|
لماذا هدايا خطيبي رخيصة ؟؟؟
السلام عليكم ورحمة الله وبركاته
انا مملكه من فتره وبحب خطيبي كثير بس هو مابيهديني الا هدايا عاديه جدا ورخيصه (عطور اكسسوار) والحمدلله راتبه كويس وميسور الحال هل هذا بخل ام حرص فيه لاني ارى صديقاتي واقاربي اللي يهديها جوال او لاب توب او اشياء فخمه وشكرا الاشراف: عذراً تم تغيير العنوان كي يتناسب مع المضمون ,.بالتوفيق . |
السلام عليكم اختي العزيزة
لا تبدأي حياتك بالمقارنة بينك وبين صديقاتك او اقاربك من راقب الناس مات هما بل اسعدي بما انتي فيه واسعدي بهدايا زوجك فالهدية بقيمتها المعنوية وليس المادية . ولا تحسسي زوجك بان هداياه اقل من مستواك واقل مما تطمحي.اما بالنسبه لمسأله البخل فذلك يتجلى في امور اخرى مثلا عند ذهابكم للمطاعم واختياره لها او مكالماته وما اظنه كذلك ان شاء الله والا ما كان اهداك اصلا . |
ارض بما كسب الله لك تكن أغنى الناس
اختي اذا كانت من الان تفكري بالمظاهر فاعرفي ان علاقتك في خطر |
الهدية بمعناها
وهو لم يهديك هديه إلا لحبه لك فتذكري ذلك |
انتي داخله على طمع ولا ايه؟؟؟؟؟؟؟؟؟؟؟؟؟؟؟
هههههههههه بهزر معاكي بس يا اختي الهديه بمعناها وانا اشوف العطور من ارق الهدايا واصبري لسه الهدايا جايه والعمر قدامكم وبعديم ممكن هوا شايف انك ماتحتاجي لاب توب او عندك جوال احمدي الله غيرك مولاقي زوج ونفسهم بس في حب وحنان من غير هدايا الله يوفق بينكم ويبعد عنكم الشيطان |
الهدية بقيمتها المعنوية وليست المادية
لاتنسي لديه مصاريف فانتم مقبلين على زواج وما اكثر المصاريف والتكاليف في هذه الفترة |
حبيبتى ممكن يكون لا يعرف ما الذى يهديه وما الذى لا يهديه و فضل أن يهديك أشياء رومانسية خاصة بالنساء
وهذا هو تفكير الكثير من الرجال أهم شىء اقنعى بما لديك ...ولا تنظرى لغيرك لعل الله قد رزقك وكتب لك من السعادة معه ما لم يقدره لذوات الهدايا الفخمة وفقك الله إلى كل ما يحبه ويرضاه . |
يمكن مايعرف يشتري هدايا او ذووقه مايساعد
عسى الله يسعدج |
معذور حبيبتي فهو مقبل على زواج
وتعرفي كم يكلف الزواج بهاليومين وربما يكون لا يفهم بالهدايا وشغلاتها وخديها قاعدة السعادة والحب في الحياة ليس بالكم بل بالكيف بالتوفيق إن شاء الله |
احمدي ربك انه يهديك:d(((اعرف لك وحده مخطوبه6 شهور ماشافت جنس الهديه!! لا قبل الملكه ولا بعدها00 على الرغم من مرور مناسبات مختلفه و((اعياد/000)) بس اخوك اصمخ!!:cool:
|
,
, لماذا تقارنين نفسك بغيرك طيب أنا زوجتي أهدتني لابتوب ليش أنتي ماتهدين زوجك لابتوب بدل ماتنتظرين يجيبلك هو ..!! المقارنة هكذا لاتصلح يختلف الوضع من رجل إلى رجل ومن ذوق إلى ذوق .. الحمد لله أنه يهديك غيرك حتى ورده أبو ريالين ماتشمها .. إحمدي الله وكوني إمرأة قتووووووووع بكل شيء من زوجك .. فالهدية ليست بقيمتها بل بقيمة من أهداها .. , , |
يمكن مايعرف يشتري هدايا او ذووقه مايساعد
|
