|
لماذا لا يدخل الفرح الى قلبي شوفو معاناتي واحكمو
هذا اول موضوع لي بهالمنتدى اتمنى منكم الافادة
ياجماعه انا زوجي صاحب قلب طيب يميل بالكلمه الحسنه لكن فيه امور تقهرني كثير فايام الملكة كان دائما يتكلم عن الحياة الزوجيه وعن منع الروتين من غزو تلك الحياه واهمية الهديه للزوجهبين الحين والاخر حتىلو كانت بسيطه لا يتعدى سعرها الخمسه ريالات كورده حمراء او شئ بسيط انا احبه وكنت اسمع من هذا الكلام الجميل تزوجنا وكملنا الان سنه ونصف تخيلو ياناس مر عيدين ومناسبة الزواج ايضا مافكر انه يهديني هديه عليها القيمه مر العيد الاول عيد الفطر وانا لمحت له ان في عيد جاي واحب ان زوجي يهديني شي من ذوقه ويفاجئني به ولمحتله اني بعد بهديله مو شي بس لاجل ان يعرف اش احب لان الرجال عادة ماينتبهو لهالامور لكني ذكرته باحدى الاعياد واحنا مملكين لما ماجاب لي هديه وقال مو معقول انا اسويها مستحيل -يعني انه مو من عادته انه مايهتم بهالامور طبعا كان باقي عالعيد اسبوعين وكنا لما تناقشنا بقمة الحب وقتها المشكله وقتها جا العيد تخيلو اش سار كنت مجهزه له هديه حلوه من 3 اشياء كانت حلوه وفيها اجتهاد كنت متخيله اني بلاقي منه هديه لو ب50 ريال بس يرضيني فيها وطبعا حطيت الهديه وكتبت عباره جميله ودعوه حلوه بان الله يهدي سرنا لاننا بذيك الفتره كان بيننا شوي مشاكل لقيته شكرني متصنع العرفان تجاهي بكلمتين ودخل ينام بعد ماكان طول الليل سهران عند اهله حتى صلاة العيد وبعدين جا نام وقال صحيني الساعه (؟)عشان بنروح عند اهله برضو لانه متواعد معاهم طيب^^^^^^^^^^^وانا مالي حق فيه ياناس هذا اول عيد ليش ماقدرني فيه انا مو محزنني انا مااهداني لا اللي قطع قلبي وقتها اني حسيت انه قاصد يسوي كذا انا مت من القهر لان كان تعامله معاي زي الزفت ومهملني وبس يبي يقضي العيد مع اهله مع العلم انه ماعطاني من وقته ولا شي ماحسسني اني زوجه غاليه زي الرجال حتى ماقال كل عام وانتي بخير وبصراحه عصبت مره لدرجة اننا تخاصمنا مو عالهديه لا لانها كانت تراكمات بقلبي ------------------------ جاالعيد الثاني ونفس الشي يبي يقول هذي فلوس عيدك قضي فيها ملابس العيد بس انا قلت لا الهديه مالها دخل بالملابس ابيه يفهم انها مشاعر مو تادية واجب وبالنهايه مامداني اطلع السوق واعطاني يوم العيد 500 قال هذي فلوس العيديه مع العلم انه يعرف انها حقة ملابسي اللي مامداه يطلعني اقضيها بس هو كذا يفبرك الامور بس عشان مايهديني انا انقهر من هالسالفه ليش مايبي يهديني مع اننا نحب بعض بس الحب محتاج غذاء واحنا مبسوطين وكل مايجي عيد الاقي منغصات من جميع النواحي وجا عيد الزواج كنت ابي منه هديه للذكرى لو تعليقة ذهب بس حتى لو ب500 بس الاقيه يتهرب من الهديه وخلاها من هذية خاصه الى فندق ليله باحد الفنادق كان نصف اليوم حلو ونصه مناقر ونكد احسه مايبي يبسطني مدري ليه وحتى من المناقر مابتنا فيه بتنا بالبيت احسه حاسدني عالسعاده المشكله اننا في حب بقلوبنا بس مو راضي يجسده لي احسه كانه يبي يقهرني مايبي حتى الشي اللي يسعدني اضعف الايمان الهديه مع العلم اني اهديه بعيد زواجنا جوال مع العلم اني مو موظفه ابد وهو انسان مقتدر بس ماانكر انه ماشي عالراتب بس ليش انا مااستاهل مفاجأه منه عمره مافاجأني بهديه لو ب5 ريال مع العلم اني مره قلتله نفسي يوم تفاجاني بورده وانت جاي من العمل بس الله المستعان هذي بعض من معاناتي واقلها اثرا بالقلب والنفس نفسي احس بطعم العيد لو مرة وحده والله هذي من اتفه الاشياء اللي اصطدم بها معاه لييييييييييييييييييييييييييييييييييييييييييييييييي يييييييييش المراه محتاجه عنصر المفاجاه هذا انصح كل زوج ان لا يهمله |
