|
أعيدوا لي زوجتي أو زوجوني
السلام عليكم_اخواني واخواتي الكرام اخوكم ابو ثامر عندي مشكله مع زوجتي حصلت قبل 3 شهور تقريبا بسبب شئ تافه للغايه ويعلم الله اني لم اقصر معها بشئ ابدا وان كنت عصبي بعض الشي لكن قلبي طيب وهي تعلم ذلك جيدا المشكله وهي انها طلبت مني احضار لها خادمه وقد لبيت طلبها اكثر من 8 مرات وكل مااحضر خادمه يقدر الله انها لاتريد ان تشتغل ومن ثم ارجعها الى مكتب الخدم واذهب الى مكتب اخر ابحث عن خادمه حتي صار عدد الخدم التي احضرتهم لها 8 خدم ويقدر الله انهن لايريدن ان يشتغلن المهم وذات يوم استيقظت من النوم العصر واريد ان اذهب خارج المنزل واذا بها تقول لي ياابوثامر اريدك ان تذهب الان الى مكاتب تبحث عن خادمه فقلت لها انتي ابحثي عن خادمه عن طريق جرائد الاعلان واذا وجدتي خادمه فأنا حاضر اذهب واحضرها لكي اما ان ابحث في جميع المكاتب عن خادمه فأنا لااستطيع بالعربي تعبت كثيرا وانا ابحث عن خادمه ومع الردود بيني وبينها قمت وصرخت بوجهها بصوت عالي ثم خرجت من المنزل ثم عدت بعد ربع ساعه فوجدتها خرجت من منزلي وتركت ابنائي لوحدهم بالبيت وذهبت عند اهلها وانا صار لي قرابة 3شهور عايش بشقتي لوحدي لم تحترمني ولم تحترم الحياة الزوجيه التي بيني وبينها ...اتصلت على تلفونها النقال فلاترد على اطلبها بتلفون منزل اهلها كذلك لاتريد سماع صوتي فتركتها عند اهلها ....فهل اجد حل عندكم يااهل الخبره والدرايه(اعيدوا زوجتي لي او زوجوني)
|
اخي في الله
اول شي انصحك بأن تدعو الله بأن يرد زوجتك ردا جميلا اكثر به عند السجود الشي الثاني انصحك بان تذهب وتقابلها مع هديه بسيطه حتى رجع المياه لمجاريها ان شاء الله هي يمكن حساسه لم تتحمل طريقتك معها التمس العذر لها وروح لها لم اكن اقصد اصارخ افقدت اعصابي والبيت من غيرك ما يسوى وتوكل على الله |
الله يهديها ... المشاكل الزوجيه لا تحل بالذهاب الى بيت الاهل
اتصل عليها و اعتذر منها و حاول ان تجعل اهلها يقنعونها بالرجوع الى المنزل |
اقتباس:
|
يعني زوجتك ما فكرت في أطفالها ؟
غريبة تصرف الزوجة لإني اللي أعرفه إنه مافي أي وحدة تفكر إنها تخرب بيتها إلا لوجود سبب قوي ؟ |
اخي انا اخت مومشكله
اللي بداخلك هه وساوس الشيطان اللي يبغي يخرب بينك وبين مرتك انت صل ركعتين واطلب الله ان يصلح فيما بينكم أسأل الله رب العرش العظيم ان ريجعكما بعضكما البعض الزواج اللي اعرفه فيه ايام حلوه ومره تذكر الأشياء الجمليه والأيجابيه واطفالك وكافح لاجلها |
على فكره ربما اهي زعلانه من بعض الأشياء وانت لا تدري
ساعات البنات يكتمون ولا يصرحون انا مثلا لما ازعل اكتم بداخلي ولا استطيع الرد ربما زوجتك هكذا ، التمس العذر وبادر بالصلح ولا تيأس ولا تجعل الشيطان يخرب بينكم |
واهي ليه ماتكافح من اجل الحياة الزوجيه الي قضيتها معها بحلوها ومرها لماذا لاتتصل فيني لماذا لاتكلمني حتى لما ارسل ابني لها حتي يقول لها ياماما بابا يريد ان يكلمك افتحي جهازك النقال فتقول خربان ومره قل له انني اصلي يعني قاعده تصرفني هل تعلم الزوجه انني لست راضي عنها ابدا هل تعلم ان حقي اعظم من حق والديها الا تعلم انني جنتها ونارها كما في الحديث الشريف ...ماذا تريد إذلالي او ماذا
|
يمكن تكون حامل وتمر بفترة وحم وما أدراك ما الوحم والنفسيات السيئة لدى بعضهن
|
اخي ، الرجل اعقل من المراه
