|
زوجى تزوج عليا ومازلت احبة .. ساعدونى ؟
السلام عليكم اخواني واخواتي الاعضاء المحترمين
ابدء موضوعي وانا اعلم انكم مللتم شكواي ولكن انا لا يوجد لدي سواكم لتواسوني وتساعدوني في حل مشكلتي الجديدة زوجي العزيز الذي احبه من اعماق قلبي وتحملت معه كل شئ من اجل ان احافظ عليه وعلي بيتي واطفالي انا صار لي عشر سنوات متزوجة ولدي ثلاثة اطفال هو واطفالي كل حياتي اليوم اعترف لي بخبر نزل كالصاعقة علي اخبرني انه متزوج من اخرى من شهر واليوم افتعل معي مشكلة من لا شئ والاخير قال لي انتي ما تهميني لا قومتي ولا قعدتي عندي وعلي فكرة انا متزوج من شهر وانتي ما تدرين لا اخفيكم سرا تلجم لساني ولكن دموعي هي التي تكلمت وعبرت عن كل ما بداخلي لكن النار تحرقني من الداخل وهو يقول تبين تتطلقين تطلقي امشي واتركي عيالي انا اعرف اربيهم وانتي روحي انا ما اقدر اخلي زوجي واطفالي وبيتي بالساهل لغيري والله والله والله لو تدرون انا ايش تحملت معه من اول زواجنا لليوم ودايم يمدحني ويقول انا ما احصل غيرك ماحد يتحملني ويصبر علي زيك لكن هل هذا جزاء صبري ومحافظتي علي كياني الاسري من التفكك والضياع احببته وما زلت احبه فهو انسان رائع مع انه يوجد به بعض العيوب لكن لا يوجد انسان كامل لان الكمال وحده سبحانه وتعالى انا ما اجذت اي موقف لا سلبي ولا ايجابي لم اعرف ما الذي اصابني نزل علي سكوت وبرود في قلبي وعقلي ولساني وكانه لم يصعقني بخبر زواجه لا ادري ما الذي افعله؟ هل انا علي صواب؟ هو يقول اني موقفي موقف انسانه شارياه ومحافظة عليه في نفس اليوم هذا ذهبنا الي ولاده لانه سكن بيت جديد لا اخفيكم كنت امشي جسد بلا روح وسالني والده ما الذي بك هل اصابك مكروه من ولدي تلجمت شفتاي ولم اقل له شئ لاني لم اتعود ان ادخل اي احد في حياتنا كنت دائما حافظة لاسراره السراء منها والضراء لاني تعلمت حكمة ان الزوج وزوجته وما يدور بينهما كالقبر وعمله لا يعلم ما يدور فيه الا الله وحده ارجوكم انتم اخوتي في الله انتم الناصحون لي شورو علي ماذا افعل هل اخرج من هدوئي وانفجر واعلم الكل بسواليفه السابقة وسالفته الحالية؟ لا املك الا الدعاء ان الله يهديني لما به الخير والصلاح ولكني اريد من ياخذ بيدي فكونو العون لي ارجوكم اسفة علي الاطالة اختكم ام ماجد الاشراف / عفو ا تم تعديل عنوان الموضوع ليوافق المضمون |
وأنا ايضاً لا املك الا الدعاء لك
الله يصبرك يارب .. وان شاء الله الاعضاء ما يقصرون .. ولكن هناك شي يجعلني اقف قليلا واتأمل ... إذا كنتي مطيعة لزوجك وصابرة عليه .. وزوجك يحبك ويمدحك ما سبب زواجه ؟؟ حقاً شي غريب !! |
الله يعينك ويصبرك
|
مشكورين علي ردودكم الله يجزاكم خير
|
لاأملك إلا الدعاء لكي بأن يفرج الله همك..
