بعد خطبة لسنتين وتعلقي الشديد بها,, صدمتني بأنها مجبرة علي!!!
 

أنا شاب تقدمت لخطبة أحدى قريباتي وتمة الموفقه

وأحببتها حباً لا يوصف طبعاً ماشي على المقوله الي

تقول الحب من أول نظره كنت أقدم الهدايا بمناسبه وبدون مناسبه خصوصاًالورد

وصار لنا مخطوبين قرابة السنتين المهم في ليلة من اليالي جائني أتصال من رقم

غريب المهم فتحة الخط وإذا به صوت فتاة السلام عليكم وعليكم السلام كيف حالك

الحمدلله مين معي قالت أنا؟؟؟؟؟؟تفاجئة طبعاً أنالم أكلمها منذ خطوبتنا سولفنا

شوي وقالت لي أنا مجبوره على هذا الزواج وأبيك تشوف حل ترضى تعيش مع

وحده مجبوره عليك أبي الحل أرجوكم...



الاشراف: عذراً تم تغيير العنوان ,. بالتوفيق .

أففففففف قويه..
اللي مايباك لاتصيح تبيه..
وبعدين انته متأكد إنها هي نفس الفتاة ... يمكن ناس حقوده والله أعلم ..
بس أهم شي إذا هي ماتباك فماراح ترتاح معها وأكيد المشاكل بتكون من بينكم كثيره ...
أخوي صلي استخاره والله يوفقك..

اخي الكريم قبل الاقبال على اي شيء .. رحلها البيت و كلمها و قولها ان يالج اتصال و خل الكلام بينك و بينها على شان اذا صج اتحبها اخوي لا تسوي لها مشاكل ممكن اهيا مغصوبه صج عليك .. شوف اذا قالت اي انها كانت اهيا و انها مغصوبه قولها الله يهنيج مع غيري و هذا تسريح اب احسان و الله يشهد اني حبيتج و اتمنالج الخير .. و اذا ما كانت اهيا اخي احتمال كبير ناس تحب تخرب عليها و عليك .. ف اول شيء كلمها وجها لوجه افضل لك و لها و لا تستعجل .. الصراحه راحه اخي
اختك بني

صدقني راح تحترمك و تحبك و تكبر اب عينهاى و هل الشيء كافي انها تذكك بالخير طول عمرها
اختك بني

اهم شي تأكد انها هي الي اتصلت عليك بعدين تسريح باحسان والله يعوضك ببنت الحلال
وارجوك رجاء انك ما تجرح كرامتك بأنك تسألها ليش وما ليش وحاولي تحبيني.....الخ لو انا مكانك ما يستاهل الموضوع اني افكر فيه بزياده بس اتأكد انها هي وبعدين اسرحها الله يستر علينا وعليها والله يوفقك اخوي ويعوضك خير

اخي الكريم اشوف انك تروح لها عند اهلها وتكلمها وجه لوجه وتشوف اذا كانت مغصوبه او لا
احتمال ان في ناس تبي تخرب بينكم فأنت تبين في الموضوع احسن قبل ما تستعجل وتندم بعدين
لما تروح وتسألها وقالت انها مغصوبه على الزوج فلا تستعجل وتفسخ الخطوبه عطها فتره
ومادام انك تحبها زي ما تقول فراح ادعيلك واقول
يالله يارب يا كريم ان الأتصال الي جاك من ناس تخرب
وان الله يوفقك ويعوضك خير منها اذا رحت لها وقالت انها مغصوبه عليك
هذا والله الموفق ،،،،

غريب!!!
كما قال الإخوة . اذهب إلى بيتها و اسئلها بنفسك , ربما أحد يريد التفريق بينكم
لأن غريبة البنت اتكلمت بعد سنتين !! لو مجبورة ليه ما اتكلمتش من الأول ؟؟
و ذنبك ايه رايح جاي بهدايا ؟؟ لازم تتأكد , اتذكر كيد النساء غلب كل كيد
ممكن تكون وحدة مدبرة الموضوع ده

