|
حركه تقهر وتعصب وش موقفكم
مراحب
ادري بتقولون ههذه كل يوم مشاكل هههههههه السالفه الأولى سالفة الزعل انحلت لكن تغير عليي مرة ببعض تصرفاته واحس انه غريب حتى صرت اخاف منه واتردد واناامااحب اكون كذا احب اكون على طبيعتي زي ماااااااكنت معاه أول .. امس كلم صديقه وقال وين بتروح قال بسافر لدولة مجاورة قال زوجي بروح معاك بغير جوو هذاالكلام امس الظهر .. طبعا انا على طول انقلب وجهي وعلى فكرة ماااااااعرف اجامل هذه نقطة ضعفي .,. المهم سكت وانطمييييييت قلت يابنت الحلال خليه يروح ونشوف وش عقببها بس وعدني ان مراقص وخرابيط ماايروح ,, المهم اليوم أول ماااااااصحى من النوم قام لبس ثوبه سئلته : وين بتروح قال: مشوار قريب وبجي قلت :وين قال قريب وطلع ولا سلام ولا شي .. اتصلت عليه بعد كم ساعه قلت له :وين رايح قال مشوار قريب .. سبحان الله حسيت انه رايح للدولة المجاورة ين مدري الزوجه احس انها تحس سبحان الله .. وشوي الجوال مسكر وايقنت هنا انه سافر للدولة المجاورة لأن امس نفس الشي جواله مسكر ويقول المكان مافيه شبكه .. الحين انا موقفي من جد معصبه بقوووووووووة وارسلت له مسجين المسج الاول بسيطه يـا ...... الله يهنيك بكل اللي تسويه ترضيي صديقك ونفسك اهم شـي عندك مااقول غير ربي فوق وعارف النياات .. والمسج الثااني بعد ماتقرا المسج وتمسحها اطلبك تمسح اسم (ذكرت اسمي) من حياتك وش اسوي بجد وعلى فكرة ترى هو انسان بارد عكسي مع انه اول مرة يسوي هالحركات |
هل هو ملتزم أو غير ملتزم ؟ هذا عيب الزواج عن حب حسبي الله ونعم الوكيل أعتذر عن الضحك ولكن اعتقد عارفه شعوري كيف الانسان يضحك من المواقف ههه ربي يفرجها عنكِ |
غير ملتزم
ايش اسوي الحين لمايجي او لمايكلم :( من جد ترى معصبه حدي |
شوفي يا اختي انا مدري وش هي مشاكلك السابقه بس اذا بتكلم عن المشكله هذي بصراحه ما تستاهل أبد كل اللي سويتيه وسالفة (امسح اسمي من حياتك ) حيييييييييييييييييل مالها داعي توووووومتش بصراحه وبعدين وش فيها اذا سافر شوي وانبسط عادي انتي بعد انبسطي وروحي لهلك وفلييييييييييههها :):)
|
ياااااااااه مسجات قووووووية في حرمة عاقلة ترسل مسجات بهذا الشكل ؟
الله يهديكي يا أختي جيتي تكحليها عميتيها ماصدقنا تصافيتوا ورضا عنك الحين لازعل وشلون بتراضيه ؟ من جد موقف لاتحسدين عليه كان تركتيه يروح مكان ما وده يروح وتودعيه بكل الحب والشوق وهو في سفره ترسليله مسجات حب ولما يرجع تستقبليه بكل الود والحب كذا هو راح يستحي على دمه .. بتحرجيه بطيبك ومعاملتك الحلوة معاه لكن الحين من جد مادري ايش الحل .. والله اعلم وشلون بيكون موقف زوجك وتصرفه كوني اهدأ واعقل من كذا ياقلبي الدنيا ماتسوى والرجال محتاج للسفر من وقت للثاني عشان يجدد نشاطه ويرجع لك بنفس حلوة مرتاحة الله يسعدك |
عادي لو سافر واخذ راحته يعني .. حتى لو كنت واثقه فيه
