تخلصت من مشكله العرس جاءت مشكلة حفل استقبال،ما ابغي اروح عطوني حل
 

اعرف اني اتعبتكم معاي
اعتذر عن عدم استطاعتي عل كتابة التفاصيل
بس اللي يعرفون موضوع ولد عمي معي، وخطيبته
من قبل فتره كتبت لكم عن العرس
الآن نهاية هالأسبوع حفل استقباله
انا لا اريد ان احضر
ايش اقولهم هالمره
وارجو ان يرد من يعرف اسباب رفضي للذهاب

لا تذهبي فقط بدون شرح ...

والوالده إذا سألوها..تقول مثلاً :ماتجهزت

فستانها انحرق وتعكر مزاجها

ولو انه ماله داعي الكذب

وماله داعي شرح أسباب

ياعمري يانايت..الله يرزقك بالزوج الي يسر قلبك

اللهم آميييييين
الله يجزيك كل خير اختي
انا ودي اقول السبب الحقيقي
بس بيطلعوني انا الغلطانه احس وولدهم مو غلطان
هل تنصيحيني اقول لزوجه عمي السبب الحقيقي اولا؟؟؟
اصلن تخيلي هم ما يتصلون فيني او بالوالده ، يخبرون ابوي بالكلام بس!

السبب الي خلاك ماتروحي للعرس خليه نفسه الي يمنعك هالمرة
ولو اني انصحك تروحي راح تستانسي وتغيري جو وتعملي واجب وتصلي رحم وتفرحي صدقيني لما تجهزي لمناسبة وتكشخي تكسري روتين وترتاحي كثييير
اين كان السبب الحقيقي طنشي وخليك افضل منه والمسامح كريم
الله يكتب لك كل خير ونفرح بك وبكل البنوتات عاجلا غير اجلا

اختي العزيزه توتي اقدر نصيحتك الغاليه
بس الأنسان يسامح على كل شي الا بمثل الموضوع سامحيني لا اريد اناكتبه مره اخرى هنا
وانا اعرف انه لن افرح ، لأني جربت نوعية اعراسهم وحفلاتهم من قبل

بيني وبينك اقول ادوس على قهري واروح ، لا ادري لا ادري

اسمعي نصيحتي واجعلي المشوار ابتغاء رضا الله ولصلة رحم ومقابلة السيئة بالحسنة والله بيفرحك ان شاء الله وارتاحي والبسي واكشخي مرررة وغيري لوكك وافرحي لفرحهم والله بيعطيك على قد نيتك وتسامحك معهم
وطنشي اي شي ممكن يكدرك او يضايقك

على فكره انا بالعرس ارسلت تهنئه لخطيبته لكنها لم ترد بكلمه شكرا حتى! وخطيبته تسيء معاملتي كانت

الحل في روحتك وحضورك الإستقبااال والزواج ------- لا تتهربين من واقعك-----

ياليت نكون اقوى عند مواجهة هذه الامور0000

الإستعانه بالله يا نايت00 ومقياس الامور بمقاييسها00 تجعلنا نتصرف بعقولنا00

صدقيني00 هناك في الاذكااار ادعيه 00إذا داومنا عليه00لم يعد يهمنا خلق الله صغااار النفوس00 ابحثي عنها

في الاورااد لتقويك وتعينك بعد الله0000

قلت لك هذا الكلام00لأني احب القوه في المؤمن والجديه في التعامل00 الهروب ووضع الرأس في التراب00

احسه يدمر الإنسان المؤمن00

واجهي بكل حكمه00وثقي بنفسك00ولا يهمك الناس !! فتتعبين وتتعيبين 00

اختي نايت00 اسأل الله لك من فضله العطيم00

ياقلبي انتي اللي فهمت من الاخت.. ان عرسهم اختلاط..ويعني اذا اختلاط واغاني.. وعطورات.. وين رضى الله..




حبيبيتي نايت.. لاتروحين.. ولايهمك الكلام.. لانه راح تتعطرين وتتمكيجين.. قدام رجال.. واغاني ابتعدي عن هذا الطريق..


من ترك شئ لله عوضة الله خير منه.. ورضى الله اهم.. وفيه ادعية درديها..

