|
زوجي لا يرغب بي بعد حملي و ولادتي الثانية
اخواني واخواتي اعضاء المنتدى الكريم قبل ما اكتب مشكلتي ترددت كثيرا لاطرحها
ولكن اصابني الحزن والارق من جراء ما حدث...وراح ادخل بالموظوع على طول وارجو ان الاقي رد يريحيني منكم..انا سيده متزوجه من 9 سنوات وعندي ولدي الكبير 7 سنوات والحين انا توني طالعه من النفاس وعندي ولدي الثاني والمشكله بدات من اول ما حملت بطفلي الثاني من حوالي 11 شهر طلب من زوجي اني اروح بيت اهلي لسبب تعرضي لمشاكل ف الحمل واقنعني اني وجودي في بيت اهلي افضل لي لو صار فيني شي واني اتم قاعده هناك الين ما اولد ..مع العلم اني في مدينه واهلي في مدينه ثانيه يلزم السفر لها بالطائره حتى اوصل لهم ...المهم اني رحت بيت اهلي ولو اني مش مقتنعه برايه ونفذت طلبه ..وبعد ما ولدت من 3 اشهر طلبت اني ارجع بيتي ف البدايه فكر وبعدين قالي ما يخالف تعالي باجازه نص السنه بس تردين اول ما تفح المدارس عشان ولدي الكبير ما تطوفه الدراسه وانه راح يرجعنا باخر السنه ونستقر من جديد!!!! استغربت طلبه ورفض انه يناقشني والشي الثاني اني صار لي شهرين عنده وما لمسني ابدا ولا حتى قرب صوبي مع العلم اني كثير مهتمه بنفسي وشكلي وغيرت اللوك بعد النفاس وخذيت لنفسي ملابس وعطور وعده كامله كاني عروس وكل من شافني انبهر بقدرتي الحفاظ على شكلي اليوم بالذات انغضت منه وطلبت حقوقي الشرعيه منه بعد ما طولت السالفه معاه لاني صبرت عليه وايد حسيت انو كرامتي انجرحت حيل منه وخصوصا اني كنت اطلب منه بشكل غير مباشر وكان في كل مره يتهرب ويتتحجج مره مريض ومره تعبان!!! بس اليوم صابتني حاله غريبه كرهت نفسي اني لزمت بعمري عليه واخر شي طلبت منه اننا نسافر اجازه مع بعض ونجدد شهر عسل وبكل بساطه يقولي انا مشغول مقدر اسافر لو تحبي تسافري انا بحجز لج انتي واولادج وسافري لوحدج او خذي احد من اهلج مكان ما تبين !!مدري هل الشي هذا طبيعي والا انا اتخيل اشلون راح يخليني اسافر بروحي مع اولادي بدونه وبدون محرم!!! انا اسفه اني طولت عليكم بس والله مالي حد غيركم اشكي له همي الإشراف/ تم تعديل العنوان ليتضح المضمون |
هالوقت فرصه ادعي الله بان يجعلكي قره عينه
وماعرف ابتدي انتي مثلن بالقبل او اعزميه علىمكان رومانسي البسي اشيا مغريه وبعدين لبسي كله مستور عشان يشوف الفرق يعني يوم كذا ويم كذا اكثري من الدعاء للأسف ما عندي خبره |
حاليا بسسس لا تبادري بطلب العلاقة
لكن .. البسي ملابس مغرية .. اتحممي .. تمكيجي .. تعطري .. اتغنجي .. ادلعي .. اتمايلي أثناء مشيك أمامه اتفنني .. اغريه من بعيييييييد يعني بشكل برئ وعفوي بدون ما يحس إنك قاصده كوني صبوره وهادئه ولا تتسرعي في النتائج إذا وقع في المصيدة .. كوني فنانه معه وخليه يعيش ليلة خيالية وكلها رومانس .. ابتعدي عن الروتين لأنه يجيب الملل |
انا حسيت انو كرامتي انجرحت كانثي,, الرجال ينبسطوا لما المراه تبيهم وتطلب ها لشي منهم وهذا يتهرب مني والله حسيت انو عزتي اتبعثرت معاه وقررت اني ابعد المشكله كمان انو تعود اننا ننام منفصلين عن بعض بحجه ان الصغير ما ينومه بالليل وخصوصا انه وراه قومه من صباح الله ...سويت كل اللي قلتوه بس ما فاد شي معاه
