|
29 سنه وما تزوجت
الله لايهينكم ابغى الصفات اللي تتوفر في المرأه يعني كم يكون عمرها اذا عمري انا 29انا افكر يكون عمرها 20 لايكن يقولون توها صغيره والله حاله20 وصغيره
الدين مطلب اساسي والشباب الله يكفينا شرهم يقولون ركز على الجمال معاد عرفنا واهلي يقولون الجمال في ذا الوقت نادر طيب وش اسوي شكلنا بنواصل حياة العزوبية |
أظفر بذات الدين تربت يداك ولكن لا يمنع أن تجمع الجمال مع الدين والأخلاق والعلم الحمد لله كثير من البنات لديهن جميع المواصفات ...... ومن قال أن الدين والجمال لا يجتمعان ...... ؟؟؟؟؟؟؟؟؟ الله يرزقك بالزوجة الصالحة التقية النقية ويجعلها قرة عينك ويرزقك يالذرية الصالحة |
هههههههههههههههههههه
أسلوبك ممتع في الحديث والله يهني بنت الحلال ركز على الخلق والدين , ترى الجمال تتمتع به أشهر معدودات وبعدها تصبح الجميلة كغيرها والخلاق والالتزام يستمر مدى الحياة ( أظفر بذات الدين تربت يداك ) السعادة ليست بالجمال وأنا سمعت من متزوجين تزوجو جميلات لكنهم ليسو سعداء |
كيف مافي جميلات؟؟
الجمال في كل مكان بس هم مايبغو وحدة احلى منهم الله يرزقك بمن تسر ناظريك |
اقتباس:
المشكله انه شرطهم اهم |
اقتباس:
|
اهم شي بعد الدين انوه يكون توافق في العمر لا زم يكون عمرك قريب لعمرها يعني مو لازم
يكون عمرها 20 في راي لو كان عمرها 24 او 23 هو العمر المناسب وهذا مجرد راي |
طيب ليش ماتاخذ عمر 27
|
انت طلبت النصيحه
انصحك بانت تختاره انسانه تخاف الله وطيبه القلب ظاهرا وباطنا ولا تشمي ورا الجمال الخارجي ولا اعرف لم تريد بنت بالعشرين انا اشوف وحده من 24 الى 28 جدا انسب لك لتوافق الأفكار انتو الشاب رسخو عندكم البنت اللي بالعشرين ولا 19 ولا 18 هي اللي راح تسعدك مع الأيام يجونا الشباب يشتكون باختصار لو شفت بنت اكبر من 20 وخلوقه وطيبه توكل على الله وبالزواج لا تشتشير فلان وعلان خاصه الشباب اللي بسنك لان نظرتهم مو بعيده ولا متفهمه |
ـهههههههههههههـ
والله انك صادق منت وجه زواج امزح ... يخوي توكل على الله وخل عنك السلبية والاعتماد على الغير والقاء اللوم على الغير وضع صعب :p |
اقول الجمال اكيد مطلوووووب
بس اهم شي اخلاقها وأهلها لاتقول ماني متزوج اهلها بالعكس اذا اهلها كويسين قلت تدخلاتهم في حياتك وارتحت كثيرا ولا تنسى ان تكون متعلمه وتقبل خالص شكرري |
اخ خيركم لأهله والله رعبت الولد بصدق وبروح ينام اللحين
اخ شاي وراسك شاب لازم تحط انت مواصفات لحالك حتى تطابق شخصيتك وبعدين كيف تاخذ اقل من عشرين بصير فرق في التفكير لان فراق العمر كثير زي ما قالو الاخوان إ؟فر بالذات الدين والي يقول الك الجمال نادر شكله هذ1 ما يشوف أحد لان الجمال والله بكل مكان الله يوفقك وتلقى الي تتمنى |
اقتباس:
|
اقتباس:
|
اخي الله يوفقك للي تناسبك
انصحك ابحث عن مواصفاتك بدون ماتفكر في عمرها ايش لك بالعمر اهم شي تجد مواصفاتك الي تريدها بزوجه المستقبل لانه قد تجد عند بنت ال30 الى ماتجده عند بنت ال20 والجمال مو حصر على عمر معين وعمري ماشفت جمال مثل هذا الايام ماشاء الله كل وحدة تقول الزود عندي على العكس القبح اصبح نااادر جداا جداا ماعليك من كلام الناس |
اقتباس:
|
اقتباس:
|
تبى نصيحتي .. من وحده مجربة ..