ونصيحة من وحده تحبك.. لا تقولين اي شئ.. هو الرجال تزوج.. بكرا الكلام راح يكوون ضدك..لا من ناحية التحرش.. ولا غيرة..


واذا حفل الاستقبال مو متخلط.. ورحي... ساعة وارجعي.. لاطولين..




والله يوفقك ياقلبي

حبيبتي نايت اعتذر اولا لاني لا اعرف بالمشكلة الاولى بس استنتجت من كلام الاخوات وردودهم استشفيت المشكلة الاساسية


حبيبتي
اذا صارك لك اي مشكلة بسبب وكانت النتيجة قطع رحم
فأنا احب اقولك ان تعوذي بالله من الشيطان الرجيم وخليك حبيبتي قوية بشخصيتك وبكلامك وجابهي ألد اعدائك بوجه طلق

وصدقيني بتصرفك هذا بيكون اعطيتيهم اكبر صفعة لكن اذا انطويتي على نفسك وجلستي حزينه كئيبه معناه انهم نجحوا في التنكيد عليك وبكوك واي تصرف سلبي بيكون منك راح يفرحهم

حبيبتي اسفة على كلامي
بس اتمنى تنزلي الموضوع الجاي توصفيلنا فيه عن حفلة الزوارة وش صار فيها وانك انبسطتي


تحياتي لك

يابنتى روحى اهو تغير جو وممكن حد يشوفك ويخطبك

مع هذا الراي

اشكركم جزيل الشكر
لا تتضايقو مني
بس انا اللي مخليني اتردد ، كم مره ارسلت مسجات قبل وبعد العرس لم ترد من باب المجامله وانا اكبر منها بفارق كبير
الشي الثاني سيكون فيها اهل ابي متواجدين
عائلتنا متحرره اصلا اغلبهم من الناس اللي اعملو لي مشاكل ومن اللي انسي الزواج وبناتهم اصغر مني تزوجو
يعني انتم طيبين لا تتوقعون احد يرشحني ،اصلا انا لا البس مثل بناتهم بالحفلات يعني انا مطوعه بالنسبه لهم لأني لا البس عاري
طولت عليكم
بس سخافه هالحفلات، خطوبه، عرس، استقبال
ناس تبغي الستر وناس كل يوم حفله

اتمنى ان اجد عندكم افكار اخرى لعدم الحضور لا تتضايقو مني انا عندي امور اهم مضايقتني

في امر بالنسبه عن صلة الرحم
لما احد يتكلم عنا ويريد التحرش هل بكل سهوله ستسامحونه

لا تروحي وخلاص بدون عذر واذا حكو شيء من وراك اهو احسن يشيلو من ذنوبك

انت مامطلوب منك تقدمي اي اعذار واحسن لك خلي عذر عام وقولي انا ما احظر اعراس غير اسلامية وبس

وياماناس يسووها ومو غريبة

نطلب وصله لموضوعك السابق لنفهم حبيبتى

اختي نايت حبيبتي .. تعوذي من ابليس وصلي على النبي ...

حبيبة قلبي الغاليه انتي مب ملزومه تروحين ومب ملزومه تبررين ... ولو تبين تبررين قولي انا مشغوله مب فاضيه كل يوم والثاني رايحه حفله في اشياء في حياتي اهم من الاشياء بووواااايد .. حسسيهم انك مب فاضيه لهالخرابيط ... ولاتنسين تضيفين لو ببارك التفلون موجود !!

واختي الغاليه ادري انها صعبه انك تسامحين بسهوله لكن الاجر عند الله واااايد كبيييير ... والله لو اقول لك صديقة عمري واللي يوم ملكتي جات مع الصالون تنصدمين سوت لي بلاوي وقالت عني كلام ماينقال بس عشان تفركش خطوبتي ... بس ربك كبير بسهل كل صعب ... مع ذلك والله اني اشوفها واسلم عليها واضخك معاها .. بالعكس والله احسن عليها احسها تعيسه في حياتها وتبي تخرب حياة غيرها ... " ماقدر اقول كل القصه في العام بس والله التسامح حلو تحسين نفسج كبيره ومترفعه عن تفاهات الحياه "

مع اني اقول اختي انتي روحي بعباتج المرتبه وشيلتج المرتبه ... بكل ادب واحترام .. ٍسلمي على العروس وطلعي وقولي لها مهما صار اخلاقي وادبي يلزموني اادي الواجب ...

