|
ساعدوني .زوجي يشاهد مواقع اباحيه
السلام عليكم ورحمة الله وبركاته
كيفكم اعضاء عالم الحياة الزوجية .. بصراحه انا مقصره في الكتابة كثير ومن زمان انقطعت بسبب حملي والتعب لكني متابعه للكثير من المواضيع واللي استفدت منها الله يجزاكم خير عندي شبه مشكلة .. مااعتبرها مشكلة لكن ودي اتصرف التصرف الصحيح بقول لكم سالفتي بالكامل واتمنى تساعدوني انا متزوجة من زوجي من ثلاث سنوات تقريبا احبه ويحبني الحمد لله ,, وحامل حاليا في نهااايه الشهر الثامن مشكلتي بدأت قبل شهر ونص تقريبا او شهرين لاحظت زوجي يسهر كثير على النت انا كنت انام وقتها شوي بدري اول شي لأني حامل ومتوحمه في النوم وفي الشهور الاخيره قالت لي الدكتورة طبيعي يجيك نوم مب طبيعي فـ كنت على ال12 نايمه وزوجي يجلس للساعه 3 مانام وكنت اتوقظ على صوته يدخل يسبح ..! بالرغم من انه كان ايام البرررد الشديد تتذكرون ..!!!؟ وهذا الشي يحصل كل يوم تقريبا اسبوع انا بصراحه شكيت وجا يوم فتحت موقع اليوتيوب وحصّلت كلمات البحث مخزنة ماانحذفت وكانت كلمات يشيبلها شعر الراس .. بنات ليل + بكينيات ياربي مااقدر اكمل ضاق صدري مررره :< قلت يمكن اني مقصره في حقه رحت وشريت حركات قمصان نوم وبجامات وفتحت مواقع وتعلمت حركات جديده تنفع للحامل قلت يمكن متضايق مني او خايف على اللي في بطني ومايستمتع واقنعته ان مافيه خطر على البيبي لأن الجماع بعيد عنه ,, بالرغم من اني بعد كل لقاء معه ينقبض بطني ويصير يعورني بس استحمل واقول اذا انا ماكفيته من يكفيه ..!؟؟ وجا يوم وكنت متضايقه لأني لقيت في الملفات المؤقته والهستوري صور ومقاطع بنات شبه عاريات ,, وكان زوجي يخلي كلمة السر حقت ايميله مخزنه في الجهاز فدخلت ايميله وشفت اللي يرسل له شخص واحد بس وهو زميله في العمل ... انا انقهرت منه يعني ليه يرسل له وهو عارف انه متزوج ..!!!!!!!!! رحت على طول سويت ايميل وارسلت لخويه رساله تحذره من الله وانه مراقبه في كل شي وتحيسبت عليه فيها وضاق صدري وقعدت ابكي وجا زوجي وشافني وسألني وش فيك وان ااقول مافيني شي لحد ماقال ماراح اخليك لين تقولين لي وش فيك .. وانا صراحه مااقدر اقول له شي لان الموضوع حساس ولمحت له وقلت اني احس شكلي ماعاد يعجبك زي اول وان بطني صار منفوخ وماصرت اغريك وكذا هو طمني وقال لااا هذا ولدي ولايمكن اكره شكلك لانك شايله ولدي ووو ويقول انتي اول كنتي اقل رغبه مني وانا اللي كنت الاحقك وماضاق صدري والحين يوم حملتي زادت رغبتك وانا ابعد شوي ونسوي توازن ( مايدري اني مو زادت رغبتي بالعكس كنت ابي أبيّن له انه مافي شي تغير مع الحمل ) وقال لي كلام حلو بس شلون اصدق كلامه واكذب تصرفاته ! يعني مو الرجال اللي يبعد عن زوجته ويتحجج انه يسوي توازن لأني كنت ألاحقه وابدي رغبتي فيه واذا نامت يروح يفتح النت ويتفرج على صور العاريات .. يجرح مشاعر زوجته كثييييييييييييير ويحسسها بنقص في انوثتها واغرائها ..؟! والا عادي عندكم يالرجال هذا الشي ومايعتبر مشكلة وودي اعرف انتو الرجال تملون من زوجاتكم بعد مرور ثلاث سنوات من الزواج؟ وودي اعرف لو جت زوجتك وصارحتك باللي شافت او عرفت بتتضايق منها والا بتستحي منها ؟ عندي كم ملاحظة اول شي انا ماتغير شكلي ابدا مع الحمل .. يعني ماصار فيني تغيرات في شكلي من انتفاخ وسواد وماتوحمت على زوجي ولا شي يعني مع الحمل ماتغير اي شي .. ثاني شي زوجي ملتزم الحمد لله .. وانا انصدمت لما بدر منه هالتصرف ..! يارب تساعدوني وش اسوي حسبي الله ونعم الوكيل تم تعديل العنوان ليتناسب مع الطرح |
حبيبتي أكثري من الأستغفار..
