|
قد أتطلق بعد ملكتي بإسبوعين ..؟؟؟ ساعدوني ..
السلام عليكم جميعا
انا اول مره اشارك معاكم ولكن اتمنى انكم تقرون مشكلتي وتساعدوني انا كانت ملكتي قبل اسبوعين تقريبا ملكت من واحد مو من العايله طبعا كان بعد فترة خطوبه استمرت حوالي5 أشهر كنت استخير فيها وطبعا الوالد كان يسأل عنه والكل كان يمدح فيه ابوه على معرفه قديمه بأبوي المهم في يوم الملكه قعدنا سوا وكانت الجلسه جدا رائعه واقتصرت الملكه على أهلي واهله فقط وطلب رقمي واعطيته وسجله عنده انتظرت اتصاله ومر وقت ما اتصل بعد مرور اسبوع ارسل لي رساله فيها صورة لبطاقة العائله (اللي تكون خاصه فينا انا وياه ) انبسطت مره بس ما رديت عليه واتصلت امه على امي وقالت انو احنا حددنا الزواج بعد شهرين وحجزنا القاعه هل الوقت مناسب لكم والبيت اخترناه في المكان الفلاني بدون مايتصل هو ولاشي (طبعا تضايقت مره ) فكرت وقلت لازم ارسل له رساله ( وارسلت بعد اسبوع من رسالته ) وكتبت فيها طمني عليك وما ارسل شي المهم ... اتصلت امه على امي قالت ان الولد تعبان مره له تقريبا حوالي الاسبوع ما يطلع من الغرفه ومتضايق وحالته مره تعبانه جلست امي معاي وقالت لي بنتي لاتستعجلين في التجهيز( لانو زواجي كان بعد شهرين تقريبا وانا كنت اجهز) لان الولد كذا حالته واحتمال مايتم الموضوع والله انا تعبت مره وحالتي مايعلم فيها الا الله ابي رايكم ايش السبب وليه الان بعد الملكه صار هالشي لاني ماأبي أتطلق وانا لسى صغيره وانتو عارفين المجتمع وانا كنت مرتاحه للولد .. ساعدوني ابي رايكم في الموضوع .. الاشراف: تعديل بسيط في العنوان, بالتوفيق |
الله يعافيكم ردوا على موضوعي كلكم قريتوا وطلعتوا عطوني رايكم على الاقل
مررررره متضايقه الموضوع صار يوم الاربعاء والى الان انا حالتي مايعلم بها الا الله :( |
السلام عليكم
على هونك يأختي الفاضله ماهذا ؟؟؟ اول شيء ... وشو ما ابي اطلق بعد اسبوعين ؟؟؟؟؟؟؟؟؟؟ احد جاب طاري الطلاق ... ولا هالكلمه صارت سهله ... تعوذي من الشيطان واتركي الوسواس عنك ... وادعي لزوجك بالشفاء العاجل وان الله ييسر لكم اموركم ..وتتزوجون بالموعد المحدد .. الرجال مريض ..اتصلي على امه وتاكدي من وضعه الصحي وياليت يكون بشكل يومي ولا حتى باهتمام.. غير كذا اختي بنصحك لوجه الله لا تفكري ونتي مملكه من اسبوعين بالطلاق ....ليه صار التفكير امره سهل ...هل التنفيذ سهل ؟؟ اختي اصبري ما اتضيق الا تفرج هذا ابتلاء والصبر مطلوب ... استغفري ربك وصلي وادعي لزوجك وان شاء الله خير ... الصبر الصبر..... لازم يكون عندك نفس طويل .... ايضا ليش تعصبي ... ما ارسلي .. ما كلمني ؟؟ كل شيء ياخووك بوقته زين ... وهذاك تجاوبي نفسك تقولي الرجال اول شيء كان مشغول لكرت العائله والبيت والتجهيز وبعدها مرض -- الله يشفيه .. يعني انتي تسألي وتجاوبي نفسك بعدين الموضوع طيب وزين كلها كم يوم وباذن الله يقوم زوجك بالسلامه وبعد شهرين اذا الله عطاني وعطاك عمر باذن الله بتتزوجين .. بعدين ... اهم شيء لا تفكرين لا تفكرين لا تفكرين بنهايه حياتك الزوجيه ونتي ما ابدت الى الان ؟؟!!!!!!!!!!!! ارجوا اني افدتك وياليت انك فهمتيني .. هذا و أسال الله رب العرش العظيم أن يشفي زوجك و أن يجمع بينكما بخير .... و السلام عليكم .. |
