|
هل زوجي طبيعي؟؟؟
سلام عليكم
اليوم فاجئني زوجي قال لي ابي اقولج شى و ما تزعلين زوجي ما يحب ريحتي بالعطور و البخور و يقول لي لا تحطين ميك اب معني اغير اللوك بين فتره و فتره يقول انتي اتجذبيني اكثر اذا طبيعيه حتى عطر ما يبين احط!! يقول كفايه السبوح!! و انا ا ستغربت الاسبوع اللي طاف كان عرس اخوي و كنت متكشخه و لابسه و ما عطاني ويه قال لي حبيبتي فجي شعرج و غسلي ويهج و انا كنت منتظره يمدح مظهري و الله عصبت و شوي و ابكي بعد ما غسلت و يهي و لبست قميص عادي و امبهدل الريال قام يمدح و يداعب و انا عن جد مستغربه هل زوجي طبيعي؟؟؟؟ |
,
, كأنكِ تتحدثين عني .. أكره شيء أسمه مكياااااااااااج .. أحب المرأة تكون طبيعية حتى في رائحتها .. زوجك طبيعي جدا جدا والأخريات يحسدونك عليه .. لان هكذا سيريحك من الكشخه والتعب ورمي الفلوس على العطور .. , , |
وانا اكره المكياااااااااج
|
الرجال انواع اخيتي الله يهنيك
|
أختي لما كنت عروس
قالي زوجي ليلة العرس بعد ما غسلة المكياج وغيرة بدلة العرس بصراحة أنتي أحلى بكثير كذا وأنتي على طبيعتك |
سبحان الله الرجال أنواع..
منهم من يحب الزينه والعطـور ومنهم العكس.. بعد أن قرأت ردود أخواني أتضح لي أن هذا الشي طبيعي.. فلا تخافي أختي العزيزة.. وفقك الله ورعاك وجعلـك جميلة في عين زوجك.. |
عادي وطبيعي ياما سويت ميك أب الكل ينهبل عليه الا زوجي 00
بعض الرجال يكره الميك آب والبعض يكره رائحة العطور القويه يتحسس منها ومادام زوجك كذا الحمدلله أهم شي رضاه وكوني له مثل مايريد أسأليه قوليله غناتي ليه ماتحب الميك أب والعطور وشوفي جوابه؟؟ |
لا تخافي حبيبتي طبيعي جداً زوجي نفس زوجك لااااااااااااااااايحب المكياج وريحة العطور الفواحه
|
يا قلبي الظاهر ان الكل عنده نفس معاناتك تصدقين اني قبل اسبوعين قصيت شعري وعملت له هاي لايت
اخوات زوجي من كثر ما عجبهم شعري راحوا عملو مثلي تدرين زوجي ايش قال لي ماناسبك شعرك اول كنتي احلى اتوقعي ايش حتكون ردة فعلي وانا ما عملت الي عملته الا عشانه ؟؟؟ لا تزعلي كثير يعانون من نفس المشكلة |
أهلين ام انفال من زمان عنك
كثير رجال مثل زوجك وزوجي واحد منهم و أرى هذه هي الفطرة السليمة خصوصا أن بعض النساء جمالهن رباني ما يحتاج تجميل |
مشكورين
اختي منورررة انا شعري طويل واييييييد ابي ا قصه زوجي ما يرضا ابي اصبغه هم ما يرضا و اذا استشوره يتنرفز يقول جنه شعر فلبينبه يعنى يبي كل شى طبيعي؟!!!! اذا اسوى ليله رومنسيه او فى مناسبه و احط عطر هادي ما يحب مزاجه يتعكر و ياخذني الحمام الله يعزكم عشان اتسبح بس يسويها بطريقه عشان ما احس و الله انقهر على نفسي خاطري يوم يقول لي حطي حمره بالون الفلاني و مره كنت حاطه حمره حمره البنات انجنو من الون و كان وايد جذاب يقول جنج دوج ابيض و علج خطين حمممممر و انا !!!!!!!!!!!!! قام مسح الحمره يقول انتي براطمج فروله طبيعي يزعم بيكحلها و انا سألت كم مره ليش ما تحب المكياج و العطور يقول ما يناسبج ما احب شكلج بالمكياج و ريحتج بالعطور ابي احس انى انثى و اتعدل بس!! الشكوى لله |
معناتها ان زوجك يشوفك جميلة في عينه
" ما ابي اقول انتي جميلة حتى لا يفهم الموضوع غلط " فشي جيد ان زوجك يشوفك جميييلة في عينه .. وانا اعتبرها ايجابية وليست سلبية .. |
