|
زيادة الوزن بعد الزواج ؟
مســااااء الخيــر ,
اممممم بتكلم بإختصار عشان ما أطول عليكم .. آنه الحمد لله .. الله رزقنـي بزوج ما شاء الله عليه عيني عليه باردة رجال مافي منه .. دين وأخلاق وادب .. الحمد لله حياتنا مستقرة وسعيدة ... طبعاً ما عدى الخلافات البسيطة إلي تصير بين كل زوجين الي نسميها (ملح الحياة). المهم من بعد هالمقدمة , لاحضت زوجي بين فترة وفترة .. يقول لي انتي دبه ووزنج زاد .. الأول انتي اشحلاتج مثل القمر ,, بسسسج اكل بصيرين فيلة طبعاً هذا كله يصير بمواقف طريفة ونضحك مع بعض لكن ... هالجم يوم بالذات ,, حسيته زادت سوالفة عن جسمي وإنه يبيني اضعف وإني على قولته كل مالي اصير فيلة ! وسجلي بالنادي الرياضي , ترى جسمي كان مرتب قبل مانرتبط ولكن لما انخطبت بدأ يزيد وزني .. ومع الزواج زاد أكثر .. (حالي حال أكثر البنات) يمكن الحين بتحسبوني صج فيلة !! لالالا ترى مو دبة وايد ,, زدت جم كيلو بس ,, بس الكل لاحضت زيادة وزني بعد الخطوبة والزواج , عن نفسي تقبلت زيادة وزني ... اصلا حسيت روحي احلى بالجسم المليان ! :cool: لكن اهو شكله مو قادر يتأقلم ولا قادر يتعود مع هالجم كيلو الي زدتهم!! طبعاً أنا خلاص من الاسبوع الي راح قررت اسوي رياضة , واخفف اكل شوي على قولته (مع إني اكلي طبيعي جداً ) ! وإن شاء الله بسجل نادي رياضي بس حالياً عندي ظروف معينه , انطر تمر عشان اسجل بالنادي ,, اسألتي الحين زيادة وزني ممكن تأثر بحب زوجي لي ؟؟ يعني ممكن يقل حبه لي مثلاً ؟؟ وإلا آنه حساسة !! ممكن هالجم كيلو يخليه يبتعد عني , او يصير ما يحب يجوفني بقميص النوم ؟!! او يأثر عليه أثناء علاقتنا الخاصة ؟؟ بلييز ردو علي .. لأني مثل ما قلت لكم ما بقدر اسجل بالنادي قبل ما تمر الظروف الي امر فيها .. وحالياً مكتفيه بالتمارين الرياضية في البيت (بس بدون ما يدري!) يازعم اسويها مفاجأة له !! بس حبيت اتطمن من الحين لين ما تخلص ظروفي واسجل بالنادي . |
اهلين اختي
مادام قال انتبهي لجسمك لان الرجال مايعجبهم شي وانا اعرف انو طبيعي الوحدة يزيد وزنها حافظي بدون نادي ورجيم خفيف |
اقتباس:
اهليين حبــوووبة صار لي اسبوع تقريباً مداومة على التمارين في البيت عشان بس على ما تخلص ظروفي .. بس على ما تخلص هالظروف خايفة يكرهني مثلاً ! او اصير في عينه مو حلوة ! تشكرااااااتي لج عسل عـ المرور, |
,
, الله يعينك .. جميل أن تراعي المرأة مشاعر زوجها وتحافظ عليه ولو أدى ذلك إلى أنها تمنع نفسها من بعض ماتحب كالأكل .. أسال الله أن يوفقكم لكل خير .. أحببت التشجيع فقط لاغير .. جمعكم الله في مستقر رحمته .. , , |
مارسي رياضة المشي هي أحسن رياضة
أما بالنسبة لاسئلتك فزوجك حب روحك قبل مايحب جسمك يعني اتطمني ماراح يقل حبه لك بس لازم الوحدة مننا تلبي رغبات زوجها .. انتي عارفة ومايخفى عليك فتن هذا الزمن اللي ماترحم الله يسعدكم |
هلا حبوبة بعد الزواج يزيد الوزن وانا مع الحمل زايد وزني وزوجي ماقال شي بس الحين راجعه تخفيف ورياضه في البيت لان المنطقه اللي انا فيها بعيده وان شاء الله ارجع على وزني لاولي الصحه زينه بعد الله يوفقج حبوبه ويسخر لج زوجج
|
اقتباس:
آنه في نيتي ارضي زوجي طبعاً وأسوي الي خاطره فيه , وخصوصاً إنه دايماً يحاول يرضيني مثل ما قلت الله يعيني ! بمر بمرحلة صعبة لأني بمنع روحي من الككاو والايسكريم !! :29: إن شااااء الله اصير قووية :18: جدام الاغراءات !! ثااااانكس على التشجيع والمرور الطيب |
اقتباس:
