدة انك تحلف انك مش عايزها و لا حتتجوزها و قولها خلاص أنا أقسمت إني مش عايزها , أنا عايز بنت مواصفاتها كذا و كذا و أرجوك ساعديني لو رفضت أنصحك تبحث بنفسك و تفرض عليها الوضع |
يا أخى والله العظيم انا مستغربه منكم بصراحه
من يومين واحد باعت مشكلته بيقول عايز يطلق مراته اللى بيموت فيها علشان خاطر ابوه واخواته البنات اللى اجوازهم هيطلقوهم لو هو ما طلقش مراته ودلوقتى انت عايز تتخلى عن مواصفاتك ومبدأك فى الجواز علشان خاطر أمك ايه الحكايه هو انتم لسه صغار ولا انتم شخصيتكم ضعيفه للدرجه دى شوف بقى انت اللى هتتجوز مش أمك وانت اللى هتعاشر ودى هتبقى حياتك المستقبليه لا تجعل أى شخص يختارها او يحددها لك افعل ما انت مقتنع بيه ولو مش عاجب امك يبقى اتركها فتره من الزمن تزعل وبعدين ترضى لوحدها ده طبعا بعدما تحاول تراضيها لكن بدون تنازل عن اللى انت عايزه وانا ارى ان المدرسه هى من اشرف واسمى المهن التى تتقنها المرأه بل وتتفنن فيها ومن اسهل المهن التى تستطيع المرأة ان وفق فيها ما بين العمل والمنزل أنا معلمة ووالدتى حفظها الله كانت معلمة وظلت تعمل حتى تقاعدت ولم تهملنا يوما وكل قريباتى معلمات ناجحات فى بيوتهم وعملهم توكل على الله ولا تدع احد يقرر لك مصيرك فهى بالنهايه حياتك انت وفقك الله لما يحبه ويرضاه ونصيحة منى عجل بالزواج ولا تنتظر ولا اسبوع واحد زيادة |
اقتباس:
لانهم يخافون من العين وبصراحة سمعت هالحقيقة من اكثر من رجل صاروا يتنافسون في الشكوى وسب زوجاتهم واظهار حياتهم بصورة مأساوية لانهم باختصار يخافون ... حتى لو كان مو سعيد فهو مايبغى يطينها زيادة . وكلامك عن عدم الاستفادة من راتب الزوجة مردود عليك الزوجة في الغالب _لا اعمم_ تقوم بنفسها وبعيالها وفي مرات كثيرة تدفع الايجار او جزء منه وتساعد زوجها في زنقاته واللي يقول غير كذا وهو كاذب الله يسلط عليه من هو اقوى منه ويحرمه مابين يديه من نعيم جزاء لنكرانه |
أخي أقنع أمك بطلبك
لأنك إنت اللى بتعيش معها وتعاشرها موأمك أمك أكيد تحبك وتبغى مصلحتك بس قولها أمي أنا أبغى وحده أرتاح معها واحبهاموأتزوج غصب عني وأضطربعدين أطلقها لاسمح الله تعال لأمك بإسلوب حلوومحبب إلى قلبها والله يوفقك |
اقتباس:
لا مو خوف من العين الا فعلا يشتكون من زوجاتهم هناك دراسات تقول ان زوج المرأة العاملة اكثر عرضة للاكتئاب من زوج المرأة ربة البيت والاستفادة شيء اكيد بتصرف على نفسها وعيالها وتجيب شغالة تستلم راتب على الاقل 5 الاف ريال وين توديه تحتفظ به في البنك؟؟ ولكن الي اقصده عدم الاستفادة المباشرة من اموالها يعني لاتتوقع انها تشتري لك سيارة او تبني لك بيت او تعطيك مصروف الا نادرا!! وفي اقرب مشكلة تتمنن عليك بمالها المرأة طبيعتها كفارة عشير اذا فلوسك الي تصرف عليك تجحدها كيف لو تصرف عليك!! عموما انا لا اقول الزواج من الموظفة جحيم في حجيم ولكن اذا كنت سعيد بالزواج منها فتأكد تماما تماما بأنك ستكون اسعد لو كانت ربة بيت واذا تزوجت من ربة بيت وكنت شقي معها فتأكد تماما بانك ستكون اتعس لو كانت موظفة... |
اقتباس:
|
اقتباس:
هههههههههههههه بجد ضحكتيني من قلبي حلوه مريولها وشنطتها واعطيها الصباح مصروف الفسحه هههههههههههه الله يفرجها يارب شاكر لك |
اقتباس:
انا يا اختي اقدر انهي الموضوع اليوم قبل بكره واخذ الي ابي وعلى كيفي بس تدري وش المشكله ان الوالده راح تكرها كره يعني ما ابي زوجتي تكون امي مو راضيه عليها وهذا هو الي كاسر يدي |
اقتباس:
الظاهر انتي ما تعرفي عاداتنا الام اذا كرهت مرت الزوج الزواج راح يكون في جحيم ما يدري من يرضي امه ولا زوجته وانا ابي اتزوج ارتاح مو اشيل هم ياليت تفهمي |
| الساعة الآن 05:56 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©