|
مشكوره حبيتي على مررورج
|
بسم الله الرحمن الرحيم
أختى الغاليه أننى أرى أن الموضوع ربما يكون أكبر من عزوفه عن قيام العلاقه الزوجيه بينكما ربما يكون زوجك فى نفسه شئ منك أغضبه وهو سبب انصرافه عنكى بهذه الصوره التى تحكيها ربما تكونى أغضبته أو حتى جرحته ولو بدون قصد وهو منتظر منكى أن تعرفى ذلك من نفسك لانك ما دمتى مهتمه بمظهرك وجمالك بل وطلبته أنتى ولم يجدى ذلك معه كما تقولى فأرجو منكى أن تراجعى نفسك وتصرفاتك فى المده الماضيه وبالتحديد التى طلب منك خلالها الذهاب الى بيت أهلك وان لم تجدى شئ فحاولى أن تستنطقيه بالين والحنان وأشعريه أن هدفك أن تعرفى سبب هذا التغيير لتصالحيه فقط وتنالى رضاه ولا تجعلى قيام العلاقه من ضمن اهدافكى حتى تعرفى حقيقه موقفه واشعريه ان هدفكى هو رضاه فقط واعو الله أن يهديه لكى ولاولاده وتعيشون فى سعاده دائمه |
عزيزتي.... انا اسفه اقولك الكلام هذا بس انا انسانه واقعيه وصدقيني انا ما ابغى اخوفك بس زوجك بالطريقه عنده مشكله جنسيه او لاحظ في نفسه اشياء خايف انك تكتشفيها عشان كذا يتهرب منك المهم لا لا تطلبيه شي اتركيه يجيك لوحده بس المهم لا توافقين على فكرة السفر لأهلك لأن من غاب عن العين غاب عن القلب ورح يتعود على عدم وجودك ولدك انقليه ولو رفض خلي واحد من اخوانك يرسلك ملفه وسجليه عندك ولا تسافرين الا معاه ولا تبعدين عن بيتك نهائيا واذا لزم قولي انك ماتقدرين تبعدين عنه وعن بيتك وما تبين عياله يتعودون على عدم وجود ابوهم لأنك تبين ولدك يتربى في ظل ابوه .
|
عزيزتي اسال الله ان يالف بين قلوبكم و انه على كل شئ قدير
عزيزتي اهم شئ لا تتركي بيتك ابدا وان الح عليكي تسافري لاهلك خبريه انك ست متزوجة والوضع الطبيعي انك تقيمي فبيتك ومع زوجك وليس العكس و خبريه انك جلست عند اهلك اشهر طويلة وانك مشتاقة لزوجك ولبيتك وللجو الاسري وانصحك لا تطلبين منه انتي العلاقة الشرعية بتاتا (اتصور شئ قد اكون على خطا وقد اكون على صواب لكن هذه وجهة نظري الخاصة) في اغلب الاحيان (وليس كلها طبعا) في اغلب الاحيان الرجل لا يخفي شعوره ولا يتوارى عن طلب حقوقه الشرعية حين يشعر باحتياجه ورغبته فالعلاقة الخاصة بعكس المراة فاغلب الاحيان الحياء يمنعها لذا غالبا ليس على المراة طلب العلاقة بشكل مباشر تفاديا للرفض ولجرح مشاعرها "وايد حسيت انو كرامتي انجرحت حيل منه " لكن حاصريه بجميع الطرق فما الرجل الا بشر وهو زوجك وحلالك اهتمي بشكله و عطرك بملابسك وبواجباتك المنزلية طعامه ...... تنقلي في بيتك بعفوية وكانك النسيم العذب بين جذران البيت خليكي هادئة خلي الحديث بينكم ودي اضغطي على اعصابك (ومشاعرك) شويتين ومسيره يحن مسيره يحتاج كلنا بشر لكن نصيحة البعاد احيانا يفسد الامور اكثر فلازمي بيتك شاء ام ابى |
اظن انه يجب ات تضيفى للعلاقة صفة جديدة مهمة في هذه المرحلة وهي الصداقة
