|
عرض عليا ابنتة للزواج لكن !!! الشوفة ممنوعة!!!
السلام عليكم ورحمة الله وبركاته ..
انا واحد من الجماعة عرض علي بنته وانا لي مدة شاورت واستخرت الله فوجد اني منشرح الصدجر الي هذا الامر . لكن ان الاحظ اني متردد وكل العائلة وافقه على هذا الامر ... ارجو مشاركتم ... الاشراف: عذراً تم تغيير العنوان , بالتوفيق. |
يا اخون ارجو الرد .........مهم
|
الله يوفقك يا أخي
إذا كانت البنت فيها المواصفات التي ترغب أن تكون زوجة لك فأتكل على و بتوفيق |
اخي في الله مدام استخرت الله فالله لن يخيبك
نصيحتي ان تشوف البنت شوفه شرعيه ،من خلال الشوفه والجلوس معها راح يتضح لك ان كانت مناسبه لك و تتناقش معها قبل العقد فان ارتحت لها توكل على الله |
اخي الكريم محتار في االزواج00
امر الخطوبه والزواج ليس بالشئ السهل00 قد يكون من اصعب الأمور التي تمر على الإنسان00 فتاة كانت ام شاب00 فترددك شئ طبيعي00 خطوات قمت بها 00جعلها الله خطوات مباركه00 من الإستشاره والإستخاره00 وتمت بإنشراح الصدر00 ما عليك إلا بالخطوه الأهم وهي00 الرؤيه الشرعيه للفتاة00 فهي جدا مهمه وتبين مدى ارتياحك واستمرارك في مشروع الخطبه00 وقد تزيل ما تشعر به من تردد00وتحسم الامر !! اتمنى لك التوفيق00 |
اشكر كل من شارك لكن عندنا عادة انك ما تراها الابعد الملكة ..
وش ريك تراني متردد .. |
أي عاده أي بطيخ
اخوي حقك الشرعي تشوفها اطلب صورتها اطلب تشوفها لازم تشوفها لا نما راح يندم الا انت اختك نايت |
,
, أنصحك نصيحه أخي الحبيب إن لم تستطع رؤيتها فلا تملك عليها حتى لا تظلم نفسك ولا زوجتك أطلب رؤيتها فإن رفضوا فكيف تشتري السمك في الماء ؟؟ , , |
اسأل اهلك عنها
وشف اذا فيها المواصفات اللي تبي واهم شي الاخلاق والله يوفقك اخوي وييسر امورك |
اخي نصيحة الشوفة الشرعية من حقك
لا تجازف ربما تظلم نفسك وتظلم البنت معك لذا لابد ان تراها فسبحان الله الرؤية يكون فيها إما ارتياح نفسي للطرفين أو عدمة |
اقتباس:
السلام عليكم... لا تستغرب... واقدر وضع السائل ولو سألت السائل وقلت له هل أباك رأى أمك يوم خطبها ؟؟؟ بماذا يجيب بالنسبه لي اتوقع 100 % بالمئه لم يراها...... العديد من العادات و التقاليد لم تتغير وهذه منها .... لكن ما اقول غير الله يوفقك لكل خير... ليس بيدي حل لمشكلتك ..غير ان ادعي لك الله يوفقك لكل خير.. |
أخي الكريم
بما انك رغبان في البنت كلم أهلك ان يقوموا بزيارة لأهل البنت وخليهم يشوفوها في بيتها ويتأكدو من المواصفات اللي أنت تبيها في البنت تناسبك ولا لا وأستخر ربك |
أولا يا اخى اطلب من أبيها أن تراها
و إن رفض و أحسست أنت أنك تريد الاستمرار فى الموضوع ابعث أمك أو أحد أخواتك يشوفونها ويصفوها لك وفقك الله |
اخواني اللي يتكلمون عن النظره الشرعية.. في شئ اسمه عادات القبيلة.. في قبائل مافيه نظره شرعية.. وهذا من خوف الاب على البنت لانه في ناس عدييمين ضمير.. يشوفها وبعدين يفضحها اذا رفضت.. وهو واضح مجتمع البنت في منقبة.. يعني مو بالسهل كل من هب ودب يجي يشوف وجها..