بس مااحس اني مرتاحه للروحته ابد الإشراف/ يمنع ذكر أسماء دول بعينها .. |
هل تشعرين أن الحياة معه سوف تتدمر ؟
هل عندكِ أبناء منه ؟ |
هذه السنه الثالثه لنا
ماعندي ابناء بالنسبه اني احس ان الحياه تتدمر بقولك بجد اذا تغير عليييييي ولا حاولت اني ارجعه للأنسان اللي قبل وصار على نفس الحال وكثرت روحاته يمكن تدمر ولا اتحمل ان اعيش معه ماادري ربك يسترويعيييييين |
أختي أنتِ قلتي أنكِ لا تشكِ فيه
والعصبية التي انتِ فيها تدل على ماذا ؟ وما السبب الذي يجعله يسافر مع أصدقائه من دونكِ !!! |
يااااااه بهالسهولة تتنازلين عن حب حياتك وتقولين لا اتحمل العيش معه؟
اجل وين راح الحب .. وعشرة الثلاث سنين ؟ الحب يخلي كل المشاكل تهون مهما كانت كبيرة الحب يعلمنا التضحية .. الايثار في الحب مافي مكان للانانية ولا حب الذات في الحب كل طرف يحاول يسعد الثاني ويشوف سعادته بسعادة شريكه مهما كانت في الحب مانتخلى عن اللي نحبه في أمس حاجته لنا زوجك اذا كان تغير لاي سبب من الاسباب .. تتخلين عنه بدل ماتوقفين معاه ؟ اذا كنتي تحبيه من جد ماتقدري تتنفسي دقيقة ولا ثانية من غيره اذا كنتي تحبيه من جد توقفين معاه ترجعينه لربه تحاولين معاه بالنصيحة بالكلمة الطيبة بالدعاء الصادق فسهام الليل لاتخظئ الحب مافيه انا اثأر لنفسي وكرامتي الحب مافيه الا التضحية وبس انسى نفسي عشان خاطر حبيبي اهم مافي الدنيا انه يكون مبسوط ومتهني ومرتاح وربي راضي عنه عشان يجمعني فيه ربي في جنته مفهومك للحب غريب وعجيب اتركي الموضوع لقلبك هو اللي بيدلك للطريق الصح الله يسعدك |
أسأل الله أن يهدي زوجك ويصلحه لك
اطلبي من الله الهداية له وأن يحفظه من المعاصي والآثآم وحاولي أن تغيري فيه بحيث لا يحتاج لان يخرج دول اخرى إلا معك |
اقولك ليه لأن زوجي احيان مايكون عنده رائي اخاف اللي معاه ياثرون عليه او يروحون لأأي مكان انت ادرى .....هاالشي اللي مخوفني بعدين الشيطان شاطر
|
تصرفه غير صحيح
هل عندكم شيخ من المشايخ يستمع لنصائحه ؟ زوجكي يجب عليه ان يتثقف في التعامل مع زوجته |
سوري حبيبتي بس مسجاتك الاثنين بيسدوا النفس
حتى لو الرجال مو مفكر يسوي شي بعد هالمسجات يروح يسوي ليش هيك هذا وإنتو تحبو بعض لو ما كنتو تحبو بعض شو عملتي فيه الله يعينك أم وليد |
اقتباس:
|
اقتباس:
من جد شي يقهر حطو نفسكم مكاني |
اقتباس:
|
اقتباس:
|
بصراحه كان يصلي باااستمرار بس من فتره صار متهاون
كل يوم انصحه كل يوم اززززززن عليه لين مايصلي اشكر تفاعلكم |
سيد برتقالة كلامك صحيح وماعليه غبار بس اختنا في الله تزوجت زوجها عن حب هذا شي
والشي الثاني حتى لو ما اخذته عن حب فباعتقادي العشرة راح تنمي المودة والرحمة بين قلوبهم ومن حق الزوج على زوجته انها توقف معاه وتساعده اذا كان بعيد عن ربه مو تتخلى عنه وتقول اذا اتاكم من ترضون ردينه وخلقه !!!!!! |
اقتباس:
شو استفدت من مسجاتي غير الهم لو كنت قلت الو كلام رقيق خفيف وكلام شوق وما عاتبته ابدا كان حس على دمه وبيحس بغلطته وبيراعي شعوري بس اني ضج الحكي ضج بيعطيه مبرر لتصرفه فهمتي علي يا قلبي |
صح كلامك اختي تالينا
واحس اني شوي هديت ومن كلامكم خلاني اغير شعووووووري وان شاءالله اذا وصل اخذه باالحب وراح انسى اني عصبت يمكن هاالشي يحسسه بخطاه ولا وشرايكم :( |
اقتباس:
:o مومشكله هو عارف اني معصبه اذا وصل راح اخذ بكلامك :o:o:o |
طيب الحمد لله انك اقتنعتي بكلامي
هذا زوجي مسافر من امس لنفس البلد اللي زوجك سافر له يمكن متواعدين :d وشوفيني كيف ودعته وجهزت له شنطته واغراضه بيدي .. وحطيت له رسايل حب في جيوب بنطلوناته .. واذا رجع باحضرله مفاجأة وليلة رومانسية .. هل هذا معناه انه ماعندي كرامة؟ او انه زوجي صايع ضايع ويبغاله ترويض وتأديب؟ سعادة زوجي عندي بالدنيا هذا اولا وثانيا اذا هو كان مبسوط ومرتاح فهذا الشي راح ينعكس عليا انا وعلى اولادي بشكل ايجابي كيف .؟ انا اقولك كيف بيرجع من سفرته مع اصحابه نفسيته متغيرة ومرتاحة ونشاطه متجدد وبيجيله احساس لو بينه وبين نفسه مو شرط يظهره لي بيجيله احساس انه تركنا لوحدنا واننا ضحينا عشانه .. وبكذا بيحاول يعوضنا قد مايقدر سواء بالطلعات او الهدايا او حتى المعاملة الحلوة والكلمة الطيبة والنفسية المرتاحة لازم الحرمة تكون ذكية تعرف كيف تتعامل مع زوجها وباي اسلوب تتكلم معاه وتعرف كيف تزعل وكيف ترضى وكيف يكون اسلوب الزعل والعتاب وكيف يكون التلطف في مخاطبة الزوج والكلام معاه كيف نبغى نحافظ على ازواجنا ومانبغاهم يطالعوا برا واحنا مانعطيهم ريق حلو؟ كيف نبغاهم يظلوا مخلصين ولا يتركونا دقيقة واحنا نقيدهم ومانعطيهم مساحة حرية يرتاحوا فيها شوي؟ لازم الزوج يحس انه زوجته مميزة ومهما دور مابيلاقي ظفرها وهنا انتي وشطارتك لازم تعرفي كيف تأسريه بحبك والله يسعدكم يارب |
مممممممممممممم كلامك زي العسل وربي بس اهنييك على اعصابك وسعة بالك :(
راح اضغط اضغط على نفسي للااااااااخر مع اني ماتعودت اواجهه الطرف الثاني برضاا بس ان شاء الله اتعووووود ويارب مااعصب لماااااشوفه :( |
علاج الغضب
1 : الاستعاذة من الشيطان الرجيم وجلوسكي اذا كنتي قائمة واضجاعكي ان كنتي جالسة والوضوء أو الغسل بالماء البارد ومس يد الرحم إن كان مغضوباً عليه فإنه من مهدئات الغضب 2 : تذكري مساوىء الغضب وأخطاره النفسية والصحية فرب أمر تافه أثار غضبة عارمة أودت بصحة الانسان ودمرت حياته ولا تنسين ان تتذكري فضائل الحلم آثاره الجميله وأنه باعث على إعجاب زوجكِ وإعجاب الناس بكِ وكسب عواطفهم ( إدفع بالتي هعي أحسن فإذا الذي بينك وبينه عداوة كأنه ولي حميم إلا الذين صبرو وما يلقاها إلا ذو حظ عظيم ) فصلت متى بعد بتصير مشكلة ثانية حتى أضحك ههههههه أمزح الله يزيح همومكِ وأضحكك الله في الدنيا والاخره |
> الصمت هو الحل الأفضل أمام المشاكل الزوجية التافهة.
