الحلقه المليون!! خطبت منهم والى الأن ماردوا علي!!؟
 

يا أخي ؟؟؟؟؟

ليه ما تكلم إنت بنفسك أبو البنت ؟؟؟؟؟؟

غالبا الزواجات الي تكون فيها وساطات يعني إنت تكلم شخص و هو يكلم أهل البنت أو العكس

فغالباً تؤدي للمشاكل لا سمح الله

نصيحتي لك إنك تكلم أبو البنت بنفسك

روح الطير شكرا

انا طلبت من ولد عمي اني اكلم ابوها لكن هو قال لا!! اصبر لايقول الولد مشفوح او مطفووووووق مع انه قال لايستعجل!!

انا ياروح الطير ماني مستعجل بالزواج انا مستعجل بالرد بس والله يكون بالعون يارب

خلي ابوك يسئل ابو العروس وانت تبي تعرف ردهم بس مانك مستعجل
اكره الانتظار

السلام عليكم

أعتقد ان الحل عندك لان المفروض انك تسأل أبوها وكلام ولد عمك ان ممكن يعتقدون انك مطفوق مو صحيح لان
هذا خطبة يعني فيها سؤال وجواب .... انت طلبت وهم يجاوبون عليك مو معقولة تنتظر أكثر من شهر


الله يوفقك .........

عادي اخوي انا مثلك خطبت بنت خالتى جلست شهرين الين ابوها وافق على

والله من كثر ما طولو على قلت للوالدة خلاص دوري لوحدة ثانية مليت

نبارك لك مقدمآ يا العالي

موافقين عليك بس يتغلون عليك شوي اكيد من حقهم هههههههههههههه

تحيتي لك

,
,

الله يعينك ..

أصعب اللحظات التي عشتها هي لحظة رد الخبر ..

وكان اليوم بسنة بس الحمد لله أقل من اسبوع ..

أنت يا أخي ليش ماتخلي أمك تتصل عليهم أفضل , أمك تكلم أم البنت ..

هذه أفضل طرق الزواج ..

,
,

وعليكم السلام ورحمة الله وبركاتهـ

ياآأخوي نصيحتي لك لاتستعجل وتخطب غير البنت دآم انك شاريهآ ومسألة انهم تأخروا بالوقت

مايوصل انك تتركهم .. اصبر عليهم شووي ..

لكن مالك حل الا إن الوالدة تكلم أم البنت .. مااينفع اللي تسويهـ ..

وبالنسة لي .. أهل خطيبي .. كانت بداية الخطبة كلها عن طريق وحدة نعرفها ..

كل مايبون شي دقوا عليها وخلوها تقول لنا .. كنا نتضاااايق كثيييييير ..

الى أن طفح الكيل وقلنا لقريبتهم اذا يبون شي خلي الأم تكلم !!

وفعلا كسرنا هذا الحاجز ..:)

فضروري والدتك تكلم امها وتتفاهمون معهم:)

وبالتوفيــــــــق ..:)

فيه ناس كذا يمطمطون بالرد

اعرف ناس جلسو 3 شهور يالله ردو

هو صحيح غلط بس ماتدري وش ظروفهم

الإنتظــــار مميــــت اسألني أنا :(

بحياتي ماكرهت شي كثر الإنتظـــار

أحياناً بعض المواضيع ماتحتاج كل هذا الوقت لكن حركات البرستيح والثقل تلعب دور !!

برأيي إنك تبدأ انت لأنك انت الرجل وهو المفروض اللي يبدأ ولاتدخل وسطاء بينكم هذي حياتك

ولاتتسرع أبداً إذا صارت المرحلة الثانية بعد الشوفة إن شاء الله وطولوا ماردوا عليكم

لأنه دائماً البنت ودها تتحرك وتخلص كل شي لكن الأهل كلهم لهم دور في هالموضوع والآراء

كثيرة علشان كذا يتأخر الرد وهذا أنا اعاني منه ومااحد يحس بالجمر الا واطيها ..

اسمع اخوي..