عليك بسهام الليل فإنها تصيب,, خاصة إذا كانت بإلحاح ونابعه من القلب.. وقولي له بطريقة غير مباشرة : يا حبيبي أحفظ نفسك عشان ربي يحفظني لك ويحفظ لك ذريتك.. وربي يسهل لك الولادة |
اقتباس:
احلاهم والله انك احلاهم صدق .. تسلمين حبيبتي على الدعوات الطيبه وان شاء الله بأداوم على قيام الليل .. لأني قصرت فيه شوي ويارب يحفظني ويحفظ زوجي عن الحرام يااااااااااااااااارب الله يخليك يالغلا |
يمكن زوجك مو من هالنوع بس تأثر من هذا الي يطرش له لأن من الطبيعي ان الانسان يتأثر بالي حوله
أنا من رايي تصارحينه أفضل بأسلوب حلو تبينين له ان هالشي يضايقج وبالنهاية يأثر عليكم انتوا الاثنين لان ممارسة العادة السرية ما تأثر بس عليج انج بتتضايقين انه يمارسها لأنه شاف صور او شي من هالقبيل بل يتعدى هالشي ويأثر عليه اهو بعد ..اختاري الوقت المناسب وقولي له اشوفك هالفترة تسهر ومرة صحيت وانت تسبح كمثال يعني شوفي انتي شبتقولين مو تتهمينه على طول انه سوا وشاف حاولي تطلعين الكلام منه اهو وان شاء الله توصلون لحل يا رب بس لا تسكتين لان اخاف يتعدى هالشي لأمور اكبر وغلطان الأخ زهير لمن قال انج مكبرة الموضوع بالعكس هذا شي مو سهل مو لانج تغارين بس انه يشوف شي جذي بل لازم تخافين على كيان العلاقة الزوجية ككل وشخص الزوج اكيد انتي ما تبينه يمشي بطريق غير مستقيم والشي الي يشوفه الاخ زهير صغير ممكن يكبر ويكبر ويكبر لين ما يصير صعب واحتمال مستحيل علاجه فالواحد يعالج المشكلة من بدايتها أفضل وبالتوفيق ان شاء الله تطمنينا ان كل شي اوكي |
الله يهدي لك زوجك و يرجعه
للصــــــــــــــــــــــواب و يبعد عنه الحرام |
هلا غاليتي
ما شاء الله عليك باين عليك زوجة فاهمة و مثقفة و عندك اسلوب رائع بالتعامل مع الزوج و الحياة الزوجية أنا اشوف إنك إستنزفتي جميع الحلول التي لديك و ما ظل إلا إنك تصارحيه و تفهميه إنه إللي عمله كثيييييير جرح مشاعرك و حسسك بالنقص الله يفرجها عليك و يقومك بالسلامة و خبرينا شو بصير معك |
المصارحة وتذكيره بالله مع الدعاء له بالصلاح انسب شئ والله يعينك ويفرج همك
|
اقتباس:
ياهلا والله hr4 صحيح انا انقهرت من زميلة اللي مايخاف الله وان شاء الله زوجي مو راعي هالحركات انا عارفة ومتطمنه لأنه عاقل الحمد لله بس مثل ماقلتي خايفه عليه من الحرام وفي نفس الوقت حاسه ان هالشي جارحني كثير يعني انا عندك وحلالك واتفنن لك واتمنى رضاك على العموم رحت هذا الويك اند لمزرعه اهلي قلت يمكن ملّ مني صدق توني راجعه ونفس الشي لقيت في الهيستوري مقاطع بنات وي اصارحه اليوم بس مااعرف كيف خايفة من رده فعله الله يطمن قلبك يالغلا على حضورك |
اقتباس:
اللهم آمين الله يعطيك العافيه على الدعاوي الطيبة مثل قلبك |
اقتباس:
الله يخليك ويخلي لك عبادي يارب هنا مربط الفرس يالغاليه خايفه من المصارحه وماادري وش الطريقة الانسب للمصارحه وهل اذا صارحته بشكل مباشر بيجيب نتيجه ايجابيه والا اسوي حل ثاني مثلا احاول ابعده عن هالطريق من غير مايحس اني عارفه عشان مايحس انه طفل وانا قاعه أربّيه بالعكس يصير يحس انه انتصر على رغباته وانه قوي العزيمة هذا اللي اتمناه ومشكورة على تواجدك واضافتك |
