|
شلون ما رد على المكالمه بدون ما يزعل..((ام الحسين و عمر))
السلام عليكم
والله ادري مللتكم بس ما عندي احد غير الله ثم انتو الله لا يحرمني منكم اليوم خطيبي و اهله سافرو (المفروض بعد صلاة الجمعه بس تغير الحجز) و ان شاء الله الاسبوع الياي بيون "الاهل كلهم" بس اهو بيي يو م العرس من الصبح للحين طرش 7 مسجات و انا مادريت عليه (استحي:d) المهم اخر مسج كان تصبحين ع الخير شكلك مشغوله ابغي ربع ساعه بعد صلاة الفجر يعني يبي يكلمني و انا مرتبكه وااااااااايد صج كنت معاه و تكلمنه بس التلفون احس غير ما في سكوت الحين ابي اسئلكم كيف اتهرب من المكالمه اليايه الصراحه ما اقدر اكلمه و ابي اثقل و اخليه يشتاق لي ما باقي شى غير 12 يوم جزاكم الله خير |
من تغلى تخلى
كلميه وعلقيه فيك بصوتك وكلامك يفرح فيكي وتفرحي فيه هو مشتاق سواء سمع صوتك اولم يسمع |
ناااامي :d
صلي الفجر ,,, وادعي ربنا يجمع بينكم ع الخير ويآلف بين قلوبكم ونااامي :d وبس تصحي ... ارسلي له رسالة دعوة حلوة ,,, خاصة بيوم الجمعة واعتذري منه في آخرها قولي انك كنتي نايمة ,,, أظن من فرحته برسلتك ودعوتك بينسى الزعل ,,, والله يتمم أمورك على خير ,,, ونصيحتي لك ,,, تممي أمورك بالكتمان ,,, وبهذه الفترة خلال الـــ12 يوم داومي على قراءة سورة البقرة وتحصين النفس ياغالية ,.,, والله يتمم أموركم على الخير ويسهل لك امرك ويسعد ويبارك في أيامك |
لاحول ولاقوة الا بالله
هالبنت يبي اكفخها شوي اختي باكون معاج قاسيه حرام عليج تحرمينه كل بنت تتمنى يطرش لها خطيبها مسجات ويشتاق لصوتها انتي حلاله ولا تحرمينه اهو يبغي بس يكلمج ربع ساعه ومستغربه منج انتي طلعتي معاه ومرتاحه له وما تردين على مسجااته يعني انا اعندي اصعب لو كنتي معاه , بالتلفون والمسجات اسهل!!!!!!!! |
انا من وجهه نظري انك تردي عليه وتكلمينه علشان تفهمينه اكثر ويفهمك اكثر
وتتعرفي عليه اكثر.. الله يسعدك ويوفقك. |
شكرررررررررررا
نايت خواتي يقولون انى امعقده كان وياي و يترجاني عشان انروح السوق معاه بس كنت ارفض طلعت معاه يوم الملجه بس و بعدين كان ايي الغرفه و انا مع خواته و يتحرش فيني بس بروحنا ما اقدر و فى التلفون اسمع كلام الحب و غيره بدون ما ارد ما يصير الأخت الكريمة .. يرجى الابتعاد عن اللهجات المحلية قدر ما أمكن المشرف / شاطئ المحبة |
و انا خايفه يفتح موضوع ليلة الدخله انا اتوقع منه اي شى من جذي خايفه
|
انتي هل لأنج ما تعرفين كلام حب ما تبغين تردين?