|
مشكورين جميعا وجعله الله في ميزان اعمالكم
|
اختي ام ماجد :
الصبر الصبر الصبر ثم الحكمة ثم الحكمة لان مثل هذه المواقف تحتاج الحكمة والروية وعدم الاستعجال وعدم ادخال اطراف اخرى يحتاج منك الجلوس مع زوجك والتفاهم معه بهدوء . تقولين ليه بهدوء ؟ لان الزواج من حقه . بس تتفاهمين معه ليش تزوج وش الاسباب ؟ وانصحك بالحكمة لانك قلتي انك تحبينه واذا كان تزوج فيجب عليك تقبل الامر رغم مرارته ومحاولة كسب زوجك وعدم محاربته كما تفعل بعض الزوجات - هداهن الله - من محاولة تطفيشة واختلاق المشاكل مما يزيد لدى الزوج كره امرأته والميل الشديد مع الاخرى . فانتبهي واحذري واصبري . واسال الله ان يعينك وان يصبرك وان يهدي زوجك للحق . |
مشكور اخي الطبيب
سالته قال ما ادري تزوجت وخلاص والله انا سكت رغم مرارة الخبر عشان ما اخسره بس هو جرحني وانا ماني عارفة اداوي جرحي اشلون كيف يقول انتي ما انتي مقصرة في اي شي ويروح يتزوج لا وازيدكم من الشعر بيت يستاذن مني انه يكلمها قدامي عشان اليوم مر عليه يوم كامل ما سمع صوتها وهو كل شوي ماسك التليفون ويسولف فيه الله يجزاك خير |
,
, أختي ماشاء الله تبارك الله .. والله لم أرَ في تصرفك إلا الحكمة ورزانة العقل .. أختي الرجل مهما تزوج فسيحن إلى زوجته الأولى إن كانت ممن تواسيه وتهتم به .. أما المرأة التي بمجرد أن تزوج عليها زوجها تهمله وتهمل نفسها فيصبح زواجه من أخرى مبررا لها للكسل والخمول .. فهذه لن يحن لها بل يتمنى الرجل أن لا تأتي ليلتها .. أختي مع أن التعدد جائز في شرع الله وهو ليس كما يظن البعض خيانة وعدم حب وعدم الإهتمام بالمشاعر .. ولكن يبقى أن المرأة لها قلب تحس به ولكن إن شغلت هذا القلب بذكر الله وتذكر ماعنده من الثواب فلن يستطيع الشيطان أن يجد لقلبها طريقا يفسد به عليها حياتها واستقرارها .. بارك الله فيك .. وأهم شيء لاتنسي حق زوجك عليك وإن تزوج هو فعسى الله أن يكتب لكِ الخير في زواجه ( وعسى أن تكرهوا شيئا وهو خير لكم ) , , الأخت منت عاجبني الرجل بطبيعته يمكنه إستيعاب أكثر من حب وأكثر من قلب .. والجميل أن يكون هاذان الشيئان فيما أحله الله .. فليس معنى زواج الرجل على زوجته هو عدم حب أو كراهية .. بل قد يكون بين الزوج وزوجته أشياء لايعلمها إلا هم وهذه الأشياء هي التي تجعل الرجل يتزوج من أخرى مع بقاء حب الأولى في قلبه .. , , وفق الله الجميع لما يحب ويرضا وسخر قلوبهم لبعضهم .. , , |
مشكور اخي ابو فلان اسال الله العظيم ان يعطيك من فضله ما تشاء وجزاك الله خيرا
|
يمكن ما تزوج بس يبغا يستفزك او يشوف ايش ردة فعلك
|
هل تعتقد اخي او اختي الكريمة
طيب وش الدافع اللي يخليه يسوي كدا بيني وبينكم انا كمان شكيت فكيف اتاكد من الموضوع؟؟؟ |
الله يعينك ويصبرك ويجعله في ميزان حسناتك ان شاء الله
|
