|
موقفي ووالدتي مع ام زوجي للفائده ..؟؟
|
الحمد الله يااختي انو المشكله عدت بسلالالالالالالالالالالام وماشاء الله على امك باين عليها رجاحه العقل واسمعي كلام امك و إن شاء الله راح يجي يوم حتنشغل ام زوجك عنك ودايم يااختي ادعي في صلاتك اللهم اشغل ام زوجي بنفسها والحمد الله انها حامل علشان تنشغل با المولود
|
نصيحيتي لكي اختي
كل ما تصير معك مشكلة من هالنوع إلجأي الى امك لانو واضح ما شاء الله انو مخها كبير وعندها فطنة ودراية وان شاء الله ما رح تندمي |
الأخت ضي النبراس وفقك الله
أحيي فيك التربية الحسنة ورجاحة العقل وتوقير الكبير وغفران زلته ونصيحة لله لاتقحمي أمك وزوجك في مشاكلك مع خالتك فأنتي تضعينهم أمام خيارات صعبة أحلاهما مرررر وماعليك سوى الصبر عليها وستنالين الأجر وسيبرك أبناءك كما تحبين أن تبري بأمك, ولاخير في زوج لايبر أمه ويجب عليك تشجيعه على البر بأمه حتى لايحس أنكِ تكرهينها , والدنيا سلف ودين والمرأة الحكيمة ومن هي مثلك تعلم أن من لاخير فيه لأمه وأهله لاخير فيه لزوجته وأولاده بارك الله فيك وكثر من أمثالك وزادكِ حلماً وصبراً ,ونور بالإيمان طريقك |
ماشاء الله عليكي وعلى عقلك الله يعطيكي العافيه
والحمد لله ان امك اخت حماتك عشان ماتصير عداوه ابدااااااااااااااااااااااا ان شاء الله تنشغل بمولودها الجديد وتخف عليكي ممكن هذا الحمل جاء حتي تخفف عنك سبحان الله الله يوفقك ويهدي حماتك |
اسمحي لي غيرت عنوان موضوعك
لشدة اعجابي برجاحة عقلك وحكمة والدتك الله يكملك بعقلك ويسخر لك زوجك ويهدئ سركم يارب واضح ان خالتك تغار وغيره شديده نظرا لانها مازلت شابه اشتري لها قمصان نوم هديه منك وعلميها على الشموع والرومانسيات وياليت بعد نفاسها تنظمي انتي وزوجك سفره لها هي وزوجها لنفس البلد اللي رحتوا له تاثير الحمل والتعب في هذا السن جعلها تزداد عصبيه عليكم ولكن لي عتب بسيط اقتباس:
في المرات القادمه راضوها ولا تسافروا الا وهي راضيه بدعوات لكم منها |
الف شكر على مروركم
وتعليقاتكم الي اسعدتنا وريحة قلبي فرج الله كربكم دنيا وآخره مثلما فرجتم خاطري الله يعطيكم العافيه ويدوم علينا هذا المنتدى بالخير والصلاح للجميع << تعليقي على ردودكم بشكل عام >> عموما خالتي انا بحاول اني اروض نفسي على اسلوبها ويعلم الله انه صارتلي مواقف معاها كثيره انظلمت فيها من ردود فعلها وصراخها علي الشرس وما اقابلها الا بالهدوء والدموع ومحاولة تبرير موقفي ولاكن عادة تنتهي دون جدوى تدرون الشئ الي يهون علي ان الطناش يجيب مع خالاتي نتيجه فتاكه على قول الدعايات لدرجة تكون بلحظه تهاجمني ولما اطنش واسكت بعدها بساعه تتصل فيني تسالني عن اي شئ (( وتتحكحك.. بعني تدور سالفه تتكلم معاي فيها )) يعني بتفهمني انه ماصار شئ اها نسيت اقولكم بعد الي صار اليوم بعد ماجيت من دوامي نمت واتصلت فيني خالتي تسالني عن رقم جارتنا اعطتها الرقم عادي وقفلت بعدها بساعه اتصلت مره ثانيه وقالتلي انزلي اشربي الشاي معاي قلتلها ابد انا تعبانه وابغا انام قالت طيب تعالي اتغدي قلتلها لا انا مسويه رجيم قالت طيب تعالي اشربي شاي انا مشتريه مكسرات وحركات شاي تعجبك انا اصريت اني ما انزل لان بصراحه احس لسه مضايقه من الي صار واخاف تفتح الموضوع وابدا انا نقاش ودموع ومأساة انا في غنى عنها فأختصرت على نفسي المشاكل وبس بالنهايه الله لايحرمنا من بعض يارب ويدوم هالمنتدى علينا امين يارب العالمين |
ما شاء الله عليك يا ضي نبراس في الحقيقه يعجبني فيك (الحليم وكضم الغيض )
ولو انك قلتي اني عصبيه بس يدل على احترامك لخالتك حاولي انك تكسبين خالتك باي طريقه ؟مثلا تجيبن لها هديه او تعزمينها عندك فوق تغيييير والاسلوب الحلو له دور فعال في يغير خالتك ان شاء الله والله يوفقك ويسخرلك |