الأعضاء ما قصروا في الردود
بس أذكرك لا تخربي حياتك من البداية إن أردت أن تكوني سعيدة في حياتك فأحمدي الله على أن رزقك بالزوج الصالح إن شاء الله ونصيحة لوجه الله طول العمر لا تلتفتي لكلام الناس أو ماذا فعلوا .. تعيشي بإذن الله في سعادة الله يوفقك |
هية العطور والاكسسوارات عطور رخيصة وجدا؟؟؟؟؟؟؟؟؟
انا لما خطبت يااختي كان وضع خطيبي المادي سيئ والحال عالقد ولاكان يجيبلي عطور ولااكسسوارات كانت شغلات ابسط كمان تلاقيكي بتقولي هلأ معقووول في ارخص من العطور اختي القيمة المعنوية هي الاهم يعني اول مخطبنا كان وضعه صعب جدا ولكن يشهد الله لم اهتم عمري بقيمة الهدايا انما مجرد ان يتذكرني بهدية حتى لو وردة ولا شوكلاتة كنت اعتبرها اشي كبير جدا وماعمري قارنت نفسي بصديقاتي الي كانت توصلهم جوالات و ذهب ومدري شو وكنت اسعد انسانة عالاطلاق وبعد مربي فرجها عليه ماقصر معي يعني القيمة المعنوية هية الاهم ثم اختي زوجك عليه مصاريف زواج الله يعينه بكرة بتتزوجو وبتسقر وضعه و بجيبلك هدايا غالية ومش رخيصة عقولتك ازا كان بجيبلك عطور فخمة واكسسوارات حلوة شو المانع يعني العطور الماركات مش رخيصة جداااااااا كما تقولي يعني وحتى لو بجيبلك تقليد مش مهم المهم توثقي فيه انو مش بخلان عليكي وانو بجهز للعرس وانو اكيد لو فيه يجيبلك الدنيا بين ايديكي مابقصر الله يوفقك ويهديكي ويسعدك |
لو ياب لج تلفون ولاب توب ..
جان تبغين ساعة الماس .. وبورش القناعه زينه يا بنت الناس بعدين الهدية يا محلاها لو كانت عفويه وبسيطه ماتكلف صاحبها كفايه انه يفكر فيج .. ويشتري لج غيرج مو محصلين حتى العطر وكفايه انه بدون ماتطلبين منه اييب لج والجود من الموجود |
اسف اختي_بس لازم ما تتذمري ابدا_قولي الحمدلله ان يهدي ويفكر فيك_والهديه بمعناها ان شاء الله ورده بكم اقل من ريال بس كلها حب والهديه جميله شجعيه وانت نفس الشي حاولي تعطيه هدايا وبصراحه الي قلتيه ما رخيص من راقب الناس مات هما اهتمي بحياتك ولا تشوفي على الغير ولا بتعيشي حياتك في تعاسه والسموحه
تحياتي |
القناعة كنز لا يفنى
والحمدلله ان الله رزقك بزوج يتذكرك بهديه من فتره لي فتره انا ايضاً في فترة الملكة زوجي كان راتبه ميسور والهدايا اللي يجيبها رخيييصه ارخص من العطور والاكسسوارات وكنت اتمنى يهديني اكسسوار ! وكان الكل يقولي زوجك بخيل لكن انا من قناعة نفسي ماكنت اصدق ! واحسه انسااان كريم وانه بخل علي بالهدايا لأن قدامه عرس وسفر !! والحمدلله بعد ماتزوجنا وانتهت فترة العرس والسفر اكتشفت انه انسان كريم ولله الحمد واللي كان يسويه بسبب انه يجمع للسفر واللي كانت اغلى من هدايا الكون كلها ،، ألف مبروك الملكه والله يخليكم لبعض ويرزقكم بالذرية الصالحه يارب |
عليكم السلام ورحمة الله وبركاته
القناعة كنز لايفنى اقتنعى بهدياه كانك تملكين كنوز الدنيا ادعو الله لكما بالسعادة وان يجمعكما على خير |
اختي اهم شئ يحبك...
