|
انقطعت رسائله بعد الملكة .. موضوع هز ثقتي بنفسي
السلام عليكم ورحمة الله وبركاته
اتمنى القي عندكم تفسير اللي يبرد قلبي انا مخطوبه لي تقريباً سنه وكان بيني وبين خطيبي اللي اهو ولد خالتي مسجات اعياد ونكت قبل الملكه بحكم القرابه والميانه المهم بعد مملكنا انقطعت مسجاته نهايئاُ مع اني كنت اظن انو بعد الملكه بنكلم بعض مو بس مسجات ونصدمت من تصرفه هذا حتى مسج واحد يبارك لي بعد الملكه مرسله وطبعاً من المستحيل اني ابداء ورسل له وربي خايفه ليكون في شي بالموضوع مع انو هو اللي ختارني من بين بنات خوالي وانا الحمدالله جميله ومثقفه واخلاقي الكل يمدح فيها بس بعد هالتصرف اللي سواه هز ثقتي بنفسي تم تعديل العنوان بما يفصح عن محتوى النص المشرف / شاطئ المحبة |
وعليكم السلام والرحمة..
حبيبتي مالج غير الدعاء ,, والله يصلحكم ويثبت الود بينكم.. يمكن طول فترة الخطوبة لها تاثير..خليج واثقه من نفسج لانه الرجل مايحب المراة الضعيفة ..وحاولي تصارحينه بكل اللي بخاطرج.. بس سؤال.. يعني ماتكلمتوا فالتلفون !!!!!!!!!!!!! |
خيتو لا تلفون ولامسجات
وانا الحمدالله مو ضعيفه بس هالموضوع قهرني |
عزيزتي تمنيت لو لم تكن( الميانه) أو ماذكرتي قبل الملكة
لكن هذا ابداً مايهز الثقة بالنفس ومصير الخافي يبان!!! الله يوفقك لكل مايحب ويرضا. |
انا اشوف بما انه ولد خالتك والميانه بينكم عادي
ليه ما ترسلين له مسج عادي مثل المسجات الي ترسلينها له قبل ولا تتضايقين ولا شي جربي وشوفي |
أختي جروح الزمان
ما راح أتكلم عن وضعك قبل الملكة والمكالمات اللي بينكم لكن بتكلمك عن وضعكِ الحالي أول شي على ما يقولون الغايب عذره معه لكن انتي لا ترسلين له رسالة حب وغرام ، ارسلي رسالة تطمأنين فيها على حاله وتشرهين عليه يعني خلي رسالتك فيه نوع من الجدية علشان زوجك يدري باللي في خاطركِ ، ويدري إنكِ حريصة عليه وإتوقع إذا ارسلتي له هالرسالة اتوقع إنه بيرد عليكِ ويعتذر أو يبين لكِ سبب انقطاعه عموما الله يجمع بينكم على خير |
مشكورين خواتي ع التفاعل
خيتو انا المتمرده الميانه اللي كانت بينا كانت بحدود يعني مو مكالمات مسجات و اذا جيت خالتي وكان اهو موجود نسلم بس ولا اقعد عنده ومن جد خايفه من الخافي ونفسي اعرف وش هو من الحين لانو مو متحمله الصدمه بعدين خواتي انا مستحيييل ابداء انا وارسل له مسج لاني انا البنت وهو الولد يعني مفروض اهو يكون اجرى مني مو انا |
السلام عليكم
ربما كان هناك شئ خافي .. يعني يمكن احد من اهلك والدك او والدتك قالوله مانبي مكالمات ..الا بعد الزواج او يمكن هناك سوء فهم .. أبي اقولك شئ مهم .. بعد ملكتي اهلي نبهوا على زوجي انه مايحاول يتحكحك .. مع انه ولد خالتي .. وانا مره تضايقت وكان يهمني اتعرف عليه اكثر .. وبعد يهمني اني اعيش قصة حب مثل باقي البنات فيها شوق ووله وووووو الخ قلت بنفسي انا لو بادرت ما اكون بادرت الا على حلالي .. ولا احد يقدر يقولي على قول المصريين ثلث الثلاثه كم !! والي خلاني ابادر .. انه كان يراسل امي مع ان امي لاتقرا المسجات ولا تعرف ترد وهو كان يدري عن هالشئ بس يستهبل يبيني ارد عليه وفعلا راسلته كم مسج من جوال امي وكملنا على جوالي وعااااااااااااااااااااااااااااااادي شوفينا متزوجين لنا سنتين ووضعنا الحمدلله احلى من الحلى وكل مانفتكر ايام خطوبتنا يبوس ايدي ويقول انا مستحيل انسى فضلك علي (( يقصد لاني عطيته مجال)) ومع العلم ان زوجي قبيلي يعني عندنا بالسعوديه يقال عليهم بدو يعني صفاتنا وعاداتنا متعصبه شوي وكان يحقلي اخاف من سوء المبادره بس الحمدلله كل شئ كان تمام انا كتبتلك تجربتي وان شااء الله تفيدك انصحك لاتضيعي وقت ... اختك ضي النبراس 2 |
جوزك= حلالك , ايه المشكلة لو ارسلتيله مسج أو حتى اتصلتي عليه !!!
