مشكلتي مرة أخرى ,انا على وشك اتخاذ القرار الصعب
 

السلام عليكم ورحمة الله وبركاته ..
احيي اخواني واخواتي في المنتدى وارجوا مشورتكم مرة اخرى.
سبق اني عرضت عليكم مشكلتي و تجدونها في الرابط التالي :

http://www.66n.com/forums/showthread.php?t=136513

بعد مضي قرابة السنة وتجربة جميع الطرق الممكنة اللتي نصحني فيها الاعضاءو اخرون ممن استشرتهم في الموضوع ,, لازالت نفس المشاكل تحدث مع ملاحظة زيادة حدتها..... جربت اللين والإقناع في البداية ولم تفلح ,بل اتت بنتائج عكسية...بعدها جربت عدم التساهل واشراك أهلها في محاولة اصلاحها ولم تفلح,, جربت النصيحة بالكلمة الطيبة , الهجر ,التوبيخ , العقاب والثواب ولم تجدي ,,, اختراع المشاكل والكلام بطريقة غير مؤدبة لازال مستمر ... وصلت الى مرحلة عدم الثقة والاعتماد عليها في اي شي في حياتي واولها ثقتي في وقتي اللي راح اقضيه معها , لأن النكد والمشاكل واردة في اي لحظة او اي زمان ومكان ...بصراحة وجدت الراحة بالبعد عنها , وصلت الى مرحلة فقدان الأمل في انها قد تتغير ... هي تعترف بمشاكلها وتعد باصلاحها لكن من دون تطبيق ... عندما تعدني بانها تغيرت واقنع نفسي بذلك ,,و احاول نسيان الماضي ..ساعات فقط و في حالات نادرة تعود و تختلق نفس المشكلة وبنفس الاسلوب .. عذرها العصبية والحساسية....
سبب واحد يجعلني اتمسك بها وهو حبها الصادق لي واهتمامها بي ,,لاكن كل هذا يطير ادراج الرياح حال غضبها لتدخل في حالة من الاضراب عن الكلام وتحمل المسؤوليات والدخول في حالة من انعدام الاخلاق وتستمر هذه الحالة لعدة ايام.

حاليا نحن منفصلين , وافكر بشكل جدي في الطلاق , خاصة عندما ارى هذه التصرفات و نحن في بداية حياتنا ,كل شي سهل و لامافيه مسؤوليات كبيرة .


آسف على الاطالة , لكن ارجوا التكرم بابداء رايكم حول المشكلة.

الله يعينك اخوي ويصبرك على مابلاك .. أنا اقول تأدبها وتخليها بيت اهلها فتره طويله وطبعاً اسهجها لا سؤال ولا اتصال
وان بغيت ترجعها رجعها بشروطك وافقت خير وبركه ماوافقت الله يسهل عليها ..

وعلى العموم انت الي عايش الوضع معها وانت الي راح تحدد مصيركم

والله يقدم الي فيه الخير لك إن شاءالله

سؤال أخوي هل لمحت الها بالطلاق؟ وشو موقف الاهل معاك والا معاها؟؟

اخي كم عمرك وكم عمر زوجتك ؟
وهل ليكم أبناء ؟
وهل تعني انها عصبية لأتفه الأسباب ؟؟
حتى لو كانت عصبية عليها أن تتأدب مع زوجها وتحترمه وليش تسمح لها تقولك كلام بذيئ ..
لا تسكت وخلكح حازم معاها شد الحبل وخلها تفهم ان الزواج مو لعب ..
والله امرها غريب !!!!!

كلام اخي المهند عين العقل الله يجزاه خير وحبيت اضيف ان في دورات مخصصة لتأهيل الشباب والشابات قبل الزواج وحتى بعده ترى مفعولها ما أخفيك رائع واكثر من رائع ممكن تسجل انت وزوجتك في احدها والله راح تدعي لي واذا انت في جدة ممكن ادلك على جمعية اسمها الشقائق مررررررررررررررة ممتازة والله يهديكم ويصفي النفوس وخلي الطلاق اخر الحلول لا اولها بدري انها تتغير لسه لكم 3 شهور

أشكر الجميع على المشاركة...
الحمد لله , لسه مافيه اولاد ولا حمل .....بالنسبة للدورات والتثقيف في مجال الحياة الزوجية , من اول ماتزوجنا وهي تقرأ وتسمع محاضرات تثقيفية ,,بس المشكلة الكبرى انه بمجرد ما تعصب , خلاص يطير كل شي ... ولوكانت العصبية هذي نادر تصير كان مافيه مشكلة ,,لاكنها تتكرر على كل صغيرة وكبيرة وبأي وقت ...
بالنسبة للتلميح بالطلاق , لمحلتلها مؤخرا ..وعاهدتني للمرة الألف انها راح تتغير ,,,بس هالمرة اخذت يومين بس و رجعت تسوي المشاكل وترفع صوتها و تغلط.
ملاحظة ( كلامها غير مؤدب , بس مافيه لعن او بذائة).