الله يجزاكم الجنه ياررب
وعلى ارشادكم لي وتصويبي تسلمي اخت شوشو دلوعه والله هالدنيا ماتسوى صراخ ومقاطعه وكراهيه وحقد يبيلها طناش وبس في مقوله كنا نرددها زمان طنش عش تنتعش ورجلك ترتعش وشعرك ينتفش وهذا الي بسويه بس خلوا على جمب شعري ينتفش ما ابي اهجج زوجي خخخخخخخخخخخخخخخخخ فمان الكريم |
ماشاء الله عليك
والله اني مدري لو انا مكانك وش كان تصرفي اذا على موضضوعك انتي وولعت فما بالك لو انا بس فعلا التطنيش حل حلو في المواقف |
هلا ام السوسه
وانت الصادقه الصبر حلو في كل الاوقات تسلمي على مرورك وجزاكم الله كل الخير |
أختي معاك حق
بس تدري ؟ لو أنا زوجي أمه أخت أمي أكييييييد أمي راح توقف ضدي :d ربي يوفقكم مع بعض :) |
لا تقولي كذا يا اخت روح الطير
انا كنت اقول نفس كلامك لان امي تعشق خالتي وماتخبي عنها شئ وهم مره قريبين من بعض بس لان المشكله كانت بالنسبه لي صدمه امي الله يحفظها لي قدرت موقفي ونصحتني بحكم معرفتها بطبيعة خالتي لانها اختها والحمدلله عدت بسلام وجزاك الله خير جزاء |
من جد أنت إنســـــــــــانة صبورة
يعني أنا لو صار لي نفس الموقف راح أطــــــــلع من البيت دون رجعة هذا لو ما طولت لسااااااااااني عليها |
ما شاء الله عليك الله يبارك فيك وفي من رباك تصرفت صح ووالدتك أيضا
الله يديم السعادة بينكم اميييييييييين |
اهلا وسهلا بكل الي زاروا الموضوع
والي علقوا يمكن اغلب الي ردوا وعقبوا على بالهم اني عملت معجزه بينما في موقفي دور المفاجأه هو الي لعب دوره يعني المفاجأه صدمتني وخلتني افكر بالحل 1000 مره تدرون تعلمت والله من هالموقف إني اعد للألف قبل اي تصرف علشان ما اقول ((ياليت الي جرا ماكان )) وان شااء الله الكل يستفيد يارب وحياكم الله |
أبي أضيف شئ إذا في مجال
وحده صديقه لي حكيت لها الي صار معاي تدرون فاجئتني بأنه اختها صارلها نفس الشئ ويمكن هي مشكلتها اكبر بأني ام زوجها اذا زارتهم بالبيت لاااااازم تدخل غرفة النوم وتفتش فيها على عينك ياتاجر ... طيب كل وحده فيكم تقولي انت مكان هذه بالفعل اش حتسوي لانه هي موقفها محرج اكثر العصبيه والصراخ بهالموقف ابد ماتنفع يعني لو قلتيلها من سمحلك تدخلين هذا يعني كأنك بتطردينها ولاتنسي هي ضيفه وهي ام زوجك وهي اكبر منك فأشلون حتحكمي عقلك بهاللحظه يالله جاوبوني وخلونا نستفيد ؟؟؟!!!؟؟؟ |
ما اقول غير هذا الشبل من ذاك الاسد
ما اروع من عقلك واخلاقك الراقية الا امك الله يحفظكم ويعطيكم من حيث لا تحتسبون ويكثر من امثالكم يا رب |
غاليتــي .. الله يكملـج بعقلـج ...
أسلوبـج رآقي .. وعقلج وآعـي .... قدرتـج على التفكيـر .. في الوقـت الي يفترض في العصبيــه .. إن دل ... فهو يدل على الحلم .. ويا بخــت من كــآن حليم .. صبور !! الله يوفقــج ... ويرزقـج على قد نيتـج ... أمــا عن ربيعتــج الي أم زوج أختهــآ تدخل غرفـة نومهــآ كل زيــآرة .. أعتقـد إنـه تسمــح لهــآ أول مرة وتبتســم أحلى أبتسـآمـه وما تحسسهــآ بشي .. واليــوم الي تتوقـع ولو توقع إنـه أم زوجهـآ بتزورهــآ تقفل بـآب غرفه نومهاا ... وتقعد (( أم زوجهـآ )) في الصــآله وتحـآول تلهيــهـآ عن غرفـة النوم !!!! وإذا تجرأت وراحت الغرفـه ولقتهاا مقفوله .. تتعذر بآي حجـه .. مرة ومرتين وثلآثــه ... ألين تنسيهـــآ إن في غرفـه نوووم ^_^ وتقبلي مرورري *_* |
الله يسلمكم على ردودكم الرائعه
جزاكم الله خير جزاء أختكم ضي النبراس 2 |
ما شاء الله حسنا فعلتي وأمك
|
الله يسلمك يا صبا نجد
وشاكره مرورك وتعقيبك |
| الساعة الآن 11:28 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©