و بعدين كفاية الكلام اللي جاب الناس ورا , لازم الراجل يجري ورى البنت و لازم هو اللي يبدأ و لازم هو اللي يبادر !!!!!!!! انتم أزواج على سنة الله و رسوله , و الشرع ما قالش إن الراجل هو اللي يبدأ , و بعدين افرضي هو تعبان ؟ مريض ؟ عنده مشاكل ؟ يبقا أكيد محتاجك تتطمني عليه و مش حينسى وقفتك جنبه |
يمكن مسوي ثقل علييييك؟؟!!
شوفي كلمي اخته اذا تثقين فيها تساله من باب االاطمئنان .... انت كلمتها ....؟؟ ...ترسلها مسجااات..مثل كذا....تاخذ وتعطي معه وتشوف لك السبب؟؟! واذا ماتحبين انك تقولين لها...خلاص مثل ماقالوا لك الاخوات ارسلي له مسج عادي تطمأنين فيه عليه ونصيحة مني لك....لاتخلين ثقة تهتز على اي موقف يحصل بحياتك قويها مو تضعفيها موفقه ياقلبي ....وخبرينا لاتنسين بعد ماتضبط امورك |
عزيزتي انا اقلك لا ترسلين....(رأي)
|
يمكن مستحي ههههه
كلمي اخته او احد من اهله يسأله اخبارك معاه و اكيد راح يقول لهم انه ما كلم و لا رسل و تسأله عن السبب و يجيبو لك خبرة حبيبتي اذا بادر بشي بشرينا خلينا نفرح معاك الله يوفقك و يسعدك |
ضي
من جد نفسي تكون عندي شجاعه ع الاقل ورسل وشوف وش سالفته بس احسها صعبه جراءه مني واخاف تكون ردة فعله بارده وع فكره ضي حتى حنا قبلييين وبدو نوران ياحبي لكـ معصبه بس اختي لو كان مريض كان عرفت من خالتي يعني صعبه ابداء انا اخاف بعد الزواج يقولي انتي جرئيه ومن هالكلام ورد الغلا فكرت انه يسوي ثقل علي بس مادخلت مخي احس انو في شي قوي وخواته بصراحه استحي منهم وعلاقاتي معاهم سطحيه انا المتمرده انا معاك اني مارسل له لاني خايفه من العواقب وفي نفس الوقت نفسي اعرف شنو السبب كاشونا ترا من جد اهو انسان خجول وفكرت انو يمكن صار يستحي وسالفة اني ادخل خواته بالموضوع صعبه لاني استحي منهم ومثل ماقلت علاقتي معاهم سطحيه مشكوووووووووورين ع التفاعل الله يسعدكم ويفرج همكم وهم كل مسلم .. |
ممكن يكون زعلان كونك لم تسئلى عنه
اختى هو شرعا زوجك ارسلى له لا حل غير هذا |
من شنو يزعل ماتوقع انو زعلان مني
وربي احس اني بين نارين وفكري مشوش ونفسيتي زفت نفسي ارتاح اخاف في شي شين بسالفه |
من رأي ارسلي له فقط كلمة وحدة
كيفك ....؟ واتركيه اذا رد عليك برسالة كملي معاه او اتصل عليك ردي بس اذا ما رد لا تتصلي ولا ترسلي شي انا اذكر صديقتي قبل اربع سنوات ملكت وفي نفس يوم الملكة طلب رقم جوالها واعطته بس تخيلي بعد ما انتهت الحفلة ورجع بيت اهله وهم في منطقة وهي في منطقة اخرى انتظرت اتصاله بس ما اتصل ((وعلى فكرة هم اثنينهم قبايل ))المهم قعدت تنتظر اسبوع كامل وهي من الحرة مقهورة منه ليش ما اتصل عليها وصعب كان عليها انها تتصل انا نصحتها تكتب له رساله مضمونها ياترى في مثل هاليوم وين كنت ((طبعا صادف ان اليوم الي ارسلت فيها الرسالة يوافق نفس يوم ملكتهم )) وقام بعدها هل عليها بالاتصالات وكانت البداية يوقل كان مستحي منها ومو قادر يكلمها وهو متشوق لها بس عاشوا احلى ايام ملكتهم فإنتي نصيحة لك ارسلي فقط كلمة وحدة كيييييييييييييييفك .....؟ وبس وشوفي ردة فعله بعدها وتصرفي على اساسها |
