للمصريين .....ساعدوني
 

اختى نعم الزوجة عندنا بتشارك عفيش البيت

المهر بيختلف على حسب امكانيات العريس

بالمعنى الشقة بيها غرفتان وصالون وصالة وسفرة

انتى مثلا غرفة النوم الرئيسية وغرفة الجلوس (الانترية)

هو السفرة والصالون

المطبخ كله على العروسة ماعدا التلاجة والبوتجاز والغسالة والنميلات المطبخ على العريس

العروسة عليها النجف البيت كله والسجاجيد والستائر

وايضا تشارك بالنصف مع العريس في الفرح من حجز القاعة والوليمة

والله مستنية ردودكم معقول ثمانية مروا وما منهم حد يرد.... ولا كلكم مش مصريين

اشكرك اختي على ردك بس انا ما حاقوم بكل هدا لان خطيبي تكفل بكل شيئ كوني اجنبية بس اللي اريده كم يكون المهر المعقول

ممكن مابين 25 الف الى 40 الف جنية والله حسب امكانياته
دة المتوسط

يعني كم بالدولار تقريبا ....واشكرك جزيلا على ردك

40 الف جنية يعنى 22 الف دولار

الدولار ب خمسة جنية ونصف

مش عارفة اشكرك ازاي nadasteel يا رب يفرحك ويسعدك ويعطيك اللي تتمناه يا رب كفيتي ووفيتي مرسي اوي حبيبتي

22 الف دولار مو كأن كثير اخاف العريس يطفش انتضري ردود كمان قبل لا تخبري خطيبك

السلام عليكم-----------أحسبى تكلفة شقة الزوجية وأقسميها على أثنين أنتى النصف والزوج النصف الاخر ---------وأعزمينا على الفرح وربنا يوفق------

ضحكتني والله فعلا كتتير ...............ونبهتني

عذرا اختى صاحبة الموضوع 40 الف جنية ب حدود 7 الف ونصف دولار اما 22 الف دولار يعتبر 121 الف جنية

اما اختى المصرية فأنبها ذكرتي ان المهر عندكم 100 الف جنية يعني ب 18 الف دولار مش 55 الف دولار

معلش على الخطأ ياختى ياسمين واقدم اعتذاري

مرسي اوي يا جماعة على الايضاح بس زي ما قلت لكم انا مغربية مش مصرية ولن اشارك خطيبي في العفش وغيره يعني الموضوع مو سهل زي ما انتم متصورين لاني مهري حيبقى على هدومي وشوار وبس مش اكثر وانا محرجة من ده فعلا من خطيبي ...رايكم بليز في حالتي اقله ايه وشكرا

السلام عليكم
ممكن اشارك برأيي بس انا مش مصريه
عموما انا اشوف انك تطلبي المعقول يعني الي بيكفي عشان تجهزي نفسك بيه من دون مبالغه في المبلغ ولا تبخسي نفسك المهم تقدري مشترياتك ومصروفاتك وتطلبي بناء عليها مبلغ معقول ولاتنسي ان البركه في التيسير
ربنا يبارك لك

بسم الله الرحمن الرحيم

اختي بما انك مش هتشركي في تجهيز البيت زينا احنا المصريات وبس المهر يدوب علي اد هدومك شوفي المعقول واحسبيها انتي يكفيكي كام اين كان المبلغ واتشوري معاه فيه بس اطلبي المعقول وربنا يكمل ليكي علي خير

المهم يا أختي أهلك حيعوزوا أيه


أهلك مش حيسألوا عن مهر المصريات حيبقي مهرك زي مهر البنات في عيلتك


لكن هما لو حبوا يخففوا عنه لأن عندنا في مصر المهر غالبا بيستخدم في تجهيز الشقة او في الشبكة


فده فضل منهم


و بنا يوفقك أن شاء الله و يتمللك بخير

اهلا حبايبي بصراحة مش عارفة اشكركم كيف ....وعن ردودكم ..احنا عندنا بالمغرب المهر يقتصر على شوار العروسة وبس ولا تشارك عريسها في الاثاث والكلام ده وعن اهلي هما مش عايزين يخنقوه وكمان مش عايزين يكون مهري ما يشتري اقل المفروض يعني كعروس ...وخطيبي بيقولي ما تشوري نفسك انا عايزك كما انتي بهدومك وبس ... وطبعا انا عايزة اسوي له شغلات خاصة بيا كعروسة يعني ههههههه ويقولي نشتري كل ده من مصر وانتم عارفين اننا كمغربيات لنا زي خاص تقليدي مستحيل نستغنى عنه و نلقاه ببلد اخر وده انا حريصة على اقتنائه هنا بشكل كافي بمناسبات كثيرة هناك كوني مغربية ومعتزة بزينا... وحاسة اني بموقف حرج مع ان موعد قراني قريب عقبالكم... لغير المتزوجين طبعا ههههههه بحبكم جميعا وشكر كثير

هههههههه اضحكتيني ...والله بجد الله يكون في عون كل المصريات اللي تشارك عرسانها في ده بس مو معقول كل الستات تشتغل وتقدر تجيب كل الحاجات ده من عندها خصوصا ان كانت مش مقتدرة وعلى قد الحال الله يكون في عون كل واحد ... وكمان ما هي قادرة تشترط على العريس يديها مهر غالي...احنا عندنا عيب اوي لما الواحدة تشترط بمهرها ... تبقى تخنقه... ولو كان ده علشان تشتري به عفش البيت الحياة اسهل بكثير من كدة واحنا عندنا الزوج يتكفل بكل شيئ والعروسة ممكن تدخل على شقة فاضية بس ممكن تملى بعدها لما يتيسر لهم دالك والاهم من ده كله الحب والتفاهم بينهم .. وربنا يوفق الجميع ويسعدهم...... ادعولي من قلبكم حبايبي

مهر العروس في مصر هو ثمن الاثاث الذي تم شراؤه وماتم تجهيزه لبيت الزوجيةمن سجاد ونجف وادوات منزلية وادوات كهربيةلكن انا من وجهةنظي ان العروس غير ملزمة بمساعدة العريس كما هو في مصر شرعا العريس يجهز ما يستطيعه ويعطي العروس مهرا في يدها وان هي ساعدته فهذا من كرم اخلاقها والا فهي غير ملزمة وايضا هوليس شرطا ان يجهز بيتا كاملا من كل شيء هذا حسب استطاعته واكثر النكاح بركة ايسره مؤونة وليكن زواجك حسب تيسير الشرع ليس حسب العادات والتقاليد فالسعادة في اتباع تعاليم هذا الدين واتمنى لك حياة سعيدة وتوفيق من الله

الاشراف : نرجو تغيير الصورة في التوقيع فهي مخالفة .

يغلق الموضوع بالتوفيق اختي