الحلقه المليون وواحد : خطبت منهم ولا بعد ردوا علي!!
 

سلام عليكم ورحمه الله

تحياتي لكم جميعا قبل كل شي سبق وان طرحت موضوع قبل هذا عن المسأله نفسها وكان هذا نصه

""السلام عليكم ورحمه الله

صباح الفل والياسمين والزمرد<<<وش جاب الزمرد هنا

هذه انا اعتبرها الحلقه المليون كل مره انزل فيها موضوع من البدايه الى النهايه من اول بدايه التفكير بالزواج الى ان وصلت للحظه الحاسمه لكن للأسف ماصارت حاسمه ):
هذي تعتبر اول خطبه اتقدم فيها لبنت ذكروها لي اهلي بعد مشاورات ومناقشات ولكن الحمدلله الأمور على مايرام مع ان المسأله الى الان ماصار فيها لارؤيه شرعيه ولا غيره مجرد كلام نواعم^_^ يعني انا انتظر منهم كلمه او موافقه مبدئيه ملييييت...
ولد عمي له صله قرابه فيهم وكلتمه وقلت له انا بتقدم للبنت وقال ابشر انا اكلمهم ولايصير خاطرك الا طيب !! تكلم مع ابوها تلفون بحكم انهم ماهم بنفس المدينه,,, ونقل لي ولد عمي بالحرف الواحد وقال انه يعرفني وان يشهد لي بالخير وابو البنت مايجامل لانه يعرفني حقيقه ,,,المهم قال اني بشاورها وبشاور اخوانها !! مر اسبوعين وكلمت ولد عمي قلت هاه بشر وش صار؟؟!! قال اني كلمته وقال لايستعجل الولد ولو كان الزواج بالعطله الصيفيه احسن لايستعجل!! ومر اسبوعين برضوا وكلمت ولد عمي وقلت وش صار قال ماتدري يمكن يستخيرون او يسألون ؟ قلت انا ماصارت تراني بدور بنت ثانيه قالي لااااا انتبه ليما نشوف وش ردهم اول !! المسأله طالت شهر وزياده وانا ابي كلمه بس مو مهم الزواج بالصيفيه او غيرها اهم شي يحسمون الأمر يا نعم يا لا!!

ياجماعه شهر وزياده هل هو تغلي او مشاوره او ايش قسم بالله قهر حتى كلمه ماردوا علي على الأقل انا ابغى ابحث من جديد على بنت ثانيه ومازالت متردد اخاف القى بنت ويردون اهل البنت الأولى بموافقه او غيره !! انا محتار ياجماعه وش الحل ؟؟
الله يعين

تحياتي

برب"" انتهى

الان المشكله اني قابلت ابوها واخوها وكل شي وجلست معهم وتغدينا سوا وابوها موافق واخوها بعد حتى ان ابوها من اليوم الثالث اتصل على اختي الكبيره (جده الان الله يطول بعمرها)^_^ بحكم علاقتنا الاسريه وقرابته لها من بعيد وقال انه شاريني وبالعكس لو كان ودي اليوم قبل بكره وبالعكس ومادري ايش والرجال انا متأكد انه شاريني والاهل كلهم بس بالجلسه مع ابوها قال اخر موعد يوم الخميس الى مضى الان .. وكلمت اخوها وقلت له لاتستعجلون ابد <<<مسوي ثقل ولا هو مستعجل ويبي يعطني البنت فرصه ^_^ بس للاسف الى الان ماكلمني ليتني بس مخليها على ماهي عليه يوم الخميس !! وش الحل ياجماعه مليت انا اتوقع من ام البنت على كلام اختي لان امها شوي منحازه لاهلها وماتبي الي من طرف الاب!!! وسبق وان كان فيه رفض من قبل 5 سنوات لنفس حالتي بس انا الان مادري وش اسوي قلق وهم ..ودي ادور بنت ثانيه بس اخاف يكون عكس توقعي ويوافقون اهل البنت الاولى !!! واتوهق!!

للعلم الان من جلستي مع ابو البنت الى الحين اسبوع ونصف...! والمفروض يكون الرد يوم الخميس الماضي ):

تحياتي

والله طولوها وهي قصيرة المسئلة كلها يبيلها اسبوع بالكثير


الله يعينك

اصبر ليش العجلة.. اتصل عليهم وقلهم ابي رد قاطع..


وانت ماتدري عن البنت.. يمكن البنت تستخير.. يمكن يسألون عنك.. البنت وامها يسألون.. يمكن فيه ظروف ما نعتهم..



ترى ساعات المسألة تطول.. واخوي هذي عشرة عمر البنت مافيها ترتبط وهي ما ارتاحت واستخارت كثير كثير.. وفيه من تاخذ موافقتها ساعة.. وفي من تاخذ شهرين.. وثلاث...


ومو حلوة انك تخليها كذا وما ترد عليها.. الاهل ما رفضوك.. بس يمكن فيه مشكلة من ام البنت زي ماقلت وهم يقنعونها.. الناس شارينك لاتبيع.. وانت بهذي الفترة اجلس صلي واستخير الله..


وكثر استغفار .. ((لاتدري لعل الله يحدث بعد ذاك امرا))


والله يوفقك.. والعجلة ماهي زينه..

انا ماقلت شي ادري ان المسأله عشره عمر... انا ابي منهم موافقه مبدئيه مثلي انا الان موافق موافقه مبدئيه بس,, وبعدين نشوف يمكن هي اصلا ماتصلح لي وارفض انا ويمكن انا ماصلح لهم ويرفضون بعد المسأله مبدئيه فقط فقط فقط ..!! ياجماعه انا مليت والخاطر مل والصدر ضاقت به دنياه!! واقول لنفسي:

لاشفت صدري من كثر ضيقته مل
وقامت تراقص وسط راسي شياطين
بجهز جوازي والشناط وآتسهل
ودور على جوٍ(ن) يسـر المحـازين

): ملل

تحياتي

السلام عليكم و رحمة الله و بركاته

فقط أحببت ان اقول الله يوفقك و ان شاء الله في كل تأخيرة خيرة

و حبيت اقول ان كلمة موافقة مبدئية على الفتاة كلمة مقلقة جدا فلا تستهين بكلمة موافقة مبدئية ..