اولا : دق على ولد عمك وقله عطني رقم ابو البنت وكلمه شخصيا وخذ من راسه

ثانيا: اذا عطاك ولد عمك الرقم وكلمت الابو ولا عطاك اجابه موافقه او رفض وقال اصبر
قله كم ؟ اذا قال اكثر من اسبوعين قله خلاص انا اعتذر لان شكلكم ما اخذتو الموضوع بجديه والله يرزق بنتكم الرجال الصالح وخير مني

اما اذا ما عطاك ولد عمك رقم ابو البنت قل لولد عمك بصبر اسبوع اذا ما ردوا بدور على وحده ثانيه ولا تقول شي للاولين
اذا لقيت وحده ثانيه وصار شي ثم ردوا عليك الاولين وانت تبي الثانيه قل والله انا اعتذر لانكم طولتوا علي وحسيت انكم مترددين او الغيتو الموضوع

او اذا ردوا عليك وانت تبحث خلاص وقف بحث وتمم الموضوع معهم

بس لازم تظهر في الصورة وتكون واضح.. لان الواسطه تبطي

والله يوفقك و يبرك بالصالح من عبيده

السلام عليكم
اخوي حبيب الامس
اول شي أسأل الله ان يرزق بنت الحلال اليي تسعدك
اخوي الانتظار امر مهم خصوصاً ان الأباء الآن لديهم نظره تشاؤميه من الشباب واعتذر على ذلك ولكن هذاالواقع
قمت بخطبة احد العوائل ووالد الفتاة لم يبقى احد لم يسأله عني واعتقد انه وصل الي عامل النظافه بمنطقتنا
ولا الوه صراحه .
ولكن الاطاله لا تجب ابدأ فالخاطب دوماً في وجل وقلق
لذا لا تجعل بينك وبين والد خطيبتك اي وسيط لتكبر في عينيه
أبدأ معه من الأول وأعطهم مهله اسبوع وقل لهم ان ما جاني منكم رد اعتبر ان الموضوع منتهي بالنسبه لكم
علشان لاتنحرج معهم ولا ينحرجون منك.
اخوك
انسان ولهان

انا اقوول يمكن الحين هم ينتظرونك تروح تتقدم على نآآآر وانت منت داري هههه

انا اقووول بعد تكلم ابو البنت افضل على الاقل تعرف راسك من كرياسك خخخ هذا زواج مو لعبه وخل ابو البنت يقول الي يقووله

والله يوفقك

عادي ياخوي
انا جلست 5 شهور حتى تمت الملكة


تعرف لازم يسألون عنك بكل مكان وبالعمل وبين جيرانك


والبنت تستخير يعني المسألة تبي وقت



اللة يوفقك

إن الله مع الصابرين

إن شاء الله نقول مبروووك عن قريب

شهر .. وين سلامات

لابد اخوي تكلم ابو البنت بنفسكـ وتاخذ العلم .. او عن طريق الوالدة تكلم ام البنتـ


الله يوفقك:)

الف الف الف شكر لجميع المساهمين بالموضوع<<< وش دعوه اكتتاب شركه زين (:

المهم الف شكر مره ثانيه وثالثه ورابعه واسف جدا على التأخير لاني والله ماحصل لي اكون على النت وماهي العاده ^_^

الي قالوا خلي امك او ابوك يتكلم معهم ): الله يغفر لوالدينا واموات المسلمين

اما عن اهلي انا الي قايلهم لاتكلمونهم ليما نشوف رد ابن العم (البادر) ^_^ لكن انا شكلي بحسم الموضوع من الاخر وانا بستخير والي يصير يصير !!<<< بيخربها

