سؤال لاهل البحرين
 

المستوى العام

والمهر المعتاد

1600 دينار وبالريال السعودي 16000

وتوصل اخيانا 1700 او 1800 او 2000 دينار بالنسبة في محيطي نادر 2000 بس موجود

واما بالنسبة للمستوى المعيشي فهي راجعة لراتب الشخص احيانا تكون كثيرة عليهم واحيانا لا طبعا هو مو بس يحسب حساب المهر لا المصاريف الثانية الي علي ظهره من فستان وصالون وطقم الذهب والصالة وتجهيز الشقة

جزاااااااااااااااااااااااااااااااااااك الله كل خيررر


بس قابلة واحد بحريني يقوول المهور عندنا على 50 الف دينارررر

يعنى 500 الف ريال

قلت مستحيل لاني اعرف انو اغلب المجتمع البحريني مجتمع فقيررررررررررررررررر


والله يغنى المسلمين من فضلة


اشكرك اختي

العفو حاضرين يالاخو

مستحيل يوصل هذا المهر عندنا خصوصا عند المتوسط من الناس ولاغلبية

احتمال يكون عند الاغنياء احتمال بسيط ومايوصل بعد 50 الف

يعني اذا زاد زاد بيوصل 4000 دينار واكرر وقول شبه مستحيل

انا مهري 1600 دينار

جزااااااااااااااااااك الله كل خير يا دمعاااااااااات

احترامي

بس من وجهة نظري ان هذي المهور وان كانت في البحرين مع الغلاء الي صاير ماتكفي لوتضاعفت وانت تبغي الزين لزوجتك وخصوصا في اول ايام الزواج وبعدين اذا تقدر تعطيها اكثر وبنفس مستوى مهور السعوديات ليش لا في النهاية اهيا زوجتك وما تبيها تكون اقل عنهم والله يوفقك

أخي الأخو الاخت دمعات روح كلامها صحيح 100 % لان معظم مناطق البحرين واذا لم تكن اغلبها هذي المهور عندهم واحس ان الاخ اليقال الك ان مهورهم 50000 ريال هذ1 في الخيال حتى الاغنياء ما يوصل عندنا هذ1 المستوى بالصراحة واان مهري 15000 وخواتي كلهم زي حنا عندنا المهور هذي مستواها في البحرين من سنين وما تغير حتى مع موجة الغلاء الحالية البعض يتنازل عن شراء الذهب ويكمل زاوجه وحاول تسأل غير الاخ البحريني الي سالته وراح تشوف ان رده يطابق ردنا
الاخت ام يوسف صحيح كلامك بس مع الغلاء وقلت الرواتب وش تتوقعين من الشباب ان يعزف عن الزاوج لان متطلبات الزاوج كثيرة بالعكس لازم الواحد يراعي شوي ظروف الشباب وفي نفس الوقت في بعض الامور في الزاوج تقدر تتنازل عنها يعني في مهم وفي أهم وترى الزاوج مش مجرد عرس وفستان الزواج له معنى اكثر من هذ1 المفهوم وانا احس الشبااب لو عنده ما بقصر على زوجته وعندنا بالمجتمع البحريني انهم يشترون الرجال بأخلاقة ودينه مش بجيبه
أختكم أنس الوجود

اي والله هذي مهورنا والحمد لله وبعد الشباب مو قادرين عليها . وانا من البحرين ومهري 1500 دينار اي 15 الف ريال

وشريت ذهب لكني الان بعته حتى اساعد زوجي ...............

شدعوه !!!

لا والله يالاخو

انا بحرينيه .. وسالفة ال 1600 دينار هذي كانت من سنين

الحين المعدل تقدر تقول 2500 الى 3500

بس حبيت اقول ان في فئات مثل العجم البحرينيين او الشيعه ياخذون اقل

على اساس انهم ياخذون مؤخر كبير يوصل حتى 1000 دينار بحريني

بس السنه والهوله .. معدلهم مثل اللي قلت لك

وكثير ناس الحين يدفعون فوق الـ 4000 بالراحه

وتوني رايحه زواجات قريباتي وصديقاتي

وكان هذا المعدل .. وبعض الناس يحسبونها اما مع الشبكه او بدونها



هذي وجهة نظري كبحرينية اعيش بالبحرين

كل الاحترام

تعديل .. اقصد ان المؤخر يصل حتى 10000 دينار

سقط سهوا :)

حبيت اسئل سوال
الى اهل البحرين بعد
واسف على المداخلة

انا سمعت من احد الاصحاب يقول خاتم الزواج"الدبلة" لازم تكون الماس للبنت يعني سعرها شايد غالي الى من الدهب
والله اعلم

صاجة اختي ام يوسف لواحد يبغى لاحسن لزوجته

بس زوجي سعودي ويوم جى يدفع المهر ابوي ماطالبه الا بالمهر المعتاد 1600دينار ومارضى ان زوجي يزيد قال نشتري الرجال مو فلوسه