ابو فلان.. لكل مجتمع طباعة.. .......................................... بس السائل واضح من مجتمع محافظ.. فمالك الحق تقوله.. يتركها.. اخوي صاحب الموضوع.. اخل امك تروح تشوفها وتوصفها وصف دقيق لك.. واستخير الله.. واذا الملكة تشوفها.. يمكن ما يعجبك شكلها.. لكن تلقى من الاخلاق ما تأسرك تكون زوج لها.. ويمكن تطلع جميلة.. وطيبه.. يعني لا تفوت الفرصة عليك.. واذا صار عدم اتفاق من الملكة.. يصير انهاء العقد.. قبل الزواج.. الله يوفقك.. يرجى الالتزام بقوانين المنتدى وعدم التعرض للمجتمعات المشرف / شاطئ المحبة |
اقتباس:
, الأخت دلوعه ومنحوسه .. مجتمع محافظ ولا غير محافظ هذه عاده جاهليه ..!! تجدين البنت تجلس مع زوج أختها وهي كاشفه أما اذا جاءها الخاطب يقولون مايسير يشوفها ..!! هذا لعب وليس عادات وتقاليد المجتمع سواء كانت النساء فيه منقبات أو غير منقبات .. النظره شرعيه حق للرجل ولايؤخذ بالعادات والتقاليد إن خالفت الشرع بل تضرب في الحائط الأخ صاحب الموضوع : 1- إن لم تستطع رؤيتها إبعث أهلك يصفونها لك .. 2- إسأل عن الدين أولاً ثم الجمال .. 3- أدع الله أن ييسر أمرك وأن يرزقك الزوجه التي يقر بها عينك .. , , |
طيب اهلك يعرفونها او شافوها
ماقال ان الشوفه ممنوعه الا فيه شي؟؟!! الله يوفقك ويكتب لك اللي فيه خير وصالح |
يــ أخوان ..
الدين شرع الشوفة الشرعيه .. اي عادات وأي تقاليد هذي اللي تغير مبدأ الدين ... يعني تغطو وجيهكم وتسو هذا كله عشان العادات والتقاليد!! مو عشان الدين .. انا مع اللي قالو انك تشوفها انت بنفسك الشوفة الشرعيه مو امك او اختك اللي راح يتزوجوها ... لا تظلم بنت الناس فيوم من الايام قبل ماتظلم نفسك ..وفكر في الكلام عدل .. سلاموو عليكووم |
أنا أيضا أنصحك بالرؤية الشرعيه لها..
وممكن تطلب من الأب وتكلمه وتقوله إنك فاهم العادات والتقاليد ولكن إنت تريد تطبيق الشرع الصحيح وتريد رؤيتها حتى ترى ما يسرك منها إذا كان فيها خير.. وكلمه كلمتين عن هالموضوع بتعقل و روية وبينله إنك جــــــاد في الموضوع .. والله يجيب لك اللي فيه الخير.. ولا تنسى تقول لنا إيش صار معاك.. |
أخي بارك الله فيك
الدين والخلق أولاً ثم الجمال قد تكون ذات جمال وذات حسب ونسب ولكن الأخلاق صفر على الشمال وقد يكون جمالها عادي وتكون على دين وخلق رفيع أخي دامك أستخرت وأنشرح صدرك توكل على الله وكما قالوا الإخوة والأخوات أرسل أمك وأخواتك يشوفونها ويصفونها لك الله يوفقك ويسعدك |
اشكركم على الاهتمام .. لكن امي واخوات شافةها وقالوا تصلحلك جدا وسبق ان ناس خطبوها .. لكن لم يكتب نصيب ..
