|
ما هو الحل مع مصروفات زوجتك ..
لووووو جاك علم من اهلك ان خطيبتك الي راح تتزوجها راعية ماركات وانت راتبك يالله يكفيك .. يعني خطيبتك مايلبسوون الى الماركات يعني وانتو بكرامة جزمه ( نايك ) ماتخذ شي تجاري رخيص في هـ الحالة وانت قبل مادخلت عليها هل اعطيها جوها ولا كيف الوضع في رآيكم المتواضع .
تحياتي لكم |
الله يعينك من البداية صارحها عشان تكون داخلة على النور وقولها انه ممكن ماتقدر تلبسها ماركات
اذا تحبك راح تصبر بس لازم من البداية توضحلها وهي لها الاختيار |
صعبة الصراحة و لازم تصارحها
|
المشكلة انه اللي متعودين على الماركات مو من السهل يتركونها
الله يعينك |
من وجهة نظري اذا عاقله راح تقدر الظروف وتصير وسط في مصروفاتها كثير كانو كذه وتغيرو بعد ماحسو بالمسوليه
|
السلام عليكم ورحمة الله وبركاته
اخي الكريم قد يكون الموضوع صعب وقد يكون سهل اهم شي هل العروس ذات شخصيه قنوعه؟؟؟ اخي الكريم عروسك عندما وافقت عليك اكيد انها تعرف كم راتبك صح؟؟؟ فيعني هذا بدايه جيده تعرف كم راتبك ووافقت عليك فهذه نقطه ايجابيه انت كل اللي عليك 1\\ لاتحسسها انها راح تعيش ففرق بين حياتها معاك ومع اهلها في جلسه شاعريه صارحها وقولها حبيبتي انت عارفه دخلي الشهري كم؟؟ وانا مارح ابخل معاك بشي بس ابغا تساعديني باول حياتنا وتتحملي وضعنا الاقتصادي كبدايه حياتنا وانت خليك متوازن يعني بالامور الصحيه مثل مستشفيات لاتبخل لا على نفسك ولا عليها احسن المستشفيات تروحون لها ايام روحوا مطاعم فخمه وايام كلوا من البيت وهكذا عيشها بالتنويع صدقني اخي الكريم هناك فتيات عاشت في مستوى معين ولكن لايعني انها لاتستطيع التكيف في مستوى اقل من المستوى التي عاشت به هنا فتيات اذكياء تعرف كيف تتكيف وتتعايش بما يناسبها اهم شي ان تكون صريح معاها من البدايه والله يوفق بينكم ويختار لكم الخيره الطيبه |
والله الاخت الفاضلة "روح الغالى" ما شاء الله لم تقصر
كلام عين العقل جزاها الله خير الجزاء بس احب ان ازيد اولا يا اخى كثير من البنات عندها البيت والاسرة والعفة هو اهم ما تبحث عنه فقط تتمنى ان يرزقها الله بزوج يحبها وتحبه وان ينعم الله عليهم بطفل يسعد حياتيهما ولا تهتم بالماركات وهذه الاشياء التى الى زوال ويا اخى كثير من الفتيات تعلم ان الاسرة هى الغاية وتعرف ايضا ان المستوى الذى تعيش فيه الان لم تعيش فيه امها من اول يوم تزوجة فيه ابوها وتعلم انه دائما فى بداية الحياة هناك مرحلة من الكفاح يجب ان تمر بها الاسرة حتى يستقر دخل الزوج وكما قال الاخوة فقط تحدث معها فقط من باب انك حريص عليها وترجوا من الله ان يرزقك حتى تسعدها وتسعد ابناءك بأذن الله تعالى وفقك الله لما يحب ويرضى |
اقتباس:
|
اقتباس:
|
اقتباس:
اي والله بس لازم تكون شخصيته قووويه من البداية بصراحة |
اقتباس:
ويارب اطبق ماقلتيه ويسعدنا |
والله اذاهي قنوعه اخوي صدقني عادي ماراح تفرق معاها حتى لوهي متعوده
بس اذاهي راعيه مظاهر الله يعينك الله ييسر امورك |
الحين انت تعتبر نايك ماركات؟؟
يعني هي فعلا تلبس نايك ولا انت سمعت انها تلبس ماركات وجا على بالك نايك؟؟ يعني بس احب ابين لك ان نايك يعتبر ماركة رخيصه ورياضيه انتبه لا تكون خطيبتك من النوع اللي تلبس لوي فيتون وقوتشي وهالطقه ساعتها لازم تنتبه وتقرر.. |
الفرس من خيالها , ثقتك برجولتك وشخصيتك هي الضابط في الموضوع
|
انت عكسي انا عادية ودخلي متوسط والحمدلله لكن اتقدم لي عريس وضعه المادي جيد ماشاء الله