وبقولك قصة والله العظيم حقيقة واعرف اصحابها.. الخطيب دكتور.. والمخطوبة بنت جامعية.. الدكتور عنده اشغال جدا جدا كثيرة.. وهو يبي يأمن لها مو شقة تسكن فيها يبي يأمن لها بيت فيلا.. اشتراها لها.. وكان يبذل قصارى جهده عشان.. يأثث الفيلا بافضل الاثاث.. هي كانت كله تتهاوش معه على الهدايا وليش ما تتصل وليش ما تهدي.. وليش وليش.. وصديقاتي وصديقاتي.. اخر شئ تعرفين قبل زواجهم باسبوعين طلقها.. تعرفين طلقها.. لانه مل منها.. مل من المقارنه.. قال بعيش معها وفي قلبها هاجس صديقاتها.. والحين ملك على وحده غيرها.. يعني لاتقارنين بكرا تندمين.. والراتب هو بالنهاية لك.. واهم من اللاب الزوج.. ول طلبتي منه ما راح يقصر |
الله يعين زوجكِ عليكِ
|
صدقيني مو بخل, بس هو ما يعرف وش المفروض يهديك...
|
أختي أعرف وحده زوجها وبكامل قواه العقلية أهدااااااها
!!!!!!كرتون تويكس!!!!!!!! إش رايك؟؟ احمدي الله إنك على عريسك ولاتدققين عشان ماتتعبين ولاتملين.. وإذا تبين لاب توب أوجوال اطلبيه بطريقة غير مباشرة ومراح يقصر.. والأهم من هذا كله إنه أهداكي قلبه واختارك من بين كل البنات. احمدي ربك.. |
لو بخيل ماكان اهداكي اصلا
والله اعرف وحدة خطيبها ما قد جابلها هدية ويوم فكر يجيب ليته مافكر خخخخخخخخخخخخ جابلها كرتون عنب << يبغى يغذيها والهدية بمعناها ولا تنسي انه داخل على زواج يعني راح تطفريه هههههههههه قدامه مصاريف كثيرة بالتوفيق يااارب |
تعرفي لو خطيبك فكر او عرف للحظه اللي تقوليه تبقي كارثه وممكن تجرجي كرامته جدااااااااااااااااااا.
اختي العزيزه الهدايا ليست بقيمتها الماديه تقاس الهدايا بقيمتها المعنويه . |
عااااااااااادي
من وجه نظري ان الهدايا قبل الزواج ليس بذات اهميه بل بعد الزواج لان الرجال يجهز ويرتب اموره ويمكن مو مقتنع بسالفه الهدايا وانه مجبور او ليش له ذوق ولايطيح من عينك علشان هدايا بسيطه الرجال تظهر شخصيته بعد الزواج اتمنى لك التوفيق وللجميع ,,,,,,,,,,, |
حبيبتي ,,
طيب اللي يهدي افضل من اللي ابدااا مايعطيك لاتصيري طمااااعه وارضي بالشي البسييط عشان تكبري في عيوونه ويمكن حاط في باله بزواجك ياخذ لك شي احلى ويفاجئك فيه |
والله الهدايا حلوه بين الزوجين ومهما تكون قيمتها الماديه فهي بقيمتها المعنويه وانا دايم اهدي لزوجتي مع انها ولا مره اهدتني
بس ما ازعل منها يكفي انها اهدتني قلبها وحبها لي وخلاصها في سعادتي وارضاي ما اقول الا الله يعطيها على نيتها |
يا حبيبتي الهديه بقيمتها المعنويه وليست الماديه مثل ما قال الجميع
ونا اعرف وحده خطيبها اخذ جوالها وباعه وجابلها واحد جديد وطايره فيه للسما و اللحين ما شاء الله مو مقصر معاها ونا عن نفسي ايام الخطوبه انا الي كنت اهديه مب هو الا ما فهم واهداني |
خيتي
انا خطيبي ما يهديني الا دباديب او اواعي لمن يجي يزورنا بس رغم هيك يسوى الكون ومافيه سيبك من الحكي |
والله أنه أذهبه ... على هذا النمط لن تستقيم حياتك أبدا .... أهديك هذا الرابط ... :: :: http://www.66n.com/forums/showthread.php?t=150453 أحسنت يا بو فلان ... ليش ما تهدينه انتي لاب توب عشان يجيبلك شي أحسن منه .. ولا تنسي أن الحياة تسير على مبدأ " خذ وهات " .. دمت بحفظ الرحمن .... |
مادري ليش لمى قريت الموضوع والردود دموعي نزلت بالعشرات.