وقلت لك المراه حساسه هي اكيد زعلت منك وتتصرف بغير عقل انت الآن بادر وانصحك اخي وبشده ان تبادر بالذهاب مع هديه بسيطه من قال انها لا تعاني انت لا تدري وربما هي بحال اردى منك بس المراه لما تزعل احيانا يكون زعلها قوي توكل على الله وبادر ببالصللح الله يرجعكم لبعض |
شوف , خلي ابنها يروحلها و يقول ماما أنا سمعت بابا بيقول حيجيب ماما جديدة
يومين و حترجع البيت إن شاء الله عض النساء تحتاج بعض الشدة و التهديد ربنا ييسرلك أمورك |
عذرا اختي نوران
زوجته يبدو انها زعلانه من امور اخرى وقويه وهو لا يدري طبعا يجب ان يبادر بالصلح لأن هي اساسا زعلانه اخي زوجتك ربما كاتمه امور واتفجرت من الزعل صدقني اسالني انتاردتالنصيحه والنصحيه المناسبه هي المحاوله الله يوفقك ويرجعها لك |
اقتباس:
فكره حلوه صلح مثلا انك تكلم وحده امام ولدك او واحد كانك تخطب منه وهو بيوصل لها الخبر واذا ماشفت تقدم انشر انك بتتزوج اخت زميلك اواي وحده بعيده هي ماتقدر تاصل لها وتتاكد من صحة كلامك ماعليك هي مو خايفه على عيالها لانها متاكده من مدى حرصكم عليها وكمان انت مثل مافهمت ساكن قريب من اهلها وعيالها ماغابوا عنها وصدقتني كم يوم وبتجي من الدوام الا هي بالبيت الله يهدي سركم |
أنا مع نوران وبقوه وكنت بكتب نفس الكلام قبل اقرا الردود بس اسمع مني( انت ارسل الولد واطلع وخذ لك كم يوم لاتمر عليهم ولاتتصل وصدقني بتجيك ركض ووالله لو صار هالشي وسمعت ان زوجي بيجيب ماما جديده ارد البيت هوا وهذا احنا يالحريم وعقب بتسئلك عن السالفه قولها وبهدوء وانت تقلب مجله او قناة او تلعب بتليفونك انك كنت تمزح وسألت الولد اذا يبي ماما جديده لأن البيت ماينفع بدون مره وسكر الموضوع بكل هدوء يعني رد بطريقه بارده تخليها ماتفرط فيك ولا دقيقه ولاتفكر تروح زعلانه بالطريقه هذي لبيت اهلها من خوفها من الموضوع ... وبالتوفيق
|
عليكم السلام ورحمة الله وبركاته
عفواً .. يُنقل للقسم المناسب . |
اقتباس:
ثم الطريقة ليست قاسية أبدا و قد أيدها عدد من الأعضاء و هذه الطريقة سبق أن أثبتت نجاحها في كثير من الأسر و الأخ قد حاول لكن دون فائدة و أنا لن أقف مع امرأة بتتدلع و سايبة بيتها 3 شهور !! و شكرا على تعليقك و الإختلاف في الرأي لا يفسد للود قضية |
يالغالي لازم تمرها
لا تفكر مين المفروض يمر .. فكر ان في حياة زوجية ولابد تحافظ عليها !! اخوي لو فكرنا كذا صدقني ما راح نسلم من المشاكل .. رح عندها وراضها ورجعها " يعني بالعربي خذها على قد عقلها " اخي انت الرجل والعصمة بيدك .. وانت المفروض الذي تكون أحكم .. وانت الذي بيدك التصرف المحوري والحساس ... اخوي روح لها وقول لها معليش آسف اني صرخت عليك ورجعها " عيشها الجو " وصدقني هي بتكبر هذا الشي فيك ... وبتقدره بعدين وانتو طالعيين في كوفي شوب مثلن صارحها .. قول لها ماله داعي تتركين البيت وتطلعين .. قول لها انا دست على كرامتي ورجعتك لانك غالية علي .. بس ترى مو كل مرة بقدر اسويها !! وقول لها خروجك من البيت يكبر المشكلة .. ايش بيكون موقف العيال !! يعني صارحها و ... وصدقني هي راح تقدر الشي هذا وتعرف انها متزوجة من رجل عظيم يقدر الحياة الزوجية ويضحي واخي صدقني الزوج الناجح يبين في مثل هذه المواقف ... فاتخذ القرار والموقف السليم الله يوفقك :) |
أنا من رأي الأخ ( خيركم لأهله ) ....كلامه منطقي وواقعي وعقلاني
