|
هل الموضوع يستاهل غضبي ساعدوني بارائكم
ياهلا بالجميع
زوجي غضب اليوم من انهزام فريقة فكانو الاطفال في البيت وانا عند والدتي وكنت غضبانة من قبل المباراة لذهابة الى مكتبة الخاص لرؤية المباراة لانها ليست من عادته مشاهدتها برا البيت ولكن لانني افضل واشجع الفريق المنافس فقال لن اشاهدها اليوم لكي لا نتشاجر عند ذهابه اعتقدت انه سيذهب لزملائة ولكن اندهشت من ذهابه لوحده في المكتب الخاص باعماله واللذي يذهب له صباحا فقط وعلمت انه في المكتب بعد اتصالي عيه فبينت غضبي وثار قليلاوانهينا الاتصال ولذا بعد نوم اطفالي اتصلت على السائق وذهبت بعد ارسال رساله له اقول فيها انا خرجت اذا كنت تريد العودة للمنزل ومشاهدة المباراة ارجع انا ذهبت لاكفك من شري والوعد بعد المباراة قبل انتهاء المباراة ولهزيمة فريقة ارسل رساله يقو انا رايح البر طبعا هو منذ قدوم الشتاء وهو كل خميس في البرالمخيم اللذي يبعد ساعة ونصف عن منزلناوايضا دوامه يومين في الاسبوع ليلا نصف دوام او الى الصباح من الساعة ال12وباقي الاسبوع لا يداوم غضبت غضب شديد ولكن كتمت غيضي عند والدتي وعندما عدت للبيت ارسلت له رسالتين عتاب ولم يرد وبانني اتحمل دوامة لكن بكل سهوله يذهب ويتركنا لوحدنا لغير ضرورة انا لدي اربعة اطفال 3 اولاد وبنت وكلهم صغار الكبير في رابع ابتدائي فقط هل معي حق في غضبي كيف اتصرف لابين له غضبي من فعلته ولكي لا يكررها مرة اخرى وليعلم بان تركه لنا لمجرد ان فريقة انهزم ليس بمبرر مع انني اعتقد بانه عذر لكي يذهب لان اقربائه في المخيم من الاربعاء حتى الجمعة غدا الخميس ساذهب لاهلي هل اقفل هاتفي ماذا افعل ما التصرف الصحيح في حالتي لا اريده ان يتساهل فعلته انا الان غضبانه جدا واغلي من الداخل كيف يكون بكل هذه الانانية ويذهب ويتركني لوحدي مع ابنائي في هذا الليل مع انه ايضا البارحة كان مستلم حتى الساعة ال6 صباحا يعني نمنا لوحدنا ايضا ولكن ممكن ان تحمل للضرورة لكن بكل سهوله يقرر ويذهب ارجو الرد بسرعة الان كيف ابين له زعلي الشديد من تصرفه |
ردو علي الكل يدخل بس ما فيه ردود ارجوكم طفو ناري باي كلمة
|
لاحول ولاقوة الا بالله
مانيب اواطن الكوره واكره التعصب لها الحين الامر صار وانتهى وللاسف السبب تافه وشكله زوجك من النوع الي يتعصب وبقوه لفريقه اذا جا بكل هدوء ناقشيه وصدقيني راح يحط هذا الشئ بباله |
اقتباس:
لكن هالمره احس انه غلطان مرة بتصرفه وما ابيها تصير زي زعلي دايما يكلمني كلمتين وما كان صار وخلاص انسى واكلمه عادي تحاشيا للمشاكل ابي طريقه تخلي الرجال يحس بغلطته وعلى الاقل يعتذر |
يا اختي ما له داعي تتزاعلين وياه على كرة قدم
خليتيه يروح المكتب و انتي تفرجتي عليها في البيت. كان سويتيها لعبه وقلتيله اللى فريقه يفوز يجيب هديه للثاني و بكل محبه و دلال و شوفي شلون كان بيستانس منك لكن تقلبينها زعل و طلعه من البيت اسمحيلي هذا كثييييييييير خليه هالحين لا تكلمينه لين يرجع البيت و تفاهمي معاه بهدوء. الله يصلح ما بينكم |
ينقل الى قسم المتزوجين مكانه المناسب .
تحياتي ،،، |
الله يهديك بس يا اختي ..
