|
فسرو لي حركة هالرجال ؟ تكفون
السلام عليكم ورحمة الله وبركاتة
بصراحة سبق وطرحت موضوعي بس نقلتة هنا عشان اشوف رايكم (الرجال) الحمد لله تملكت انا واختي على اثنين اخوان قولو ماشاء الله هههه امزح طبعآ سوينا خطوبة على طلبهم وبعدها بيوم اتصل خطيب اختي على امي وطلب انا نحلل عشان الملكة المهم جلست التحاليل اسبوع وهو كل يوم يشيك علينا طبعا خطيبي ما اتصل بس اتصلت امه نيابة عنه واستعجلتنا .........يترزز المهم تواعدنا ع الملكة طبعآ لحد الآن ماشافونا الا النظرة الشرعية بس جا يوم الملكة حضرو مع ابوهم وعمهم والمملك تمت الملكة بعدين راااااااااااااااحو لا احم ولا دستور الأول كان جاي بالطيارة من عمله على طول والثاني بيمشي اليوم الثاني عشان تلموون بالموضوع استغربنا بصراحة شباب وما اهتموا الحين مر اسبوعين مع انه لما اتصل مره بأمي سالتة اش عندك مستعجل قال عشان ياخذ راحتة وتصير زوجتة اذا حب يكلمها او يشوفها >>>>>>>>>>يعني حاطها بباله بس اللي نشوفة الحين غير الي سمعناه تتوقعون عجلو الملكة بس عشان يستفيدون من الكروت مثلا والا ش السالفة تكفووووووووون بما انكم رجال فسروووو اش معنى هالقصة وبدون مجاملات بصراحة تعبت ادور اسباب انتظركم مع حبي |
عادي اختي انا زوجي كان مايكلمني بس زيارات وقت المناسبات وبعد الزواج سالته قال انه يبغني اعرفه وجها لوجه عشان مايتصنع ويكون على طبيعته وبرضه عشان مانمل من بعض وبالفعل هذا الافضل لاني جربته وعرفت ان محاسنه كثيرهومنه انك تفرحين بالزواج فرحه حقيقيه والله في ناس اعرفهم يوم زواجهم متخصمين لا نه تزاعلت معاه قبل كذه وما اكتملت فرحتها مسكينه
|
وعليكم السلام ورحمة الله وبركاته
الف مبروك عليكم والبركة كمان لأختك بصراحه كلامك مو مره واضح , لكن راح اجاوب وأفسر باللي قريته ! حطي في بالك دائما ياعزيزتي ان الرجال مو سوى ! فيه ناس بتسأل من وقت ما يملك ويتواصل بالاتصالات معاك الى وقت النومه , نفسي اعرف : هم مااتصلوا أبدا لمدة اسبوعين ؟ |
ألف ألف مبروك
أما سالفة الكرووت يمكن فيه اكتتاب الانماء (أمزح ) لا تستعجلين على رزقك اسبوعين قليلة اصبري واشاء الله الامور تمام |
اقتباس:
ماشاء الله عليك ع الأقل زارك وحسسك بأهتمامة لاكن اللي لااتصل ولا زار ولا حت ارسل يعتذر مشكوورة بس بعدني مقهوره |
اقتباس:
وعلى الأتصـــــــــــــال لحد الان مــــااتصلو الله يوفقك |
اقتباس:
من جد ماامزح كان بين حديثهم انهم يبون يقدمون فيها اسكان ومن هالقبيل مشكوووووووورة مع اني باقي مقهورة وانتي تنكتين |
تم نقله للمقبلين مكانه الأنسب
|
ياختي الناس تختلف عاداتهم انا اخواني موكلهم يدخلون على زوجاتهم يوم الملكه يملكون ويطلعون انتم اصبروا ولاتظنون ظن سيء بعدين انا فهمت من كلامك انهم ساكنين برا مدينتكم بس ضروف شغلهم وهذا له دور انهم اذا جوا يكونوا ملخبطين ومو مستعدين بهدايا او اي شي والله يوفقكم اختي
|
لاتستعجلون على رزقكم
يمكن مشغولين واهذا الهدوء اللذي يسبق عاصفه الحب مشالله تبارك الله الله يهنيكم |
صراجة اسبوعين كثير
كثييير مررررررررررررررة غريبة يمكن مستحين ...او يمكن عاداتهم كذا !!! مقدر افيدك اختي صراحة .... لكن كل الي اقوله لكـ .... احسنيـ الظنـ :) |