خذ وحده من جيالك.. يعنى اصغر منك ب 3 او 4 سنوات واذا كثرت بس 5 سنوات لان بنت ال 20 تفكيرها غير عن تفكيرك واهتماماتها غير عن اهتماماتك.. الا من رحم ربي وبصراحة انا لما تزوجت كان عمري 19 وزوجي 29 يعني فرق 10 سنوات .. احس اهتمامات كل واحد فينا غير عن الثاني مع اني احس انوا بيننا شي مشترك مادري وش هو ...بس مافي تفاهم.. واتمنى لك التوفيق من كل قلبي |
اقتباس:
|
بصراااااااااااااحة افضل شئ يكون عمرها 22 او 23 يعني تكون مخلصة الجامعة..
البنت بعد الجامعة تتنور اكثر بالحياة الزوجية.. عكس 20 بعدها صغيرة.. انا عن نفسي احمد الله وشكر فضله اني ما تزوجت وعمري 20 لاني كنت راح اتعامل معه غير لما اتزوج الحين.. كان كل تفكيري خدامة و طلعات.. واكون قويه كلمتي مسموعه.. وا اعرف فن الحياة الزوجية.. لكن بالجامعة اطلعت على كثير حالات.. وصار عندي نضوج اكثر جدا.. بالحياة الزوجية وصفات الرجل.. وايش يحب وايش يقع والاغلاط اللي تصير.. والحين اذا اتزوج رجال ابيه يكون قريب من عمري اكبر مني بكذا سنة فقط .. اكثر من كذا لا.. لانه راح توسع الفروقات؟ والجمال والدين ينجمعون.. وليش ما ينجمعون.. انت استخير الله وكثف الدعاء والله يوفقك.. |
السلام عليكم
اخووي الغالي بالنسبه للاختيار عليك بالذات الدين فانها ان رات منك خيرا زادتك وان وجدت غير ذلك ناصحتك وعاشرتك بالمعروف .. بالنسبه للعمر من وجهة نظر شخصيه فارق من خمس سنوات وتحت مناسب جدا لك ولي ولكل رجل يريد امرأه قريبه منه .. يعني مثلا اذا عمره الرجل 25 او 26 يتزوج من 20 الى 22 .. ومثلك 29 تزوج من 23 الى 26 ....او حتى 27 ... علشان فيما بعد ما تكبر عليك المرأه فهمتني !!! يعني خمس سنين فرق او اقل جيد ام فرق سنه او سنتين او فرق عشر سنين من وجه نظري ما اقبله .. |
انا اضم صوتي للي نصحوك تاخذ وحده قريبة من عمرك انا وزوجي بيننا سنتين فقط بصراحة مرة متفاهمين وتحس اننا من نفس الجيل وكنا بالجامعه بنفس الوقت تقريبا يعني لما نتكلم عن الجامعه او الدراسه او الحياة العملية تلاقينا نفس الافكار ومرة متفاهمين وبالنسبه للروحات والجيات والسفر دايم تكون نفس الرغبات لاننا من نفس الجيل ونفس الافكار انا اشوف ان هالشي بالمرة حلو واشوف اللي حولي وبينهم فرق عمر كبير يعني صحيح مبسوطين وعايشين باستقرار بس دايم شكواهم من عدم الانسجام الكامل وفرق بالرغبات وصعوبة في الاتفاق على اغلب الامور..