عملتي من الحبه قبه .. وليه اساسا تحطي راسك براس زوجك عشان كوووووره !!!! يا اختي الكوره هذه الرياضه للرجال وليست للنساء الرقيقات .. وش هالعمل كل واحد يطلع من البيت عشان كوووره!! يعني تخربين بيتك عشان كووووره !! الله واكبر عليك اختي .. يقبل من الرجل انه يتعصب للفريق اللي يشجعه لكن المرأه تتعصب للكوره هذه اعتقد انها غريبه شوي .. كبري عقلك اختي و ماله داعي للسيناريوا اللي صار كله .. وش استفتدي الحين من هذا التعصب .. ولا شي .. الا طلعتي انت الخسرانه وطلعتي انت الغلطانه في نظر زوجك .. استهدي بالله و ارسلي لزوجك رساله اعتذار حلوه .. واذا رجع للبيت استقبليه عادي ولا تفتحين معه الموضوع .. ولا تعيدي تطفشي زوجك من البيت عشان كووووره .. |
( افضل عادة ان لا يكون لك عادة)
صدقيني اختى الامر بيديكي لا اعرف لماذا تركتي كل ما حدث يحدث الرجال غالبا متعصبين لكرة القدم ورغم انها ليست صفة جيدة ولكن هكذا الحال رجال كثيرين هكذا وقليل جدا ان نجد نساء متعصبات لماذا ذهب لمشاهدة المباراة خارج المنزل؟ سؤال مهم لماذا هرب ربما تظهرين تعصبكى بطريقة تستفزة وتجعل منكما انتما الزوجين الحبيبين خصمان من الحكم ترك التعصب وحاولى ان تعامليه كطفل وشجعى فريقه ليسعد بجوارك وليس بعيدا عنكى لقد ذهب المسكين بعد المباراة ظنا منه انكى ستشمتين به بعدما خسر فريقه لماذا بالله عليكى كل هذا وانتى الام العاقلة والزوجة المحبة الطيبة اتركى تماما هذه العادة (التعصب ) من اجل حبيبك وزوجك وحتى يسعد بجوارك وليس بعيدا عنكى السنا نتقرب الى الله بطاعتنا لازواجنا؟ فاليكي هذا الحديث الجميل مسند الإمام أحمد ( باقي مسند الأنصار ) حدثنا وكيع حدثنا سليمان بن المغيرة عن حميد بن هلال عن أبي قتادة وأبي الدهماء قالا أتينا على رجل من أهل البادية فقلنا هل سمعت من رسول الله صلى الله عليه وسلم شيئا قال نعم سمعته يقول " إنك لن تدع شيئا لله عز وجل إلا بدلك الله به ما هو خير لك منه . ان تركتى التعصب للكرة لا لشىء الا تقربا لله تعالى بطاعتكى لزوجكى ابدلكى الله خيرا منها ان شاء الله اقتباس:
|
اقتباس:
|
اختي ...والله احترت وش اكتب
هذا وانت ام لاربعة اطفال ...هذا تفكيرك ؟؟؟سامحيني اختي على قساوتي لكن هذا تصرف مراهقات مو تصرف ام و زوجة كبري عقلك ولا تحطي راسك براس زوجك عشان كورة يا ريت عاد يعطونك النادي 150000 ريال مقابل فوز فريقك مقابل تشجيعك و زعلك مع زوجك ...عشان تقولين يمكن يسوى اللي سويته الا ما طلعتي الا بالخسارة لك و لزوجك كبري عقلك و راضي زوجك |
مااقول الا كبري عقلك شوي
|
مااقول غيرالله يهديك ياختى النساء يصبرن على امور كثيره ويتحملن ويتغاضن من اجل تسير سفينة الحياة الزوجيه بامان وانتى تغضبين من اجل مباراة عجبى ..سامحينى اذا كان كلامى قاسى
|
اكتر الرجال متعصبووون للكوره ودا شي طبيعي
بس انتي والله يهديكي استعجلتي لما رسلتي مسج وخرجتي كان هديتي المواضيع بدل ما تشعليلهاااا والله يكون في عونك يارب ويهدي سركم |
تاخرت بالرد لانني الان واصله من بيت امي وطبعا طلع من البيت والى الان زعلانيين
ليش قلبتو الموضوع ضدي وكاني انا المتعصبة بالعكس انا عاديه جدا من ناحية الكورة هو المتعصب الشديد وهذا اللي مضايقني نفسيته يوم المباراة من قام وهو ينافخ وراح المكتب ما ابي اطالع المباراة اعصاب ما ادري ايش هذي حركات احسها صبيانية وما تليق بابو عيال ابدا انا ما عارضت انه يطلع يشوف المباراة وكان اساسا قايلي قبل بيوم وقلت ايه احسن اشوفها براحتي بس على بالي مع جماعته مو يروح المكتب اللي مزعلني منه هو اولا المكتب المفروض يك للشغل وبس نهارا وما يكون مكان اذا زعل راح له لانه هو شقه وفيها كذا مكتب وجلسة ما ابي يتعود عالوحدة وعلى جو المكتب انا خايفة يكون المكتب وكانه بيت ثاني يتسيهل الزعل وكلما طق عود على عود راح وما زعلت ليه ما طالع الكورة معي وروحتي لامي لان اهلي اخواتي مجتمعين فنامو عيالي وقلت اروح فقط لا غير ويوم ارسل المسج مرسلته بطريقة كوميديه ثانيا