|
زوجي يتعاطى دواء و قد اثر على قدرته الجنسيه
السلام عليكم..
كنت ابحث في قوقل حل حق مشكلتي ولقيت موقعكم قلت اشارك يمكن القى حل.. انا عمري 26 وزوجي 35 ..صار لي متزوجه 8 سنوات وعندي اطفال ولله الحمد بعد سنه من زواجي اكتشفت ان زوجي ياخذ مضادات الاكتئاب(افيكسور) 3 حبات في اليوم.. الحين صار له 10 سنوات وهو يتعاطى المهدئات.. المشكله ان من سنه والجماع قليل..بالكثير 4 مرات بالشهر.. هو يقول ان هذا عادي لان احنا متزوجين من زمان..وبحكم السن؟؟ بس انا اعتقد ان هذا الشي مب عادي لاني شهر بعد شهر تزيد عندي الرغبه وهو عكسي.. مع العلم اني محافظه على نفسي ووزني مثالي..اما هم وزنه فوق ال100 ابغي اعرف..وين الخلل.. من الحبوب؟ او..... هل فعلا السن يؤثر..وعدد سنوات الزواج تأثر؟ او من سمنته؟؟ ياريت تساعدوني..ابغي احدد وين المشكله عشان ابحث عن العلاج.. وكم عدد مرات الجماع الطبيعيه في الشهر؟؟ الاشراف / عفوا تم تعديل جزء من العنوان |
يا اختي قد تكون الحبووب هي السبب بحكم المده اللي قضيتيها مع زوجك اكيد عرفتي سبب اخذه للمهدئات
ويمكن انها تكون عامل في قلة الرغبة عنده او قد يكون في سبب ثاني ما اعتقد السمنه السبب لانه في ناس اكثر وزنا من زوجك يمارسون الجماع بشكل طبيعي جدا اعتقد من كثرة اخذ الحبوب مع الزمن ادت الى هذا الشي على فكره هو يراجع طبيب نفساني ولا لا؟ واذا يراجع عمره فكر في علاقتكم بشكل جدي ويراجع طبيب ذكورة يمكن يكون في خلل داخلي ولابد من العلاج او قد تكون الحياة وعبئها مع المهدئات ادت به الى هذه الحال!! الله اعلم لكن اجلسي معه وضعي يدك في يده لاتقولي لااعرف حاولي واسألي ماتريدين منه وتوددي اليه هناك طرق اخرى غير الطريقه الروتينيه التي تعودت عليها اغلب النساء في استمالة الرجل اقرأي عنها ارجو ان اكون قد افدتك بشئ تحياتي اختك حبي نادر |
اختي 4مرات في الشهر بعد مرور8 سنوات احسه طبيعي
بس ممكن تتصلين على دكتور وتتاكدي من تاثير الدواء على قدرات الرجل |
شوفي اختي
هناك عدة عوامل مأثرة على الناحية الجنسية لزوجك اولها ..استخدامة للحبوب النفسي ...فكثير من المستخدمين لمضادات الاكتئاب يسبب لهم برود جنسي ثانيا ...الوزن الزائد يا اختي خطير جدا...زوجك يدور في حلقة مفرغة فالحبوب النفسي يسبب زيادة في الوزن عند بعض المتعاطين .. وبسبب زيادة الوزن يرتفع هرمون الاستروجين او هرمون الانوثة و هو ايضا يسبب قلة الرغبة الجنسية اما من ناحية العمر ..بالعكس ...المفروض ان تكونوا في عز التوهج من الناحية الجنسية فعلا اختي 4 مرات في الشهر قليلة جدا ...يعني مرة في الاسبوع ... اختي ..هل هو مستمر في مراجعة الطبيب المعالج ؟؟؟ اطلبي منه ان يسأله عن امكانية تغير نوعية الحبوب ولكن اهم شي الرياضة ...دعيه يمارس الرياضة مثل المشي او السباحة بشكل ساعة يوميا .. فممارسة اختي رياضة المشي نصف ساعة يوميا تعادل حبة اكتئاب في مفعولها تنشط الدورة الدموية مما يزيد في الرغبة الجنسية تصفي الذهن و تريح النفس فالرياضة فوائدها للصحة النفسية عجيبة ..طبعا بالاضافة الى الصحية الجسدية و الجمالية وربي يمن عليه بالشفاء العاجل |
سبب اخذه للمهدئات..خلافات مع ابوه قبل مايتزوجني
