|
زوجي طلقني و أنا حامل و السبب....
السلام عليكم و رحمة الله و بركاته،،
صدقوني يا أخواني و أخواتي اني ترددت أكثر من مره اني اكتب موضوعي و كنت حاسه بأحراج قوي و السبب مشكلتي اللي مالها نهايه و هي ان زوجي زوجي طلقني و أنا حامل ف شهري التاسع و السبب أفلوس النفاس و من يوم حملت معاملته لي تغيرت و من فتره عرفت انه يحب وحده و يريد الارتباط فيها و بعد ان عرفت بالموضوع تهاوشنا و ضربني وانا ف شهري السابع و لم يفكر ف اللي ف بطني و للأسف ان اهله هم السبب الرئيسي في المشكله ودايما يقولون له ان زوجتك تسوي لك سحر و أعمال لكي تكون خاتم ف أصبعها و العياذ بالله منهم لدرجه انه اخذ اغراضي و وضعها ف كيس اسود و أعطاها أختي و قال لها وصليها لأختك لأني طلقتها طلقه واحده و كانت ف التلفون و كان معه شهود و بعد ان عرف والداي بالموضوع منعوني من مكالمته و مب راضيين ارجع له و أنا احبه ومابي اخسره و لا ابي المولود الجاي يتعذب و السبب احنه قولو شالحل و شاوسوي مع انه كل يومين او اربعه يطرش مسج و يسأل عني و عن بنتي اللي ف بطني بس أنا ما ارد عليه دورو لي الحل و اللي يسلمكم لأني و الله محتاره |
لا حول و لا قوة الا بالله ان شاء الله يثوب الي رشده و الله يهديه و يراجعك أصبري و اكثري من الاستغفار
|
ما فهمت يعني ايش طلقك عشان فلوس النفاس هل هو فقير لهذه الدرجه؟؟؟؟؟؟؟؟؟؟؟؟
|
غاليتي
ياليت توضيح اكثر لمشكلتك كيف عرفتي انه على علاقه ومادخل النفاس وفلوس ومادخل اهله وماسبب طلقته لك الله يفرج همك |
لا الحمدلله احنه عايشين بخير
بس كل ما اقول له ابي افلوس يقول ما عندي دبري نفسج حتى تخيلو ان ما عطاني ولا فلس عشان اشتري اغراض البيبي و اغراض النفاس حقي و الله اني انحرجت من اهلي و كان يقول لي انا احبج بس ما اقدر استمر معاج لأني احب وحده ثانيه وابي اتزوجها و صدقوني ان عمري ما قصرت عليه ف شي حتى وانا حامل شايلته فوق راسي و ما اقول غير الله كريم |
لا حولة ولا قوة الا بالله الله يهديه ما قدر علي مصروفك وبيروح يتزوج تاني اكيد اختي في دافع لدالك عنده او شىءاخر يا ريت توضحي ان شاء الله الكل ينصحك
يارب يسهل امرك |
اختي اشتكي لله و استخيري في أمورك كلها و ادعيه ان يرشدك لما هو خير لك
الله يعينك |
اعانك الله يالغاليه ونصيحه لاتضغطي على زوجك الان واتركيه في حاله ومصاريفك اطلبيها من اهلك الى ان تلدي بالسلامه وصدقيني الطفل سيكون نقطة وصال بينكم بس خفي عنه الان ولا تتجادلي معاه بااي شئ وبيفرجها ربك |
الله يصبرج اختي على مابلاج ويكون في عونج ويقومج بسلامه ويهدي لج زوجج ويبعد عنكم عيال الحرام
عليج اختي بالدعاء وقراءة القرآن بستمرار والمحافظه على الصلاه في وقتها وخلي الاستغفار دايمن على للسانج أتمنى لج كل خير حبيبتي اختج الدكتوره طرووفة |
والله انصدمت و انا اقرا الموضوع