السلام عليكم
يا اخيتي سامحك الله ... اولا معلومه مهمه لا اعرف للمسلمين غير عيدين عيد الفطر وعيد الاضحي .. فاحذري البدع ... واسالي المشائخ واهل العلم عن حكم ما يسمى بعيد الحب او عيد الزواج او عيد الام ؟؟؟ بارك الله فيك .. ثانيا يأخيتي بصراحه ( لا تسوي من الحبه قبه ) ياخيتي الفاضله بسألك سؤال لو غصبنا زوجك الان وقلنا جب هديه لزوجتك ؟؟ وجابلك تبين تكونين سعيده ؟؟!!!!!! اسألك ؟؟ الجواب المنطقي لا لانه جابه بالغصب.. اذا لماذا لا ترضين ؟؟ اخيتي فرق اقول دائما بين فتره الملكه ومايحدث بها من كلام لا يطبق منه في الزواج بصراحه الا القليل... وبين الزواج الذي هو عشره وتربيه ومشاغل ومشاكل وسعاده وحزن ومواقف وهكذا.. :: ببساطه حل مشكلتك في نقاط هي .. اهمهاا لا تبحثي لزوجك ولا تغصبيه بان ياتي لك بهديه ؟؟!!!!!!!!!!!!! لا تنزعجي من كلامي نعم فانتي تخلقي لنفسك مشكله من الا مشكله !!!!!!1 لماذا الهديه ؟؟ ياخيتي اذا زوجك يحبك وينفق عليك ويكرمك ولا يهينك ويعطيك حقوقك فتلك اجمل هديه ... ياخيتي لا تحسبين الزواج كله سعاه ورومنسيه لا هيهات هيهات.. ياخيتي الفاضله تأقلمي مع الوضع قولي لنفسك سأهديه حتى لو لم يهدي علي شيئا وعندما تهدينه لا تنتظري منه عباره شكرا ؟؟ بكذا ترتاحي وتريحي بالك وراسك وعقلك .. ::::::: نصيحه اخووووووووووويه لك الزمي الدين و الصلاه والذكر وقراءه القران والدعاء والاستغفار.. صدقيني اهتمي اكثر بامور حياتك الزوجيه غير امر الهديه حتى لا تجعليني اقول لك بصريح العباره وسامحيني عليها ( كبري عقلك ) نعم كبري عقلك ...اعذري زوجك .... انسي فتره الملكه وكل مقال بها.. عيشي الواقع وارضي به... اطفالك اذا عندك اطفال اهتمي بهم وربيهم واشغلي نفسك بامورهم فهذا هو دورك المهم.. اهتمي بامورك الخاصه من رومنسيه ونحوها وقدميها لزوجك صدقيني حتى لو ما شكرك فانه مرتااح .. اخيتي الرجال اشكال وانواع .. كوني ذكيه واكسبي زوجك مدام ان مشكلتك جدا بسيطه .. صدقيني انك لا توجد عندك مشكله اخيرا الحل ارضي بما قسم الله لك .. ان اهداك من طيبه نفس الخير واهله واذا ما اهداك فما عليك وكأن شيء لم يحدث هذا واااااااسف على الاطاله واعذريني على ردي وصراحتي واسلوبي أسال الله ان يوفقكم ويهدي بالكم .. السيف المهند |
http://www.66n.com/pics/hosted/rceo8...wsdlwui05g.gif اختي الله يهديك بس .. هذا انتي اعترفتي بنفسك في السطور الاخيره انها من اتفه الاشياء اللي تتصادمون فيها مع بعض .. اذا اتركي هذه الامور التافهه على قولتك ولا تضيعي وقتك فيها و تبذلي طاقه ومجهود فيها و التفتي على اشياء اكثر اهميه تجلب لك ولزوجك السعاده والفرح .. اختي كبري عقلك شوي .. لا تطفشين الرجال منك بسبب حبك للهدايا اللي على قولتك حتى لو بخمسة ريال !!! الهديه مو كل شي ولا هي رمز للحب .. افرضي ان زوجك من النوع العصبي ولسانه زفر ويده طووويله .. وكل ما هانك او مد يده عليك او طردك من البيت ورجع يصالح وجابك لك هديه تقدر بالالف وش فايدتها ترى ما لها قيمه .. الحب في المعامله الحسنه ..