اختي العزيزه انا مريت بنفس الي مريتي فيه بس الفرق كان لي سنه متزوجه وحامل ومع بدايه الشهر الشادس
بدت هاذي المشكله بس الفرق انا يمكن صار عندي انتفاخات بسيطه مويه يعني المهم لاحظت ان زوجي ما يجيني ابدا واحيان اطلبه ويتعذر واكتشفت الي اكتشفتيه بس انا زوجي ماكان احد يرسله هو كان ينزل مقاطع في البدايه انصعقت وكانت المقاطع هاذي مخزنه عالجهاز (انا استنتجت انو زوجي كان مدمن عليها من قبل لا نتزوج من تواريخ تخزين المقاطع) ذهلت انجنيت بكييييييييييييييت لانه كان احيان يصد عني ما واجهته بس مسحت كل المقاطع وكل ما يشوف شي احطه على سطح المكتب علشان يشوفه ويعرف اني شفته اتبعت استراتيجيه الحصار لان زوجي ماكان يشوف شي وانا بالبيت كان لما اطلع عن اهلي او اي مكاااااان رافقته زي خياله وكنت والله احيانا امل واشتاق لاهلي بس احتسب واقول انا بمنع المنكر ان يصير حسيته انه فهم انا ايش اسوي فصار احيان يقولي انا طالع اوديك اهلك؟؟؟ فاطلع واقوله اول ما تخلص شغلتك رجعني معك لا ترجع البيت ولا حظت انه يرجع للبيت من علامات معينه انا كنت اعرفها وبالاخير واجهته وذكرته بالله وان الله لن يبارك له لان الله لاينظر لناكح يده وبكيييييييييييت امامه ودعيت له وانا ابكي امامه وكل هذا صار على اكتر من مره مواجهه لان اختي هذا ادمااان صعب انو يترككه بسوله وطبعا كنت اتفنن في التزيين ونصيحتي اطلبيه لما تحسي ان ناوي يسوي شي واذا بتنامي افرشي جنبه ونامي وهو عالجهاز تزييني وتعطري وبس وانصحك لاتطولي عنداهلك بالنفاس اسبوعبيييييييين يكفي والله يكفي خلي امك او اختك تمرك كل يوم يومين وتساعدك لفانو اذا ادمن بيصيييييييير صعب جدا يتخلى عن هالشي انا الان الحمدلله انعم بحياه هانئه مع زوجي والحمد لله على كل حااال بس بعد صبر 7شهوووووووووورو معانه وبكى وقلق نفسي مع حمل وولاده ونفاس بس جاب نتيجه تتمنياتي بالتوفيق |
ليش الله يهديك رحتي عند اهلك اسبوووووع
انت كذا عطيتيلو مجااااااااال اكبر ويمكن شاف الصباح واليل من الفرااااااغ الله يهدي اما عن المصارحه انت واسلوبك بس لابد منها مثلا ممكن تقولي ان انت ما تحبي؟؟ مايعجبك شكلي؟؟ ايش الاشياء الي تبغاها تتغير فيني؟؟ انا وصلت معاي فتره كنت اقوله وريني ايش تشوف خليني اسوي مثلهم (بالمزح) ووصلت فتره صد عني مره لاني كنت احاول اطلبه لما احس انو ناوي يسوي ويشوف عالجهاز علشان لما يجلس اكون مرتاحه وضامنه ان مالو نفس ولما صد عني لبست عباتي ورحتله قلتله وديني اهلي وانا ابكي وقلتله انت انسان كويس وانا راضيه فيك على كل عيوبك ومبسوطه معاك وابغاك وبتركك تفكر لانو تخليني عندك وانت ما تبغاني عيش مع جهازك احسن انا مو بس للطبخ والتنظيف والعيال انا زوجه ولي حقوق ومن حقي ان بيتي ما تصير فيه هالمنكرات بس هو ما خلاني اطلع ومن يومها بدا يخف شوي شويالا ان انتهينا من هالمشكله |
انتي زوجه رائعه ومثقفه
اسال الله لك الثبات وان يعمي بصر زوجك عن الحرام ويسخره لك لاملك لك الا الدعاء قلبي معك |
وعليكم السلام ورحمة الله وبركاته