انا بكلم ابوها وبعلمكم بالي يصير وادعوا لي

برب

الله يوفقك يارب

صراحه موضوعك صار بنك الانماء من كثر التاخير

اسمع هم ماراح يكلموك عشان محد يقول عليهم انهم يدللون على بنتهم

كلم ابوها بنفسك

واذا مارد عليك

خلي الحريم يتصرفوا

انا قايلك اكتتاب بس متى الداول مادري ^_^

عموما اتصلت على ابوها العصريه^_^ بس مارد علي!! عاد بدا الوسواس قلت الله يعين شكله اصلا ماوده بنته تتزوج ولا يبي يصرفني ولا مادري وش السالفه قلت يمكن انه درى اني ادخن :rolleyes: وهذا الشي الوحيد الي انا شايل همه هو الدخان:( ... المهم مالكم بالطويله قلت تدري اتصل عليه بعد المغرب اتصلت عليه قلت ان مارد علي ابي ارسل له رساله وخربانه خربانه<<مسوي نمر بن عدوان:D
اتصلت عليه المغرب وشوي الا ويرد علي عاد انا تلخبطت مادري وش اقوله ^_^ اقوله ورى مارديتوا علينا !!؟ولا تبون تعطوني البنت ولا اشوف لي بنت ثانيه <<يبي يقول ماعنده وقت !
كلمته شلونك طيب اخبار العيال وودي اقول شلون البنيه بس اخاف يقطعها بوجهي:16: رد علي بس كن رده بنفس يعني ماله خلق!! قلت بنفسي افااا شكله عرفني ويبي يبين لي من الاول ان البنت اصلا ماراح تتزوج!! اخر شي قلت له عرفتني قال لا قلت معك فلان الفلان ..!! قال هلاااااااااااااااا ومرحبااااااااااااااا وينك ياشيخ ومادري ايش,, وصار يهلي ويرحب ويقول انا جاني الخبر وقلت الولد يستاهل وابشر بالي تبي وحنا شارينك<<احم احم ياولد :cool: ولو بغيت اليوم قبل بكره ومن هالكلام الي يوسع الخاطر قال بس انت تعال خلني اشوفك وابشر بالخير
المهم انا من الفرحه بغيت اقطع السماعه بوجهه!!

والنشره القادمه الموجز بالتفصيل

شكرا لاصغائكم مع احلى الاماني :21:

تحياتي وادعوا لي

حبيب الامس من زمان المفروض تدق عليه عشان نشوفك مبسوط

الله يجعل ايامك كلها سعاده وفرح موفق بأذن الله

والله اني اقري ردك الاخير وانا ميت ضحك

ننتظر التفاصيل <<<<يوجعه بطنة يبي يعرف وش الى صار با التفصيل

تحياتي واشواقي لك

هلاااا ومرحبا بالزقرت وهلا بالمقناص^_^

اليوم كلمته برضو بخصوص المقابله وقالي بكره تعال تغدا معنا نشوفك ^_^ عاد انا ان شالله رايح بكره ودعواتكم لي نشوف وش يقول!!

تحياتي

الف الف مبرروووك مقدما والله يتمملك على خير ياااارب

ام البراء الله يبارك فيك لكن الى الان ماصار شي انا رحت عنده والحمدلله قابلته وابوها واخوانها موافقين والله يكون بالعون نتتظر الموافقه الاهم^_^

تحياتي

ربي يووفقك أخي الفاضل ونسمع أخبار حلوووه

مبرووووووووووك مقدما ..

إن شاء الله إن شاءالله هيوافقوا ونباركلك
بشرنا بالموافقة إن شاء لله

مو يمكن .((اللبيب بالاشارة يفهم )) يعني يمكن اللي انت خاطبها مو موافقة والاب مستحي يقول لك ..مع ان هذي الاشياء ما فيها حياء بس كل شي جايز

الف شكر لكم جميعا وبالنسبه للي صار بعد الغدا ^_^ ان ابوها اخذ رقمي واخوها وقالوا نبي نتصل عليك الاسبوع هذا وابشر بالخير وامس اتصل علي اخوها وقال ابي اشوفك ابغاك تجي للبيت عندي وكذا بس قالي هالاسبوع ابغاك تجي وانا الى الان مارحت له انتظر منه مكالمه ثانيه للموعد طبعا هي جلسه استفسارات واسئله مني ومنه يعني للطرفين ...

اما بالنسبه لك اختي غدير الابرار انا متأكد 100% ان ابوها واخوها موافقين بالعكس تمام من كلامك وهم حريصين علي انا بالذات بحكم معرفتهم القويه بالوالد رحمه الله اما الراي الاول والاخير طبعا للبنت والى الان مادري وش ردها مع اني مابعد شفتها نهائيا

تحياتي

الحمد لله ان ماكان مثل اللي في بالي وان شاء الله خير والف الف الف مبروك والله يتمم لكم