وتنسي تماما اقامة العلاقة الحميمة اثناء اقترابك منه كصديقة كان تتحيني وقت الاولاد فيه نايمين وهو هاىء وتقتربي منه كام وليس كزوجة وتقولي له انك اقرب الناس له وانكما في مركب واحدة ويجب ان تتشاركا المشاكل وتفكرا فيها سويا ولمحى له اذا كان يعانى من متاعب صحية فليس هناك اى مشكلة لان العلاقة بينكما اقوى من هذا ربما تاخذه العزة ليثبت لك ان صحته تمام او يصارحك بمشكلة في العمل او مادية او بينكما تكون هى المؤثرة عليه واحرصي على اذكار الصباح والمساء واستعمال الرقية الشرعية فربما يكون حسد |
اختي ما ابغي اخوفك
لكن هل تتوقعين ان زوجك عنده علاقة مع امراة ثانية ؟؟؟ ما ابغي اخوفك ..لكن عشان ما ينخرب بيتك شوفي جواله ...طبعا بدون ما يشعر شوفي سيارته ...بدون ما يحس انتبهي لا تلمحي له عن العلاقة في هذه الفترة وحسسيه بالامان الى ان تشوفي وش مغير زوجك عليك مو شرط يكون الخطأ منك ...لكن يمكن هو عنده علاقة ثانية وربي يعينك |
الله يجمع مابينكم كثير تصير مواقف صعبه مثل موقفك لكن عليك بالصبر هو مفتاح الفرج ومثل ماقالو الاخوان لاتطلبينه وحاولي تغرينه بطريقه غير مبااااشره و ان شاء الله تتيسر امورك
|
بعد ثلاثة أشهور ولدتي ومر شهرين ولا ياج!!!!!!!!!!!!!!
يعني الريال يتحمل يقعد بلا حرمة 5 أشهر الله يعينج ويألف بين قلوبكم ... اقريء سورة البقرة يوميا في بيتج |
اقتباس:
نفس الفكره الي خطرت في بالي .. بس اختي انتبهي لا يحس فيك وانت تفتشين مو من اول دليل تمسكينه عليه .. اجمعي اكبر قدر من الادله .. ايضا لا اريد ان اخوفك .. لكن ايضا لا اريدك ان تظلي على غفلتك .. خليك حريصه اختي .. وربي يطمنك .. |
الله يعينك و يفرج همك..
|
ما ادري بس احسه وضع غريب جدا.. يعني طوال فترة الحمل والولادة وانتما منفصلان... يعني طوال الفترة الطويلة هذه وزوجك وحيد...
حتى انا ما اريد اخوفك بس تهيأ لي ان زوجك على علاقة بأمراة ثانية والا اشلون قدر يصبر على بعادك هذه الفترة كلها وحتى لا نظلم الرجل ممكن يكون تزوج خلال الفترة الماضية... والله بأحس ان الموضوع اكبر من ان تلبسي وتتمكيجي وتتدلعي... على قولة الاخوات فتشي اشياءه لأن بصراحة تصرفاته ووضعه مريب جدا... |
صحيح وضع زوجك مو طبيعي اما فيه شي او متزوج
|
الله يرجعكم مثل اول و احسن...الله يفرج همك ان شاء الله ......ان شاء الله يكون الوضع طبيعي و يرجع كل شئ مثل اول و احسن
|
أنا رأيي من رأي FAFI و أميرات
من قراءتي للموضوع وبتمعن جدا حسيت بإحتمالات كثيره : - ممكن يكون عنده علاقة حب غير شرعية . - ممكن يكون متزوج وعنه حرمه ثانيه . - مستحيل ماتكون عدت بينكم فترة فيها مشاكل أثرت بنفسه . - ممكن والله أعلم ومانظلمه لكن تخيلي لو إنه قام بعلاقه غير شرعية وعنده الإيدز لاقدر الله ... إنتي لازم ماتحاولي بإقامة علاقه إلا بالواقي الذكري .. حرصا على حياتك فقط . - هذا ماله علاقة بالزينه والدلع والإغراء لأنه هناك شي أكبر من إنك منقصه عليه . - حاولي إنك بكل برود وبدون ماتحسسيه بإنك بتراقبيه تفتشي جواله وجميع أرقامه أو تحاولي تشوفي جميع مكالماته اللي بالجوال مدتها ولمين كانت وأوقاتها من الفواتير . - حاولي وإنتي