أما حكاية أنك توصلها خبر انك راح تتزوج أخاف تكبر المشكله أكثر ... وأنت أعلم منا بعقلية زوجتك ومدى تقبلها لمثل هذا الأمر ... هي الله يصلحها تصرفها خاطئ 100% ... يعني الصراخ مو سبب مقنع انها تترك بيتها وأولادها ... فمابالك بردة فعلها لما يوصلها خبر زواجك لو كانت مجرد كذبه منك ؟؟!!!!! صدقني .. وان زانت الأمور بينكم راح تمسكها عليك مستقبلا ً ... لذلك , أنصحك بالحسنى وبالأخذ بالخاطر مع التأنيب والعتب فيما بعد على تصرفها الخاطئ ... الله يهدئ سركم ويجمعكم قريبا ً بإذنه تعالى |
زوجتك في بيت اهلها 3 شهور ؟؟
وين ابوها او اخوانها ؟؟!! ليه ما تكلمت مع واحد منهم عشان يكون واسطه بينكم بما انها رافضه ترد على مكالماتك !! وش تنتظر روح دق بابهم و كلم احد من اهلها .. |
ياعمار الكويت ..... وفقك الله الى كل خير
اعانك الله على زوجتك ......... ونصيحتي لك ان تتركها في بيت اهلها حتى تأتي من نفسها صاغره ان الحيت عليها وجاءت اليك ..... فسوف تسجلها منة منها عليك ان كانت تحبك وتحن عاى اطفالها فسوف تعود وان كانت غير ذلك فلا تأسف عليها ..... الله يعوضك خيرا منها تعلق بربك واكثر من الطاعات والاستغفار واجهل توكلك على الله فهو الرازق والمعين يسر الله امري وامرك |
اقتباس:
أوافقك الرأي وبقوه الموضوع سخيف ومايستاهل أنها تترك البيت والأولاد لوحدهم وتجلس 3 شهور ماترد عليك....أجل لو الموضوع كبير كان وش سوت؟؟ الله يصلح الحال |
أخي لا أنصحك بحكاية نشر موضوع الزواج لأن هذا ممكن يكون سبب في توليد الكره بينك وبين زوجتك
زياده وسبب البعد والأولاد هم الضحيه بالعكس دق بابهم وأستأذن بالدخول وخذ هديه حلوه لها وصالحها وصدقني الزوجه ماتزعل من شيء بهذا الأسلوب إلا ناتج تراكمات من زمان قديمه وحبت تطلعها والشيطان شا11111111طر ... ,,, !!! أختك : أريــــــج |
والله ياخوي اذا كان الموضوع الي قلته لنا صحيح وانك ماقصرت على زوجتك بشي بصراحه خروجها من بيتك على سبب تافه كاهذا السبب اسمحلي انه يسمى دلع حريم لا اكثر الا اذا كانت حامل هذا شي ثاني اتاكد الله يجزاك خير اماالاعضاء الي قالوا وصل لها خبر الزواج الافضل انك تتكلم مع اهلها وتقول اذا بنتكم ماتبغى تعيش معايا بروح اتزوج والحريم ماكثرهم الله يكتبلك الخير ويهدي زوجتك وتراعي حقوق الزوج
|
احس ان الموضوع ناقص
يعني عشانك بس صرخت في وجها تترك البيت ؟؟؟ يا اما انك قاسي معها على طول وهذه المشكلة البسيطة خلتها تطفش و تترك البيت والاولاد او ان شخصيتك ضعيفة لدرجة انها استهانت بك وبالعيال و بالحياة الزوجية و تبغي تلوي ذراعك الغريب انك ما كلمت رجل من اهلها في هذا الموضوع الحل انك تلكم ابوها او احد اخوانها ولا تخلي الموضوع يعدي بالساهل عشان ما يتكرر منها مرة ثانية ...وتصير عادة عندها كل ما صار بينكم موقف تركت لك البيت والعيال والله يسعدكم |
أول شي الدعاء
ثاني شي اذا كان الأمر كما قلت فأنصحك إنك ماتكلمها ولا ترجعها خلها لين ترجع لك ترى اذا رجعتها بتركب فوق راسك ثالث شي أنت سويت شي كبير كيف تجيب لها 8 خادمات وهي ماتقدر هالشي أنت معطيها وجه بزيادة وهي مع الأسف ماتحترمك قسيت عليك بس هذا الي أشوف إنه صح ولك الحرية |
هى أخطات حينما تركت البيت وبالمقابل دعها تتحمل نتيجه غلطتها
تمالك حالك حتى وان حنيت لها فهى لم تعمل حساب لك ولابنائها ولا حتى اهلها لهم دور بالصلح دعها وان طال الزمن بالاخير هم سوف يكلمونك ووقتها كن قوى وقل انها تركت المنزل لشىء تافه كن قوى حتى لا تكرر هى ما حصل |