الله يصبرك ماشاء الله عليك الظاهر أنك فعلا شاريته وحابته كثير أن شاءالله يبين بعينه
طيب أختي زوجك متزوج من شهر قبل مايقول لك ماشكيتي فيه مثلا خروجه تغيره عليك الاتصالات الي تجيه مافي رجال يتزوج أو يخون الا زوجته كاشفته أختي لاتتهاوني بحقوقك ولاتكوني ضعيفه أمامه مايصدق ويتمادى مو بالصراخ ولا القوه لاعيوني بذكائك وحكمتك تقدري ترجعيه لك وتخليه مايستغنى عنك ================================================== ======= |
مشكورة اختي طعن قلبي
والله يا اختي كان عندي احساس قاتل بانه يعرف وحده غيري مافي تاخير ولا شي والظاهر انه متزوجها مسيار بس كان دايما باله مشغول وتليفونه كان دايم انتظار وكنت اسئله يقولي شغل لا توسوسين لا تفكرين وتخلين الشيطان يدخل بيننا وكنت اصدقه بكيفي لاني ما مسكت شي بيدي بس بعد هوشة امس حاط رقم جوالها باسمها مو زي الاول يحط ارقام خوياته باسماء رجال بس ما ادري والله مقهورة من جواي من امس ما عرفت انام كام ساعة علي بعض رغم اني قدامه ولا همني شي مسوية نفسي قوية عقلي بيضرب من كثر التفكير في شي واحد مهون علي مصيبتي انه هالمرة سوا شي حلال مو حرام والحمد لله بس حنجن وربي يصبرني ويقويني ويلهمني الصبر يارب وجزاكم خير جميعا |
اختي
زواج زوجك امر طبيعي وليس من الضروري ان يكون هناك سبب حتى يتزوج الرجل على زوجته . تحفظي الوحيد على كلامه (( وهو يقول تبين تتطلقين تطلقي امشي واتركي عيالي انا اعرف اربيهم وانتي روحي )) فليس من العقل ان يقول مثل هذا الكلام وكان من المفترض ان يصون العشرة ولايتفوه مثل هذا الكلام الناقص للأسف الشديد .. ولكن ان اردتي نصيحتي فابقِ في بيتك مع زوجك واولادك فلا تطلبين طلاق ولاتنشرين غسيل حياتكم فمثل هذا الكلام يحسب عليك وليس لك ... قولي لزوجك الف مبروك وغقبال الذرية الصالحة وقولي له اني كنت ولازلت وسأظل الزوجة الصالحة التي ان امرتها طاعك وان نظرت إليها سرتك وان غبت عنها حفظتك في بيتك ومالك وأولادك .. وتعوذي من بليس وانا اخوك ولاتخلين الشيطان يخرب عليك حياتك خاصة انك تحبين زوجك وتفتخرين فيه فالزواج طبيعي وطبيعي جدا ً ولو حصل لي ان اتزوج كما فعل زوجك لفعلت ... وتقبلي ارق تحايا اخوك البدوي . |
ربي يفرج كربج
بس نصيحة لا تفرطين في عيالج و ربي يهديه و يدري انه غلط بحقج و يردلك مثل أول و أحسن ربي يفرج كربج و يحن عليج |
مشكور اخوي لبدوي وجزاك الله خير
|
مشكورة اختي ميار وجعله في ميزان اعمالك
|
بصرااااااااااااااااااااااااااااااااحــــــــــــــ ــــــــــــة
قهر ليش يتزوج ليه ؟؟؟؟؟؟؟؟؟؟ على الأقل يعلمك و تكونين عارفة بس هذه عاقبة الإخلاص للرجــــــــــاااال واللي يعطيهم وجه و معاملة حسنة الله يعينك حبيبتي وأصبري عشان خاطر عيالك ماأدري كيف الحريم يتحملون لو أنا والله ما أجلس لحظــــــــــــــــــــــــــــــــــــــــة أروح بكرااااااااااااااااااااامتي |