بالنسبه للجمال زيما قالو اللي قبلي الحين اغلب البنات تهتم بنفسها واغلب البنات صارو حلوات الا القليل والعمر بالذات لا تشيل همه بهالزمن ما شاء الله محد يكبر الاهتمام والحفاظ على الرشاقه والعناية تخلي ام 40 كانها ام 20.. لذلك نصيحتي لك اسأل عن الاخلاق والهدوء عشان تضمن حياة هادئة ومريحة لو تاخذ ملكة جمال وتكون عصبية ومزعجة ومشكلجيه مارح تعرف طعم الراحه ولا باحلامك.. اما اهلك اللي يقولونلك مافيه احد حلو هالايام اسمحلي اما انهم معقدين ولا مايبونك تتزوج او يبحثون عن مواصفات مستحيلة انت قلهم من قالكم ابغا ملكة جمال ابغا وحده عاقله وملتزمة وهادية ويكون شكلها مقبول مب لازم تكون صارخة الجمال واذا دخلت عليها وشفتها ان شاء الله تعجبك واذا ماعجبتك خل اهلك يدورون لك غيرها ترا المسألة مو معقده لهالدرجة توكل على الله وخل اهلك يدورون لك ويجيبون لك اكثر من خيار ترا كلنا تزوجنا وخطبنا لاخواننا بشكل مريح وسريع مهب معقدة السالفه انت لا تكبرها والله يسهل كل امورك.. |
اقتباس:
|
انا بيني وبين زوجي 10 سنوات ..
عايشين سمن على عسل .. عمره ما حسسني ولا انا حسيت بفارق السن .. اللي يشوفني مع اولادي ما يقول امهم .. يقول انت اختهم .. ربي يحفظهم .. وربي يرزقك ببنت الحلال التي تريحك وتعفك و تدللك وتكون ام اولادك .. وامانه اذا خطبت بشرنا .. |
الحال من بعضه ياشاب وراسي شاب
أنا حالتي زي حالتك مع اختلاف بسيط . والعمر متقارب (عنسنا) أنصحك بــــــ( اظفر بذات الدين) تراها هي اللي تعرف حق الله فيك وماتتعبك هي اللي تتعبد الله بطاعتك وحسن التبعل لك لا تغتر بالقشور تراها ماتدوم والله لوكانت (ست الحلوات) راح تكرهها وتكره جمالها إذا روحها مي حلوه بعدين الشكل لو كان جميل أو دون ذلك راح تتعود عليه مع الايام ويكون عادي بالنسبة لك الجمال مهم لكن مو كل شي لاتغتر بالمظهر وتنسى المخبر ., عشان ما يصير لك ما صارلي إحححححذذذذذذذرررررررررررررررررر |
الاخت البحلة بالنفس مشاركتكِ رائعة جدا وقيمة
الاخ بريد المحبة هل من الممكن أن تحكي لنا معاناتك مع الجمال ؟ أعتقد أنك منصدم من هذا الشيء ومتندم نريد نعتبر سمعت عن كثيرين يقولون لنا هذا الكلام ممن تزوجو جميلات |
اختي العزيزه البحله ربي يسعدك
فعلا الفرق البسيط يجعل الزوجين كالصديقين لكن عقليه شبابنا المتخلف تجعله دائما يفكر بالزواج بواحده اصغر منه لانه يفكر بالزواج من زاويه وحده فقط اما اللي يبغي من زوجته تكون له زوجه وصديقه واخت فباعتقادي سيرتبط في وحده بسنه او اصغر منه قليلا الله يعطينا ما نتمنى يارب |
شوف كلمة دائما اكررها
اذا جيت تختار اطلب أولا الجمال فإذا توفر اسأل عن الدين والخلق لانك لو طلبت الدين وطلعت ليست جميلة فليس بجيد أن ترد الدين لأجل الجمال وهذه قرأتها لأحد السلف والجمال جيد تكون جميلة ويزيد جمالها أخلاقها أسأل الله ان ييسر أمرك ويشرح صدرك |
اظفر بذات الدين تربت يداك
لا تشترط السن ، فإن قابلت زوجتك التى كتبها الله لك فلا تترد لسن أو مال أو غيره . أهم شئ أخى الدين والأخلاق اللهم أرزقنا الزواج الصالح والزريه الصالحة |
معادعرفنا لكم ناس تقول خذ كبرك وناس تقول صغيرة
|
اول شي اصبغ شعرك ...........ثانيا انصحك بعمر 18 الي 20 وبعد العشرين فكر جيدا ولا تتهور ..اخوك مجرب .