معلش بس هذا دلع حرييم الله لا يبلانا
وشكلها الحرمة مو مقدرة الكنز الي معها والله سبحانه وتعالى يطلب منا الشكر للزيادة ( ولئن شكرتم لأزيدنكم ) وبالمقابل من يكفر بالنعمة ( ان عذابي لشديد ) اسمحلي اخوي انت مدلعها زياددددددددددددددددددددددددة عن اللزوم وما ادري ليش اكيد انت تعرف السبب وعليه عليك اما ان تتحمل ما جنته يداك وتكمل او تغير من اسلوبك وتسمعها كم كلمة ناشفة توصلها (( وليس التهديد بالثانية ) لا وصلها ان اسلوبها بيخليك تفكر بطريقة تعاملك معاها المفروض انت تزعل لانها تركت البيت (( لا و3 اشهر خير ان شاء الله ) شكلها الله المستعان ... وفقك الله واسمح لي يمكن تقلتها شوي بس والله انقهرت من طريقتها |
[color=FF0000]صراحه استعيلت
المشكله تافهه وكل الريايل يصرخون اذا تنرفزو عادي بعدين اذا اهيا اطلعت عشان مشكله خدم شخلت حق المشاكل العوده مثل الخيانه ومد الايد صراحه ماعندها سالفه وماتحمد ربها على العيال والزوج الي مثلك انا اعتقد عندها شي ثاني وانتهزت الهوشه عذر عشان تطلع الله يعلم بس اذا تبيها وباغيها وعشان اعيالك اعتقد فتره 3 اشهر كافيه عليها عشان تتادب وخلاص اذا طولت اكثر تتعود عالبعد عنك وصير عادي كلم عمك او اخوها وقعدو مع بعض وشرحو الوضع واسمعها للاخر وقول انك تنرفزت واسف بس عشان تمشي الامور تنازل يعني شتسوي الله يعينك[/color] |
يا قساوة قلبها ثلاث اشهر....وعلى ايش...عجبي..حتى تلفون..؟؟؟ انا يوم واحد ما اقدر ...!!!
كان من حقك إنك تصرخ.....لان كثر الزن يضيق الصدر ويعصب الواحد....وهي كل مره وتطلب خدامه وانت ما قصرت..<<<والله يعلم كيف طريقتها بالطلب في ناس يستفزوا الواحد ... وبالاخير ترد جميلك بهجر البيت ثلاث شهور.... الله يفرج همك.. وزيما سألت اختنا اميرات وين اهلها..؟؟؟؟ ناس غاويه مشااااكل وهدم بيوت...وللا هم وين من بنتهم...انا مع اللي قالوا لا ترد لها.... |
أستغرب من الردود اللي تحرض الأخ على زوجته ؟
إذا علينا بالظاهر فكيف عرفنا ما بينه و بين زوجته ؟ فيه واحد يجي و يقول و الله أنا ظالم زوجتي و هي تركتني و راحت لبيت أهلها وووو إلخ ؟ اللي أعرفه إنه مافي وحدة تحب تخرب بيتها بنفسها يا أخي نحن عارفين إنها غلطانة و الزوجة ما تترك بيت زوجها بدون ما تعطيه خبر و بدون إستئذان لكن راجع إنت أيضا أغلاطك إيش هي ؟ |
اذا كل زوجه عصب عليها زوجها طلعت وتركت البيت
على كذا كل البيوت مافيها زوجات وش دعوه معقوله هذا السبب اذا هذا السبب ياريت تكلم اهلها غريبه اهلها مالهم رده فعل على الموضوع؟؟؟ معقوله ماكلمت اهلها ولا اهلها كلموك ياليت توضح السالفه اكثر لان سبب ذهاب زوجتك لاهلها وبقائها ثلاث شهور بصراحه السبب مايستاهل هل هذا هو السبب انك صرخت عليها بسبب الخادمه؟؟؟والا في شي ثاني؟ |
اقتباس:
مستحيل تترك زوجتك البيت علشان سبب تافه مثل هذا ياريت توضح لنا أخطائك بكل صدق علشان نقدر نساعدك |
الله يعينك
|
اشكر جميع الاخوان والاخوات على ردودهم ...ياجماعه كذا مره جيت بيت اهلهم بالدوانيه وقعدت مع ابوها واخوانها سوالف لم يفتحوا موضوع بنتهم ابدا حتى اني لاحظت منهم عدم الاهتمام بموضوعي او مقصدين انهم مايفاتحوني بالموضوع وبصراحه نفسي ما طاوعتني اني افاتحهم عن المشكله ...وبخصوص اعيالي عند امهم وكل يوم او يومين امر عليهم واخذهم واشتريلهم واونسهم وبعدها اردهم حق امهم صار لي على الحاله قرابة 3شهور ....