ماشاء الله تبارك الرحمن على عقلك وثقلك وإن شاءالله ماينخاف عليك ولايهمك اخذ وحدةاو عشر مدامك صابرةوساكتةبيرجع لك ويقدر بس بنصحك اصبري لوشفتي خلال السنةالاولى انه يميل للثانية ان عدت السنةالاولى على خير بعدها بتتساوون ترى دايما ينقال اذا زوجك تزوج عليك سنةكاملة بيطيرمعاها وبعد السنة يمل منها وتصيرمثلك بس خلال الايام والشهوروالسنةالاولى بيميل معها بس اصبري وصدقيني بيرجع لك وخصوصا اذا كان زواج كذا بالسر او مسيار لو زواج عدل كان اعلن وعزم اهله لكن صدقيني بيطير معها كم يوم وبيرجع لك ولا اوصيك ضاااااااااعفي جهودك وخلي اطفالك احيانا عند امك او اختك واسهري معاه الحالكم وان قدرتي سافري معاه الحالكم وانسيها تماما لاتضعفين ولا لا لا تظلمينها بشي لاخير لا شر مالك دخل فيها والله يصلح لنا ولك ويثبتك
|
مشكورة اختي ريمية والله اني محتاجة لمثل كلامك الله يجزاك خير ويصبرني يا رب
انا امس انجنيت واتهورت خلى بنتي الصغيرة تكلمها وجت حكت لي بصراحة ما قدرت اسكت خلاص صبري اللي ان راح وهو شكله زعل بس والله ما قدرت اتمالك اعصابي بس ان شا الله بسوي بكلامك واسال الله انه يصبرني ويقويني |
اولا اشكر كل من نصحني وجعلها في ميزان حسناتم ان شاء الله
ثانيا والله يا اخواني بعد ما بينت له انه ماهمني شي اخذت الموضوع ببساطة صارت تتصل عليه وهو موجود بالبيت قدامي وطول ما هو جالس مسجات واشعار حب وكلام غزل والله شي يشيب لا ويخلي بنتي الصغيرة تكلمها وتقول لها انت عسل المهم انا لا اخفيكم سرا ما قدرت اتحمل وقعدت تعبانة نفسيا ثلاثة ايام من غير اكل ولا نوم المهم في الاخير طحت ورحت للمستشى وعملوا اللازم وانا في المستشفى يقول انت باللي تسوينه بتخسريني موبتكسبيني ادري انه شي يزعل بس مو لها الدرجة المهم طلعت وانا صراحة عاجزة عن التفكير باي شئ المهم قلت انام بغرفة ثانية يمكن لو بعدت اهدا شوي بس ما قدرت ورحت نمت عنده المهم نمنا من غير ولا كلمة ولا شي لاننا كنا تعبانين صحينا علي جواله الا الهانم متصلة عليه عشان تصحيه من النوم انا هنا انجنيت وقعدت اسب والعن فيها وادعي عليها من قلبي والله قهر المهم حاول يراضيني قبل لا يطلع بس انا ما عطيته وجه المهم ارسل لي رسالة يعتذر ويقول كل شي بيتصلح اهم شي عنده انا لاني كل دنيته صراحة ماني قادرة اقتنع ردو علي انا عارفة ان تصرفي غلط بس غصب عني ايش اسوي |
الله يصبرك ويكون بعونك ويريح قلبك
اهم شيء لاتتركي بيتك ابدا ولو كان بيعزها كان اعلن زواجه منها من اول يوم بس شكل الموضوع نزوه يارب يسعدك ويعوضك خير اصبري واحتسبي اجرك عند الله . |
مشكوره اختي امنية وجزاك الله خير
|
الله يهدي زوجك ويصبرك
بس نصيحتي لاتتخلي عن بيتك وزوجك وحياتك وتتركيها لنبر تو يخلالها الجو انتي الاصل وحيلف ويدور وحيرجعلك انتي يارب فرج هم اختي ورد لها زوجها |