ترا لا تحاتين لانج بنت نظيفه ما تعرفين بالعكس الله يثبتج ماعرف انا ما عرف اقول كلام حلو بس انصحج تكملينه علشان تتعلمين وبعدين تقولين له |
دخله بعد الفجر ، ما اتوقع ، وان كان فرحك قريب استغلي هالفرصه عشان خوفج يخف
واوصيج بالرقيه اختي |
قلت حق اختي تقول شكلح انتي اللى بدشين فى الموضوع قبل
|
هالآيه سمعت شيخ ينصح بها قبل لاتردين اقري بسم الله الرحمن الرحيم وجعلنا من بين ايديهم سدا ومن خلفهم سدا فأغشيناهم فهم لا يبصرون
وصلي ركعتين قبل الفجر وتوكلي على الله |
ان شاء الله تصبحون على خير نشوف بعد الفجر ارد او لاء
|
لا حراااااام عليك خليه يكلمك لو شوي بعدين اعتذري منه بحجة انه عندك مشوار بدري في الصباح
بس اهم شي لاتهملينه...حرررررام رحمته ذكرتيني بزوجي لما كنا ممكلين.. و الله انه يضيق صدره مسكين لما مارد عليه :22::22: ترى زوجك متلهف لك ويبي يسمع صوتك و الحمدلله انه مابقى على زواجكم الاكم يوم,,يعني عادي لاتتغلين...والله رحمته ... و الله يوفقك و انبسطت لك مرة...و اذا الله كتب لك عمرة ثانيه...لا تنسيني من دعائك..و ادعي لي بالذرية الصالحة و الله ييسر لك امورك..و عادي انا زوجي كلامه حجازي (قح) و تخطينا العوائق :d |
حرام يا بنوتة
كلميه ردي عليه عشان تتعودي عليه يوم الدخلة بتكوني مرعوبة إذا أول مرة تكلمينه عادي يا بنتي أصلا لما تردي عليه و تسكتي و تستحي و تضحكي ( حركات البنات الحلوات ) راح يفرح فيج زيادة نصيحة من أختك لا تزعليه و ردي عليه أختي يا بنتي اللي قالك اثقلي حاقد عليج , هم 12 يوم استمتعي فيهم و مبروووووووووك و الله يتمم عليكم بكل خير و الله يحفظكم من العين و الحسد كلووووووووووووش , ألف الصلاة و السلام عليك يا حبيب الله محمدكللللللللللوووووش |
اختي .... حراااااااااااااااااااااام عليييييج ... 7 مسجات وقلبج طاوعج ماتردين عليه فقير ... ليش تسوين جي .. والله عور قلبي زوجج <<< احسسج بالذنب :d
اختي تعوذي من ابليس وصلي على النبي .. وكلميه الفجر بحياؤ ولو تقومينه حق الصلاه يكون احسن بعد :d الله يجمع بينكم على خير ونصيحه ياختي لوجه الله .. لاتتغلين عليه وااااااااايد ... عشان تاخذون ع بعض وماتكون اول ليله صعببببه واااايد ... الله بسعدكم يارب |
طمنيه انك من النوع الي تطيع وتسمع كلام زوجها فديري بالك ماتردين عليه لان راح تكسرين خاطره وممكن يشك انك ما تريدين تكلميه
|
cutiepie كلمه عسل على قلبي و لا يسمعون ازوجنا و :29:
شفتو شلون انا تفكيري (مش كويس):D:D المسكيييين يبي يطمن على و يسمع صوتي و انا اظن ال .... مشكورين و دعواتكم |
حبيبتي دائما ما ينصح المخطوبين اذا كانت فترة الخطوبه طويله بانهم ما ييتمادون اكثر من الالزم
بس يا عمري انتي باقي 12 يوم ووتكونين معاه تحت سقف واحد ......انصحك استغلي هاي الايام للتقارب بالتلفون والمسجات ........وكلميه كلما طلبك وبينيله خجلك ودلعك راح يفرح فيكي كثيييييير ترى ما في احلى من هالايام وبالنسبه لكي راح تكون قليله وان شا ءالله سعيده ويتممها ربنا باحلى زواج واحلى حياة زوجيه والله اني فرحانتلك من كل قلبي |
له له له يا أم الحسين وعمر
بزعل منك ترى هيك وانا بقول عنك ست العاقلين ما يسوي إحكي مع الرجال بقولك شي خليه مثل الضمآن ارويه ماء بس ما تشيلي العطش فهمك كفاية يا ست العرائس أم وليد |
يا اختي عيشي هالايام و استمتعي فيها
ما راح ترجع..راح تتمنينها ترجع بعد الزواج. كلميه و هو بحس بخجلك و راح يدغدغ فلبه و تلتهب مشاعره و راح يتمنى هالخجل ما يخلص. تدللى و تدلعي عليه خليه يهيم فيك و انتي حبيه و اعشقيه ايام الخطوبه ما تتعوض. الله يسعدكم دوم |
الدلال حلو بس كل شي يزيد عن حده ينقلب ضده
|
لا اليوم غيييير خليته يطييير من الفرح :d
الله يقدرني على طاعته و مشكورين بارك الله فيكم و يخليكم لي |
الله يهنييكم ويسعدكم يارب ويخليكم لبعض ان شاء الله ...
|
الله يسعدكم ويوفقكم ويكفيكم شر العييييييييييييييييييييييييين
|
عسى تذكرتي كلامي هههه ، الله يسر لج
بصراحه عندي سؤال ولو مو وقته ولا ني بخطوبه بس فعلا ودي اعرف هل البنت لو انخطبت لازم تكون ثقيله يعني ما ترد لا تنسيني من دعواتك الطيبه |
الله يسعدكم و لاتنسين قرائة المعوذات..ترى العين حق
|
| الساعة الآن 10:40 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©