مالك الا الصبر والدعاء
وفعلا لا تستعجلين صادقه امك مررررررررررررررررررررررررررررررررره |
اصبري شوي يابنت الناس
مسرع وماحد قالك تطلقي منه يمكنه مسخن اصبري وشوفي ايش فيه والله يكتب اللي فيه الخير |
الله يفرج همك
والله ودي اتصل عليه أطمن بس ... الله يجزاك خير ما قصرت .. |
اتصلت امه على امي قالت ان الولد تعبان مره له تقريبا حوالي الاسبوع ما يطلع من الغرفه ومتضايق وحالته مره تعبانه
؟؟ هل هو مريض جسديا ؟؟؟؟ ام نفسيا ؟؟ اذا الاولى خير باذن الله وكلها ايام ويطيب ان شاء الله .. اذا الثانيه انصحك تخلي اهله يقرؤن عليه القراءن .. ..................... لاني ماأبي أتطلق وانا لسى صغيره وانتو عارفين المجتمع وانا كنت مرتاحه للولد .. ارضي يقضاء الله وقدره .. لا تستعجلي الاحداااث ... لا تسبقي الاحدااث ... لا تتعجلي ... يبدو لي انك مشتته الفكر لذا عليكي بذكر الله واكثري من الذكر..........والاستغفار... ولا تسمعي لمن حولك حتى لا تزداد حيرتك وانشغلي بالدعااااااااء لزوجك بان الله يشفيه ويتمم زواجك .. وادعي لي معك ايضا .. والسلام عليكم |
اختي هذا قلق وأوهام ووساوس
هنيئاً لزوجكِ حصل له زوجة حنونه وعاطفية مبروك لكِ وننتظر تبشرينا بزواجكِ ان شاء الله تعالى |
الله يشفيه اختي و يتمم لك على خير اذا فيه خير لك لا تستعجلي واكثري من الاستغفار وادعي الله ان يكشف لك وجوه الحقائق ويصلح شانك
مومعنى انه متضايق وتعبان راح يطلقك ولا انتي تفكري بالطلاق ولا تجيبي سيرته وياريت لو احد من اهلك يزوره وانتي تتصلي تسالي عنه هذا زوجك شرعا ومافيها شي تسالي عنه خاصة انه مريض الله يشفيه |
اخوي السيف المهند
من كلام امه انه المرض زي ما قلت نفسي وهي قالت لامي انهم يقرون عليه عند شيخ الفتره هذي والله يوفقك ويسعدك والله كلامك ريحني الله يشفيه ويشفي كل مرضى المسلمين .. |
فعلا ابعدي التفكير السلبي و دامك استخرتي فما راح يصير إلا اللي فيه خير لك حتى لو كان ظاهره عكس ذلك
استغفري كثير ، الإستغفار يفك الضيقات بإذن الله قولي أنا أرجو من ربي الخير و صدقيني سترينه |
تعوذي من الشيطان
واصبري وبالعكس لا تفكري بالطلاق اطلاقا ... خاصة تو اسبوعين مو كثيييير بس حلو لو كونتي علاقة باخته او احد قريباته عشان تكونين بالصورة وش الي قاعد يصير بالظبط |
اتمنى اني اقدر اكلمه ودي اتطمن وودي اعرف ايش صاير بس العادات والتقاليد والظروف تمنعني ..؟؟
|
لماذا هذى التفكير السلبي يارعاك الله قد يكون هناك شيء اقلقه ولايريد من احد معرفته وما أن ينتهي الى ويتعدل الوضع ان شاء الله فلماذا ربطتي مرضه او حزنه او انزوائه في غرفته على انه ينوي الطلاق فكما ان الأمر ليس بالهين عند الزوجه فهو ايضا ليس بهين عند الزوج فاطمئني فالأمر خيراً ان شاء الله ولاكن لاتنسي المحافظة على الصلاة والحرص على النوافل والوتر والدعاء.