ومع ذلك متفوقه دراسيا .. ومع ذلك جميع اهلها يردون ان اخذها .. لكن متردد.. أما الروية الشرعية فان لا ارى من حقي ان انظر اليها خاصة في زمانا هذا .. كثر الفتن والصالح والطالح ... |
عفون .. كيف مو من حقك !!!!!!!!!!!!!!!!!!!!!!!!!!!
الشرع يقول من حقك وانت تقول مو من جقك ؟؟؟؟ الرسول صلى الله عليه وسلم يقول ... فلينظر إليها فإنه احرى ان يؤدم بينهما ... وانت تقول مو من حقك !! بعدين انت جازم .. يعني مو منت جازم او مجرد تسلية او او ... بعدين ترى ممكن تشوفها بطريقة انك ما تكسر العادات ... مثلا ... عن طريق احد اخوانها المتفهمين ... يخليك تشوفها من دون ما تدري هي او عن طريق اختك ... تحاول تجيب لك صورة لها ... وهذه الطريقة اتوقع سهلة بهالوقت اذا كانت احد اخواتك يعرفها او ممكن يتعرفون عليها بس انا انصحك مثل ما نصحوك الاخوة ان ضروري تشوفها ... الا اذا كنت تشوف نفسك افهم من الشرع فهذا شي ثاني |
اقتباس:
l....................... معاك حق يابو فلان..تحياتي |
جزاك الله خير أخي
السيف المهند |
اشكرك اخوي المهند ... وان شاء الله احاول تلخيص جميع ما قلتوه ..
اما بالنسبة زوج الاخت فعندنا لايرياه ولا يجلس معها نهائيا ... واشكركم مرة اخرى على التفاعل معي شكرا جزيلا ... |
بصراحه
استغرب من الزواج اللي مافيه شوفه هذا زواج وهذي انسانه حتعيش معاك طول عمرك يعني لاتظلمها وكمان لاتظلم نفسك واذا مافي شوفه مو اخر البنات هيا والرسول عليه السلام أجاز الشوفه الشرعيه ليش يجو ناس ويحرموها الله يوفقك ويكتبلك الخير |
غريبه تناقض الاب
فهو متفهم جدا لدرجه يعرض بنته على شخص لنه مناسب لها بنظره وبنفس الوقت يرفض النظره الشرعيه!!!!!!!!!!!!!!!! عجبي اخي اصر على النظره الشرعيه واذا لها اخوان بيساعدونك او استخير واصرف نظر عنها |
انا مستغربة من عادات بعض الناس فى عدم موافقتهم على النظرة الشرعية لا واسمها بعد شرعية يعنى ما تغضب الرب
واذا تشوف امورهم التانية تلقى العجب العجاب وبعدين والدها ما يستحى عرض عليك بنته ومايبيك تشوفها!!! نصيحتى فك على الموضوع كله ولابارك الله فى زواج اخذ بسيف الحياء احس انك مستحى تقول لابوها مابى بنتك!! والله يرزقك يار ب |
وبعدين لاننسى قول خير الخلق جميعا
( فانظر اليها فذلك احرى ان يؤدم بينكما) قالها من قالها اطهر واحسن الخلق اجمعين وبعدين شنو دخل السعودية والكويت فى الموضوع وطلعتوا برة حتى خليتوها قضية دولية مو زواج!! الشر والخير فى كل مكان !! وكلنا مسلمين ونفخر بدينا وتطبيقه والدين مومظاهر بس على قولة الاخ ابو فلان |
............