استقلي اقرب مناسبه و ارسلي مسج
|
يا بنتي ده زوجك وله الحق عليكي انت اسالي عنه واطمئني عليه وبلاش تنشفي دماغك وتعملي راسك براسه وتقولي بنت وهو الولد والمبادرة من الرجال ...بين الزوجين ما في هدا الشيئ اللي تحكي عنه ...انتي بطناشك ده تضيعيه من ايدك ...حسسيه انك زوجته وخطيبته وحبيبته وكل حاجة لو هو بمشاكل فلن ينسى لك دالك بس الكارثة ان افتكر انك تتخلى عنه ومش سائلة فيه ولا يهمك فده له معاني كثيرة اهمها انك مش هامك في شيئ ولا تحبينه وده صعبة ...حطي النقط على الحروف معاه اولا واسالي عنه ان وجدتيه بخير فقد اطمنتي وتعرفي ايه سر غيابه ده منه وان كان يثقل عليكي فعلى الاقل تكوني عملتي اللي عليكي وعرفتي في ايه بدل حرقة الاعصاب ده اللي انت فيها حاليا وربنا يوفق الجميع
|
بنات عرفت السبب ويالتني ماعرفت وانصدمت صدمه عمري بنات وربي من امس وانا ابكي مدري وش اقول
حلفت ولد اختي اللي هو بعمري وبعمر خطيبي وين يقضي اغلب وقته وش يسوي يالاجازات صدمني واكتشفت الحقيقه المره بنات الحبيب مو فاضي لي لانو اغلب وقته يسفر تعرفون انو كل خميس وجمعه يكون يابمصر يالبحرين يدبي لو يفوت اسبوع ماسافر ينجن بنات معنى هالكلام انو راعي بنات ويمكن بعد راعي بلاوي ثانيه وهو دايم يكذب ع خالتي ويقول برووح اعتمر وبروح ازور واحد من ربعي وربي من قبل كنت شاكه بموضوع العمرات كل اسبوع لانو مو مطوع بنات خلاص وربي نفسي عافته مدري كيف افهم اهلي اني خلاص مابيه مابيه بس خايفه ع امي وخالتي يويل حالي تكفون يابنات وش اسوي ... |
لا حول ولا قوة الا بالله
لي عودة بإذن الله |
غريبة !!!!!
ولد خالتكِ ولا تعرفي عنه شي قبل الخطوبة !!! ويسافر لهذه البلدان وولد أختكِ يعرف اسباب سفره ولم يحذركم منه !!! أرجو من الاخت توضيح الامر لان فيه تناقض في بعض الاشياء لا اتهمكِ بشيء فقط نحب ان توضحي لنا |
اختي اهو دايم يغيب كل اسبووع ويقول لاهله انو رايح للعمره او مسافر لصديقه بالشرقيه ومن هالكلام كنت مستغربه بس من غبائي صدقت انو كان يسافر داخل الممكله مو برا
وبخصوص ولد اختي اهو صديقه ونفس طينته وكل واحد يغطي ع الثاني بس انا كنت اثق فيهم مره بس بعد الملكه شكيت انو في شي وصرت دايم اساله وسولف معه عل وعسى اطلع منه بشي وحلفته انو يقولي ولا راح ازعل وقالي وياليته سكت ابرك لي ورب البيت احس اني في دوومه ومدري وش اسوي يارب رحمتك .. |
| الساعة الآن 06:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©