أسأل الله العظيم ان يوفقك وينور دربك وييسر امرك ويشفي زوجك انه على ذلك قدير وبالأجابة جدير |
حبيبتي مره سالفتك زعلتني بس حبيبتي سبيكي من العادات والتقاليد وحاوووووووولي تتدقي ولو 3 دقايق تطمني عليه والله مره ما يسير كده لازم تعرفي ايش في
وربنا معاكي لا تخافي من الدعاء وسوره البقهر والصلوات ليلااااااااااا ما تدري الخيره فين ولا تقولي ولا تجيبي سيره الطلاق تاني ان شاءالله انتووو بعاد عنها ان شاءالله كلامي يكون ريحك وان شاء الله بنسمع اخبار حلوه يارب قريب وهالايااااااااام |
خلي امك تكلم امه عادي وتطمن عليه
وانتي كمان كلميها بعد امك وبعدين اطلبيه منها مافيها شي بالعكس راح يفرحوا ويمكن لاسمع صوتك ترد روحه ... وحتى لاسمح الله صار طلاق على الأقل يذكروكم بالخير وانكم سألتوا عنه لما مرض .... |
اقتباس:
قد فهمت عليك جيدا اذا دعي والدتك تطمن بالاتصال على امه بس لا تكثرها عليهااا تسأل عنه وعن صحته ... او اذا انتي تعرفي خواته عاادي دقي عليهم وطمني منهم ... واقول لك أسال الله العظيم أن يشفي زوجك شفاء عاجلا ... و أسال الله أن يهديني ويهديك وكل مسلم للخير.. والسلام عليكم .. |
[QUOTE=سابرينا;1772252][blink]
ان الله مع الصابرين |
الله يطمن قلبك ويشفي زوجك
عليك بالاستغفار والله يفرجها عليه وعليك |
اختي ايش جاب طاري الطلاق الحين.. المرض عادي والكل يمرض ايش المشكلة.؟؟؟
يمكن الرجال تعب مع التجهزيات.. وتصخن عادي... لاتستعجلين .. وايش طلاق لهدرجة الكلمة سهلة.. امه اتصلت توصل لك رساله انه مو مهمل بس مريض.. لاحول ولاقوة الا بالله.. لاتخلين الوساوس تاكل براسك.. ولا تدخلين الشكوك.. وامضي قدما في اجراءات زواجك.. |
ياناس الولد راح لابوي وقاله انا خلاص ماعاد ابي البنت جاتني نفس وما اقدر اكمل
بدون علم اهله حتى قاله ابوي انتظر شوي وروح كمل قرايه عند الشيوخ وحنا راح ننتظرك.. والله حرام عليه ليش سوى فيني كذا ؟؟... حسبي الله ونعم الوكيل ما ادري ايش السبب ؟؟؟؟؟؟؟ تعبت والله تعبت ايش نقول غير الحمدلله على كل حال .... |
الله يفرج همج وييسر أمرج ووكلي أمرج لله إن شاء الإمور بتنحل ولا تقهرين نفسج أصبري وعليج بالدعاء |
لا حول ولا قوة الا با الله
العين حق اقرا أذكار الصباح والمساء بأذن الله تحميكم من كل شر الله يطمن قلبك ويشفي زوجك عليك بالاستغفار والله يفرجها عليه وعليك |
انا متابعه الموضوع
الله يكون فى عونك قلبى عندك بـــس انا ليا عوده ان شاء الله |
لا حول ولا قوة الا بالله العلي العظيم
( الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ (156) أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ ) سورة البقرة رددي هذه الاية طول اليوم ليل نهار ( كُتِبَ عَلَيْكُمُ الْقِتَالُ وَهُوَ كُرْهٌ لَّكُمْ وَعَسَى أَن تَكْرَهُواْ شَيْئًا وَهُوَ خَيْرٌ لَّكُمْ وَعَسَى أَن تُحِبُّواْ شَيْئًا وَهُوَ شَرٌّ لَّكُمْ وَاللّهُ يَعْلَمُ وَأَنتُمْ لاَ تَعْلَمُونَ (216) هذا شيء ليس بيدكِ وانما هو شيء بيد الله سبحانه وتعالى أكثري من الصدقات لدفع البلاء عنكِ |
ما اقول غير الله يكتب لك اللي فيه الخير...
|
اقتباس:
واضح من بداية الموضوع انه ناوي يفسخ العقد, لكن حبيبتي ولا تهتمين بيرزقك ربي باللي احسن منه. |
إختي والله انا حاااسه فيك ياقلبي ..