رأيي في الموضوع قد يكون معروف وأنا أنتمي الى مجتمع لو يحب كوعه الخاطب ما يشوف البنت لا وأكثر مما عند الاخ صاحب الموضوع حتى بعد الملكة ما فيه شوفة، لا دخلت عليها وصارت زوجتك عند الله وخلقه كيفك فيها وأنا ملتزم بهذا يا أخوان الزواج ما هو غصب ، أنا أقولك تبي تخطب ما فيه شوفة تبي حياك الله ما تبي تيسر الله يوفقك ما أحد حرم النظرة الشرعية ولا أحد يقدر يحرمها وان كانت المبالغة فيها مثلما يحصل في بعض الاحيان أخرجها عن حدودها الشرعية ولكن هذا شرط لذوي البنت مثل شرط عدم تزويج غير الجامعي مثلا فهل هذا الشرط حرام ومخالف للشرع وبطيخ ومش عارف ايش؟؟؟؟؟ فالجماعة ما أحلوا محرم ولا اغصبوك تخطب منهم يا أخي بنتهم وكيفهم بدك أهلا وسهلا ما بدك الف سلامة وكل له طبعه وسلمه وما أحد أحسن من أحد هونوا عليكم وليتقبل كل من الاخر كما هو وفق الله الجميع لما يحب ويرضى |
احرص على الشوفه الشرعيه ولا تتنازل عنها
|
انت قلت ان مو من حقك تشوفها ومقتنع بالكلام طيب ليه ما تتزوجها وخلاص
ليه تقول ابي اشوفها وبعدين تقول مو من حقي الله يهديك بس سو الي يريحك تشوفها ولا ما تشوفها انت حر وانا استغرب جدا من الاخت الي تقول لا تشوفها الا بعد الملكه واذا ما عجبتك افسخ العقد يعني عيب انه يشوفها في الخطبه واذا ما عجبته يتركها على الاقل ما صار بينهم شي بس عادي انه يتركها بعد الملكه لانها ماعجبته وتكون مطلقه الحمد الله بس على هالتفكير الجاهلي |
الإخوة الكرام
عند نقد أي ظاهرة المرجو أن يكون النقد في حدود الضوابط وليكن الكلام عاما دون الإشارة لمجتمع معين |
أخوي إذا حصلت الشوفه زين على زين ماحصلت ودام الرجل هو اللي شاريك خل أختك وأمك يشوفونها ويوصفونها زين لك
ومايصير الا كل خير دامك أستخرت ومرتاح توكل على الله والله يجمع بينكم بالخير |
اقتباس:
انا مو مع انا ضد.. ضد تماما ما يكون فيه نظره شرعية.. لكن في مجتمعات.. لو ينط الرجال ما يشوفها.. ولا البنت.. وفيه مجتمعات ما يشوفها الا بالليلة العرس.. لكن مافيه شخص يغير عادات قبيلة بحالها.. او مجتمع.. حكاية البنت تجلس مع زوج اختها... اولا حرام... ثانيا ماعند مجتمعي ..هذا الشئ.. محصور في ناس معينين.. الله يوفقك صاحب الموضوع.. استخير الله واذا ارتحت توكل على الله.. واعقد القران.. ياما في البيوت جواهر مكنونات.. وابوها ما قلك.. الا لانه واثق منك ومن بنته.. |
الأخ الفاضل ..
أن ذكرت أنك لا يحق لك رؤيتها ويبدو أنك مقتنع بذلك .. وبما أن أمك وخواتك شافوها ومدحوها لك .. فلماذا التردد !! أعتقد لأن والدها من عرضها عليك .. ولم تخترها من نفسك .. لكن لا أجد عيبا في ذلك .. فبكل تأكيد والدها وجد فيك صفات الزوج الصالح لابنته .. وطمع بأن تكون من نصيبها لكي يطمئن عليها مع صاحب الدين .. فيجب أن تكون أكرم منه .. وبما أنك استخرت وارتحت للموضوع .. واستشرت أهلك ونصحوك بها .. فلا أجد ما يمنعك من الإقدام على خطبتها .. لكن أكثر من الإستخارة والدعاء وتوكل على الله .. وفقك الله لما فيه الخير .. |
اشكركم جميعا ... واما الروية فانا لا اقول حرام انما اقول عادة عند بعض القبائل .. وارجومن الاخوان عدم النطرق الى موضوع الروية وغير ذلك .. لا ن هذه الامور من الين ليست لعب ...
مشكوررررررررين مرة اخرى .. |
| الساعة الآن 09:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©