والله كأنك تتكلمين عن زوجي سبحان الله حتى قمصان النوم مايحبها مرررره واذا لبست بيجامه او برمودا ينبسط مرررررره ويداعبني يقول طفله هههههههههههههههههههههههههههههههههه
|
اختي والله المكياج الحين صاير مو حلو ومبالغ فيه الالوان لماعة و صارخة شوفي الممثلات العربيات صايرين بهلوانات من المكياج بينما الاجنبيات يحطون الوان طبيعية يطلعون يجننون
وشكل زوجك راقي وذواق ما يحب اشكال المهرجين خليك طبيعيو واذا تحبين تحطين مكياج حطي الوانك انت يعني كريم اساس نفس لون بشرتكواحمر خدود نفس لونك(كلينيك احسن شي ) يعني لا تغيرين بشكلك بس اصقليه وابرزي جماله والله احلى مليون مرة . اما عدم حبه للعطور فهذا دليل على حب زوجك الشديد فهو متعلق برائحتك . لكل انسان ريحة تميزه وزوجك شكله يموت في ريحتك انت وما يريد عطور باريس تطغي عليها |
طبيعي زوجك يا ختي مثل زوجي ما يحب المكياج بس يحب العطور بس انا صراحه لازم اسوي ميك اب كل كم يوم لانه قدام النت والتلفاز 24 ساعه لازم اعفه عن النظر للحرام.
|
السلام عليكم ...
طبيعي جدا ومافيه شيء... عندك مثلا السيف.. لا احب الصبغات على الشعر ابدا و احب الشعر الطويل .... لا احب المكياج ابدا وخاصه ذلك اللي مخلي الوجه معاد ينعرف ... العطور جميله جدا لكن احب الرومنسيه الهادئه ولا احب الفواحه مره حساسيه .. بصراحه عندي المرأه بطبيعتها افضل من اي مستحضرات تجميليه اخرى ... لكن الكحل وغيره من ادوات الزينه الخفيفه والمحببه تزيد الجميل جمالا ... اذا في النهايه احمدي الله على زوجك.. وافعلي ما يريد دام انه طاعه لله ... والله يوفقكم .. |
بالعكس شي جميل
الله يعطيني زوج ما يحب الكشخه |
أغلب الرجال ما يحبون الميك اب
انا زوجي مايحب ريحة العطور القوية فعادي حبيبتي زوجك طبيعي |
حتى انا ياختي زوجيييييي كذا
مايحب المكياااااااااج ويحبني طبعية واذا حطييت عطر عادي عندة مايقول لي شي وذيك اليوووووووم دخل علي وانا لبسة شي يفشل وشعري كشخة وستانس علي والله هالرجال يضحكوووووووووووون ههههههههههههههههههههههههههههههههههههههههههه احنا نحب الكشخة وهم مايحبونها خخخخخخخخخخخ |
والله عااااااااااادي كل الرجال كذا يوم ملكتي كنت حاطه مكياج مره كثييييييييييير كوافيره تعرفون التلطيخ عاد المهم لما شافني اخوي ارتاع وتخرع وتخيلوا شقالي !!! قالي (كأنك مصاص دماء ) خخخخخخخخخخخخخخ انقهرت هذي اول صدمه من اخوي والصدمه الثانيه ردة فعل زوجي لما شافني احس انه وده يمسك وجهي ويغغسله يحكه حكككك لين تطلع الملامح هههههههههههههه ... وبعدين زوجي قالي تراني ما حب المكياج ابد<<<<<< طبعا مو بيوم الملكة بعدين لما صرنا نمون على بعض اذا كان خفيف اوكي بس مبالغ فيه وععع ;) ;) عشان يبوووس على راحته ..:)
|
انا كمان زوجي يكره كل ادوات التجميل من المكياج و خاصةصباغ الاظافر حتى الكريمات بعد النتف،ة اذا رحت للعرس يا ويلي من التعليقات .........ههه و الله اسمع الي ما سمعته "يقولي انك تشبهي القرد بالمكياج اعزكم الله هو ما يقول المكياج هو يقول اعزكم الله اعزكم الله اعزكم الله الزبالة ههههه" كنت في البداية اعصب الان اتعودت و بيني بينك هو يعني اريح مو صح و خاصة الي عندها اطفال ........الحمد لله لانه مو سهل انك تتكشخي كل شوي الرجال انواع .