الله يعينك والله ياقلبي عليك انا لو تضايقت من اي شي اقعد بدون اكل بالثلاث والاربع ويمكن اسبووووع
هذا اللي يجيبهم اذا شافك مريضة وتكسرين الخاطر ... يندم بس انتي لاتسبينها ولا تطرينها بشي ولا تكلمينه الا برسميه ولو ان الرسايل الخاصة مسموحه كان قلت لك اكثر و بس اللي كنت بقوله انك تثيرين غيرته وتلفتين انتباهه لك تقدرين تسوين حركات كثيييره حتى لو كانت كذبه تخلينه يغااااااار ويخاف يخسرك يعني لا تعطينه وجه ولاتعلمينه خصوصياتك ولا اسرارك اتفقي مع اختك تشتري شريحه بدون اسم وترسل لك رسايل مكتوب فيها (سمعنا ان زوجك تزوج عليك صحيح انه مايقدرك ولا يقدر جمالك وووامدحي بنفسك ... ياختي تطلقي منه والله في ناس شافوك بالصدفه وعجبتيهم ويتمنون تراب رجولك .. لو تطلقتي منه ماراح يترددون لحظه يخطبونك ومستعدين يعتمون بعيالك) يعني سوي عشوائي ورسالة ثانيه (ليه ماتبين تتطلقين منه؟ لهالدرجه تحبينه ؟زوجك استرخصك واتزوج عليك وهنتي عليه ايش اللي يخليك متمسكه فيه خليه يستانس معها وانتي خذي اللي يقدرك ويحبك) يعني كذا ... وبحيث زوجك يشوف الرسايل .. بس انتي سويها لمصلحتك انا سويتها عالسريع عشان زوجك يخاف انه يخسرك |
مشكورة اختي زوجة احمد
كثر الله من امثالك ومحتاجة دعواتكم جمعيا لي بظهر الغيب |
مشكورة اختي الملاك يونا علي النصايح اللي قلتيها بس لو سويت كدة ممكن ياخذ مني الجوال وهو مستني علي غلطة لانه بيسوي اي شي عشان يستفزني وهو عارف غلاته عندي واني علي طول اعصب من اي شي يسويه يثير غيرتي
المهم ان اليوم عرفت شي انه كان معلم ولد اخوي واخته المتزوجة انه متزوج من 10 ايام وقايل لهم حتى لو درت عمتكم ما راح تسوي شي لانها تموت علي وانا بلعوزها بعيالها عشان هي ما تقدر تخليهم وهو يقولي عكس الكلام والله احترت مين اصدق كلامه لهم ولا لي وقصده من كدة ايش يعني؟ انا ما عندي الا بيت اخوي هذا الوحيد اللي اطلع عندهم وهم يجون عندي قصده يقطعني منهم ليش عشان يستفرد فيني انا خلاص حنجن ليش علمهم من اول والله انهم ما قالولي الا بعد طيحتي بالمستشفى امس |
شوفي ياقلبي
اذا كنتي خايفه ياخذ الجوال خلي اختك او احد قريب لك يكتب لك الكلام برسالة ويدخلها من الباب وانتي تتاجهلين كأنك ماتدرين يعني الرسالة تقدرين حتى انتي تكتبيها بس بيدك اليسرى او تغيرين خطك وتاخذين قلم غير مو موجود عندك بالبيت والورقة تكون كذلك مو متوفره عندك بالبيت او ورقة عادية وتكتبين اللي نفسك فيه بس اهم شي ماتنسين تكتبين تحت اسم بنت عشان مايقول تغازل او كذا صدقيني بعدها بيغااااااااااااااار ويمووووت غيض ويبي يعرف من اللي معجب فيك ومن اللي يركض وراك اونتي حاولي تبيني له انك مو هامك الصغار |
اقتباس:
الين متى نحن معشر النساء نصبر ونتحمل ما يجينا من الرجال زي الجواري وهذا كله فوق ما صبرت وربيت وانعدمت صحتي يروح هو يدور وناسته وانا انقبر مع عياله وحرقة الدم وفشر بنص عينه زي ما هو راح بدور حياته انا بروح ادور وناستي وبالحلال يعني يجيب لشغل البيت شغالة وانا بروح ادرس والا ادورلي شغلة او اي شئ يشغلني ويسليني وكل اللي انا محرومة منه معاه بسوي من غيره عشان اثبت له فقط انو مو لوحده عاش حياته ودورله فلك وانا عارفة كثير بينتقدوني على هذا الرد بس ما يهمني لانه هذه وجهة نظري الخاصة وانصحك اختي لا تكتمي مشاعر القهر لانها مو طيبة وماحد بينعدم صحته الا انت والا هو عايش حياته حتى لو اضطريتي تطلعي على سطح البيت وتصرخي عشان تطلع كل الشحنات اللي كاتمتها ترى والله بتحسي براحة والله ياااااااااااااااااااااااارب يكون بعونك ويصبرك ويسخر لك اولادك يعوضوك ويبروك ويخلوك تحسي انك عمرك ما انظلمتي بحياتك |
نحن السابقون وإنتم اللاحقون ...
لي عوده مرة أخرى للموضوع ...رجعتي لي للماضي وفتحتي لي الجراح الله يعينك أختي ويصبرك يارب |
صـــــــــح نسيــــــــــت
تقدرين بعد تشترين شريحة موبايلي بدون اسم كثروا هالايام ورخاص وترسلين على جوال زوجك رسايل .... مثلا(وش حقة متزوج عليها؟ احد يتزوج على القمر؟ المهم اذا فكرت تطلقها ترى فيه ناس يستنونها ولاتنسى تخبرنا) مثل كذا .. رسايل استفزازية بس انا افضل تسوين وانتي عند اهلك او تخلين اختك تسوي عشان مايكشفك ... واذا كان جوالك الجيل الثالث امسحي السجل والرسايل المرسلة |
مشكورة اختي بنان لكن هدئي من روعك
انا متمسكة بيه لاني احب كياني الاسري كله ولانه زوجي الثاني ومريت بتجربة طلاق مريرة بالاول لانه كان زواج فاشل من البداية وانت تعرفي كيف وضع وحدة كانت مطلقة قبل وتزوجت ثاني مرة وتبي تطلب الزواج عشان تزوج عليها |
حبيبتي والله خلاص دمعت عيناي هذا كله حب انت المفروض تتعلمي اتك ما تحبي احد حتى عيالك اكثر من نفسك والله سمعت وحدة مغنية مشهورة قالت هذه الكلمة قلت شوفي الوقحة تجاهر بالانانية لكن بعد ما عشت الحياة وعلمتني ما علمتني ادركت صحة الكلام لانه مهما كان زوجك وحتى اهلك يحبوك وخاصة زوجك واللللللللللللللللللللللله يحبوك درجة ثانية يعني بعد نفسهم
حبيبتي اثقلي هو امن يشوفك مسوية كده واللله راح يتمادى ولا بيسأل عنك لازم تخلي هناك حدود للموضوع ايش يكلمها قدامك وانت ساكتة وايش يخلي بنتي تكلمها انت وروح بحريقة لكن بنتي والله قدامه لاغطس الجوال باقرب كاسة مويه هذا اذا ما حرقته والله يا صبرك يا شيخة وبرود اعصابك والله هذا مو اسلوب كأنك بايعة والله تراه يحسبك كدة لان الرجل يبغى يحس انو مرغوب من زوجته حتى لو بالكلام يعني هذا اتزوج وانت بهذا البرود يعني كأنه ولا تهمني شوفي انا انقهرت وانا جالسة ببيتي وبعدين انا ما قلت لك اطلقي بس خذي موقف وهو لمن يجي البيت انت روحي غرفة وخلي اولاده يستقبلوه يعني بالعربي ما كأنه محرم ياستي لا تسوي كدة خذي اي موقف تاني وبعدين طالما هو حاسس انو انت خايفة من الطلاق للمرة الثانية استني منه اكثر لازم توصلي له انه مو هامك حتى لو كان العكس |