ولا فيه مؤخر ولا شي مع انه المفروض ياخد لانه لي يزوجونها غير بحريني عندنا ياخذون مؤؤخر ضمان لها بس بالنسبة لمحيط عائلتي



خيو كيفي بطة بالعكس عند العجم اشوف وايد وانا زواجي صار له سنه و3 شهور ومهري 1600

وزوجة اخوي قبل سنتين دفعنا له مهر 1600 دينار

وبنت خالة امي المتزوجة من قبل 16 سنة كان مهرها 1500دينار
يعني الفرق جدا بسيط معناته ان من قبل وهذي مهورهم

زوجة ولد عمي بحرينية من اصل عجمي خذت مهر 1700 وطلبت بمؤخر 3000 دينار لانه هذا العادة عندهم على سس لو صار اي شي يدفعه ومو الحين يدفعه

اما سالفة المهور العالية الي قلتي عنها انا بصراحه شفتها عند الاغنياء الي رواتبها عالية جدا وحابة تدفع هذي المهور
اما اغلب المجتمع البحريني واغلب مناطق البحرين تعطي مهور في هذي الحدود من 1500 الى 2000

خيو اثير لاحلام

اشوف صايرة موضه لحين سالفة الخاتم الالماس بس نسبة ضئيلة جدا مو شرط ولا اساسي ولا الكل يسوي جذيه

قريباتي الي تزوجوا مؤخر قبل اربع شهور و6 شهور ماشتروا ذهب ع اساس الذهب غالي جدا

الفقر يطلق على الانسان الفقير بأخلاقة ومجتمع البحرين غني من هالناحية
وانه اعرف ناس وايد مهوورهم على 8000 دينار يعني تتراوح من اسره للثانية ,

كم مهور دواسر الدمام مثل البحرين او تختلف ؟
وكيف عاداتكم في الزواج افتونا يالدواسر ؟

أثير الاحلام انا اول مرة اسمع بخاتم الالماس لان اللحين عندنا ما يشترون حتى الذهب بسبب ارتفاع سعره بالسوق انا عندي خواتي 3 تزوجو وما شرو الذهب لانه غالي حتى يتكملو مطتلبات الزواج والحمدلله وحده منهم تعدل حال زوجها وشرى لها طقم ذهب يعوضها عن الزواج وأخ ا بي اف ام حنا قلنا هذي المهور في العائلات الغنية كثير بس معظم او اغلب الشعب البحريني هذي مهورهم حتى لو كان حالته ممتازة 15000 أو 16000 او بالكثير 20000 ريال سعودي بس

لو ان هذا تفكير اغلبية الاسر البحرينية اللي تحب تشتري الرجال وتستر بناتها والله انه احترامكم لا يوصف يا اهل البحرين ...في نظري وامكانياتي ارى هذه المهور منطقية يمكن لا يتفق معي الكل ولكن بالفعل هي رخيصة اذا اردت ان تشتري اخلاق كأخلاق اهل البحرين التى لا تقدر بثمن...
انظروا الى الدول الاخرى وتعرفوا الى المهور التي تدفع لتلمسوا الفرق
تحياتي

خيو كيفي بطة بالعكس عند العجم اشوف وايد وانا زواجي صار له سنه و3 شهور ومهري 1600
وزوجة اخوي قبل سنتين دفعنا له مهر 1600 دينار
وبنت خالة امي المتزوجة من قبل 16 سنة كان مهرها 1500دينار
يعني الفرق جدا بسيط معناته ان من قبل وهذي مهورهم
زوجة ولد عمي بحرينية من اصل عجمي خذت مهر 1700 وطلبت بمؤخر 3000 دينار لانه هذا العادة عندهم على سس لو صار اي شي يدفعه ومو الحين يدفعه
اما سالفة المهور العالية الي قلتي عنها انا بصراحه شفتها عند الاغنياء الي رواتبها عالية جدا وحابة تدفع هذي المهور
اما اغلب المجتمع البحريني واغلب مناطق البحرين تعطي مهور في هذي الحدود من 1500 الى 2000






هلا فيج حبيبتي دمعات الروح
فديتج انا بحرينيه سنيه .. والمهور مثل ماقلت لج عندنا
المعدل 2500 حتى 3500 دينار بحريني .. تقريبا
واللي مستحب يعطي زوجته اكثر .. فزيادة الخير خيرين


بس الشيعه .. واليوم سألت رفيجتي وهي شيعية
"لكن مو عجميه "
تقول انهم عندهم 1600 دينار بحريني .. ثابت .. يعني اللي بيتقدم يعرف انه المهر هالمبلغ وبس


بصراحه العجم ما اعرف منهم وايد .. بس اللي اعرفه انهم مايطلبون مهر وايد بس تكاليف الزواج على الزوج
ويحطون على ظهره مؤخر بعد



احترامي