عندي فكرة يمكن تنفع

تحين وقت تكون انت لوحدك بغرفة ولكن تاكد انها تسمعك


وسوي نفسك انك تحادث احد اصدقائك او اقاربك وقول: انك زهقت وخلص وصل الامر الى حد لا يحتمل وانك راح تمهل زواجك فقط فترة قصيرة وان لم تتحسن الامور راح تطلق خلاااااص ...وراح تبحث عن وحدة تحترمك وما تعصب ع كل شي

وهي بالطبع ستشعر ان الامر ليس فقط تهديد بل ان الامور بدات تاخذ منحنى جدي وشوف ايش يصير

انا رأي السيف المهند لازم يكون عضو ماسي ما شاء الله دائما حلوله عقلانية ورزينة الله يخلي ويفيدنا

اخوي انا ما قصدت اشرطة وندوات انا اقصد دراسة في الدورة لان هذه الدورات تعالج كل حالة على حدة مو زي الاشرطة تتكلم عموما

جرب مانت خسران شئ بس بالطلاق والله بتخسر كثير

المشكلة اني ماعدت اطيق الجلسة معها , اغصب نفسي على الجلوس والطلعة معها فقط لتأدية الواجب كونها زوجة , ولم اقصر بأي شي من واجباتي تجاهها وباعترافها هي لأني اخاف من رب العالمين ...صبري نفذ , توعد بالتغيير و ماتاخذ الا ساعات او بالكثير ايام الا وهي مكررة نفس الخطأ...... الصبر اكيد عواقبه طيبة , بس لما يصبر الواحد شهور من دون مايشوف أي تقدم ,مايصير اللي قاعد اسويه هذا ضياع للوقت؟

الله يعينك ..
لكن لاتفكر بالطلاق اجعله آخر الحلول ويمكن زوجتك مع الوقت تتغير وتعقل..

اخي في دورات خاصة تفيد في كيفية التصرف مع العصبية الحادة

ممكن تسأل عن هذا النوع من الدورات وخلها تسجل فيها

بعدين ليش تطلق ؟؟؟خاصة انكم تحبون بعض

بقول لك شي وادري الاعضاء راح ينصدمون من كلامي

انت اذا شفتها عصبت قلها هدأي اعصابك واذا ما هدأت ارقعها كفين على وجها ...لكن مو تكسر لها فكها او تكسر اسنانها

لا ..بس عشان تنتبه لحالها ...وقل لها ...كل ما ارتفع صوتك راح تلاقي من هذا النوع من العلاج