|
بعد مشكورين اخوي سيف حتى الكحل ما يحبه!!!
انا احس انه زوجي مو طبيعي و الميكاج اللى احطه وايد ناعم و خفيف حتى بالاعراس احط اخف شى اذا اروح بيت اهلي و اتعدل شوي بلاش اون خفيييييف يقول جنه طاقينج بوكس من شههر و للحين فى بقعه!! اما الفونديشن كللللللللللش ما احط منه لانه ادري فيه ما يعجبه شى |
تصير بأ حسن العوائل :)
|
اختي تشكرين زوجك بعدين من
تكبرون بشرتك بعدها صافيه وناعمه كالاطفال و الناس تحير بعمرك تعطيك عمر اصغر من عمرك المكياج ضار بالبشره يسبب الحساسيه و البثور السوداء و البيضاء و الحمراء نضفي بشرتك كل اسبوع مره و ضعي لها مرطب خفيف من مواد خفيفه وخاليه من التعقيدات يا اختي ومن خلال مشاركات الاخوات انك لست الوحيده |
بعد ما قرت ردودج احس زوجج يحب الجمال الطبيعي فحمدي ربج على ه الشى!!
|
اجل وش بتقولين عني؟؟؟
مكياجي الحمدلله وكلن ينهبل عليه حتى امه كذا مره تمدحني قدامه تقول ماشاء الله تهبلين وخاصه اذا حطيت الروج الأحمر ومره من المرات كنت توي جايه من عزيمه وجلست اتميلح قدامه انتظره يعلق ويمدحني قال كنك مهرج تكفين مو حلو روحي امسحيه ومن بعد هالكلمه والتحطيم اللي كذا مره اسمع منه صرت مااحط مكياج وربي حتى صرت اجلس عنده بشوشتي ولا امشط شعري واجلس بجامتي ولا اهتم بلبسي مع اني اتضايق من نفسي بس عناااااااااد واذا طلعت للعزايم احط ميك اب كامل واستشور واتعطر واتبخر واتكشخ حتى هو بس يطالعني بس ابين له اني مااحب اهتم له عشاااااااان يعرف وش معنى هالكلمه ومره بشهر العسل كنت بالحمام اتمكيج وكان باب حمام الفندق مايقفل مثل باب الدولاب ومافيه قفل حتى يقدر يشوفني من فتحة الباب المهم كنت اجهز مكياجي واطلعه من الشنطه عشان ابي اتمكيج الا دخل علي وقالي والله شكلك كذا احلى بدون مكياج مع اني احط مكياج ناااااااااعم وحسبته يمزح وصرت احط مرطب وحمرة خدود ومره تمكيجت وجلست عنده جلس يضحك ويقول انتي وهالجبس والتلييص اللي في وجهك واحياناً يمسح الشدو بأصبعه ويرسمه بوجهي ويحوس ويشخمط على وجهي حوس وانقهر واهلي وخوالي دايم يهاوشوني يقولون ليش ماتتزينين لرجلك ليش انتي كذا مهمله واقولهم مايحب المكياج وجدتي الله يخليها تعصب علي وتقول ماعليك منه ولا تصدقينه كلهم يحبون الحرمه اللي تهتم وتتمكيج بس مايبينون وقلت يمكنه يحب المكياج الخفيف صرت احط بلاشر ومرطب لابيلو ويقولي ليش تحطين حمرة الخدود تخلين خدودك كأن لونه احمر طبيعي اصلاً مبين انه مكياج ؟؟!!! بس والله لو يناقز من هنا لبكرى ماافكر اني احط كحله عشانه وانتي ياام انفال على الأقل قالك اياه بأسلوب حلو اما انا قالي اياه بتحطيم |