الحين صار ياخذ حبه كل يومين.. طبعا بدايه زواجنا كان طبيعي لكن الحين ومع مرور السنين اثرت فيه..لدرجه ان احيانا مايقدر يكمل الجماع..واقوله مو مشكله يمكن انت تعبان اليوم.. زوجي تعبان نفسيا والكلام في لحبوب النفسيه وزياره الدكتور..تزيده سوء..مايحبني اتكلم معاه في هالامور.. اخر زياره للدكتور كانت من 3 سنوات..قاله علاجك الافكسور..ومن عقبها زوجي مايروح له ولا يحبني افتح هالمواضيع.. من ناحيه النفسيه الحمدلله يحبني واحبه وامورنا كلها ممتازه.. احاول انتهاز افضل الاوقات عشان اتكلم معاه في امر العلاج..يقولي خلاص الدواء تمكن من جسمي..واذا مر يومين وماخذه يصير انسان اخر(يضرب-يغمى عليه-يسوي حادث-) ومشاكل عديده يعلم الله اني ماطلعتها لبره البيت..ومستحيل اقول حق حد من هلي اوا هله عنه.. قلت له بهدوء اني احبه وخاطري يقربني اكثر..قالي انتي ماتشبعين وماتستحين؟؟ ما الومه..انا ماقاعده اتعامل مع انسان عادي.. جبت ادوات رياضيه..موفاضي يلعب رياضه ..وهذا كلامه.. على فكره..ال4 مرات هذي انا اللي اقوم بالعمليه كامله..ماودي ادخــل بالتفاصيل عن جد تعبت..وادعي ربي يثبتني ع الدين |
الله يعينك اختي
مالك الا الصبر في ناس كثيرة ما يعرفون ان المرض النفسي مثل المرض العضوي ..يخجلون منه لكن ما الومة ..لا تضغطين عليه ولا تلحين عليه انه يروح الطبيب النفسي هذا يزيد الضغط عليه اعتبرية ان قلته في الممارسة طبيعة فيه و ليس من العلاج اختي ..مو شرط ان تكون بينكم عمليه ميكانيكية كاملة يكفي انك تنامي في حضنه والظاهر كثرة الحاحك عليه في تقصيرة تزيد توترة عشان كذا ينفر من الممارسة اصبري اختي و احتسبي |
انا اشوف الوضع عادي جدا ، اربع مرات بالشهر اتكفي بركه ،،
لان الجماع يعتمد على المزاج والراحه النفسيه لاتشيلي هم ، ولا اتسوين لزوجك قلق . |
يا اختي الكريمه اربع مرات في الشهر معدل ممتاز لشخص متزوج من فتره
يعني معدل مره في الأسبوع قولي الحمد لله واشكري فضله |
يا اخوان تقولكم 4 مرات وهي الي تقوم بالعمليه كامله
اختي عليك بالدعاء لزوجك ان الله يهديه ويشفيه الحي بالدعاء والصدقه تصدقي وفي نيتك انها لمعالجة زوجك ترى الصدقه سبب في العلاج واطالة العمر والقصص كثيره وادعي الله انه يهديك لطريقه تخلين زوجك يقتنع انه يكمل عند استشاري نفسي والله يجعلك قرة عين لزوجك ويجعل زوجك قرة عين لك ويسعدكم ويهنيكم دنيا وآخره ويرزقكم بر ابناءكم |
والله اني تضايقت من ردودكم..وجاتني العبره..وقلت محد حاس..ماعندي غير ربي..
بس لما دخلت وشفت كلام العضو (وانا اموت فيه)..يمكن ماحلت المشكله بس على الاقل حسيت ان معاي حق..واني انسانه طبيعيه ياعالم..انا تخصصي علم نفس..ومثقفه ومشاكل هلي كلها انا اللي احلها..انا عارفه اني لازم ما اضغط عليه..وعمري ماضغطت عليه...دايما اسايسه..واسايره.. لكن ولله الحمد صرت انظر لهذي المشكله بشكل ايجابي.. صارلي 5 شهور ماسمعت اغنيه..لان كلمات الاغاني تحرك فيني المشاعر..فهجرتها بالرغم اني كنت مدمنه عليها.. كنت اتغدى او اتعشى مع صديقاتي بالمجمعات..اما الحين ما انزل السوق نهائيا..واغراضي اخلي السايق يجيبها..لاني ما ابغي اشوف الرجاجيل..نفسي ضعيفه.. كنت البس عبايه كتف اما الحين ما اظهر من البيت الا بعبايه راس ..ما ابغي اتعرض لاي كلمه من اي رجل..ما استحمل..واخاف اضعف.. صرت اصوم الخميس ولله الحمد..عشان اعلم نفسي الصبر كل ما حسيت اني ضعفت او بنحرف افتح القران..وبالليل>> وما ادراكم مااليل؟؟؟ اروح والناس نيام..اروح للذي عينه لاتنام..وابث همي له..ودعاء الليل سهم لايخطئ فكرت اخذ حبوب تقلل من رغبتي..ما ادري؟؟ |
اعتقد ان اللي لازم يتغير..انا..