لاتسيئي الظن
|
أود أولا أن أسألك هل تمت حفلة الملكة أو لا !؟
عني أنا عقدت وأنتظرت بعدها أسبوع ونصف لا يوجد أي إتصال بيننا وكنت أنتظر فقط حفلة الملكة .. وبعدها بدأت الإتصالات والزيارات |
خيركم لأهلة والله كثير موووت
مشكوررر ع النصايح لاكن من كثر مادورت له اعذار صرت الخبط والله يحسن لي النية والذرية بريد المحبة مشكوووور الدبلوماسي حفلة الملكة تمت لاكنها كانت خطوبة وجلسنا بعدها اسبو ع بانتظار التحاليل ثم تملنا وبعدها شفتك ولا شفناه قصدي كلمتك ولا كلمناه ههههههههههههههها وش رايك مقهوووره بجد |
اقتباس:
حبيبتي القناص صحيح اعمالهم برى المنطقة بس على الأقل ماقدروا يعتذرون او يسألون عن طريق اختهم اللي كانت قبل كذا كل يومين متصلللللللللللللللة واللة مقهورة |
الصراحة الوضع مريب
العادة فيهم سرعة ولقافة |
اقتباس:
وانا انكت حتى تأخذين الامر بروح مرحة وقلت لك اصبري قد يكون انشغل زوجك في أمور تهم زواجكم اخوي بعد الملكة راح كمل اجراءات دفتر العائلة وطلع جوازات وقدم على قرض وووو وشغلات كثيرة يمكن زوجك انشغل واحسني الظن به واقتراح بسيط : ليه ما ترسلين له رسالة تبينين انك مشتاقة تسمعين صوته |
الففففففففف مبروووووووك ...
ان شاء الله خير ..... بس بعض الشباب يترزز يبي يسوووووووووووووووي ثقيل ... مثلي ..هههه بس والله ماطولت 4 ايام بس .. بعدين اتوقع يبغاكي تسالين اخته عنه .. يعني امكن صايرله ظرف وتوقع انك دريتي وماسالتي عنه ...(اقول ممكن ).. بس اقول الله يسعدكما وويوفقكما .. |
اختي الكريمة أسأل الله تعالى أن يتمم لك ولإختك بكل خير
وأما سؤالك عن السبب فبصراحة تختلف طبائع الرجال فقد يكون الحياء هو الذي يمنعه او قد يكون يظهر نوعا من عدم التسرع وأنه غير مكترث جدا حتى يرتفع بنظرك وتضعين عليه علامات استفهام وهذا على ما أظن هو الذي حصل معك وغايته قد تكون زيادة المحبة بهذه الطريقة وهي موجودة فعلا عن كثيرين فلا تستغربي وأظنه والله اعلم سيكون محبا لك بدرجة قد لا تتصورينها الا انه لديه القدرة على عدم إظهار هذه المشاعر وفقك الله لكل خير |
أختي ألف ألف مبروك
شيلي كل الظنون السيئة من تفكيرك مادام الرجال ملكوا معناة انهم يبونكم هذا زواج مو لعبة شيلي يمكن ويمكن أتوقع السبب عائد لعاداتهم وتقاليدهم لان البعض عندهم ممنوع الخطيب يكلم خطيبته يعني يملك عليها ومايشوفها أو يكلمها الابعد الزواج أقصد الدخله 000 ريحي بالك وحاولي تستفسري عن عاداتهم ؟؟ ============================================ [blink]ودمتي بود[/blink]0 |
لماذا يا أختى لم تسألى أنت عنه
يمكن يكون عنده ظروف لا تسيئى الظن من أول مرة ممكن أنتى تتصلى بأخته وتسألى عليه أو تنتظرى لحين أن يتصل بيكى وتلوميه على هذا البعد أفعلى مايريح قلبك وأصبرى يا أختى أنت لاتعلمى الظروف والله يسعدك ويسعد أختك ويسعد كل البنات ..................آمين يا رب العالمين ولعل هذا البعد يكون خيرا ان شاء الله |
لا تشيلين في بالك اختي كثير من الشباب الي اعرفهم كذا ما يحبون يكلمون عشان ما يتعذبون
يعني اقصد يقول خلني كذا صابر لين يوم الزواج ولا سامع صوتها او اشوفها واخر شي ارجع للبيت وهي مو معي ربي يوفقك انتي واختك وعقبالي يارب |