التعصب الزايد ويترك البيت ويروح ينام في البر ما اعتبرتوها خطأ ابد غريبة معقوله تصرف رجولي لمجرد خرابيط وفريقه انزهم يترك البيت وينام برا معقوله ما اخطأ المشكله ان الرجال الكل معه اذا غضب وكان الغضب رجوله ومن حقه يتصرف اي تصرف هذي ما كانت من اخلاق الرسول وانا من النوع اللي اذا لعب فريقه اشجع معه ولا اعايره ابدا وهو عارفني لكن تعود على هالبر والجمعة وقال فرصة وصل الفجر من البر عالبيت وانا كنت عند امي ارسل مسج يدعي علي شوفو العصبية وعدم العقلانية يقول وين مفتاح الغرفة جوالي طول الوقت كان مسكر وانا ما شفت لا مسج ولا غيره رجعنا العشاء وجاء وقال ليش ما خليتي سبير كان معاه ما ادري وين وداه وهو العادة يجي بنفسة وياخذني من امي مو السايق لقيته مكسر قفل الباب وما قدر يفتحه وحايسالدنيا وجا واحنا فيه وكمل وكسر القفل وقلعه لان المفتاح خلاص ما فتح لانه خربه البارحة والعيال مساكين شافوه يخبط بالباب خافو وطاح منه جواله الجديد مسكين وانكسر وحمق زيادة وكسره زود ورجع وكسر القفل وفتح الغرفة وطلع وبس تصرفه صحيح اكيد بتقولون معه حق رجال وعصبي من حقه وانا اللي ساكتة وما نطقت ولا كلمة ولا عصبت وخصوصا امام العيال ممكن البعض يقول انتي غلطانه والله يوم طلع قعدت اتعذر للعيال عن ابوهم وانه مسكين خرب الباب وزعل وان جواله طاح منه غصب ما نوى يكسره انا اقدر اراضيه واعتذر ولو ما كنت غلطانه لكن لو بيفيد والله دست على كرامتي لكن مايفيد راح يكرر حركات هالعصبية اللي ما لها اي داعي وانا من النوع امسك نفسي قدام العيال هو لا حمقان خلاص مايهمه من موجود وش رايكم والله اني مو متعصبة كورة واني كنت ماخذه الموضوع متعه مباراة وختامي بعكسه تماما ردو علي وش اوي فيه الحين بدال ما يراضيني ويعتذر عن روحته للبر وتركنا لحالنا قلب وزعل هو كالعادة مع اني دائما ارضى بدون ما يراضيني وحتى انا اول اراضيه الحينخلاص صرت اسوي مثله تكفون وش اقوله اللي قد جرب او يعرف وش احسن اسلوب ابين فيه خطأه واسلوبه الجاف اذا زعلنا تصدقون ما يبيني ازعل ابد يحمق اذا تشرهت عليه |
منتظرة ارائكم لا تخلوني ومنكم نستفيد
|
هلا اختي انتي خلاص انسي الموضوع وماكن شي صار واكيد هو الحين متحسف عن كل الي صار
و ان شاء الله يرجع ويعتدر |
شئ طبيعي ماحدث من زوجك والواجب عليك عدم اشعال النار زياده انتظريه واستقبليه بابتسامه ونسيان مامضى ولابد للزوج من فترة نقاهه في بر او استراحه لكي يعود اليك ولهان ولاتدققي كثيرا بالامور لتسعدي |
اسمحي لي اختي الموضوع من اساسة تاااااااااااااااااااااااااااااااااااااااااااااافة
ضحت وانا اقرأه.. معقووووووووووووووووووووووووووووولة؟؟؟ ايش اشجع ويشجع.. .. هذي سوالف مراهقين.. لكن متزوجين صعب اصدقها.. وهو صح.. طلع من البيت بيشجع..بالمكتب حقة.. ما يبي مشاكل معك.. انتي كيف تتصرفين وتطلعين من بيتك.. على حساب كورة.. لا الفريق درى عنك ولا شئ.. كبري عقلك.. وانا دائم اقول للي يشجع الكورة بهمجية عقله مثل الكورة.. كبير و فاضي مافيه الا الهواء ويركل بالرجل.. اتركي التشجيع.. واشتغلي ببيتك زوجك.. واتصل فيه واعتذري.. اختي انتي انثى.. وزوجه... حطت راس براس.. ومجاكر.. هذي حركات رجال. احره ويحرني حركات مراهقين.. وبالاخير حاطه الخطأ عليه.. والله لو هو زوجي.. كان اصف معه واشجع فريقة واكسب وده.. مار ح تكسبون من الفرق هذي شئ.. على الاقل اكسبي ود زوجك.. تعوذي من بليس.. وصفي مع زوجك.. واكسبي وده وبيني له انك انضميتي لفريقة.. وانتي اضمني قلبه راح يكون معك..حسسية بأنوثك..الله يهديك وييسر لك |
الكل ركز على مشاهدة المباراة ونسيتو تماما انه بنفس الليلة نمنا لحالنا بالبيت واليت تقراون ردي الاخير وايش ردة فعلة يوم رجع والان كل واحد ساكت ودي مرة يبدا هو بالصلح نادرا مهما كان وحتى لو حس انه غلطان
|
شجعي نفس فريقه ممكن سوى كذا عشان ماتقعدين تعلقين عليه فهرب مايريد الإزعاج
|
| الساعة الآن 09:55 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©