و جالسة ادعي انه المشكلة تكون لاحدى صاحباتك و انتي بس تنقلينها الله يعينك حبيبتي .. مادري ايش اقولك اولا : لازم تسألي حد عن حكم الطلاق اثناء الحمل .. لاني اعتقد سمعت انه الطلاق لا يقع والله اعلم اتأكدي ثانيا : سيبيه الان شوي.. و خلي بالك من اللي في بطنك .. و من صحتك اهي اللي بتفعك و الله يخلي لك اهلك .. لا تتضايقي و تزعلى وكلي امرك لله .. لانه الزعل مش حلو عشانك الان و في فترة النفاس ... ادعي وقت الولادة ان الله يحنن قلب زوجك عليك و على بنته و يهديه لك .. ان شا ءالله تفائلي خير بالمولودة .. اكيد لما يشوفها راح يحس بالابوة و ينسى كل شي و ترجع الامور لمجاريها انتي هدي الموضوع الان و ما تكلميه الا لما تولدي .. دقي عليه يجي يشوف البيبي يا رب يا حنانا يا منان .... اهدي زوج اختي ضوى لها ..و اجعلها قرة عين له و اجمع بينهم على خير ووفقهم لما ترضاه |
السلام عليكم ورحمة الله وبركاته
اختي فالله ضوي والله العظيم اني تاثرت كتيرا وتمنيت من الله ان لا تكوني انتي ولكني فوجئت انه انتي اهم حاجه انك تهتمي بصحتك وصحت بنتك وان شاء الله تقومي بالسلامه واول ما جوزك يشوف بنته قلبه اكيد هيحن ليكي وليها والله يقدملك الي فيه الخير ان شاء الله |
حسب ما سمعت انه لايجوز الطلاق الافي طهر لم يمسها فية يعني ماتكون حامل او حايض واذا وقع يكون باطل
يمكن انتي طلبتي منه فوق طاقتة يعني تبين تولدين في مستشفي بفلوس وهو يبي حكومي ماعنده فلوس وهذا سب المشكله كلها حاولي تصالحين معه وتعرفين ضروفة وتشاركينه همومه |
سبحان الله دايما الانسان مش بيحس بقيمه اللى معاه الا لما يبعد عنه او يروح منه
ربنا معاكى |
اقتباس:
أما الطلاق في الحيض أو طهر جامعها فيه فهو طلاق بدعي , واختلف العلماء في وقوعه . الله ييسر لك سبيل سعادتك ياضوى الليل (آمين) |
الله يهديه ان شاء الله ويعينك على ما بلاك
|
الله يكتب لك الي فيه الخير استخيري اختي الحبيبه
|
إذا أنت ناويه الصلح فمن الآن قبل ما تولدين
لأن عدة الحامل تنتهي بوضع الحمل لقوله تعالى: (و أولات الأحمال أجلهن أن يضعن حملهن ) بعد الولاده يكون الرجوع بعقد و مهر جديدين فردي على رسائله و حاولي تتصلين فيه تتفاهمين وياه و وسطي أحد بينكم من أخوانك أو أي انسان حكيم تثقين فيه لعل الله يهديه الله يصلح حالك و يهدي زوجك |
يا قلبي عليكي يا ضوى الله يعينك ان شاء الله
بس اظن ان المفروض ما يطلقك و انتي حامل !!!!!1 و بعدين انتي الحين لا تزعلي عمرك و اتركيه الين تولدي يراجع نفسه بس معليش ايش مشكلة اهله ؟؟ و الفلوس ؟؟ و من ناحية اللي يحبها قوليله ايش مشكلتها و كيف عرفتي ؟؟ تحياتي و طمنينا عنك يا قلبي |
الله يعينك ويصبرك ويصلح ما بينكم
ويردلك زوجك هو لى كل شى قدير |
يا رب يا حنانا يا منان .... اهدي زوج اختي ضوى لها ..و اجعلها قرة عين له
و اجمع بينهم على خير |
شنو جراءة هاذي يقول احب وحدة وبتزوجها
حسبي الله عليه انا مااتضليق الا لما اسمع ان وحدة مومقصرة مع زوجها ومع هذا يتزوج عليها اويخونها الله يعينج عليه وياخذ بحقج |
الله يصلح بينكم
وتقومي من النفاس بالسلامة والعافية عزيزتي خليكي الحين فاللي في بطنك وفصحتك وبعد النفاس اكيد بيجي من نفسه يشوف البيبي و ان شاء ترجع الامور لمجاريها والاكيد انه شاريك والا ما كان يبعث مسجات يسال عنك |
حبيبتي طنشيه ولا اتسويله سالفه ولا اتردين على مكالماته او مسجاته شو انتي لعبه في ايده يوم ما يباج يقولج انا احب وحده ثانيه ويوم تبتعدين يرجعلج اونه يباج شوفي حبيبتي خليه على هذا الحال لين ما يحس بتأنيب الضمير ويحس صدق انه متندم ويرجعلج ... الريال ما يحس ابقيمة الحرمه الا اذا ابتعدت عنه.....