صدقني راح تبرمج مخها ان كل ما ارتفع صوتها راح تلاقي علاج شديد و مر

وراح تتحكم في انفعالاتها

يعني هذا العلاج افضل من الطلاق و اضرارة بعد اقل ..صح؟؟؟

اجلس مع نفسك ويقولون العاقل خصيم نفسه ... كيف تعاملك معاها ... كيف اسلوبك في النقاش معاها قد تكون انت اثناء ماتحدث المناقسشه او عندما تناقشها عن شي تكون تتكلم بعصبيه ونرفزه حتى لو وجدت مايستفزك وتود مناقشتها عليه لأنه بديهي اذا كلمتها بحده سترد بحده عفويه وتلقائيه دون شعور منها وانا لا اتهمك بهذا الشي فقط اضعه من ضمن الاحتمالات ... لأن احد اصدقائي يعاني من مشاكل مع زوجته وقلت له قلي بالتفصيل وش اللي صار من البدايه قال الموضوع لي اللي نرفزه بس كان خارج البيت ورجع ودخل البيت ويقول لي شي طبيعي انا منرفز ومتوتر من اللي سوته وصوتي مرتفع ويقول الا بكل طلاقة وجه تصايح علي قلت كيف تصايح قال اسئلها وترد بصوت عالي وقلت لها لا ترفعي صوتك علي وقالت لي لما تحترم نفسك وتتكلم بشويش وعلى هالموال وشوي شوي الا وهي طالعه برا البيت وشايلها لبيت اهلها قلت له ماشاء الله عليك انت تبي الصراخ ملك لك انت وحدك ... تخيل لو كانت هي اللي لاقيه عليك شي وجات تتكلم معك بصوت عالي وش بتسوي انت قال تبي الجد قلت ايه قال بتصير نفس المشكله قلت ليه طيب قال مفروض دامها بتناقشني بشي تشوف الوقت اللي اكون فيه رايق بعد ولا تتكلم معي الا لما تكون متأكده ان نفسيتي زينه عشان نطلع بنتيجه ...... قلت عاد من الغلطان الآن قال انا ووقتها كنا بعد العصر قريب المغرب ومادريت الا يتصل علي بعد صلاة العشاء قال انا توني جاي من السوق شاري هدية لأم فلان بـ 5000 ريال وكلمت امها اني جايهم بالطريق وابي ام فلان تجهز لي القهوة وترا بعد العشا نبي نروح للبيت مانقدر نسهر عندكم وبحدود الساعه 12 ارسل لي مسج فيه شكر ودعاء والحمد لله نتمنى ان وضعهم تمام ....
مشكلتنا يا اخوان نستصغر اخطائنا ونستكبر اخطاء الطرف الاخر .... نعطي لأنفسنا العذر بينما نرمي الطرف الاخر في دوائر الاتهام وعدم التقدير والاحترام ....
وانت اخي الفاضل يجيب ان تفكر بكل صدق بينك وبين نفسك ... واحمد ربك ان مافيه اطفال بينكم ... وما اقول الا عسى الله يوفقكم .

الله يسهل امورك

كلام ولهاان عين العقل واصبر اخوي ترى الصبر جمييييل

السلام عليكم ...
اشكر الجميع على المشاركة وخاصة العضو الولهان ...احب اني اوضح ان طبعها هذا مهو بس معي , حتى على امها ترفع صوتها وتغلط .. والمشكلة ماهي بس برفع الصوت والغلط , المشكلة الاكبر بالنكد .. يعني طالعين , مسافرين , جالسين مرتاحين , من ادنى سالفة او مزحة او شي مايعجبها على طول زعل وبعدها بفترة رفعة الصوت والغلط...
انا حذرتها اخر مرة وشرحتلها كيف انها المتضرر الاكبر من افعالها هذي ,, واولها نظرتي لها كأنثى تشوهت كثير ,...

أخي الفاضل ليس هنكا اقسى واوجع واكثر تأثيرا على المراة من الهجرااااااااااااان ..

لكنها هي تعرف أنك مهما تهجر فإنك بسهولة ترجع وتلين لها ..

أخي خلك صارم مع نفسك اولا ثم مع زوجتك .. فمعرفتها بنفسيتك جعلها تتجرا عليك ..

فلو عرفت منك صولة الجد وحزم الرجال ما تجرات عليك ولا وضعت عينها بعينك ..

فالأمر كله بسببك ... فالفرس من خيالها ..

اخي المحتار00

العصبيه00 لا تعني قلة الأدب وعدم الأحترام00 يا ما ناس عصبييين ويقدرون ويحترمون00

زوجتك بإختصار يا اخي00 مثل الكثير من البنات في هذا الزمن00اللي تحط راسها براس زوجها00

ولا تقدره ولا تحترمه00ولا تعرف حقه العظيم عليها في دنياها واخرتها00 ولم تتربى على ذلك 00لأنه الأن

ليس البيت الذي يربي00فالتلفزيون يربي00والنت00والأصدقاء00 ونسمع من البنات الشئ الكثير على حسب دينها

وعقليتها00

الحل00 انك تعلمها احترامك00 وتحتاج لحوارات متعدده بينكم مع الاحتواء 00

ورفع الوازع الديني عندها00 وايضا محاولة تغيير ما يمكن تغييره من ناحية عقليتها وثقافتها00التي لا تتناسب

مع حياتك الزوجيه مع قليل من الصبر00 ولو احتجت لتدخل امرأه تكون ذات حكمه00وتنبيهها لبعض المغالطات00


جعلها الله قرة عين لك00

مع الاخت فافي ..

جرب هذا النوع من العلاج .. ارقعها كفين كل ما ارتفع صوتها و قلت ادبها ..


فهذا العلاج الاخير قبل الكي وهو الطلاق ..

صدقني راح تمشي على العجين ما تلخبطوش ..