حبيبتياولا سلامتك وصدقيني مافي احد يستاهل زعلك ولا تعبك صحيح الامر صعب ويغث لكن طنشي خلاص الي صار صار اعملي نفس الشي اذا راح عندها ارسلي له رسايل وخلي اولادك يكلموه ويكلموها بعد هي تبغى تغيضك لا تخليها توصل للي تريده
واهتمي بنفسك غيري لوك شعر لبس دلع عطر ترتيب الاثاث واهم شي اول مايدخل عليكي انسييييها ولا كانه في غيرك واعتبريه اذا راح لها كانه مسافر وبس ولا تفكيري ايش يسوي ايش يقولو والله يسعدك ويهنيك صديقتي نفس الشي الفرق هي الثانية وتسوي نفس حركات طبينتك وفوق كذا ميته قهر من الاولى اقولها طيب انتي الي جيتي عليها حرام اعتبريها اختك وراعي موقفها تقولي انتي صديقتي ولا صديقتها والله الاولى كاسرة خاطري مووت وكل ماكلمت صديقتي دعيت للاولى بالاخير صديقتي زعلت مني |
شكرا اختي توتي فروتي
ايش رايك في كلام اختنا بنان كلامها صراحة حرك فيني شي كان نايم ونفس كلامها تقوله لي بنت اخوي اني اعطيه اوف من حياتي طيب اشلون وهذا اللي بيدور عليه اصلا تقول لعوزيه زي ما بيلعوزك امشي واترك البيت ولا اجيب اخوي يتكلم معاه ارجوكي ردي علي |
لا انكر انها صدمة قوية
ولكن اصبري في حديث عن الرسول صلى الله عليه وسلم فيما معناه ان المرأة تصبر على الغيرة لها اجر شهيد لكنه ضعيف وبأذن الله مأجورة على الاحتساب والصبر على المصائب وصدقيني صدقيني مع الوقت وعشرة العمر الغيرة تخف اذا ما زالت نهائيا ....... |
اقتباس:
http://img1.7m7.org/1-2008/fdgsdgs.l...3w44957409.gif http://img1.7m7.org/1-2008/fdgsdgs.l...3w63976026.gif |
اختي asaif613 بصراحة حسيت انك عاقلة وتحبي زوجك وبيتك وخايفة انك تهدمي بيتك عجبني موقفك لما خبرك بس صدقيني هذا رحمة من ربك نزلت عليكِ لكن تصرفات زوجك غريبة شوي تدري اختي فيه اخت لنا اسمها دبدوبة برضو هي زوجها تزوج عليها كتبت موضوع على ما اعتقد ( لا تجعلي زوجك محور حياتك ) موضوعها كان روعه وكلامها كان منطقي جداً انتي حاولي انك تهتمي بنفسك وبيتك وعيالك وادعي ربك كثير واكثري من الاستغفار صحيح احنا نعرف ان التعدد شيء لا بد منه هو صعب على الوحدة مننا ان زوجها يتزوج عليها لكن لا بد من الصبر انا ما اتكلم عن نفسي لاني ما عشت هذي التجربة لكن فيه ناس مقربين مني عايشينها هو بالفعل الرجل في البداية راح يكون ميله كله للزوجة الثانية وكأنه ما عرف قبلها حرمة لكن صدقيني اختي لو اهتميتي بنفسك وحاولتي انك تسوي نفسك مو مهتمة وروحي زوري اخوكي واهله واستعيني بالله يا قلبي وصدقيني راح يرجع لك مهما طول خاصة اذا كنتي مريحاه من قبل الله يوفقك |
| الساعة الآن 01:34 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©