زوجي مريض وهذا قدري..والحمدلله على كل حال..ومافي حد مرتاح بالدنيا..سبحان الله عندنا الملايين والقصور واعاني من مرض زوجي..وغيري اصحاء واسود ومايملكون ريال..هذه قسمه الله في الخلق.. انا اللي لازم اصبر..والله اني صابره..بس ما ادري وشلون ضعفت..خاصه هاليومين احس اني تعبانه حييل.. صرت ادعي الله يبتليني بمرض فقدان الشهوه..البرود....او انه يزيدني صبر..لاني بديت اضعف من جديد |
الله يصبرك ويشفي زوجك ، الله يسعدكم دنيا واخره
اكثري من قراءة القران الكريم ، وعليكي بالصيام ،، ولاتنسي الدعاء لزوجك وابشري بالخير من خالقك ،،، اسأل الله العلي العظيم ان يفرج امركم ويسعدكم دنيا واخره وكل مسلم ،،، |
الحمدج لله انتي انسانه مؤمنه وصابره وراضيه بقدرك وقسمتك
وهذا نصف العلاج ادعي الله سبحانه وابشري بالخير العظيم هذا ابتلاء من الله لايمانك وصبرك وانشاء الله انك من الصابرين الله يرفع درجاتك وايمانك ويطهر قلبك ويحفظك من كيد الشيطان ووسوسته انتي على خير عظيم ماتدرين ربي وش يعطيك على صبرك وايمانك هذا الابتلائات التي تصيبنا تقربنا من الله عزوجل لدرجه انك تنسين المصيبه وتفرحين بقربك ومنجاتك لله الحمد لله والحمد لله غيرنا محروم من هذا القرب احمد الله ومدي كفك له صبح ومساء حتى تنكشف الغمه |
كله على اجر اختي
ما تشعرين به من احاسيس رغبة ما هي الا مشاعر طبيعية انا قلت في مداخلتي الاولى ان اربع مرات لشباب في اعماركم قليلة لكن مثل ما قلتي هذا قدرك ...ان يكون زوجك مريض ربي يعينك و يمن عليه بالشفاء العاجل وانت ما شاء الله عليك ..باين عليك انسانة مؤمنه و تخافين الله وربي يعطيك على نيتك |
أعانك الله
مرحلة عمرك (نهاية العشرينات ) تضج بالشهوة , وتزداد طبعا مع المثيرات عليك بالصبر , وتناولي المثبطات الطبيعية مثل الرجلة والنعناع والليمون , وتجنبي المثيرات الطبيعية كالجنسنج والروبيان والعسل وغيرها .. |
اشكر ردودكم..التي لن تزيدني الا قوه وايمانا بالله..وفعلا اكيد ربي راح يعوضني..
الاخ ياسر..هل انت متزوج..؟؟ ما احب ادخل بالتفاصيل.. مثلا..خلنا نقوم..نوقف..اعمل كذا..كذا احسن ..هنا اكثر ..مستحيل يقدر يجي فوقي.مااااايقدر ..انا اللي دايما اتحرك واحركه .مايقدر..طول العمليه وانا اللي اثيره.. اذا انت متزوج اكيد راح تفهم.. بالنسبه للاكل..هذا اللي ناويه اسويه راح ابتعد عن السي فود..والاكلات المشابهه.. انا تزوجت وعمري 18 عشان اصون نفسي.. واستحملت لعيال مع الدراسه والمسؤوليه بس علشان..اشبع نفسي من الناحيه الجنسيه..لكن سبحان الله..ربي ابتلاني في الشئ اللي احبه.. اللي خلاني ارجع للتفكير في نفسي مره ثانيه..انسان ماصار نصيب بيني وبينه..هلي ماوافقوا عليه..اتصل فيني امس ولله الحمد صديته ووقفته عند حده..وهددته بأني راح اقول لاهله وهلي وافضحه وفي داخلي بركان من الشوق.. وطول اليوم يوسوس لي الشيطان اني اتصل على مكان شغله..رحت ابغي امسك التيلفون..مسكت المسبحه..وقعدت استغفر وابكي دم وطلعت من البيت وقعدت مع هلي لين يرجع زوجي من السفر.. جهاد النفس يذبح..اللهم يامقلب القلوب ثبت قلبي على دينك |
حبيبتي المهدئات هي السبب لازم تتواصلين معاه مع دكتور نفسي وبعدين هو ليش ياخذ مضادات اكتاب وعاده مايكثر منها وفي طرق كثيره في الارشاد النفسي غير الحبوب وكبديل للعلاج والعققاقير التي دايما يكون لها سايد ايفكت
|
اختي الفتاكه..