آه من الدنيا اعرف واحد راتبه 6 الاف 3 الالاف قرض (ماخذ الحد الاعلى) وفاتورة جوال على تصليح سياره على كذا شغله ماقدر يوفر شي وزوجته كملت الناقص,,,هذا والله اعلم ماراح يتزوج على هالحال. |
حبيبتي الهديااا مو بقيمتها بمعناااهااا
انا في البدايه كان زوجي مثل خطيبك هداياه عاديه اكسسوارات ، او حتى ما يجيب لي هديه يوديني المحل ويقولي اختاري اللي يناسبك ) خخخ كنت ازعل نفسي في هديه مغلفه ههههههههه لكن مع الايااام تشوفين احلى واغلى الهدااايا على قلبك :) اصبري حتنالي |
ههههههههههههههههه
احمدي الله بما انعم عليك والله اعرف وفيه اللي ولا هدية جائتها من خطيبها |
انا بعد ماتملكت يجي يزورني دائما ويدينه فاضيه
وكنت افرح فيه فررررررررررررحة لاتوصف جيته اصلا هدية مع العلم اني اهديته قلم فخم وحلو بس عادي ماعندي مشكلة المهم الراحة والحب بين الطرفين |
يااااااااااا حلوتييييييييييي والله مو مهم تكلفة الهدية
والله حتى لو جاني بس معاه ورده والله افرح لا مو بس افرح اطير من الفرحه واشوف الدنيا مهي سايعتني اهم شي انو افتكرني وجابلي شي اش بدك اكتر من كدا ؟؟؟ !!!!! احمدي ربك عالنعمه واشكريه وبينيلو انو مايهمك شو هيا الهدية الموهم انها هديه ومنوو وعلى زووقو.. وشوفي الفرحه الي رح يحس بها لانها نالت اعجااابك.. الله يوفقك يا خيتوووو لاتهتمي لاتفه الامور وعيشي حياتك... (اسال مجرب ولا تسأل خبير).. تقبلي خالص تحيااااتي.. |
اهم شئ انه يحبك و يقدرك ويقدر اهلك كمان
نادرا ماتحصلين اشخاص مخلصين هاليومين و يمكن انه من الاشخاص اللي ما عنده تجارب عاطفية فاحمدي ربك على هذا |
أهلين اختي
صح ان الوحده تتمنى هدايا حلوه ,, بس مثل ما تفضلوا اخواننا واخواتنا يمكن الرجال ما عنده ذوق ويمكن الرجال ما يعرف يختار ويمكن يرتب للزواج وبعدين بتلاقي احلى ومثل ما قالوا لا تقارنين نفسك بصديقاتك صدقيني بتتعبين حيل حيل والله لو تدرين أنا وش هديت لخطيبتي اهديت لها شي مره مو ذاك الشي حتى أصحابي حاولوا فيني ما أهديه لها وقالوا عيب وأستحى والله شي يفشل وأنا والله ضروفي كانت مره تعبانه وصعبه بس كان بامكان أهدي لها شي احسن بس ما هديت والله اهديت لها أقل جوال وأرخص جوال بالمحلات كلها وفي الجوالات كلها مع شريحه وطايره فيه من الفرحه حتى والله هالأيام جاتها فلوس وأستملت مكافائات الجامعه ،، سألت أختي تسألها عن أنها بتشرتي جوال ولا لا قالت لا ما راح تشتري قلت ليش قالت يكفيها جوالك أنه منك والله كذا قالت لأختي تقول لي والله أستحيت كثر لكن توعدت بيني وبين نفسي ما يجيها الا جوال يطيب خاطرها وبأعوضها الهديه عند البنت بالشخص اللي هداها وخصوصا لو كان هالشخص شريك حياتها مع تمنياتي لك بالتوفيق اخوك بائع الورد1 |
السلام عليكم و رحمة الله و بركاته
لا يكون تفكيرك مادي يا عسوله لأنو و الله انا مثلك تماما مخطوبه بس احب أعذر خطيبي في هداياه لأن الهديه بمعناها مو بسعرها و غلاتها و عذرا للأطاااااااااله .......... |
لعل الأخوات جاوبوا عليكى بكل وضوح
ربنا يقدم لك الخير |
الله يوفقك اختي ويجيب لك كل اللي نفسك فيه بس( لا تقارنين) ترى تتعبين لانه على طول راح تلا قين اللي مستواه اعلى منك
قدري هداياه حتى لو كانت بسيطه وحسسيه بامتنانك وشكرك ونسمع منك اخبار طيبه عن كرم زوجك بعد الزواج |
| الساعة الآن 01:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©