إليك أختنا الكريمة هذا الرابط لعل الله يجعل فيه الفائدة لكِ والله ولي التوفيق |
اقتباس:
الله يخليك يارب سحابه وانا ادعي لنفسي واعي له ربي يصلحنا وذريتنا تسلمين يارب |
اقتباس:
ومشكوورة على طرح تجربتك استفدت منها كثير ربي يخليك يالغاليه |
اقتباس:
انا رحت لاهلي ويك اند يعني يومين كذا وقلت لك لما رجعت لقيت المقاطع في الذاكرة المؤقته وزوجي مو خبير في الكمبيوتر ومايعرف هذي الذاكرة المؤقته فـ مايدري انها تتخزن المهم انا ضاق صدري من جد رحت وتحممت وربي اني ابكي المويه على وجهي وتغسل دموعي معها ولبست وتزينت ولما جا بالليل ودخل الغرفه وشافني سألني وش فيني اهلك فيهم شي ؟ دوامك ؟ وانا اقول لا الين ماقال مابقى الا انا قلت ايه زعلانه منك قال لي ليه وش سويت !! قلت ضاق صدري من اشياء في الكمبيوتر لقيتها هو على طول قال وشو ... صور مخزنة؟ أنا دريت انه عرف وش مسوي واكتشف اني دريت قلت مب صور مقاطع في الهيستوري اقول هالحكي وانا اصد وجهي عنه قال وشهي قلت انت عارف مايحتاج اتكلم قام قال تعالي وريني !! فتحتها له وقال تراني ماخذ الجهاز معي للشباب يوم الخميس واكيد واحد منهم هو اللي فاتح هالمواقع ( مايدري اني من زمان شايفه هالاشياء مو بس هالمره ) وانكر بشده انه هو اللي سواها وقال حرام عليك تشكين فيني وبعدين شوي يقول ماراح استخدم الكمبيوتر ابد خلاص وشوي يقول لي مجنونه تشكين فيني انا اخاف الله قبل لا اخاف منك وبعدها بشوي يقول الله لايلومك انا لو اشوف كذا بأسوي مثلك وبيضيق صدري انا حسيت بعدها براحه نفسيه لأنه شكله ندمان ومتحسف يارب تهديه وتثبته على قولك الثابت في الحياة الدنيا وفي الاخرة وربي يجزاك الجنه ام ولدها |
خطوه حلوه ومدام خاف انك تفكريه هو يعني في خييييييير ربي يهدي
بس عليك نقطه ليش علمتيه من وين تعرفين والهيستوري والحركات هاذي الان بيصير يشوف ويمسح علشان ما تعرفي انا صارت معي بس مو لان زوجي ما عنده خبره والا انا قلتله بس لانو هو يعرف كويس في الكمبيوتر صار يمسح الي يشوفه فتره بس انا عندي مكان تاني بالجهاز اعرف منه ان شاء الله يخيب ظني ويكون حالك غير حاااااالي وتكون اخر مره يشوف زوجك هالشي ربي يوفقك عليك بالدعااااااااء الان والتقرب من زوجك واشباعه موفقه اختك |
ام ولدها وين المكان الثاني
(انا صارت معي بس مو لان زوجي ما عنده خبره والا انا قلتله بس لانو هو يعرف كويس في الكمبيوتر صار يمسح الي يشوفه فتره بس انا عندي مكان تاني بالجهاز اعرف منه) عندك فستا ولا اكس ب فستا مش كتير بعرفلو |
الله يهديه ويرده للحق
|
أختى العزيزة الله يعينك ويعيننا أنا رأيى إنك لا تتركيه يسهر لوحده ابدا مهما كنتى تعبانه انتى عندك النهار كله وهو مش موجود بيكون فى عمله نامى فيه لكن اول ما يكون فى البيت وصاحى افضلى معاه لحد ما يمل ويتأكد انك مش هتعطيه فرصه ابدا وبعدين ما تصارحيهوش ولا تتكلمى فى الموضوع معاه ابدا دلوقتى هو بيعمل ده من وراكى لو عرف انك تعرفى هيبجح اكتر ويعمله قدامك ومش هيهمه حاجة وفى الحالة دى عمرك ما هتعرفى تعالجى الموضوع . الحل هو انك تلازميه زى ظله لحد ما يزهق وينسى.