|
حبيبتي الغاليه اوصيك ونفسي بالإكثار من الإستغفار قد ما تقدري استغفري
الله والله ان الله يفرج كل كرب الفرج عنده سبحانه وتعالى الله يفرج همك وهمي وهم كل مكروب . |
الله يقومج بالسلامة يالطيبة
حاولي تتواصلين معاه .... مدام يطرشلج مسجات ويطمئن عليج مهما كان هذا ريلج وابو عيالج وهو الونس والسعادة وهو المودة سامحيه على فعله امكن الشيطان غلبه وامكن ضعف قدام المغريات اتصلي عليه وقوليله انج مشتاقة له ولا تخلين ربيعته تسيطر عليه في غيابج الله يهديكم ويصلحكم اختج همس البراري |
اختي مشكلتك معقده نوعا ما .. زوجك يحب وحده ثانيه .. يتهمك بالسحر .. اهله لهم يد في الموضوع .. يرفض ان يصرف
عليك .. يطلقك في التليفون .. كل امر من هذه الامور قضيه لحالها .. اختي لازم جلسة تفاهم مع زوجك ويكون معك احد كبير من اهلك .. وعشان ترجعين له لازم تضعين شروط صارمه .. مو معقول يتخلى زوجك عن مسؤولياته بهذه البساطه .. ودام انه يحاول يتواصل معك عن طريق المسجات انتهزي الفرصه وتفاهمي معه على كل شي ولا تتنازلين عن شي .. بس اهم شي يكون معك احد كبير من اهلك .. لا تجلسين معه لحالك حتى لا يوعدك بشي وبعدين يخلف بوعده .. وربي يقومك بالسلامه .. قوي قلبك اختي .. |
مشكورين ع ردودكم
بس والله ان نفسيتي تعبانه و عمري كله ما حاولت اني اضغط عليه أو أحمله شي فوق طاقته والله العظيم انا اللي امعور قلبي البيبي والله بس لين متى بانزل روحي له كل انسان فينا له كرامه و عزة نفس طعني ف قلبي و أنا حامل و من يوم ما حملت وانا مشاكل معاه و قبل امه كانت اتقول لي انا باعرسه لأنج ما تجيبين اعيال و ما تحملين و يوم حملت يعاملوني هالمعامله حتى كلمة مبروك ع الحمل ما نطقها لا أمه ولا ابوه اول ما عرفو بهالشي أنا عمري كله ما ضريت أحد بشي والله يعلم ما اقول الا الله كريم ما تدرون اشكثر انا منصدمه من اللي سواه فيني والله |
الله يهديه ان شاء الله ويصلحه ويحنن قلبه عليج ويسخرة لج
|
آمـــــــــــــــــــــــــــــين ان شاءالله
|
اقتباس:
|
يارب يا حنانا يا منان .... اهدي زوج اختي ضوى لها ..و اجعلها قرة عين له
و اجمع بينهم على خير امين امين امين حسبي الله على الاهل اللي يكونوا السسبب في طلاق اولادهم بدال امة واهلة ماينصحوة يكونوا سبب الله يصبرك |
اقتباس:
انتهزي فرصة المسجات و رجعي العلاقة معه وربي يوفقك |
اقتباس:
اختي اللي وصلك الي هذا الوضع (( طيبتك الزايده عن حدها )) في ناس تفهم الطيبه على انها ضعف وسذاجه .. يا اختي الطيبه ما تنفع مع كل الناس .. المفروض انت من شفتي ان تضحياتك ما لها قيمه عندهم كان بطلتي من التضحيه .. ليه تضحين بكرامتك .. وتتنازلين عن حقوقك وليه تذلين نفسك .. الله يقول ولا تصعر خدك للناس .. اختي الزم ما عليك كرامتك .. من يمارس حقه لا يسئ إلى