لا حراااام لازم تروح عندها وتتاكد منها بالضبط يمكن احد قلد صوتها

اخي قبل كل شئ تأكد؟؟

لا تستعجل

لازم تتأكد انها خطيبتك؟؟ واذ كلامها صح خذ بمقولة من عافنا عفناه لو كان غالي

مايبغالها كلام روح بيتها ولاتصدق الا لما تسمعها بأذنك
يا اخي انا حصل لي نفس الشي ولا في يوم فرحي وزوجي في قاعة الاحتفال جاه اتصال اني مجبوره عليه
بس زوجي ماصدق الا لما حلفت له يمين اني احبه وابيه..

يا اخي توخى الحذر .. والله يوفقكم ..

تاكد انها هي والله بعض الحريم من الحقد تسوي البلاوي...


تخرب عشان الكل يطلق...

اتصل فيها.. واذا هي تكلم معها بواقعية.. وقولها استخيري الله وانا استخير.. يعالم يمكن فيه نفس او عين او شئ.. ويمكن هي مجبورة واخايفه.. واذا كلمتها راح تحبك.. وتتغير..


واذا ما صار نصيب.. طلقها باحسان.. والحمدلله على كل حال.. والله يعوضك خير منها

اذا انت ما تعرف صوتها ..

يمكن تكون وحدة تبغى تفرق بينكم !!

لازم تتأكد

اشعر انها ليست خطيبتك...

تأكد منها شخصياً وجهاً لوجه..

طيب دقيت على الرقم...عرفت رقم مين بالضبط؟

واذا طلعت هي...لازم تعرف السبب

يمكن أحد ناقل عنك كلام..سمعه من جد أو يبغى يخرب

لازم تفهممها وتوضح لها الأمور وتسمع منها

الله ييسر أمرنا وأمرك

اخي في الله بارك الله فيك تأكد انها هي من اتصلت و بعدها اعمل المفروض

عييييييييييييييين العقلللللللل
وترى صارت مع واحد بسالفه اكثر من كذا
وطلع المتصل كذاب

تأكد ياخوك

طيب انت كيف حبيتها وتعلقت فيها وانت حتى صوتها ماتعرفه؟؟؟؟؟

انا مع الاخوا لا زم تتأكد من انها خطيبتك الى اتصلت عليك

وبعد ما تتأكد منها..اذا صارت هي الى ما يبيك لا تبية هذا هو الحل بنظري

الى عافنا عفناه ولو هو غالي

واجهها وجه لوجه وتكلمو بصراحه في منزل اهلها

تأكد أخي الحبيب أنها هي من اتصلت وانت تقول رقم غريب


تأكد ثم بعد ذلك اجلس معها واسمع منها الاسباب فقد تكون سمعت عنك كلام مغلوط أدى إلا اتخاذ قرارها


حصل معي أن نقل عني كلام عاري من الصحة إلا أن تم إزالة اللبس

أسأل الله أن يكتب لك الخير وأن يسهل أمورك

إذا تأكدت انها هي إلي كلمتك وتأكدت ايضا ان الموضوع مافيه شاعات عنك
وانهيت العلاقة بكل تكتم
فانت بالفعل ولد اصول
لان الرجل الذي يجبر نفسه على البنت لا يستحق ان يكون رجل
تحياتي لك

يااخي وينك مطنش؟؟؟؟؟؟
الصراحه مرة اهتميت للموضوع وابي اعرف هي خطيبتك وله لا؟؟؟
وبالنسبه للرايي انا مع الاخون اللي شاركوا من بااعك بيعه والاتفكر.

اول شي تاكد بعدين قرر

من عافنا عفناه لو كان غااااااااااااااااااااالي

في انتظار جواب السؤال الكبير و المهم:
هل تأكدت أن خطيبتك هي التي اتصلت بك؟؟؟