عندي استفسارين
 

السلام عليكم ورحمة الله وبركاته:-
عندي استفسارين واحب اخذ ارائكم فيها خطيبتي (من غير عقد قران) نجحت في الجامعة بدرجة حلوة وماعرفت الا من اختي من كم يوم اشرايكم اجيبلها هدية بالمناسبة هذي او انتظر بعد عقد القران (العقد راح يكون بعد اسبوع)
\الاستفسار الثاني:
عندي صديق اعتبره اخ لي وجاء قالي انه اهله شاروا عليه في بنت بس هو مو مرتاح لها لانه ماهي عنده في نفس المدينه الي حنا فيها المهم انا قلتله استخير بس الصراحة انا ابيه يأخذ اختي بس مو قادر اقله اياها مع العلم انه يثق في كلامي كثير والحمدلله ونحن اكثر من اصدقاء بس موعارف كيف اوصله هذا الشيئ انتم واش رايكم في هذا
وجزاكم الله خيرا

جواب الثاني : ارسل من يخبره ذلك

ما اقدر ارسل احد احد لانه مافي احد يعرف انه يبي يتزوج الا انا

بالنسبه للسؤال الاول ارى انه جميل ان تحضر لها هديه و تعطيها لها بعد عقد القران بما انه بعد اسبوع واحد يعنى قريب جدا و صدقنى هتفرح جدا بالحركه الحلوة دى منك
بالنسبه للسؤال الثانى اقتراحى الشخصى ان تنتظر حتى ترى ما سيصير اليه موضوعه مع البنت و تظل تنصحه بالاستخاره فاذا لم يحدث نصيب معها اتركه فتره من الزمن اسبوع مثلا او اثنين بالكثير و بعدين ممكن تلمحله بموضوع اختك و اذا وجدت منه استجابه لمح بشكل اقوى و هكذا
وفقك الله و كتب لك الخير حيما كنت

بالنسبه للاستفسار الاول اشوف انه من الافضل انك تصبر لين بعد عقد القران

وممكن تعطيها اياه في نفس يوم الملكه

مو لانه مافيه بينكم عقد الان

لان الوقت تأخر شوي ولو تصبر ليوم الملكه افضل

اما بالنسبه للاستفسار الثاني

صاحبك كلمه بالموضوع وبصراحه مطلقه

والموضوع ان تم او ماتم ما راح يغير من صداقتكم

ومثل ما انت تبي لاختك الخير هو عزيز عليك وتبيله الخير

وقوله يمكن نظرتك للحرمه تختلف عن نظرته

فاذا وافق وما وده يكون فيه احراج بالنسبه للشوفه ممكن تعرض عليه الشوفه بدون ما تدري اختك

بس قبل كل هذا يبيلك تستخير

والله يكتب لكم جميعا كل الخير

بالنسبة للسؤال الأول، أفضل بعد عقد القران.

بالنسبة للسؤال الثاني، أولا خليني أحيك وأقولك باين عليك رجال كفو وتخاف الله لإنك تفكر بأختك وصاحبك. مافيها شئ ياخوي، قله بصريح العبارة، لو تبي تتزوج ترى أختي موجودة وأحسكم تناسبون بعض.

مرة ثانية أعبر عن إعجابي الشديد لإهتمامك بأختك وصاحبك وللعلم ترى البنت تثق برأي أخوها كثير والصاحب ينبسسسسسط لما صاحبه يدله على وحدة للزواج لإنه بكيذا ماراح يطيح على أي ناس، بالعكس بيناسب أهل صاحبه اللي عارفه وواثق فيه. وبعدين ياخوي ترى كثير من الشباب الحين يسوون نفس الحركة هذي. توكل على الله وهو أعلم بنيتك وأسعى للي فيه خير لأختك ولصاحبك وترى الرجال الكويس في الزمن هذا ينشرى.

بس تأكد إن أختك بتوافق قبل ماتقوله شي ،، عشان ماتحط نفسك في موقف محرج ..!

بالنسبة للإستفسار الأول زي ماقالو الأخوان
لأنه الأنسب و الأفضل
أما الإستفسار الثاني أتوقع إن المصارحة
أحسن شيئ دام إنه صديقك

الله يجزاكم خير على ارائكم الطيبة

الاستفسار الاول فعلا الافضل انط تصبر ليوم الملكه

اما الاستفسار الاني فــ تختلف فيه وجهات النظر ,, يعني حط في بالك ان الازواج بيتهاوشون وبتختلف قوة الهوشه من موقف لاخر تخيل انت مره يفلت صاحبك بوجه اختك ويقولها انا الغلطان قبلت فيك والا اخوك رايه خطأ احنا ما نناسب بعض
شنو تتوقع موقف اختك يومها ؟؟
والبنت دايما تحب انها تتمنع عن زوجها لاتفه شيء تخيل ان بعد هالموقف اختك شلون بتتصرف مع صاحبك بتذل نفسها له عشان لا يسمعها نفس الكلمه ابدا في حياتها لان لو سمعتها بعد مره صدقني انت بتخسر صاحبك وهي بتخسر بيتها واولادها
البنت تنكسر مره وحده بس وتتحمل الصدمه لمره وحده بس !!

فكر في المستقبل البعيد , الان انت كل همك مصلحة اختك وصاحبك بس بعدين ومع طول الحياة وتسمع اختك تسولف عن زوجها اللي هو صاحبك صدقني بتختلف نظرتك بتهمك اختك بس وبتغير رايك بصاحبك
طبعا هذا مو لان صاحبك ردي لا , لان كل الرجال يتخذوون مواقف قووويييه مه حريمهم غالبا خاصة اول سنه ويقولون كلام قووي وهذا حق للرجال انه يعلم زوجته اساسيات حياته ويختلف كل رجل باسلوبه لكن اغلبيتكم متفق على القوة والفرعنه اول سنه فاتوقع انك بتتندم انك صارحت صاحبك

فانا اقولك التلميح دووون التصريح والتلميح الخفيييف كأن تسأل عن عايله معينه بزعم انهم خطبوا اختك وبعدين تقوله البنت رفضت لانها تبي مواصفات ( وتقعد تقول شيء من مواصفات صاحبك بس مو ترصها كلها لاااا )
واذا الله بيوفق بينهم تاكد انه قادر وبيجمعهم ان شاء الله عالخير والصلاح للطرفين

اشكرك اخوي milkway ولكن احب ان اعقب عليك واقول ما اتوقع كل الازواج كذا واتوقع ان صاحبي واختي ارفع من المستوى هذا لأن لا اختي ولا صاحبي عليهم قصور وانا لو ماني واثق في صاحبي ماكان تمنيته يكون زوج اختي والله يجزاك خير