|
@@اريد ان اتزوجها لكن !!هي بنفس عمري مشورتكم @@
السلام عليكم...
انا احب بنت خالتي وقريب بتزوجها بس الي مخوفني ومخليني اتردد انها بنفس عمري... وما اكذب عليكم لو قلت لكم احس بسعادتي معها ... هل العمر مشكلة ... انا ابي وحده صغيره ... وافهموا عاد... مع العلم ان عمري 25.. اتمنى القى منكم مساعده الاشراف :عذراً تم تغيير العنوان ,. بالتوفيق . |
وين الردوووود
|
اذا كانت البنت اصغر منك هذي فيها ميزات حلوة و اذا كانتبنفس سنك برضو فيها ميزات حلوه
ان كانت بنفس سنك مثل ما تقول انت راح تكونو متفاهمين اكثر ان شاء لله .. و 25 سن حلو للزوج و احيانن تاخذ وحده اصغر منك و تطفشك بعقليتها ... بالتوفيق |
شكرا لك تتنهام...
اتمنى اشوف ردود اكثر |
عليك بالاستخاره ....
والعمر تراه مو مهم كثر انك تكون مرتاح لها والله يوفقك |
انا أعرف أزواج بنفس السن وهم في سعااااااااااااااادة ماشاء الله تبارك الله
كأنهم أصدقااء وأعرف أكثر من اسرة الزوج وزوجته بنفس السن وكلهم حياتهم ماشاء الله نااااااااااجحة .. ويعيشون مراحلهم العمريه مع بعضهم .. ولما تكونون بنفس السن لها ميزاات حلووة .. قد تكون اصغر منك ب 6 او 5 سنوات لكن مستواها الفكري ضييق ومحدود أو احيانا لاتراها كفؤ لأن تكون زوجة تساعدك وتناقشك مشاكلك .. وعليك بالاستخارة .. والله يوفقك ويسعدك .. |
غريب امرك والله
الحين انت تحبها وتجد السعاده معها وقريب بتتزوجها وللحين منت مقتنع في عمرها ومتردد!!! اتوقع هذا الموضوع خالص منه من زمان من قبل تحبها وتخطبها حتى! الغريبه انك كاتب ( محتاااار) يعني محتار في ايش ؟ تبيها تصغر مثلا ؟ والا تبي نقول فك خطبتك ودور وحده صغيره ؟ انا اللي اسمع عنه دايم ان الرجال اذا حب ... ممكن ياخذ بنت اكبر منه وممكن ياخذ بنت مو من مستواه الاجتماعي ولا المادي .. بس عشان هالحب اللي يحطم كل الفوارق والحواجز.. كن واثق ان مافيه زوجة ( فل اوبشنز ) .. لو تلف الدنيا كلها |
الله يوفقك اخوي
ودامك تحبها هذا اهم شي واهم شي السعاده يعني يمكن تاخذ وحده صغيره وماتسعدك |
الله يوفقك اترنا اذا كانت البنت اصغر بشوي تبون اكبر واذا نفس العمر نفس الشي اذا كانت اخلاقها وذات دين توكل على الله العمر مابيفرق اوذا هي نفس سنك اشفيها....الله يوفق لك ان شاء الله فعلا استخير اذا متردد
|
بالتوفيق ان شاء الله اخوي ...
و بالنسبة للعمر لا تحاتي ... ترى العمر كل ما يكون متقارب بين الزوجين او بنفس العمر ... ترى كل ما يكون احسن لك في امور التفاهم و لتقبل المواضيع المختلفة اللي بينكم و انا افضل ان يكون الأزواج عمرهم مثل بعض او الفرق بينهم سنه او سنتين لا اكثر .... و الله يسعدك ان شاء الله |
وقد تكون اكبر منك وعقلها خفيف ونكديه
مدري ليش يربطون العقل بالعمر ابفهم |
أخي لو فعلا تحبها
فإنه لا شئ سيبرهن عليه إلا زواجك منها أما عن العمر فلا أراه مشكلة ما دام هناك ود بينكما فلن يشكل العمر مشكلة ابدا توكل على الله و الله يوفقكم و يسعدكم |
غريبة جدا ايه المشكلة؟؟؟؟
هذا الامر منتشر جدا ان يتزوج الرجل عندنا من من هى فى نفس سنه وعادى جدا ولامشكلة!!! بل ان كثيرا يفضلونها هكذا حتى تكون قادرة على فهمه.... استخير وتوكل على الله ولا تلقى بالا لوساوس الشيطان فهو بالطبع لا يريد لزيجة ان تتم وتبنى بها اسرة مسلمة |
دام إنك مرتــــــــــــــــــــاح لها و تحبها
العمر ما هو عيب أبدا بالعكس كلما كانت كبيرة كلما كانت أفهم بس أنتم أتوقع حتى لو ماااااااافي عيب ماترتاحون إلا تطلعون و لو عيب صغير الله يوفقك و يتمم لك على خــــــــــــير |
ياخي
اعتقد ان السن حاليا ماهيكون في مشكلة بس بعد ماتوصلوا سن الاربعين يعني سن الياس عند النساء هتنسي حبك لها وهتفكر بالزواج من اخري |
لالالاتعقد السالفه
اهم شي التوافق القلبي والعقلي وبالعكس لو في حب مبدئي راح تكون العلاقه الزوجيه احلى بينكم مو شرط تكون اصغر عشان تحس بسعاده انت تحس بسعاده مع بنت خالتك اللي بسنك وصدقني هالشي راح يفيدك لما تتزوج توكل على الله وصدقيني لن يخيبك الله باذنه تعالى |
بالعكس والله احسن انا زوجي اكبر مني بشهر واحد والحمدلله متفاهمين
بس يتوقف على شخصيتك ونضجك وما تحسسها ابدا انها في سنك يعني دلعها اكنها اصغر منك بعشر سنين |
بارك الله فيكم اخواني واخواتي ...