ساكته رغم الالم بس تكتشفي وتجمعي مع حفظك لكل دليل تلاقيه ضده عشان لايكذبك بكرة النهار ويمون ممسح كل شي وراه , بس المهم إنه لا يحس بشي عشان لا يحاول هوه كمان يخبي عنك . - هوه دحين حاسس بخوف إنك تكتشفي أو تمسكي عليه شي ,, فلا تبينيله أي شي عشان لا يوصل لمرحلة "المقاوحه". - أدعي بآخر الليل أكيد ربي راح يفرج همك وهم كل مهمومة بالدنيا . - انا ما أدري إنتي بأي بلد لكن لو بإمكانك إنك تراقبيه بالسياره وتشوفي فين يروح ويجي يكون أفضل إنتي بنفسك أو مع أي أحد من صديقاتك أو أخوانك , ممكن وقتها تعرفي فين يروح وفين يجي وعند مين ؟ والله الله الله يزيل الغمة هذه من على صدرك وترتاحي |
للاسف انا مش غندى خبره بالموضوع ده بس هدعيلك ربنا يعينك
|
أنا بيكون كلامي نفس كلام اللي قبلي
صدقيني زوجك في حياته امرأة ثانية لأنه مايجلس الرجال فترة طويلة وهو متزوج بعيد عن زوجته وخاصة لما ترجعي له وانتي متغيرة ومهتمة وغيره ماينفع الندم......بس غلطتك من أول انك تركتي بيتك وجلستي مدة حملك عند اهلك وانصحك لاتكرريها مهما حصل وحاولي تتأكدي انه مايكون متزوج وغيره الله يألف بين قلوبكم ويعينك ويصبرك تحيــــــــــــــــاتي |
هي وحده من ثنتين اما عنده ضعف او عنده مره
|
بصراحه انا شاكره لكم تفاعلكم معاي.. والحين انا قررت فعلا اخذ برايكم ... والله يوفقني باذنه
|
الله يفرج همك حبيبتي و يهدي بالك يارب
غاليتي تروي في قراراتك و راجعي حياتك معاه و بالذات الفترة الأخيرة و طمنينا وش صار معك |
الله يفرج همج حبيبتي
الرجال كلهم مامنهم امان ،،، والله اني افكر ماتزوج مع اني مخطوبه ماحس في رجل على وجه الارض وفي ..والله اعلم "ان بعض الظن اثم" بس طمنيييينا عنج حبيبتي |
سبحان الله!!!!!
انا اكاد اجززززززززززززم والله العليم وان بعد الظن اثم انه يكون متزوج وعنده وحدة ثانية من تصرفاته هذي.. لكن استغرب هو زوجك ليش تنامو منفصلين؟؟؟ بحجة الصغير!!! هل هذا الصغير لقيته من الشارع (عذرا على هذا الكلام) وعطفتي عليه ودخلتيه بيتك تربيه؟ والا ابنه من لحمه ودمه....؟؟ اختي انتي من اخطئتي عندما زرعتي هذا الفراغ بينك وبينه....واكيد هو ملى هذا الفراغ بشي يملي عليه لحظاته او حياته |
رأيي مثل الي قبلي ولكن اقول لازم المصارحه ليش مايبغا يجلس معك يعني تجلسين معه وتفهمين منه كل شي و هل هومن قبل مو مره معاك ولا لا اذا كانت علاقتك معاه حلوه ليش مغير عليك اكيد فيه مشكله من احتمالاتي انا تكون 1-فيه مره حلت محلك سوا علاقهة زواج اومحرمه
2-ضعف الرجال وأنا مومقتنعه به بس مدري 3-يمكن عين ولا شي حاصل وتحتاجون لقرايه |
ما ادري لكن اشوف ان الاغلبية ضخم الموضوع وقاعدين تخوفون الست ويمكن تكون مجرد مسالة عرضية
ونتمى لهم كل خير والله يصلح الامور بينهم |
الحوار الحوار والمكله ليست في جوهر اغراء ورفض معاشرع
من الاساس ان تنتبهي لسبب تسفيرك لاهلك من حملك الثاني !! وليس منذ عودتك لمنزلك |
أكيد فيه حرمه بحياته أكيييييييييييييد ولا ليش هو بنفسه يطلب منك تروحين لأهلك مافيه رجال يسويها ...عذرا بس هذا الواقع...