دع الناس يأخذون وقتهم و ان شاء الله خير .. اسبوعين او عشرة أيام ليست فترة طويلة

بوركتم

اخي الفاضل دخلت فقط لأبارك لك مقدما
وسبحان الله الخيره فيما اختاره الله
باختصار اشعر بك كخاطب لأول مره تريد كل شي يتم بسرعه ومن حقك
لكن ايضا حط في بالك ان ربما اهل البنت من النوع اللي يريد ان يفكر اكثر الزواج قرار مصيري
اهم شي ان تصلي استخاره
ان كانت خيرا لك هالفتاه الله يكتب لك السعاده معها وان كانت شر ربي يرزقك احسن منها
واصبر راح الكثير وبقى القليل ان شاء الله

لكل الي دعوا لي جزاكم الله خير ولكم المثل ..^_^

وسامحوني اندفعت شوي بالرد لكن ماكان على بالي ان فيه احد دعا لي ^_^

تحياتي

أخي الكريم

وعليكم السلام ورحمة الله وبركاته

أسأل الله الحي القيوم ان يوفقك فيما سعيت فيه

وللعلم بعض الناس بارد ويحتاج وقت لاتخاذ القرار فلاتفكر انهم رافضينك

لو عندهم نية رفض كان من اول

ولكنه البرود مثل ما يقال يومهم بسنه

وفقك الله

الله يوفقك ان شاء الله

انت الضاهر وضعت موضوع زي كذا الى الحين ما خطبت منهم

وش السالفة كلم ابوها واعرف السالفة موافقين ولا لا

والله مخلينك في حيرة لاهم الى وافقو ولا هم الى رفضو احسم الامر

ودق على ابوها وكلمه هاه وش صار يا ابو فلان عسى الامور زنه مارديتو على

عشان ترتاح هم موافقين ولا لا

والف مبروك مقدمآ يا الغالي

الله يوفقك وكل تأخيره وفيها خيره

ومثل ماقالوا الأخوان اقطع الشك باليقين واتصل على والدهاواسأله ..لان المدهـ المحدده أنتهت

والمفروض يردون عليك ..!!

صاحب رأي سديد الف شكر لك تعاونك معي بكل الحالات <<<شكر خاص

والبقيه مايهونون وعلى راسي والله بس انتم مافهمتوني الى الان !! ابوها حدد اسبوع واحد بس قدام اخوها ..وانا من لقافتي الله لايقردنا ^_^ اتصلت على اخوها من بكره وقلت له شف يالحبيب ابوك قال ردوا بسرعه وانا ماودي انكم تستعجلون (يعني اني ماني مستعجل ومسوي تروي بالامر )<<< مالت عليك *_* واخاف اتصل الان يقول اخوها : ماقلت لي اصبروا ولاتستعجلون ؟؟؟؟!! وقتها انا بنحرج

برب

اصبر وانا أخوك لا تستعجل



وبهذي الفترة استخير اكثر واكثر




تصدق قبل اسبوعين طلبت اشوف خطيبتي وقالي ابوها اتصل عليك وليومك انتظر احس انه طنشني وما ابغى يكسحني مرةثانية

ابشركم انا الي هالمره كلمت اخوها <<<زين الصبر

دقيت عليه بوقت جاشت القريحهhttp://www.66n.com/forums/images/icons/icon10.gif وحسيت اني ياغالب يامغلوب متصل متصل الله لايعوق بشر قلت دق ياولد بس ولاعليك:22: المهم اتصلت عليه وسلام عليكم السلام قلت وراكم مارديتوا :o قال انت معطينا فرصه !! قلت ليتني ماعطيتكم انا مانام الليل مسوي قيس ابن اللوح << لاتفشلنا ابن الملوح يالوح:16:قال انا قلت لهم بس يقولون خايفين من الدخان !! قلت اييييييييه دروا اني اتتن http://www.66n.com/forums/images/icons/icon52.gif المهم قلت يارجال انت خل الدخان هالحين على جنب اهم شي الصلاه والاخلاق !! قال ولايهمك انا قلت لهم انه مايدخن ومابان عليك اصلا << تمام
قال خلاص اشوفك يوم السبت المغرب تشرب معنا قهوه ^_^ قلت له الله الله بهرواها بالهيلhttp://www.66n.com/forums/images/icons/icon44.gif قال من تقصد البنت ؟؟ قلت لا القهوه << خخخخ نصاب

المهم ادعوا لي ياجماعه الله يوفق يارب

مبروك مقدما اخي وترا الدخان حرام شرعا اتركه لأجل ربك عشان الله يسر زواجك ويوفقك بالدنيا والآخره

:d:d

الله يووووووووووفقك ويسهل اموورك ..

مبروك أخووووووووي
أسأل الله أن يهديك وتترك الدخااااان
أسأل الله الذي تجلت قدرته وانكشفت بنوره الظلمات
أن يوفقك لما فيه خير وصلاح

...........

شكرا للجميع بس تراني مابعد رحت له ^_^

برب

الله يتمم لك على خير


نصيحة من أخ محب حاول ترك الدخان عشان ما تعميها بالدخان ولا تعكر عليها اللحظات الحلوة ههه


واطلب من الله العون على تركه قربة لله بأن يوفقك في زواجك ويبارك له فيه