|
ياقلبي عشان خاطر حبيبك تتحملي مصايب الدنيا باللي فيها صح ولا لا؟
الا اذا كنتي ماتحبيه :( الزوجة لااااااازم تتحمل وتضحي اكثر من الزوج عشان تمشي الحياة الزوجية بسلام اقتباس:
اذا جيتي بتزعلي ولا تعصبي .. انتظري كم ثانية امسكي نفسك وفكري في العواقب قولي انا اذا عصبت الحين وش راح يصير؟ بتنحل المشكلة ولا بتزيد؟ بيزعل علي زوجي ولا يفهم وجهة نظري وتتحسن الامور؟ ياترى بكون كسبانة ولا خسرانة؟ فكري لحظة وحدة بس بعدها قرري تصرفك وش راح يكون عشان ماتندمي بعدين وتقولي ياريت اللي جرى ماكان وتبدأي تدوري حلول الوقاية خير من العلاج |
يرجى من الجميع الالتزام بمسار الموضوع ، مع ضرورة مراعاة التخاطب بين الجنسين وتجنب المشاركات الهزلية والغير مفيدةحتى لا يتعرض الموضوع للاغلاق أو القص
|
يااختي رسالتك الثانية مالها داعي !
هذا امر !! الامر الثاني خلونا صريحين شوي : رايح لدولة مجاورة : يعني رايح يبني مساجد يعني !! هذا كلام ! ايش يعني تغيير جو !! لانتجاهل ارجوكم !! ترا المرة معها حق !! من حقه كأسلوب تربية _في نظرة_ يسكر جواله لكن يروح هناك الصراحة ماتنبلع!!!!! |
لازم تهدي شوي وما تعصبي
ما في شي بيستاهل كل هالتصرفات والرجال ما بيحبو النكد الله يعينك عليه بس لازم شوي تتحكمي باعصابك |
امنتم فاهمين غلط
الحرمه مو زعلانه لان زوجها سافر هي تقول انها عصبت انه بيسافر بس ضغطت على نفسها وقالت خليه يروح يغير جو بس سبب الزعل انه لبس وطلع وقالت له وين بتروح وقالها مشوار ليه ما ودعها ولا قال لها انه بيسافر المفروض يسلم عليها ويشوف وش الي ناقصها قبل لا يسافر مو يطنشها ويسكتها الي سويتيه ماتلامين فيه اقتباس:
والله غلطانه اذا سويتي كذا كذا راح يتعود على حركاته وماراح يحط لك اعتبار بالعكس ازعلي وبيني له ان الي سواه غلط انتي زوجته ولازم يكون عندك علم انه بيسافر مو يقوله بروح مشوار ترا هو مو عايش لحاله الزواج مشاركه يا اختي فهمي زوجك بهدوء وبدون عصبيه بس لا تعدينها له |
اقتباس:
|
ياحلوين الحرمة هدأت وعقلت وانتو الحين جايين تقوموها على زوجها؟
حرام عليكم والله ياليت تقرأوا الموضوع السابق مضبوط قبل لا تحكموا لسه الراجل وحرمته كانوا متزاعلين من كم يوم والسبب في الزعل الزوجة بعض الازواج _واتوقع زوجها منهم_ مايرضى الا اذا اخذ له كم يوم عشان يهدأ وهذا اللي حصل .. قعدت عند أهلها كم يوم بعدها رضى ورجعوا لبعض لكن الزوج لسه شايل في خاطره من الحركة اللي سوتها .. وحاب انه ينفس اللي بنفسه بعيد عنها عشان لا ينفعل عليها وترجع المشاكل من جديد ليش نفترض سوء النية .. وليش نقوم الحرمة على زوجها .. ربي ماقال كذا التمسوا له العذر .. ولما يرجع من سفره بالسلامة بيكون وقتها هدأ وترجع المياه لمجاريها أما اذا رجع متغير عليها .. وقتها لكل حادث حديث هداكن الله |
الاختان العروس وأحلاهم لا تتسرعون الاخت هدأت وانحلت المشكلة
|
والله ياأختي أنا من رأي الأخوات ختومي وأحلاهم والعروس ليش تعدينها له ليش بلدنا مافيها أماكن توسع الخاطر الحمدلله عندنا أجمل الاماكن ونصيحتي خليك حازمه