|
ماعندي الا ادعي لك
الله يفرج همك |
أنا أشك في أن له علاقة بغيرك ، أو أنه مصاب بمرض ما .........؟
أبرأ إلى الله ولا أدخل في ذمتي شيئاً ، ولكن عندي شك في ذلك |
بالنسبه لموظوع الصغير...انتو عارفين ان الطفل بشهوره الاولى دايم الصحيان بالليل وخصوصا ان ولدي دايم يصيح وبحتاج له رعايه بليل وانا بالرغم من اني متضايقه من سالفه انو كل واحد ينام بغرفه ولكني مقدره ان زوجي يحتاج للنوم بهدوء بسبب دوامه بس شسوي!!! اليوم بعد ما رجع طوالي نام وخذيت جواله لاقيت فعلا ان في رسائل ملغاه من الرسائل المرسله ومن تقارير الاستلام وما فيه الا الرسائل اللي كا مطرشها لي واخرها كانت الفتره اللي كنت مسافره انا فيها يعني من شهرين!!!!! ييعني معقوله انو ما كان يدز لاحد غيري؟؟؟؟؟؟؟؟؟؟؟؟؟؟؟؟؟ والله بديت فعلا اصدق نظريه الخيانه بس لازم اتاكد اكثر هذا مو كافي وادعو لي يا جماعه ان هذي تطلع شكوك وان هذا مجرد زوبعه في فنجان
|
الوضع موطبيعي ابدا ابدا ابدا
ومالي الا ادعييييييييييييييلك لاتنسين طمنينا عليك يالغاليه |
اختى هديء من روعك ارجووووك
ولا تفتشي في جوال زوجك ... بعض الرجال يمرون في حاله نفسيه تشبه الاكتئاب الي تمر فيه المرأه في ولادتها.. خصوصا ان اهتمامك توزع على الصغير يعني شئ يشبه الغيره وطلب مزيد من الاهتمام. نصيحتي لا تسافري بدونه وحتى ان لم تسافري ابدااا احتوي زوجك قدر الامكان وذكريه بالايام الجميله التي كانت بينكما .. ان كان يوجد قميص نوم مفضل لديه من قبل حملك البسيه له . كيف علاقه زوجك بالمولود هل يهتم به هل كان موافق على حملك من البدايه ؟ ربما تكون هذه رده فعل لاحساسه بان الطفل ابعدك عنه |
حبيبتي الــــــــــــــلـــــــــــــــــــــــــــــــــ ــــــــه يفرج كربك يااااااااااااارب
وضع ريلج مو طبيعي أبد و فعلا مثل ما قالن الاخوات ، انتبهي لجميع تصرفات زوجك شوفي جواله ، ثيابه ، سيارته ، روحاته ، يياته !!! انتبهي لكل هذيلا ، أنا ما أقولج انج تفقدين ثقتج فيه بس اقولك انتبهيييييييييييييييييي لأن الوضع مرعب و مريب ، و ان شاء الله يكون خير بس لازم الحذر واجب ، يكم مثل ما قال البعض مريض و يمكن عنده حرمة ، و يمكن علاقة غير شرعية ، و يمكن حالة اكتئاب و يمكن عجز أو فقدان للقدرة ، بس أرد و أقول انه وضعه مريب !! و سالفة السفر شيليها من راسج ، لا تسافرين الا وياه ، و أهلج لا تروحين لهم هالفترة الحرجة لأنج عودتيه على غيابج و مو زين كذا ، و العلاقة لا تطلبيها منه اصبري عليه شوي ،،، و أنصحج نصيحة لوجه الله تعالى و أتمنى تسوينها ، لمن يروح يصلي الجمعة ، شغلي شريط و الا سي دي سورة البقرة بغرفة النوم ، وقت صلاة الجمعة ، و اقريها كل يوم ، لاجل الله يبعد عنكم العين و الحسد و لو لا سمح الله أحد سوى لكم سحر أو كذا تروحه سورة البقرة باذن الله ... طمنينا عنج و ان شاء الله نلقى هالمشكلة في عالم المشاكل المحلولة .. ربي يفرج كربج يااااااااااااااااارب ، عليك بكثرة الدعاء ، فلا يرد القضاء الا الدعاء |
اقتباس:
|
اقتباس:
|
الله يفرج همك وطمنينا والله قلبي عليكي ومعاكي
|
الله يستر يمكن فيه مرض يخاف يعاديج والله أعلم
أسعدكي الله وفك حيرتك |
انتبهي لكل تصرفات زوجك
|
| الساعة الآن 02:11 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©