ثقي بنفسك .. حبي نفسك ودلعيها .. عيشي حياتك يا الغاليه ... بكره ان شاء الله ربي يرزقك من حيث لاتحتسبين ويعرف الكل من هي نايت ..

ادري انه الزواج مهم في حياة كل بنت بس والله في اشياء وايد ممكن تسوينها قبل لاتتزوجين وتنشغلين ... وان شاء الله يارب بكره بس تنخطبين تفيدين ريلج معاج ..

موفقه ياقلبي :)

اخواتي الحبيبات ربما تيأسن مني
لكن ما مررت به من الطرفين سواء ليس بهين
وانا قد ارسلت مسجات وانا اكبر منها سنا لم تجاملني من باب احترام حتى
الأخت العزيزه متزوجه ولكن ، الله يجزيك خير ، وفعلا انا بعض الأعراس صرت لا احب اروحها لأن فعلا لا ارى الا عاريات وكانهن لم يصدقن ان تاتي فرصه للتعري الله يبعد عنا عن هالمسخره
الأخت العزيزه حاملة الهم، الله يبعد عنك الهم يارب، الله يجعل كل مساعده تقدمينها بميزان حسناتك
انتي انسانه طيبه ، لااقدر ان اكون مثلك،لأن الموضوع احسه يتعلق بالكرامه ، والمؤمن لا يؤمن حتى يحب الخير لغيره والطرفين ولد العم والأخرى قولا وفعلا لم يقصروا معي
انا لا امدح نفسي لكن بالسابق كنت اسامح من قبل لكن لم ارى منهم الا ما يحرق القلب ،وعن ارسال تهنئه فقد ارسلت لها
اشكركن خواتي والله يبعد عنكم الهموم يارب

اختي نايت مرت بنفس التجربة مع خطيبي الاول..حضرت زواجه و حضرت حفلة استقبالة

اختي روحي وانت رافعة راسك...ما عليك من احدو لايهمك كلام احد

الحمدلله ان رزقك مو عندهم عند اللي خلقهم..

و اذا لم تريدي الذهاب فلا تذهبي و لسب بحاجة ان تبرري موقفك لاحد..

و الله يفك كربتك و يرزقك الزوج الصالح اللي يحطك تاج فوق راسه

آسفه على التأخر

لا يانايت لاتجيبين طاري بشي...

حقك عند ربي مايضيع...أما الناس وش بيفيدوك حتى لو قلتيلهم

الناس ماترحم...وإذا ماحطوا السبب منك

أقل شي..بيقولون إنه سبب لك التحرش شي...لذلك تأخرتي بالزواج

انتبهي تقولين كلمة

في بنات تعرضوا لمضايقات من خدم أو من أقارب...وسكتوا

ومشت حياتهم...

انسيهم طلعيهم من بالك..ومادام ماردوا عليك برساله

فلا ترسلين مره ثانيه..

ومن جد انسيهم...يعني مايكفي الجروح الي سببوها لك

جالسه تكملين وتحرقين بنفسك علشانهم

الله يعوضك بالرجل الصالح الي يسرك...وإنتي في جهاد مع النفس

رغم توفر الظروف الي تساعدك على عدم الالتزام

وإنتي ماشاء الله عطيتنا دروس في الجهاد ومقاومة الدنيا الزائفة

الله يرفع حظك دنيا وآخره

وينزل على قلبك السكينة والرضى..

اشتقت لك اختى نايت اين انت واين مواضعيك
الله يهنيك ويرزقك من فضله
ونسمع عليك كل خير

أشكركم لوقفتكم معي
اشكركم على خوفكم علي اللي هو اكثر من خوف اقربائي علي
الله يجزيكم كل الخير ويبعد عنكم هموم الدنيا والآخره
انا محرجه لعدم استطاعتي بالرد على كل اخت عزيزه واخ على حده
بس الله يجعل بموازين حسناتكم كل ما كتبتوه

لم اقدر ان اذهب ،الحمد لله على كل حال وصارت اشياء الله يسامحهم، لكن لأسباب خوفا من معرفه هويتي لا استطيع السرد
اعذروني ان غبت لكن ظروفي ونفسيتي تمنعني