أحد .. انت ما طلبتي فوق طاقة زوجك .. هو لازم يعرف انه متزوج وعليه التزامات المفروض ان يقوم فيها على اكمل وجه .. اختي اجلسي مع نفسك واعيدي صياغة حياتك وغيري من اسلوب التعامل مع زوجك واهله .. خلي لك شخصيه .. انا ما اطلب منك ان تكوني جلفه معهم او غير مهذبه بس لازم يعرفوا ان لك شخصيه ولك كرامه وحقوق يجب ان يحترموها.. وربي يوفقك.. طمنينا عن اخر اخبارك .. |
الله يسخره لك ان شاءالله ويهديه ويرجعك يارب في اقرب وقت ويجعل حياتك كلها سعادة0
|
يالغاليه انتي انتبهي لحكم الشرع بطلاق واتاكدي منه مثل ماقالت عبير الرياض لانك حااااااااامل اتصلي على شيخ واستفسري منه والبااااااااااااااااااااقي هينه باذن الله مع الصبر والدعاء راح ينحل كل شي ولاتنسيتى الرقيه الشرعيه الناس صاااااااااارت ماتعطي خير الله المستعان بس
ربي يتمم حملك ويقومك بالسلامه انتي والبنوته العسل ياارب وتفرحين فيهاااااااااااااااااااا اللهم امين وتكون قرة عين لك |
السلام عليكم
أختي اريد ان اقول لك شيئا انه ليس من حقه طردك من بيتك لأنك في العدة و يجب بحكم الأسلام ان تظلي في بيتك حتى تضعي مولودك و ليس في بيت اهلك وممكن تستشري علماء الدين في ذلك يعني حتى وان طلقك يجب ان تجلسي في بيتك هذا ديينا و تمر عدتك وتضعي مولودك سبحان الله كيف لنا ان نجهل مثل هذه الأحكام انظري في كتب الفقه في باب الطلاق عزيزتي و ستري ذلك و ادعوا الله لك أن يفرج همك و تضعي مولدتك بسلام |
الله يهدي زوجك يا كريم وغير حالكم من إلى حال يا الله يا الله يا الله
|
ضوي طمنيني عليكي وعلي البيبي انتي فين ليه مش بترودي
|
حبيبتي ضوىاليلي اعملي زي ما قالتلك اختي برشا وارجعي بيتك لكن تمسكي بموقفك وخليكي صامده خليه يحس انه هيفقدك انتي والبيبي الممنوع مرغوب يا قلبي لكن اذا ردي عليه وعلي رسائله بسهوله لن يحس بتعب ولن يشعر بافتقادكم كوني صارمه واكيد ان شاء الله لما تضعي مولودك اعزميه هو واهله مثلهم مثل الغرب وخليهم يحسو بالندم ولا تحسسيهم بقهرتك أعلم انكي تحبيه وتريدي استرداده لكن ما لقوله لكي ما هو الا وسيله كي تعودي بيتك وانت مرفوعه الرأس شارطه عليه ما يصلح حياتك ويحسسك معه بالآمان اشرطي علي ان يلتزم بواجباته الماديه والمعنويه تجاهك تجاه طفلك والا كيف له بالزواج من اخرى ثانيا لا تسمحي له ابدا باهانتك ان كان بلسانه او بيده واخبرا ادعو الله العلي القدير لكي في ساعه مطر لعلها ساعه احابه ان يسخر لكي قلبه ويبعد عنه شياطين الانس والجن ويجمع شملكما علي خير في بيتكم مره ثانيه وان تكون بنتك سببا في هدايته اللهم آمين ورجاءا اختي واصلي معنا اخبارك كي نطمئن لما حدث والله الموفق
|
لا حولة ولا قوة الا بالله ،،،
الله يهديه ،،، |
| الساعة الآن 08:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©