الرجال مايحبون المكياج الثقيل والالوان الناقعة
يحبون النعومة والانوثة شوفي اي ستايل جديد وعصري المكياج ناعم جدا ولاكأنها حاطة مكياج مع انها مليانة مكياج اللبس يحبون الناعم والغير متكلف ومع ذلك يبرز الأنوثة والجمال ومشكلة الخليجيات يحبون المكياج الثقيل اللي يخفي الجمال ويبين الوان كثيرة يصير الوجه كأنه علبة الوان انا اكره الثقيل حتى بيوم زواجي والكل مستغرب مني ومتعجب كان مكياجي هادئ ونعوم لأنه ماهمني راي الناس بقدر مايهمني نظرة زوجي لأني عارفة الرجال وارئهم بالنسبة للعطور لاتتبخرين بعض الرجال مايحبون البخور تعطري بعطور فرنسية او فواكه اووورود |
ياااا نااااااااااااااس والله احط مكياج ناعم و لبسي مو اوفر
لما اتمكيج و البس الكل يمدح و يحسسني انى ملكة جمال الا اهو اذا اصحى من النوم و هو هناك ينجن و يستلمني بالساعات ؟؟ والله اتضايق اذا ما يطلب منى التعطر و التزين |
بالنسبة لي ما أحب المكياج لأنه يثير عندي حساسية الأنف.
|
الصراحه المكياج هالايام كن الوحده راسمه لوحه زيتيه على وجهها
انواع البويات والرجال صار يخاف ينغش |
اقتباس:
هذي ميزة عشان ماتتزينين دايم |
زوجي مايحب المكيااااااااااااااااااااااااج يكره يقول خليك طبيعيه
اما العطور اشوفه يفضل البودره وكريمات الجسم على العطور |
اكيد طبيعي ولا داعي للقلق وحمدي ربك ان زوجك يحبكي على الطبيعة
|
والله زوجك طبيعي انا كل يوم احط مكياج والبس احسن لبس بس
زوجي يكون عادي وفي اليوم اللي ما احط مكياج ويكون شعري منكوش واكون لابسة بيجامه وما بيتركني ويظل يتغزل شكل الرجال هالايام من كثر ما بشوفوا ملو من هالشخابيط |
اريح لك اختي
|
حبيبتي شي طبيعي حتى لو ما حطيت البلاشر بس احط المحدد مع الروج تصدقين يجي باصبعه ويسحب الروج لين ما يخلي وجهي كله روج
يعني بالعربي قومي مسحي تصدقي و شعري صرت الفه بشباصه مع انها ماتمسك شعري واشيل القصة بالطوق صار يقولي كذا احسن حبيبتي لا تزعلين كثير مثلك يعانون |
خلاص حبايبي انا قررت استسلم و احط اعصابي فى الثلاجه
صار لى 4 شهور اترجه عشان اسوى ترمينغ حق شعري و هو مب راضي و صار لى اكثر من اسبوعين ما استعمل كريم حق الجسم و قام يقولي احسن يتم يشم ريحت الجلذ و انا اموت من الفشيله يعنى سبحان الله طلعت الريحه مب حلوه و يقول لا انسه الذنيا لين اشم الريحه الطبيعيه!!!!!!! اخاف يجي يوم و يقول لي لا تستعملين الصابون و الشامبو و الديودرنت |
الله يعين
|
يمكن انتي جميله و كل شى فيج حلو من جذي زوجج ما يبغى يشوفج بالمكياج
|
| الساعة الآن 09:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©