|
اقتباس:
|
اخي الكريم مالك من العمر الحين .. الترتيب الاهم هو
الدين : اولا و قبل كل شي. عشان تصونك و توقف معاك و تعاملك بما يرضي الله الاسرة : تكون من اسرة طيبة و محترمة .. ما يكثروا عليك بالطلبات من جهة وهمهم ستر بنتهم و من جهة ثانية لو غلطت في يوم من الايام تلاقي من تشتكي لهم و يعقلوها .. و الله في عايلات تقف مع بناتهم حتى لو كانوا على غلط لا و يطلعوا فيك علل الدنيا و الاخرة و يعاملوك و كانهم تفضلوا علييك لما زوجوك بنتهم ... فانتبه .. الزواج هو ارتباط عايلتين مش شخصين .. واحرص كمان انه اهلك متفقين مع اهلها الروح الحلوة: بقولك من واقع تجربة لازم تكون البنت مرحة خفيفة الظل ( هذه الصفة تعرفها من خواتك مثلا لما يقابلوها او من خلال السؤال عنها).. هذه الصفة فعلا تحبب من الزوجة الرجل يروح من شغلها مهدود حيله محتاج وجه بشوش يقابله ينسيه الهم .. تمزح شوي تنكت شوي تنسيك هم العمل و لا ناوي تقضي حياتك مع وحدة مبوزة 24 ساعة :) القناعة : ما اعتقد انك ناوي على وحدة تقعد تقلك جيب و جيب و فلانة معاها و انا ما عندي احلى شي اذا كانت قنوعة و حامدة ربها على نعمة الصحة و تشوفك الاهم بحياتها اخر شي الجمال الخارجي: اكيد لازم تكون على قدر معقول من الجمال ما راح اقولك ملكة جمال بس مقبولة .. و في زمننا هذا اطمن يا كثر الجميلات ماشاء الله اذا لاقيت الصفات الي فوق مجتمعة في بنت من اي عمر كان 20 و لا 25 و لا 29 خذها و توكل على الله لانك راح تعيش ملك .. الله يرزقك و يرزق بقية العزاب بالزوجة الصالحة الودود الولود يا رب العالمين و يبعدكم عن الانانة -الحنانة- المنانة –الحداقة - البراقة – الشداقة :) :) :) :) قرأت الموضوع اللي تحت في احد المواقع و حبيت انقله لك و لبقية العزاب :) اقتباس:
|
اقتباس:
|
الله يسر امرك اخي الفاضل ، انصحك كاخت صدقني، بان تعتمد على نفسك باختيار الزوجه
لو مثلا احد رشح لك فتاه، روح شوفها نظره شرعيه واجلس وتناقش معها، علشان تعرف مدى التقارب بينكم طبيعتها ولو مبدئيا لأن للأسف بعض الخوات والأقارب من الغيره يحطون الف عيب بالبنت والبنت ما فيها شي والشي الثاني ربما ما لا يعجبهم قد يعجبك انت اهم شي علشان ترتاح بحياتك الزوجيه ، ان تلاقي من يرتاح لها قلبك وعقلك طبعا مع وجود العنصر الأخلاقي سبحان الله ، في ناس لما نشوفهم نشعر لهم بارتياح ولما نتكلم معهم نكتشف انهم مناسبين لنا فتتكون صداقه وفي الزواج ايضا استخير الله وادعيه كثير ا يرزقك بنت طيبه وصالحه وانت لو مثلا تبيغها تطبخ يجب ان تخبر فتاتك وتشوف هل لديها اتسعداد هل مقتنعه هل متواضعه تقدر تريحك ،لما تلقى كل اللي تبيه ما في مشكله للعمر بعدين |
اقتباس:
|
يا اخي الكريم لم نذكر
الا الدين و الاسرة و القناعة و البشاشة هذا اصبح طمع ؟؟ كيف اللي يدورون العيون الخضر و الشعر الاسود الي يهفهف و القد الميال و الفلوس و و المركز المرموق الخ الخ ماذكرته لك المفروض يكون اساسيات :) :) تتكلم و كان العالم فضى من البنات الاتي تجتمع فيهن الصفات الجميلة .. العمر مش مشكلة ... الصغيرات كثييرات و الكبيرات اكثر .. اهم شي صفاتهم .. و الجمال على قفا من يشيل الله يخلي مساحيق و عمليات التجميل ماعاد مشكلة لا تبني اختيارك على العمر و الجمال صدقني الله يوفقك |
صدقني تخطب وتتزوج في غمظة عين
هذا النصيب لاوقع العمر ....صدقني قناعة شخصية أسأل الله أن ييسر أمورك |
| الساعة الآن 11:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©