اقتباس:
اسفة جدآآآآآآآآآآآآآآآآآآآآآآآآآآآآآآآآآآآآآآ على الخطأ حسبتك بنوتة عشان النك وتراي بعد امزح يوم اقول تنكت بعدين كم جلست اجراءات اللي سواها اخوك؟ بعدين وش بيقوووول عني اذا ارسلت لة اكيد بيستحقرني او بقول ماعندها كرامة ؟ بصدق حط نفسك مكانه بالامانة وش بيكون موقفك ؟ اخاف اتورط؟ انتظر ردك |
اقتباس:
يعني ممكن اذا ارسلت لة يحتقرني ؟؟؟؟؟؟ زي ماقالو اخواني الأعظاء اما لا يستطيع اظهار مشاعره لاوالله بموووووووووووووووووت بحسرتي مو كافية التطنيش هذا كلة باقي يبخل علي بكلمتين يحس فيها مشكوووووووور على توقعاتك ورد علي |
اقتباس:
ليت ضنوني تكون بغير محلها يارب وعلى العادات اهم من نفس جماعتنا وعندنا عادي الواحد اذا ملك تكون زوجتة يسوي اللي يبي مشكووووووور ودمت بــــــــــــــــــود |
اقتباس:
ومافكني لو خطوبة بقول احسن لأني مو زوجتة ومايحل لهيكلمني مشكوووور مااقتنعت وعقبــــــــــــــــــــــالك بس يا ويلـــــــــــــك لو عذبة زوجتك زي حالتي فاهمممم |
اقتباس:
حبيبتي سندريلا بصراحة هالرجـــــــــال ماينعرف لهم واللة اخاف اسأل عنة او اتصل به واندم واختة بعد استحي اسالها وانا تطقست وطلع ماعنده شي واللة يسعدك انتي باقي |
حبيبتي في ناس عادتهم مايتكلموا في فترة الملكة اكيد هم كذا
واستعجل في الملكة يمكن لانه بيقدم على قرض من بنك التسليف لانهم مايعطوا الا بعقد زواج .. صدقيني هذا هو الموضوع لا تخلي الشكوك والوساوس تدخل في قلبك من البداية والله يوفقك يااارب |
..
ماشاء الله ...مبروك لك ولاختك وفعلا اسبوعين ما اظنها فترة طويلة ويمكن هذي عاداتهم لانه ماداموا اثنينتهم مااتصلوا فيمكن عادة عندهم والبعض يحب يملك عشان ما ترجع البنت او اهلها بكلامهم بخصوص الموافقة فتفائلي بالخير ..اكيد كلها مسالة وقت وراح يسالون عنكم باي طريقة كانت وبالتوفيق |
غريبه من جد الله يصبرك
انا اشوف الملكه يكون بينهم اتصالات شكلهم باردين هههههه طيب خلي امك تسال وتتصل او ابوك او اي احد بطريقه ذكيه يعني |
اقتباس:
انااتكلم من تجربة شخصية لوجتني رسالة بالعكس اشعر انها تحبني وراح اتصل على طول واذا كنتي تبي ترسلين ارسلي رسالة عادية وشوفي الرد إلا إذا كانت عادات زوجك تحكم عليه انه ما يراسلك ولا يكلمك فهذا شي ثاني |
مشكوووووووور اخوي
بالنسبة للعادات هو من نفس قبيلتي وان الواحد يكلم زوجتة شي عااااااااااااادي حتى اخوي كان يكلم زوجتة عادي ماادري بصراااااااااااااحة عرفت ان اختة صار لها حادث قمت بالواجب وارسلة اتحمد على سلامتها وكتبت اسمي قلت بالمرة يعرف رقمي ويمكن افك العقدة ويتصل او يرسل بس ورد علي الله يسلمك هذا الكلام قبل يوم وش رايك يعني ممكن ارسل رسالة عدية زي ماتقول والا خلاص رد والله مهموووووومة حيل |
السلام عليكم
أختي خايفه من الله ترى هو زوجك ويمكن مشغول ويمكن يبي أنك تحسسينه بأي شيء أو يدلع عليك انا ارى ما دام رسلتي له ورد على رسالتك أرسلي له مره ثانيه رساله عاديه بس وشوفي وش ردة فعله لله يوفقك ا |
والله ما ادري شقول
مايرد الا بعد وقت بصراااااااااحة هو غامض |
| الساعة الآن 05:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©