|
فرج الله همك اختى الكريمة
اضافة للموضوع الذى ارفقة اخونا الكريم علاء الدين تفضلى هذة الموضوعات لعلك تجدى فيها فائدة ما جرعات من مخدر المواقع الاباحية 7 ايام ...للتخلص من إدمان المشاهد الجنسية نصائح ضد مشاهدة الافلام الاباحيه (ملف) نسأل الله ان يهدى لك زوجك وكل المسلمين والمسلمات اللهم آمين |
اختي الغالية
السلام عليكم ورحمة الله وبركاته سؤال يراودني دائما من خلال عملي في مجال الكمبيوتر 80 % من الموظفين اجد على اجهزتهم صور وافلام اباحية من الرغم ان معظمهم متزوجين .... فأسال نفسي اين الخلل؟؟ فلم اجد جوابا واضحاً لكن أعتقد شي واحد يمنع من مشاهدة هذه المشاهد والصور مخافة الله بالسر لان كثير منهم ترى عليه علامات حسن الخلق ولاكن يضعف امام هذه الغريزه وهي النظر وبنسبه للمصارحه فمن وجهت نظري البسيطه وبما اني رجل لا انصحك لسبب واحد لانه يوم يعرف انك عرفتي رايح يوعدك ويمكن فعلاً يندم لكن صدقيني اذا مقتنع وما خاف الله بالسر راح يرجع ويكون اكثر حرص يعني ماراح تشوفين شي بالهستري ولا الملفات التي تم فتحها لانه سوف يحذفها فور الانتهاء من مشاهدتها وبالنسبه لصاحبه اعذريني انا في مجال العمل وعندنا بريد خاص في الشركة فلاشخاص الذين لا يرضون هذا الصور ولا يحب مشاهدتها لا احد يتجرأ ويرسل له وكل صديق يعرف صديقه يعني انا اعرف صديقي اذا يبغاني ارسله ولا لا واخيراً يا اخوات .... والله لم اجد جواب ؟؟ إلا اني اعرف ان الرجل لا يستطيع التحكم في شهوته إلى من اتقى الله فيها واهم شي تقوى الله في الخلوه وأسال الله العظيم الهدايه لي ولكم ولازواجكم ولمن تحبون يارب العالمين اخوكم : المفكر |
هلا بيك اختى ان شاء الله ربى يفرج عليك . انا من فى رأى ان ها مرحلة وتنتهى باذن الله لكن عليك الاهتمام بزوجك وتبحثى عن ما يحب فترة الحمل بالنسبة للرجل فترة صعبة بسبب التغيرات الجسدية والنفسية التى تحدث للمرأه بالذات فى الحمل الاول حاولى ان تكونى معه اطول فترة ممكنة ولا تتركيه وحده لوسواس الشيطان .ربى ييسير لكم الامور
تقبلى مرورى اخوك حالة خاصة |
عليك بكثرة الدعاء له وخاصة في السجود .
وأسأل الله أن يوفقكم ويرزقكم الذرية الصالحة ، اللهم آمين . |
السلام عليكم ورحمة الله وبركاته
الله يصلح زوجك ويهديه وماشاء الله عليك هاديه وذكيه لو انا والله مادري اش اسوي وزوجي مو خبير في الكمبيوتر ومايعرف هذي الذاكرة المؤقته فـ مايدري انها تتخزن ليش علمتيه من وين تعرفين والهيستوري ولو سمحتو اش هوه الهيستوري والذاكره المؤقتة لو سمحتوا وتحيه طيبه مني لك اختي الغالية |
المكان الثاني يا اخوات هو انك تعرفي ايش ابرنامج الي هو يستخدمه في المشاهده وتفتحينه وتطلعين الهيستوري تبعه
<<<< خبيره كمبيوتر تخصص |
الله يصلح حالج ويهدي زوجج ويسعدج
|
| الساعة الآن 03:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©