بس ماأقدر أقول الا الله يصلح ما بينكم ياااااااارب .. وحصني نفسك بالأذكار وأوراد الصباح والمساء يوميا .. وحسبنا الله على من كان السبب .. |
انت استخرت وإن شاء الله ربي يعطيك الخير ويرضيك بماقسم لك
لا تنسي أن الله هو الحكيم العليم الخبير اللطيف يعلم ما هو خير لك تخيلي أن كان من نصيبك وتعبتي معاه لاقدر الله إذا اكتشفتي أنه مريض مرض نفسي شديد مثل انفصام الشخصية وغيره أو مريض مرض عضوي لا يمكن اسعادك كزوجة ماذا ستتمني حينها؟!! فلا تنظري لموضوعك من زاوية واحدة بل انظري له بتفاؤل وأمل فطلاق من ملكة لعله أفضل من طلاق بعد زواج .... أسأل الله الرزاق أن يخترلك مافيه خير الدنيا والآخرة وأن يقنعك بما رزقك وأن يصب لك الخير صبا ولا يجعل عيشك كدا ... آمين |
السلام عليكم----------سبحانك اللهم وبحمدك
|
استعينى بالله وصلى ركعتين بعد الفجر واستخيرى الله والله الموفق
|
ياناس تعبت والله تعبت ماعندي احد اشكي له
وربي وحده هو العالم ادعوا لي الله يفرج عني ويكتب لي اللي فيه الخير انا حاسه انه طلق بس امي ماتبي تقول لي ليش ؟؟. اسبوعين لنا بس ؟ ليش ؟؟.. حسبي الله ونعم الوكيل |
السلام عليكم
اختي الكريمة ليس لكي الا ان تقولي ربي اجرني في مصيبتي واخلفني خيرا بدلا منها وادعي ربك اذا في الك خير بهالزيجة ييسرها لكي واذا ما الك خير فيها الله يعوضك باحسن من هذا الشب |
ياحبيبتي والله حاسين فيك
ومن قرأت موضوعك ضاق صدري حيل لكن مالفائده من الحزن (وعسى أن تكرهوا شيئا وهو خير لكم) لاتقلقي على مصيرك ولاتهتمي لكلام الناس واحمدي الله أنه لم يحصل لكي هذا الأمر بعد زواجك وفقك الله غاليتي في دينك ودنياك.... |
ياحبيبتي ..
ليه معطية ابليس فرصة يلعب عليك ..وينكد .. استعيذي بالله .. وخليك مقتنعه ان اللي بيصير خييير .. انصحك بقيام الليل .. واكثري استغفااااااار .. في كل أحوالك استغفري واذكري ربك .. وقولي لا اله الا انت سبحانك اني كنت من الظالمين ..فلم يدع بها مسلم الا استجاب الله له... وحسني ظنك بالله .. وقوي ايماانك .. والله ينزل على قلبك الطمأنينة والراحة ..ويوفقك ويسعدك .. :) |
ياحلوة قولي الحمد لله على كل حال,,
أدري أنا حاسة فيك ,, لكن الحمد لله الدنيا مو واقفة على هذا الرجال بس!!! وأنت إن شاء الله يجيك اللي أحسن منه,, وبالعكس تنفصلين ألحين أحسن من لو تطول أكثر ,, لأن الناس حسبالهم أنكم أخذتو على بعض وصار أخذ وعطى بينكم مايدرون أنه مالك أي صله فيه,, وبعدين لا يضيق صدرك أبدا من اللي صار ولا أنت ليش مستخيرة!؟؟ مو أنت مستخيرة عشان ربي ييسر لك اللي فيه الخير أجل ليش ضيقة الصدر ثقي في ربي إذا كنت مستخيرة.. |
الله يعوضك بالي احسن منه لا تخلين هذا الشي يأثر عليك
( وعسى ان تكرهوا شيئاً وهو خيراً لكم ) وأذا كنتي أستخرتي لاتتضايقين لأن الخيرة فيما أختاره الله الله يهونها عليك |
حبيبتي ،، لايضيق صدرك الحمدلله توكم على البرّ ...
من أول مانزّلتِ موضوعك وأنا بأقولك ترى الموضوع احتمال كبير يتفركش بس قلت خليني أسكت وأشوف وش يصير ..! تدرين ليش ؟! اثنين من أقاربي "اخوان" أعمارهم 37 ـ 40 قلوبهم بتطير عالعرس ،، ودهم مررررررررة بس من أول سنين شبابهم وهم كل ماخطبوا يصير لهم مثل ماصار لخطيبك !! يتعبون مررررة ولايطلعون من غرفهم ومايرتاحون إلا إذا تفركش الموضوع .. مو كذا وبس !!!! أحيانا العروسة هي الي تتعب !!!!! وهذاهم إلى يومك هذا ماتزوجوا !! الله يشفيهم ويعافيهم ويرد كيد أعدائهم في نحورهم ..! قرو عند كذا شيخ وقالوا لهم معمول لكم سحر أسود "من أشدّ أنواع السحر" حسبي الله ونعم الوكيل ... المهم مثل ماقلتلك تصبّري وردّدي (اللهم اجرني في مصيبتي وعوضني خير منه) . وإن شاءالله شرّ وربي صرفه عنه .. الله يعوضك خير ويثبّتك .. |
والله ارى ان تنتضرى ولا تستعجلى فى الموضوع
|
الله يارب يكتب لك اللي فية الخيروييسر امرك ويثب قلبك وصرف عنكم كيد الحاسدين
اللهم امين |
| الساعة الآن 11:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