أهليين حبوووبة اي والله رياضة المشي مفيدة جداً من كل النواحي .. المشكلة إني ما عندي أحد يطلع معاي يمشي وآنه حدي خوافة , يعني مستحيل اطلع امشي بروحي :15: من جذي اخترت إني اسوي التمارين بالبيت :18: ثاااااانكس حبوووبة , طمنتي قلبي شووية وإن شاء الله ارجع مثل اول وأحسن :o |
اقتباس:
اي آنه قلت له إن زيادة وزني طبيعية ترى اغلب البنات يصير لهم جذي من التغييرات الي تصير لهم بجسمهم على ما اعتقد وممكن من الراحة النفسية .. الخ بس اهو يحسب وزني زايد من كثرة الأكل على قولته !! :D هذا آنه للحين ما حملت ولا ولدت , الله يعيني بعدين !! http://www.66n.com/forums/images/icons/cry3.gif الحال من بعضه حبووبة والله يكون بعوناا ثنتيناا . وكل وحدة تعاني مثل مشكلتنا تشكراااتي لج |
هلا اختي عن جد الله يعينك انا مثلك الحين كل يوم يقول انتي دوبه وانا زاد وزني بعد ولادتي وانفتحت شهيتي مررره ماشالله علي وهذا انا بحاول امسك نفسي موقادره لانها يبغالها عزيمة وانا الي زدتها كم كيلووو بس زوجي مايبغاها ولاتحطين في بالك انه بيتغير عليك مستحيل بس يبغى يشوفك احلى وانا معك صراحة الرشاقة حلووه حتى بالبس وان شالله تنزلين وعقبالي بعد....
|
السلام عليكِ
إذا كانت هذه رغبة زوجكِ فافعلي ما تُؤمَرِين ولكن أنا أريد أن ألفت انتباهكِ إلى نقطة بسيطة وهي أن تكثري من الرومانسيّة وتصرفات الحب والغزل والتفنن في ملاطفته لأني أعتقد أنّ اهتمام الرجل بجسم زوجته يعود إلي ضعف الرومانسية من الزوجة!! وإلا فإن المرأة إذا ملكت قلب زوجها بالملاطفة وسلوك التودّد والابتسامة وخاصّة اذا برَعَت في مجال التفنن الجنسي بين الزوجين فإن الزوج لن يجد نفسه مهتمل كثيرا بشكل زوجته لأن هذه الأخيرة قد مَلكَتهُ بتصرفاتِها حينها ستأسرين قلبه ولن يراكِ إلا جميلة حتى لو كنتِ غير جميلة اهتمي برومانسيّتِكِ معه أكثر من الاهتمام بوزنكِ ولكن لا يمنع هذا من أن تجتهدي في تلبية رغبته في تخفيف الوزن على قدر الاستطاعة و بارك الله لكما ادعيلي بالخير سلام عليكم |
نفس مشكلتي...
بعد الولادة انفتحت شهيتي عالاخر... وطبعا زاد وزني جم كيلو... والجم كيلو زادوا في عين زوجي... والنتيجة نفس الطلب, خففي وزنج تراج صرتي فيلة... |
اقتباس:
اهليين حبوووبة .. وي الله يعينج , يلا عاد يبي لج الحين تزيدين من عزيمتج عشان تصيرين مثل الأول رشيقة .. :22: الله يسمع منج يااارب ويصير جسمي على الاقل مثل الأول ! :o تشكرااااااتي لج .. |
اقتباس:
وعليكم السلام اخوي اي آنه خلاص قررت في نفسي إن شاء الله ارد مثل الأول واحسن ولكن كان سؤالي هالفترة الي بآخذها على ما يرد جسمي مثل الأول راح تأثر بالسلب بيني وبين زوجي ؟! والله مو عارفة بشنو يفكر ! بالنسبة للرومانسية .. الحمد لله آنه رومانسية معاه ولكن إن شاء الله راح ازيد منها حبيتين عشان ارضيه أكثر واصير بعيونه أحلى البشر :22: تشكراااااتي لك اخووي عالمرور والنصيحة كنت حابة اعرف وجهة نظر الرجال في الموضوع |
اقتباس:
وي الله يكون بعووننا , الحال من بعضـوو ! يلا عاد صيري شطووورة وسوي تمارين عشان يصير جسمج مرتب :22: تشكراااتي لج عســل // |
جسمك ثم جسمك ثم جسمك
اذا فقدتيه فقد زوجك اللذه والمتعه معك اثناء العلاقه الحميمه فكلما كنت اقل وزنا كلما كنت معه مثل الريشه فى الفراش تسعديه ولا تتعبيه واذا حاولتى وما نفع سوف يقدر لك ذالك ويعلم انك تحاولى ارضائه بشتي الطرق و صدقيني الرجل ممكن يتغضي عن الجمال لكنه لايتغاضى عن رغبته في جسم جميل ورشيق ونصيحه قبل لا تاكلي حطي رغبة زوجك قدامك عشان تنسد نفسك عن الاكل ويزيد اصرارك تحياتي اختك /الفارسه جوري |
