بنتي عمرها سنه و ؟؟
 

السلام عليكم ورحمة الله وبركاته

بصراحه مدري كيف ابدا محتاجه استشارتكم انا عندي شغالة وعندي بنتين وحدةسنتين و3شهور ووحده سنه المهم اذا جيت انومهم انوم الكبيرةعندي واخلي الشغالة تنوم الصغيرة وبعد كذا اخذها عندي وهكذاااااااااا المهم الاسبوع الماضي رحنا جده وكنا بشقةمفروشة وناموا بناتي كلهم عندالشغالةوانا كنت موجودة المهم لاحظت ان بنتي الصغيرةاللي عمرها سنة تسوي حركة غريبة تنام على بطنها وترتفع وتنزل كنها تحاول تحك المنطقةالحساسة الادهى والامر انهاتحط الرضاعه تحت بطنهاوالمنطقه الحساسةوتتحرك على الرضاعة تخيلوا عمرها سنة وانا بصراحة انجنيت ماني مصدقة وش رايكم تكون الشغالة تسوي لها شي وبهالعمر حسبي اللةونعم الوكيل وليلة حطيتهاعندها ورجعت فجأةفتحت الباب لقيت بنتي تحت على ظهرها والشغالة فاشحه عليها طبعا مطفيةاللمبه بس لما فتحت الباب ارتبكت وتحركت بسرعه ياعالم ماني مستوعبة اللي عندها خبرة اوعلم تطمني انا الحين ماعاد انومها عندها بس اخاف اذا رحت المدرسة تسوي شي وانا طبعاتكلمت على الشغالةوقلت انتبهي لاتنومين بنتي على بطنها نهاااااااااائيا وعصبت بس على خفيف خفت على بناتي وشرايكم الحل

حبيبتى غيرى الشغاله انا عارفه ان الموضوع مش سهل بس عشان بالك يرتاح فى كل الاوقات
ثانى شئ ليه ما تجلسى فى البيت لرعاية بناتك هن 3 بنات محتاجين لك اكتر من الشغاله بكثير
والله يعينك على تربيتهم

لا مو ثلاث بنات بنتين فقط وحده سنتين و3شهور و وحده عمرها سنة واللة ودي اجلس بالبيت بس علي قرض للبنك

للاسف حبيبتي هذي الزيجات من الخدم موجود وبكثره وانا قريت قصص كثير عن هالشي
وانا اكلمك من جد انتبهي لبناتك وروحي شغالتك وانتبهيلهم انتي لاتضعينهم
الله يكون في عونك وعون الجميع..................

لاتلوموني انا مدرسة ووقتي ضيق واذا اخذت الثنتين عندي ماينامون يضحكون ويلعبون وبدل ماينامون بربع ساعة اقعدساعتين انومهم والحين طبعا انومهم عندي بس ابي حل عشان ماتستمربنتي بهالشي كيف اعالج المشكلةوالشغالةاسفرها والا كيف؟

ترى شي مو سهل خاصة انها البنت الصغيرة يعني ما تقدر تقول شي ..
والله يستر هذي ما تومن أبد ..


ممكن ما تنومين البنات عندها نوميهم بغرفتهم , وخلي الباب مفتوح , وهي نوميها بعيد عنهم بغرفة ثاااااااااااانية بعيدة حتى لو كان في المجلس وسكري عليكم الجناح أو سكري قسم المجلس عليها وإذا صحيتي الصباح افتحي عليها الباب ..
وبالصباح ما تقدري تحطي بناتك بالحضانة الخاصة بمدرستك وخليها هي تروح معهم تنتبه عليهم بس ما تنفرد فيهم بالبيت لحالهم ..
أو حطيها هي والبنات عند امك او ام رجلك أو حتى وحدة من صاحباتك , مادام شغالتهم معاهم محد بيردهم , وفي هالأيام كمان حريم يستقبلون أطفال عندهم بالبيت ..


الله يسهل أمرك ويفرج همك

أنصحك وبشكل عاجل البدء في تسفير هذه الشغالة و جلب شغالة أخرى مع المراقبة الدائمة لها خصوصا مع الأطفال

أختي

الطفل يقلد كل شئ يشوفه من الكبار و خاصة في السن هذا

فانتبهي على بنتك

لا حول ولا قوة الا بالله .... حبيبتي ريمية ... هذي مايبي لها سؤال ... أكيد تسفرين الشغاله على طول ... أصلا ً كيف تأمنيها على بناتك بعد اللي شفتيه ...

كان الله بعونك .. بصراحه .. أنا أمووووت قهر لما أشوف الأطفال يستغلون بهذه الطريقه وهم لا حول لهم ولا قوة ...

انصحك بإستشارة أخصائي نفسي .. أو الأطلاع على بعض المواقع التي تشرح كيفيه علاج الأطفال في هذا العمر من آثار التحرش الجنسي ...ومن ثم إبدأي ذلك مع ابنتك ..

وأقبلي نصيحة أم عندها طفلين مثلك .. لا للنوم مع او عند الشغالات ... أعتقد سهر ساعه ولا معاناة نفسية لطفلك ..
ومتى مارجعت من الداوم يكون دوام شغالتك مع بناتك انتهى ... بمعنى جاء دورك انتي للأهتمام بهم ...

نصيحة من اخ لأخته تسفير الشغاله تسفير نهائي بدون رجعه

ونوم الاطفال بغرفة الشغاله هذا والله اكبر غلط

لا تعودينهم باحضان الشغالات

تراك مسؤله عن ابنائك لا تجعلى الشغاله تربيهم عنك

ولا تتعذري با الشغل وغيره

فيه وسال ثانية انك تضعين الابناء وقت خروجك من البيت

الله يحفظ ابنائك من كل شر

الله يعينك حبيبتي

بس انامن رايي انك تاخذين اجازه وتهتمين ببناتك وتحاولين تنسينها هالحركه

بانك تشغليها باشياءثانيه والشغاله بدون ترددلازم تبعديهاوتسفرينها

وافعلاحاولي تودينهم لحضانه افضل من الخدامات وشرهم

حرام انت مسؤله عنهم اناعندي ولدين

والله اتعب معاهم بس لمااسمع عن مشاكل الخادمات مافكراقرب اولادي لها

اناتعبت في حملهم وولادتهم مومجبوره اخسرهم بسبب التعب بتحمل الين يكبروا ويفهمو الصح من الخطا

والله يكون بعون كل ام