شكرا على كلامكم الجميل .... |
اذا انت تحبها وهي تحبك اكيد؟؟ تزوجها وتوكل على الله
لان لا انت ضامن عمرك ولا احد يضمن وش بيصير اهم شيء انك تكون مرتاح فيه غيرك متزوجين من بنات اكبر منهم ب 4 سنين وفيه اكثر كله من الحب اللي قطع قلوب البعارين |
خذ في الاعتبار بتشيب قبلك
الا اذا كنت ناوي تتزوج ثانية او مافي وحدة في مواصفاتها تزوجها محد يضمن انه بيعيش الى الاربيعنات |
ابي و أمي بنفس العمر و متفاهمين جداً و لله الحمد لكن الغريب بالموضوع انه أبي كل ما اجا شاب يخطب أختي و كان عمره قريب لعمرها (سنة مثلاً) يقول هذه من سلبياته يعني يرفض الشاب اللي بنفس العمر
علماً انه هو بحب أمي و بحترمها و ما اختلفوا مع بعض على عينا مطلقاً شو هو السبب ................ الله أعلم ! أنا شخصياً أنصحك بالزواج ممن تحب بغض النظر عن أمور بسيطة كالعمر رسول الله صلى الله عليه و سلم تزوج ممن تكبره ب 25 عام !!! و أحبها حب شديد لكن المهم بالأمر انه ما تكون شخصيتها من النوع القوي و شخصيتك من النوع اللين و اللي ما يتقبل حدا يفرض عليه رأي أختي تزوجت شاب من عمرها تماماًَ هم دائماً سمن على عسل لكن من فترة لأخرى في عندهم مشكلة محددة و هي : انه زوجها ما بريدها تكسر كلمته أمام أحد يعني مثلا هم في السوق يقول هو اوكي انا راضي بالشي الفلاني بالسعر الفلاني و أختي تقول لا غالي و نطلب انك (يعني من صاحب المحل) تنزل السعر او انها اذا سألناها رح تناموا عندنا الليلة و لا ناويين تسافروا لمدينتكم تقول هي انه ناويين ننام لأنها تعرف انه زوجها ما برفضلها طلب اذا طلبت منه المبيت عندنا لكن بتضايق جداً انها تتكلم و تقول الجواب قبل ما تشاوره و تستأذنه. أتمنى تكون فهمت قصدي و الله يوفقكم يا رب |
الله يوفقك يارب..............
العمر ياأخي ولا له دور في الحياه الزوجيه............... بالعكس عمرها كثير حلو...........ليش................لانها عارفه واجباتها نحوك وعارفه كيف تتدلعك............... كثير الي يطلبون زوجه بنفس عمره.................حتى في واحد اعرفه خطب وحده اكبر منه..............وعادي انت ذحين لبغيت منها شي بتقولها كم عمرك.............ولا علاقتك تتغير مع وحده اصغر منك.............. عندنا فقط بدول الخليج...........الرجل يطلب الزوجه اصغر منه وبكر................... وانا اشوف مافيها شي ابدااااااااااااااااا.................. ولعلمك أخوي يبغانى نخطبله وحده اكبر منه..................عشان ماتتعبه وتكون رزينه................... الله يوفقك يارب ويرزقك اكثر مما تتمنى......... |
| الساعة الآن 04:40 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©