اقتباس:
اهليين حبوووبة ووي خوفتيني ! هذا بالضبط إلي خايفة منه , إنه يأثر على علاقتنا وعلى نظرته لي .. كنت أظن جمالي بخليه يغض النظر عن جسمي ولكنه فضل جسمي على ملامح وجهي ! طبعاً زيادة وزني جات غصباً عني ولو إنها زيادة بسيطة ومن السهل مع التمارين ارد مثل الأول واحسن وخصوصاً إن جسمي الحمد لله يستجيب بسرعة تشكراااااتي لج أختي // |
ماظن زيادة الوزن تقلل شي في الحياه الزوجيه كل الرياييل نفس الشي يبوون حريمهم ضعاف
تقدرين بروحج تمارسين الرياضه في البيت ترى صج بتضعفين اكو ام زوجي الحين تسوووي رياااضه في البيت ماشاء الله وااااااايد ضعفت وهي حاطه هدف في حياتها حاليا زوجي يدرس برع وانا وام زوجي معاه وام زوجي حاطه هدف انها مابترجع الا لما تضعف وزوجي مايخليها تاكل وايد يقول عشان تضعفين وانا كله اقوله الحين هاي امك ماتخليها تاكل على راحتها و24 ساعه تقولها سوي رياضه واتدور لها مكان حق الرياضه عشان تروح عيل لو انا متنت شبتسوي فيني وصج ماشاء الله قاعده تضعف فلو حطيتي هدف بتضعفين واااايد |
ياقلبي انتي زايدة كم كيلو ؟
اذا الزيادة في حدود خمسة كيلو فانا اقولك نظام ممتاز انا مجربته وماشية عليه كمان نحن قوم لاناكل حتى نجوع ، واذا اكلنا لانشبع يعني لاتاكلي الا لماتحسي بالجوووووووع .. وقومي من الاكل وانتي لسه ماشبعتي والله كلها فترة بسييييييييطة وترجعي زي اول لا ويمكن انحف من اول لانه معدتك بتصغر وتتعود على الاكل القليل موفقة ياقلبي |
اقتباس:
الااي !! ان شاء الله اصير من عزيمة واصرار ام زوجج واضعف وارد احسن مثل اول ! بس كسرت خاطري مسكينة :26: خلوها تآكل حرام عليكم كفاية متغربة معاكم :D تشكراااااااتي لج حبووب عالمرور والله يوفقك زوجج في دراسته :22: |
اقتباس:
والله ما دري جم كليو زدت بالضبط !! بس يعني ملا جسمي عن الأول .. وطلع خدود بعد :o بس سايز ملابسي ما تغيير :25: تشكرااااتي لج حبووبة هالنصيحة ويعطيج العافيــة :22: |
السلام عليكم ورحمة الله وبركاته,
اختي "منت عاجبني" للمعلومة هناك اجسام في الرجل والمرأة قابلة للانتفاخ بشكل سريع خاصة اذا ما كان هناك اي رياضة وهناك اجسام عكس قد ما تأكل ما تظهر اي نتيجة على الوزن ولا تنسي الراحة النفسية تلعب دور كبير في بشاشة الوجه والجسم. في عوامل تلعب دور كبير في انتفاخ الجسم منها:- - الدسوم - الحلويات - جعل الطعام على الطعام وهو الاكل في كل وقت - عدم الحركة وهناك اسباب كثيرة للسمنة لا اذكرها سارفق صورة توضح علاقة الطول بالوزن وهي مشاركة للأخت "أسماء" من خلالها تقدرين تعرفين اذا كان وزنك مناسب او لا. http://i254.photobucket.com/albums/h...ightHeight.jpg |
اقتباس:
اهليين وعليكم السلااام اي اكيد ! واكبر دليل صديقتي بالثانوية , ضعيفة , اصلا تعااني من النحافة ! ولكن ما شاء الله ما توقف عن الأكل !! وآنا المسكينة ما يمديني آكل شي , بس الحمد لله الرياضة تأثر فيني بسرعة .. لأن في بعد الناس ما يستجيب جسمهم لـ الرياضة ! اقتباس:
اقتباس:
اقتباس:
شكراً على الصورة ... لقيت النتيجة تصير بالضبط عند الخط الفاصل بين الوزن الطبيعي والوزن الزائد الحمد لله .. يعني يبي لي انقص جم كيلو وأصير اووكي ! يعطيج العافية أخوي , |
اقتباس:
و الرجال ما يعجبهم شئ ؟؟؟؟؟؟؟؟؟؟؟ الحمد لله كل مين شافني عجبه جسمي و رشاقتي و زوجي يبغاني أسمن ؟ طيب خليه يوفر لي الراحة ( النفسية ) مو الجسدية و بأصير فيلة :D |