|
اوك خلاص انااراح انهيي الموضوع
اقولكم وش صار بعد ماجاء بصراحه بكون معاكم صريييييحه للاخر <<برج الجدي بصراحه بعد ماكتبت الموضوع لكم هديت دقايق معدوده فقط لاغير بعدين كل العصبيه رجعت يمكن كنت اجامل نفسي .. المهم وصل الساعه 4 اوكيه وكنت بالغرفه على السرير ولاكلممممممته ولا كلمني هو :( <<حركاته من جد احيان الواحد يبي ينتحر احيان اعجز افهمه المهم ماكلمته جلست يمكن عشرين دقيقه قلت يمكن يتكلم بعدين جيت قلت في بالي يابنت الحلال عديها هالمرة وشوفي وش في خاطره جيت وضميته وسكت <<قالك تعلمتي الصمت ههههههه وجلست اطالعه بدون كلام قال :وشفيك قلت اللي قاعد تسويه انت تشوف انه صخ ولا خطا قال وشسويت ومن هالكلام (طبعا مسكة اعصابي للأخر) ولارد على سؤالي بعد ماخلص كلامه قلت :جاوبني اللي تسويه صح ولا خطا لاترد عليي الحين فكر خمس ثواني وبعدين رد عليي قال ايه خطا قلت طيب ليش تسوي كذا ترى شي يزعل قال : والله طفشان ومتضايق احس بضغط وكل ماادخل البيت احس بكتمه (قلت انا خلاص نجيب شيخ يقرا على البيت كدعابه يعني ) قام يضحك المهم شويه هدا قال :زعلان من المسج اللي ارسلتيه ليش ترسلين كذا قلت له لو كررت حركاتك من جد راح اترك لك البيت علشان ترتاح لأن زوجتك مومهمه عندك اهم شي نفسك وبس .. قال والله العظيم دخلت البيت خايف مالقاك (هنا كسرخاطري وربي) وسكتنا شوي (قال :بجد ماابي افقدك ) عاد هنا تدمرت انا :( بس اخذت اخذ واعطي بالكلام معاه لأنه هو يااااااادوب يتكلم :( وتشوفوني مااصدق انه يتكلم .. قلت وش تنصحني فيه لماااعصب انا قال ماااااااابيك تبكين ابد حاولي بس ابغاك تواجهين الواحد .. قلت :كيف اواجهه يعني قال: مثلا يوم انا قلت بروح ..ليش على طول كتمتي وزعلتي ليش ماااجيتي وهديتي الوضع غيرتي الجوووووو يمكن اهون ... قلت وشو بعد غير كذا .. قال بعدين بكمل .. والله يستر على الباقي هع .. بس وشرايكم انتو بشخصيته جد كل واحد يتكلم ويقولي وجهة رائيه <ديمقراطيه هع لي عوده |
بغض النظر عن الرومانسيه وكذا
اقصد كيف اقدر افهمه هو شخص كتووووووووم وماااايتكلم ابد |
لا أدري كيف لانكِ أنتِ من تعيشي معه وتعرفي المفتاح الذي تدخلين إليه
|
رائع جداً
شخصية زوجك رائعة وأكثر من رائعة كمان شوفي مميزاته : 1. يحبك حب صادق 2. إنسان واعي ومتفاهم 3. إنسان صريح 4. إنسان قابل للتفاهم والتغيير 5. إنسان صادق ماعنده لف ولا دوران ايش تبغي أكثر من كذا؟ والله يا أختي عندك زوج بالدنيا كلها ، عضي عليه بأسنانك ورجولك ولاتخليه يفلت من يدك تعلمي كيف تفهميه ، وكيف تحتويه ، عشان يعيش مبسوط وسعيد ومرتاح معاكِ ولا يفكر يفارقك دقيقة واحدة هذا هو من غير ليلة رومانسية ولا كلام حب شوفيه صارحك باللي في خاطره وقالك انه خايف يفقدك وزوجك مو كتوم ، لكن يبغاك تعرفي كيف تتعاملي معاه وتستخرجي الكلام منه زي ماسويتي لما رجع من سفره قالك اللي بخاطره كله الله يسعدكم يارب |
| الساعة الآن 04:18 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©