وخذيها قاعده الرجال يحب يقضي العيد مع اهله ولا تنغصين عليه ... شوفي اختي انا ما امدح نفسي .. لا والله .. بس ما احب اوجع راسي وانكد على حالي وعلى زوجي بسبب هدايا .. وسخ الدنيا .. انا صار لي متزوجه 24 سنه عمره زوجي ما حط في يدي عيديه مع انه كل عيد يوزع الفلوس على عياله وعلى الشغالات وانا ما يحط في يدي حتى 100 ريال .. يضحك ويقول لي ها امووره تبين فلوس ؟؟ يمكن ازعل شوي في خاطري واقول اللي بيعطي ما يقول .. لكن ارد واقول له انت يا بعد قلبي بالدنيا كلها وانت عيدي اللي ربي ما يحرمني منه .. اخر مره اشتري لي قطعه ذهب جديده من قبل 17 سنه بعد ولادتي بابني الثاني .. قبل سنه كانت سلسله امه الذهب مقطوعه وهي ساكنه عندي بالبيت وراح واشترى لها سلسه جديده مره حلووه .. وجا لبسها امه .. وكان هو مبسوط لانه امه مبسوطه وتدعي له .. رحت لها وقبلت راسها وقلت لها مبروك يمه والله انك تستاهلين ..قسما بالله انه ما خطر في بالي اني ازعل او اتضايق.. بعدين مسكني على جنب وقال لي والله يا بنت عمي انا مستحي منك والله نفسي اشتري لك ذهب بس انتي عارفه الظروف .. قلت له انا الامور الماديه عمرها ما همتني انت عندي بالدنيا كلها .. لكن قبل 3 شهور توفت امه الله يرحم موتنا وموتاكم وكانوا خوانه ببيعون ذهبها عشان يتصدقون بقيمتهم وقام هو واشتري خاتمين و قلب والسلسله اللي هو شاريها لها و عطاني ايهاهم عشان تظل ذكرى لامه .. والله اني انبسطت فيهم .. ودايم البسهم واحس انه مبسوط اذا شافني لابستهم .. خليك قنوعه اختي ... و اشوف انك ما تهدينه حتى لا تحرجينه .... احمدي ربك ان مشاكلك على هدايا و اشياء تافهه على قولتك .. شوفي المنتدى مليان مشاكل خيانه و ضرب و بلاوي .. لا تخربين على نفسك اختي .. ولا تطفشين الرجال .. |
لا فض فوك اختي الفاضله اميرات
ماشاء الله تبارك الرحمن لا حول ولا قوه الا بالله مدرسه ياختي الفاضله في الحياه .. أسال الله ان يجعل زوجك واولادك قره عين لك ..... بصراحه وقفه قلم اسجلها هنا رد رائع ... والاروع التجربه ماشاء الله تبارك الله :: أسال الله ان يوفقك لكل خير... والسلام عليكم .. |
اقتباس:
|
انا بحب ردكم انتو التنين اميرات والسيفى المهند
|
حكم الاحتفال بعيد الزواج
اقتباس:
|
الهدية تعني لزوجك الشي الكبير والدليل انه تحدث عنها بأيام ملكتك
لكن المشكلة بأن هداياه لاتروق لك وماتجي على حسب رغبتك ربما هداياه يفضلها معنوياً وليس مادياً كما تنتظرينها انتِ هو يرى الهدية بكلمة طيبة أو بخدمة ومساعدة لكِ أو حتى بنظرة خاصة لكِ لاتجعلي هذا الامر البسيــط ان يؤثر على حياة بأكملها وسعادة لاينقصها سوى هدية لم تأتي كما تشائين انظري لحياتكم بنظرة اوسع واكبري بعينك كل امر ايجابي بزوجك وبحياتك معه واسعدي بها لاتجعلي اشياء ربما تتغير مع الوقت كما تريدين لمشكلة تؤثر على نفسيتك وحياتك الحمد لله ياأختي ليست معاناة وأنا لا أقلل من نظرتك للأمور ولكني أراها بموقف مُحايد عن نظرتك .. |
الحمد لله رب العالمين ما اتوقع ان يكون عدم اهدائه لك سبب لضيقك أو حتى للمشاكل بينكم أنا لي 20 سنة متزوجة عمره ماأهداني وإذا قلت له بنوع من المزاح ترى الرجال يعطون زوجاتهم هدايا في العيد وإذا ولدوا يقول أنا معطيك قلبي ما يكفيك ! وأنا أقول في نفسي ما أبي هدايا بس الله يصلح الحال ويبعد عنا المشاكل وأنا دائما ما أقصر وأحيانا ألتمس نواقصه وأحضرها له على شكل هدايا فاحمدي الله إذا حياتكم ما فبها مشاكل وبعدين الهدية مالها طعم إذا جاءت بطلب وقفت على الهدايا ! وبعدين كل وطبعه يمكن زوجك مايحب أنك تطلبي يبغى الشئ يجي منه فاصبري يمكن يتغير إذا ماقلتي له .