هو مو من سنه اوسنتين ياخذها..اواكثر من 10 سنوات.. يعني كأنه مدمن عليها..مايقدر يخليها..يجن.. لدرجه انه ممكن يقتل.. هو مخففها الحين..حبه كل يومين..اكثر من كذا مايقدر..والابتنقلب حياتنا جحيم الدكتور قال هذا علاجه.. هو الحين ماعنده مشكله عشان يروح للارشاد النفسي..الحمدلله مرتاح..بس لحبوب نو وي يخليها.. |
السلام عليكم ورحمة الله تعالى وبركاته
اختي الكريمة زوجك الحين ما يقدر يبطل الحبوب لان مفعولها بيسري فالدم واستحالة يبطلها اعرف حالتين (قالهم الطبيب) مايقدروا يستغنوا عنها مدى الحياة والحمد لله انه كما جعل الداء جعل له الدواء يعني نحمد الله على مفعول هاي الحبوب عليهم والا يفقدوا السيطرة فالحمد لله على كل شئ اشوف اختي ان مشكلة زوجك الوزن الزايد اذا هو رافض الرياضة (حتى بالبيت) حاولي تلعبي على الاكل مثلا اكل صحي اغلب ايام الاسبوع لاجل لا يمل وركزي ان العشاء يكون خفيف حاولي تحفزيه على صيام الخميس او الاثنين من كل اسبوع .... اختي الكريمة احب اقولك ان شعورك طبيعي جدا خصوصا ان عمرك 26 سنة اي في عز شبابك وكل رغباتك طبيعية وضعف زوجك الجنسي ابتلاء لكما فحاولي تتغلبي على نفسك وشهواتك والحياة لا تكتمل يوما لاحد فالبيوت مليئة بالاسرار احب اهمس لك كلمتين (الشخص الي ماكتب الله نجاح علاقتك به) شاءت الاقدار انه يظهر ثاني فوقت حساس بالنسبة لك وقت يمكن تكون مشاعرك فيك مكبوتة (بسبب ضعف زوجك) فحاولي عزيزتي تشغلي نفسك اكثر بالصدقات بالاعمال الخيرية بالتامل باولادك باشياء تفيدك ولا تنقصك ولا تنسي عزيزتي ان لا الملايين ولا القصور ترد للانسان ثقته بنفسه واحترامه لنفسه فشيلي من بالك فكرة التواصل مع الشخص الاخر فالشيطان سيزين لك هذا الشاب وكانه الشخص المتكامل (والكمال لله سبحانه وتعالى) واعذيريني اقول لك انه شخص غير جدير بالاحترام فكيف له ان يكون شخص محترم ويحوم بامراة متزوجة وام لاطفال لن نفترض الخيانة لكن تصوري ان كان هذا الشخص زوجك ويحوم على غيرك فكيف سيكون احساسك هل ستتحرك له مشاعرك هل سترتاحين في حياتك معه فاحمدي الله عزيزتي على زوجك (وتاكدي انك بمساعدتك زوجك -حتى فالعلاقة الشرعية- فانك بذلك تساعدين كليكما حتى لو كنتي الشخص المتحرك فالعلاقة بينكما فانت بذلك تغنين بعض احتياجاتك واحتياجات زوجك ايضا - وتاكدي انك تساعدين شخص محتاج - والاجر لا يضيع عند الله فكوني اقوى من نفسك عزيزتي بعض الاخطاء تقبل من المراة وبعضها لا يغتفر لها اتمنى لك التوفيق |
سراب..كلامك صحيح..الحمدلله على نعمه الدواء على الاقل في علاج..