متابعه وبشقف
|
اقتباس:
صحيح ترى الراحة النفسية لها تأثير كبير من هالناحية ... غريبة والله معقولة زوجج يبيج تسمنين !! :eek: اكيد فيج نحافة زايدة عيل :D |
اقتباس:
ليكون انتي تعانين مثلي :25: |
انا عندي نفس المشكلاريد ان انقص 10كيلوغرام......................كثير مو هيك لكن يجب شو لرايك نعمل ريجيم جماعي ،الا انه زوجي بيقولي انقصي القليل فقط لانه يحب المراة المليانة ،الا اني لما اشوق الممثلات و جسمهم الرائع و اقول مع نفسي انه زوجي يعني مو حيقارني اعود اخب ابكي انا ودي انقص ..................................النجدة يلا الي عندها طريقة بتخبرنا و للعلم انا موظفة و اتعب كثير و امشي تقريبا ساعة باليوم "مرغم أخوك لا بطل...........ههههههه" و مع هذا انا ازيد في الوزن وانا اكره السكريات ماذا اقعل ساعدونييييييييييييييي
|
انا عندي نفس المشكل أريد ان انقص 10كيلوغرام......................كثير مو هيك؟ لكن يجب ان انقص من وزني.... شو رايك نعمل ريجيم جماعي.....؟
،الا انه زوجي بيقولي انقصي القليل فقط لانه يحب المراة المليانة ،الا اني لما اشوف الممثلات و جسمهم الرائع و اقول مع نفسي انه زوجي يعني مو حيقارني اعود اخب ابكي انا ودي انقص ..................................النجدة يلا الي عندها طريقة بتخبرنا و للعلم انا موظفة و اتعب كثير و امشي تقريبا ساعة باليوم "مرغم أخوك لا بطل...........ههههههه" و مع هذا انا ازيد في الوزن وانا اكره السكريات ماذا اقعل ساعدونييييييييييييييي |
انا اعتقد انو جمال الروح اهم بكثير من جمال الجسد لانو جمال الجسد اكيد في يوم حيروح مع الكبر
وانا عندي نفس القصة زاد وزني بس زوجي عادي ما حكالي شي بس انا من نفسي بديت اعمل ريجيم ربنا يسعدك انتي وزوجك |
انا والله نفس الشي بعد الولاده زاد وزني وانا بعد حالتي النفسيييه تعباانه من شكل جسمي وابي اضعف بس احتاج احد يشجعني وغلطتي اني كنت اقوله اني ابي اضعف عشان يشجعني مع ان جسمي امرتب الحين بس يبييله رياضه وشد وكل مايشوفني اكل يقوللي بسج اكل ,,,سوي رياااضه ,اشتركي في نادي وانا اتضاااايق انا ادري ان الغلط مني المفرووض اني مااحسسه هالشي لاني اعرف انه مايحب المتن بس والله لاني اتضايق واروح اشتكي له
حتى امس قاللي خاطري تنزليييين عشره كيلو بس هو قالها مع الضحك بطلت عيني قلت له بس شوووي عشره الا يقول والله جد في خاطري مع انا انا وزني الحين 67 وطولي 164 يعني مب واااايد دبه بس لاني عريضه شوي واذا نزلت عشره كيلو بصيير عوود لاني مثل ماقلت انا عريضه ومب حلو علي الضعف وايد بس قلت لازم اسوي اللي يبييه ومن اليوم بديت اخفف اكلي لان جد شهيتي مفتووحه عالاكل ابشكل غييير طببييعي وانا احس زياده وزني اثرت على علااقتنا صرت احس اني ماالفت انتباهه لما البس واكشخ نفس قبل مادري هو احسااس بس والا صدق صرت مااعجبه هو ماحسسني بهالشي بس انا احس جي وبعد مسكييين صار يشوفني مااكل وطول اليوم اشرب شاي اخضر يقوولي بسك شاي مب زين والله احترت ماعرف شسوي ابي اضعف ابأي طريقه |
زيادة الوزن اول كم شهر طبيعي ........ز بس لازم بعد كدة تحافظي على وزنك ترى شغل البيت ينحف...... واشربي يانسون في الصباح والمساء ينحف .......... وقبل الأكل كلي سلطة حتى يخف أكلك وابتعدي عن الحلويات والوجبات السريعة والمشروبات الغازية ترى تنفخ الجسم من غير فايدة.
وبالتوفيق |
| الساعة الآن 12:10 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©