|
مثل ماقالت اختنا اميرات شوفي بلاوي الي في المنتدى وبتهون عليج مشكلتج! صدقيني انا صرت استهيف نفسي لما كنت اسوي مشكلة بسبب بعض الاشيا البسيطة ولله الحمد الحين نضجت شوي وصرت امرر شغلات كنت اشوفها كبيرة وعظيمة بس صدق الي يشوف بلاوي غيره تهون عليه بلوته!
|
لماذا لا يدخل الفرح الى قلبي شوفو معاناتي واحكمو
[line] والله لما قريت العنوااااان .. توقعت ..مشكلتك كــــــــــــــــــــــارثة.. ما لها حل الله يهديك بس ... يعنى انتى خليتى كل شىء زين فية ,,, وركزتى على الهدية فكرى بتصرفااتة معاك وفكرى بمعاملتة الزينة ,,, لالا تزهقينة عشان ما جابلك هدية وترا الشيطااان لاعب بعقبك ... ومثبت فكرت (رط الحب بالهدية ) يعنى اذا ما جاب هدية معناتها انة ما يحبك .. ***** صدقين ذكرتينى بقصة صديقتى زوجها تقريبا كل شهر يجيبلها هدية ولا مو اى هدية هدااية حيل غالية بس تعالى شوفى حياتها هى وياااة والله والله والله مـــــــــــــــــا كو حب ما كو احترام .. ما كو تفاااهم ... تحسين متزوجها عشان فلوسها بس ادرى تستغربين تقووولين والهدايا هذى اشلون تجى اقووولك كل يوم مشااكل توصل للضرب وقذف باقبح الكلام وحطى خط تحت اقبح الكلام والله كلام ووسخ حيل واهاانة توصل بطردها من البيت وبالاخــــــــــــــــــــــــــــــــــــــــــــ ــــــــــــــــــــير ؟؟؟؟؟ يجيبلها هـــــــــــــــــــــــــــــــــــــــــــــــــ ـــــــــــــــــــــــدية بالله عليك وش فايدتها الحين؟؟؟؟ |
اختي الكريمة : تعوذي بالله من الشيطان الرجيم ,, وادخلي الفرح والرضى لقلبك
وخلي عنك فكرة الهدية والكلام اللي قاله ايام الملكة . النساء بطبعهن حالمات ورومنسيات وهذا كثرته تفسد الحياة الزوجيه . حبيت اضم صوتي لصوت الاخت صبا نجد من ان بعض الرجال يحب ان يأتي الفعل من نفسه . مو بالطلب .. يعني لو كان في باله انه يحضر لك هدية وسمع هالشي منك فهو رح يبطل لآنه يحب ان تكون البادرة منه وفقكم الله وسخركم لبعض |
والله لا أعرف ليش كل الردود قاسية عليكى هيك. أما سمعوا قول النبى تهادوا تحابوا يعنى ما فيها شيء اذا جاب لك هدية ولكن احتى كونى ذكية ولا تطلبيها بلسانك ابدا تعرفى ايش تسوى
انتى لا تفوتى مناسبة الا وتجيبى له هديه ولو بسيطة وهو راح يحس مع التكرار والزمن ويصير يسوى نفس الشيء من دون ما تقولى انتى . بس المسألة يبغالها شوية صبر |
السلام عليكم ورحمة الله وبركاته
ماشاء الله الاخوة والاخوات ماقصروا وخصوصا الاخ السيف المهند والاخت اميرات والاخت فيافي نجد فجزاهم الله خير الجزاء. اسمعي يااختي الحبيبة انا لم يمضي على زواجي الا سنة وبضعة ايام ومازلت في بداية الطريق الا انني لم انظر الى الموضوع من زاويتك فوالله ان زوجي لم يهديني ولو هدية واحدة لا في فترة الملكة ولا بعد الزواج وللعلم انني بعيدة عن زوجي يعني هو في بلد وانا في بلد ومع