|
عمار يا كويت اخوي اسمحلي راجع تصرفاتك ..................
وشوف نفسك وغير فيها ترى الخلل عندك اعذرني معلش بس هذه وجهة نظري المثل يقول يا فرعون ايش فرعنك يقول ما لقيت الي يردني وفهمك كفاية |
اتوقع زعلت من صوتك العالي لكن مالها حق ابداا في تصرفاتها الله يهديها موب طريقه اللي سوته والله يردها لك ويسخرها لك
|
دامك تروح لهم افتح الموضوع مع اهلها
اتوقع والله العليم انهم ينتظرونك تفتحه انت اسالهم عن سبب زعلتها وانها طلعت من بيتها وماوضحت لك السبب وشوف وش ردهم الله يجمع شملكم |
أخي لا تحسب الموضوع بمعادلة
هي من خرجت لوحدها = فلتعد لوحدها لاااااا يا أخي إن خرجت هي فأعدها أنت لا أقول ذلك مناصرة لها لمجرد أنها امرأة مثلي لاااا بل لأنك أنت سند لها في هذه الحياة أنت نصفها الآخر و هي نصفك الآخر ==> فهل يستطيع نصف رجل السير في شارع ؟ ==> كذلك...هل تستطيع أنت أن تعيش لوحدك ...................و ترعى أولادك دون مساندتها ؟ فكر بهدوء و إتجه لبيت أهلها بعزم قوي لا لتناقش (أنت أخطأت -أنا قلت -أنت قلتي،،،،) بل لتسترد جوهرتك المصونه كبحار يدافع عن لؤلؤته بجدارة و بعد أن تهدأ النفوس تستطيع بإذن الله الحوار معها بهدوء و مناقشة المشكلة الحقيقية و هي التسرع و عدم التأني عند الإنفعال لأن النفس الثائرة و المشحونه لا تقبل التوجيه في العادة و قل لها يا زوجتي دعينا نواجه هذه العقبة في طريق استقرار محبتنا بجدارة و لنتذكر أولادنا الأحباء و قبل أن تقدم على أي خطوة لا تنسى الاستخارة وفقكم الله |
ممكن تكون زوجتك عندها كبت من كثرة العمل في المنزل
ويكون الحمل ثقيل عليها وتكون انت مشغول عنها في العمل لان الزوجة تحب ان يشاركها الزوج في كل دقيقة حتي لو بالهاتف للاطمانان عليها ولله الموفق سارع انت ولاولااد وروح صالحها |
اليوم دق علي ابوها وقال ابيك انت وينك قلت قريب آمرني ياعم قال ابيك تمرني بدوانيه ابسولف لك قلت ابشر وحضرت عنده بالدوانيه فوجدت واحد من جيرانه جالس عنده وسوالف وقمت اسولف معاهم المهم بعد نصف ساعه قال لي ابيك اشوي برى الديوانيه وقمت معاه وجلست انا وياه بحوش بيتهم وقال شنو سالفتك مع ام ثامر (زوجتي)اشوفها من زمان قاعده عندنا تراني ماعندي خبر الي بينكم ....فقمت اسرد عليه المشكله وهي بالتحديد الخدامه والى أخره المهم قال بصراحه انا تركتكم من اجل ان تصلحون مشكلتكم بينكم لانه ساعات تدخل الاهل يزيد المشكله ولايحلها ثم قال راح اكلمها لك ولازم تقعد مع زوجتك وتحل المشكله الي بينكم قلت ماعندي مانع مستعد بالاصلاح ....والله كريم
|
| الساعة الآن 06:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©