وفعلا لما اتصل الشخص حسيت ان ربي يبغي يشوف صبري..وانا مستحيل اني اخون والعياذ بالله.. ياريت مايتفسر كلامي خطأ..انا ماقلت اخون..ولا ابغي اكرر هالكلمه.. انا اراعي ربي قبل زوجي..والله المستعان |
اختي احب اقول لك احمدي الله انك مو محرومه من هذا الشي نهائيا وأنا اشوف ان اربع مرات في الشهر مقبول جدا ولو كان بالطريقه اللي تقولين عنها ودايم تذكري ان في زوجات يكون ازواجهم ما ياخذون اي ادويه ومع ذلك مو محصلين اللي انتي محصلته
تخيلي لو كان هالشي معدوم بينكم نهائيا!! كيف سيكون وضعك! أكيد راح تعتبرين أربع مرات في الشهر شي اكثر من جيد وبعدين حطي في بالك ان الوضع الحالي يمكن ان شاء الله يتغير بالدعاء والرياضة والتركيز على الأكل اللي يساعد على هالشئ . تذكري دايم ان الله سبحانه وتعالى يقول ( ولإن شكرتم لأزيدنكم). |
شاءت الاقدار
أختي سراب يرقب الغد الأقدار لامشيئة لها , ولكن شاء الله وحده سبحانه ــــــــــــــــــــــــــــــــــــــــــــــــــ ــــــــــــــــــــــــــــــــــ ان الله سبحانه وتعالى يقول ( ولإن شكرتم لأزيدنكم) الصواب (لئِن شكرتم لأزيدنكم) |
نفل للعياده
لتجدي الاجابه الشافيه |
السلام عليكم
اختي رعشه قلب عليك ان تبلغي زوجك بهذا الكلام و عن لساني طبيبة متخصصة لان ما يقوم بفعله خطر جدا على صحته الان ذكرتي انه يتناول الدواء الذي وصفه له الطبيب من عدة سنوات ثم حالياً زاد الجرعة او اصبح يتناول الجرعة على فترات متقاربة غير ما وصف له من الطبيب في ذاك الوقت و ذكرتي انه اذا لم ياخذ الدواء لعدة ايام يصاب باعراض معينة ولكن مهم ان اوضح ان هذا الدواء له اثار جانبي خطيرة جدا اذا تم الافراط في تناوله او لم يتم متابعة حالة المريض اثناء تناوله لهذا الدواء الاسم العلمي او المادة الدوائية لدواء زوجك هو Venlafaxine و هو من الأدوية الرافعة لنسبة السيريتونين/النورإيبينيفرين اعراضه الجانبية المتوقعه اثناء تناوله هى : الأعراض الجانبية المتوقعة : 1- قلق. 2- أرق. 3- ضعف أو وهن عام. 4- غثيان. 5- فقدان الشهية. 6- ارتفاع ضغط. 7- زغللة في النظر ، طنين في الأذن. وفي حال زيادة نسبة المادة الكيميائية التي تؤثر على الجهاز العصبي فيحدث مجموعة اعراض جانبية منها : القلق وعدم الارتياح , الهلوسة, فقدان التوازن, تسارع ضربات القلب, تغيرات مفاجئة في ضغط الدم, ارتفاع درجة حرارة الجسم, ردود فعل سريعة, غثيان, قيئ, أو إسهال. غير ذلك انه بلغت منظمة الصحة و الغذاء الاميريكة الشركة المنتجة للدواء باهمية متابعة المرضى الذين يتعاطوه و تحذيرهم من الافراط في الجرعة لانها تسبب تسمم !! و بالتالي كيف يمكن لانسان يعاني من هذة الاعراض او حتى بعضا ًمنها ان يركز في عملية الجماع او يفكر فيه من الاصل !!!! فحالتك ليست مثل حالة زوجك و هو مريض و اتوقع انه يتناول الدواء بطريقة غير صحيحة ما اثرت على جسمه كله و منه اداءه في العملية الجنسية لذلك الافضل له ان يراجع طبيبه من جديد ليتاكد من حالته مع اهمية مراعاة الزوج لانه مرريض يا اختي و ليس على المريض حرج ؟ وهو يعاني من مرض قد لا يشفى منه لذلك عليك ان تقدري هذا الامر ومتابعته مع طبيب متخصص هى التي تساهم في تقليل الاثار الجانبية لادويته النفسية فيستطيع ان يتعايش مع حياته ومنه يمارس حقوقة الزوجية و يراعي زوجته فيها و يغلق الموضوع واي استفسار اخر ارجو اضافته في قسم الإستشارات الخاصة تحياتي لك |
| الساعة الآن 11:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©