ذلك انا اللي تهديه طول الوقت يعني ارسلها عبر البريد ومع ذلك لم اجد في نفسي اي شيء بل اشعر بالسعادة والراحة عندما اراه فرحان بالهدية..... فاحمدي الله على النعم الكثيرة التي اعطاك اياها وكمان بقولك على شيء ان زوجي لا يصرف علي ليس تقصيرا منه ولكن لانني مكتفية ولله الحمد وعمري ماساءلته عن فلوسه واين يصرفها لانني على علم بانه يصرفها على اهله واشجعه على ذلك الفعل.... وكمان لما كان وقت العيد انا بنفسي رحت السوق واشتريت له ثياب العيد وارسلتها له ايضا عبر البريد فياختي حافظي على بيتك وحاولي ان تكوني دائما انتي المبادرة ولا تنتظري اي مقابل ولا حتى كلمة شكر . وارجوا المعذرة على الاطالة واساءل الله يهدي سرك وان يوفقك لما يحب ويرضى ودمت في حفظ الباري |
حرام عليكم مافهمتوني والله
ياجماعه موضوعي معاه اكبر من هديه والله موضوعي مو هديه حياتي فيها امور ماودي اذكرها هنا مافيه كل ماافتح النت اشوفها انا والحمد لله انا عقليتي اكبر من هدية بس الله المستعان بهالزمن الرجال مايقدرو الزواج صار الزواج زي اللعبع بس الله يسامحكم اساتو الظن فيني |
ايش اللي ما فهمناك اختي ؟؟
ليه انت تكتبي شي و تقصدي شي ثاني ؟؟!!! تكتبي عن الهديه اللي تحلمي بها من زوجك حتى لو كانت بخمسه ريال و تقصدي بها مشكله ثانيه ؟؟ اختي حنا ما نعلم الغيب !!! ولا نقرأ ما بين السطوووور ..!!! ولا تتوقعي اذا كتبتي مشكلتك انك بتلاقي الجواب اللي يناسبك و يريحك .. لا .. هنا في المنتدى ما نعرف المجاملات .. الصراحه هي شعارنا .. اكتبي مشكلتك بكل وضوح و صدق وحنا راح نعطيك راينا و نصيحتنا .. ابشري اختي .. |
اقتباس:
وكل اللي مطلوب منك التالي : 1- ماهي مشكلتك بالضبط (يكفي من سطر واحد إلى 3 سطور) . 2- لماذا هي مشكلة ؟ بمعنى أنه هل من المفروض زوجك مايعمل اللي عمله ؟ أو أنك سمعتي قصص عن بعض الازواج وتريدين زوجك مثلهم ؟ 3- ماذا تريدي منا بالضبط ؟ أتريدين (النصح - الدعم - الانصات إلى فضفضتك ). أتوقع لو اجبتي على أسئلتي السابقة بوضوح فسوف تخرجين إن شاء الله بردود تريح بالك . |
السلام عليكم
اخوي الغالي والحبيب ...اخي في الله ماشاء الله سبقتني يالغالي بصراحه ردك رائع ويثلج الصدر فعلا كما قلت واتمنى من السائله ان لاتغضب فنحن بشر...لا نعرف غير ما نقرأ ونرد على مانقرأ .. وحتى اذا ردينا مااحد مجبر يأخذ ردي..ابدا .. شكرا الله سعيك .. |
حاولي انك تحذفين كلمة هديه من حديثك معه لان شكل تصرفه ردة فعللكثرة طرحك للموضوع
وامكن يبا يقدم الهدايا زي ماوعدك بالملكه بس شاف لحك واصرارك عليه قال مافيه خلها تبطل زن لانك افقدتيه جمال الهدايا لكن حاولي تقديميله هدايا بدون ماطالبينه بشي وقولي انا استمتع يوم اهديك وشوي شوي لين مايحس هو انك تستاهلين وراح تشوفين النتيجه |
| الساعة الآن 12:06 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©