|
مساعدتكم في هدية لزوجتي
السلام عليكم ياشباب
أنا زوجتي خلصت الأربعين وراجعه البيت أبي أسوي شي لها مفاجئة بس فكرت كثير ماعرفت ياريت تساعدوني أبي هديه حلوه يكون سعرها معقول وتتذكرني فيها أو أسوي شي في البيت أو غرفة النوم ..................... ياريت المشارك من الجميع |
السلام عليكم عزيزي
الحمد لله على سلامة زوجتك واسأل الله ان يرزقها الصحة ويجعل مولودكم مولود البر والسعادة انا ممكن اقترح لك كم شغله ممكن تكتب على سرير النوم بالورود كلمة جميلة مثل احبك الحمد لله على السلامة وغيرها اشتري لها هدية ولا تعطيها لها بشكل مباشر ... خمن ايش راح تسويه اول شي زوجتك مثلا راح تروح المطبخ او الصالة او تفتح خزانة الملابس وغلف الهدية وخليها هناك مفاجأة .... ممكن تحط وردة بالثلاجة ... ممكن تكتب على مرأة الحمام الله يكرمك احبك وقلب مثلا .... المهم ان عنصر المفاجأة يكون حاضر ...انا احب عنصر المفاجأة جدا .... اشتري لها شي تحب تشوفه عليها وخليه بالخزانة و و و و و والله يهنيكم ببعضكم |
احسن الهدايا للنساء
الذهب العطور الورد واحسن طريقة لتقديمها علب فاخره للهدايا كرت مكتوب فيه كلام حلو والمناسبة والتاريخ اهداء صوتي مثلا محاضرة مقطع مناسب للمناسبه |
بسم الله الرحمن الرحيم
اول شي عيد يوم زوجنا هذا حرام عشان المسلمين عندهم عيدين بس عيد الاضحى وعيد الحج بس يوم ذكرى زوجك ممكن انا اوافقك الري جبلها عطر او خاتم اذا خلصت الاربعين قوم نظف معها البيت هذا افضل هديه وجبلها في الليل عشاء وبطل مصاريف زياده واذا فلوسك كثيره جبلها جوال هديه عشان كل ماتشوفو تذكر لما خلصت الاربعينيه وبعدين انونو مالو شي يابخيل اهم شي النونو ثمرة حبكم يابو الشباب الله يجعلو من مواليد السعاده وحمدلله على سلامتها وربي ان شاء الله يجعل ايامكم كلها اعياد ياحنون يارايق دمت بصحه وعافيه |
الحمد الله على سلامتها اكيد هي كانت عند اهلها فتره النفاس واكيد البيت مغبر ويبغاله ترتيب جيب اول شي شركه تنظف البيت بعدين اعمل جو رومانسي دور في المنتدى وراح تلاقي خلي البيت كله شموووع وورد وجيب عشاء من برا وحط الهديه اذا كانت ساعه الماس افضل لانها طالعه من الاربعين ويبغالها هديه قيمه او خذ فندق واسهرو فيه هذي الليله ولا تنسى الورد والشموع والهديه |
اشتري ورود حمراء و في كل حتة حط وردة
مثلا على طاولة الطعام على السرير في الحمام في الدولاب و اشتريلها هدية لطيفة وحدة ليها و وحدة للبيبي |
مساعدتها في تربية الطفل أكبر هدية
ما في مانع من شراء هدية لكن لا تحب النساء من يرمي لها بهدية بوما ما ثم ينساها عندما تتعب و لا يقف بجانبها |
الله يعطيكم العافيه على الأفكار بس للحين ماعرفت والله ايش اجيب هديه اول مره اتعب في هديه
واما بخصوص المساعده اكيد ابي اساعده واعينها ان شاءالله بس ياريت تساعدوني في الهديه |
طيب , الهدية ممكن تكون موبايل - لاب توب - مجموعة ملابس جديدة للمنزل - غسالة أطباق مثلا - ذهب على حسب امكانياتك أقل شيء خاتم صعودا إلى طقم كامل
بالتوفيق |
مبارك لك الطفل الجميل
جعله الله من حافظى القرآن الكريم وحمد لله على سلامه زوجتك لا أقول غير ما قاله الأعضاء لك بالنسبه للهديه ممكن تكون نوع فاخم من العطور أو طقم للنوم والخروج أو عندما يأتيها الاهل أنت وزوقك |
برأي ان انسب هدية في هذا الوقت بالذات هو مبلغ من المال.. بطريقة جميلة..
بطريقة تشبه اول مرة قدمت اليها المهر و كأنها عروس جديدة.. بصراحة اخوي الفترة هذي المرأة تحتاج تجدد لأشياء كثيرة في نفسها.. لبس و شعر و ملابس و مساجات و حمامات مغربية و بدي كير و مانيكير..و اغراض شخصية جديدة لها هي.. لأنها فهلا مرحلة جديدة .. و تستهلك من المرأة جهدا و وقتا و مالا لتعود كما كانت.. و خلي الساعات و المجوهرات للمناسبات الجاية ان شالله |
جعله الله مباركا عليك وعلى أمة محمد ورزقكم بره بالنسبه للهديه يا اخي الكريم فيه عندك طريقتين للتقديم ... اما انك تشتري لها ذهب ( طقم , خاتم , اسواره , ) على قد المال اللي معاك ويناسب ميزانيتك .. او انك تفاجئها بسفره سواء داخل المملكه او خارجها << وهذا طبعاً يعود لحسب الميزانيه اللي معاك لكن الاهم من هذا كله طريقة التقديم لاتكون تقليديه لان المرأه لاتبهرها الهديه كثر ان تبهرها طريقة تقديمها واذا رسيت على امر معين وقررت ايش الهديه ان شاء الله راح نساعدك بطريقة التقديم والله يوفقكم ويسعدكم يارب |
اقتباس:
|
الله يكثر من امثالك ويكفيها انك فكرت فيها انا برايي فاجأها ذيك الليله بفندق وخلي البيبي عند اهلها طبعن اذاكان مايرضع منها او نضف البيت وحط فيه من حركات الشموع والورد ووووووووووووو بجانب هديه متواضعه فاغلب النساء تسعد ان زوجها فكر بها اكثر من الهديه نفسها والله يسخركم لبعض
|
| الساعة الآن 12:52 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©