الله يعين وصلتني أخبار ان خطيبي واهله مررررة يهتموا بهذه الاشياء ويشتروا كل فخم وغالي ... وأنا ما افكر الا اني اشتري كل مايعجبني سواء رخيص ولا غالي من ابو ريالين او ابو 1000 *على حسب الميزانية *وعلى حسب اهمية اقتنائي للسلعة يلي قدامي ...*وعلى حسب جودتها ومنفعتها . بالنسبة لخطيبتك؟ إذا وضعك المادي مايسمح اشتري لها بس في اوقات التخفيض والمناسبات ولا تشتري لها شغلات كثيرة )) وعلى فكرة اعرف محلات تبيع كل شيء صيني احيانا تكون اغلى من الماركات بكثير ؟؟؟ ما ادري اش الفكرة ليه الناس يقيدوا حياتهم بها الشغلات ويخدعوا نفسهم بهذه الماركات؟؟ لا تشيل هم واذا حبتك وحست بكرمك وطيبتك واقتنعت حترضى بحصيرة ؟ * ذكرها ان الانسان لازم يضحي : لان السعادة عمرها مابتجي من ملابس ولا غيره ... أسال الله أن يوسع رزقك ويصب لك الخير صبا ولا يجعل عيشك كدا ويقدرك انك تحقق لها السعادة والاستقرار *ولاتنسى أن راحة القلب والرضا بقسمة الله ورزقه لها اثر رائع في تتويج الحياة الطيبة في الدارين... |
اقتباس:
بالفعل والله اللهم امين لك تحياتي يالغالي |
اقتباس:
نايك تعتبر ماركة غاليه اقل شي 200 الزين طبعاً لك تحياتي |
قل لها من البدايه وضعك
ونبها ان الزوج عنده مصاريف للاشياء المهمه وليس الكماليات وذكرها ان العاقله تتصرف وفقا لظروف زوجها |
انا كنت من هالنوع بصراحة ... لان ابوي كان مقتدر و لله الحمد ... و لكن زوجي يوم خطبني كان طالب و انا رضيت فيه بقناعة مع انه كان يشتغل و شغلته على قده .. فلما جيت اشتري اغراض الخطوبة و التجهيزات للزواج ما اشتريت ولا شي غالي ... و الى اليوم انا شتري ماركات و لكن ايام التخفيضات .. و احصل اللي اريده بتخفييض رااائع ..
ما حسسني هو ابدا بعدم مقدرته بالصرف علي ولكني شعرت بهالشي و راعيته .. و تعودت كلله اروح ايام التخفيضات و اماكن الدامج .. لدرجة اني خلاص ما قمت احب اشتري الا في هالايام ... و مع العيال و المصاريف اللي زادت .. الله رزقه الحمدلله بوظيفة اكبر و ما قام يقصر علي و لا يرض اشتري الا من الغا لي .. لكن انا عودت ... باختصار الموضوع موضوع تدبير و تقدير و مراعاة .. و في النهاية تعووويضض .. الله يرزقك من الخير و لا تقصر عليها و لا على روحك ... بالتوفيق |
ياخي وش 200 هذا شي عادي وكل البنات تقريبا كذا انا لما شفتك كاتب ماركات فهمت انها تصرف الالاف على لبسها واغراضها اذا الدعوة 200 الحمدلله مقدور عليها وعطها جوها اذا انت مقتدر ولا تحرمها لان هذا شي عادي تماما واغلب البنات يحبون يلبسون الزين واذا هي جامعية بكرا تتوظف وتصرف على نفسها وتساعدك بعد..
|
ماشاء الله لاقوة الابالله
الله يهنيك مع زوجك دنيا وآخره اختي روح الغالي وعسى زوجتك تكون مثلها اخوي رحال بس عاد الله الله بالبنت هي واهلها شارينك عزها وعز اهلها والله يسخرك لها ويسخرها لك ويهنيكم دنيا وآخره ويرزقكم بالابناء البارين اللهم آمين |
رحال1 الله يسعدك موفق ان شاء الله لا داعي للقلق
عادي جدا تشتري من الماركات في وقت التخفيض والافضل حتى ما تتعب معها من الان خصص لها مصروف شهري وهي تشتري مايلزمها سواء ماركه او غير ماركه ! هي تدبر امورها
|
السلام عليكم ورحمة الله
اشوف من الافضل انك تقعد معاها قعدة جادة وتخبرها كم راتبك ان هي كانت اهتماماتها بيك كشخص اكثر من اهتمامها بقيمة راتبك اكد لها انك ماراح تقصر فطلباتها لكن فحدود راتبك واللي الله يقدرك عليه ولا تحرجها واعطيها الوقت الكافي للتفكير بكذا اخوي تكون برات ذمتك ودخلت معاها على وضوح ان الوضع ناسبها بها ونعمة وان الوضع ما ناسبها تكون اتضخت الصورة وذكرها ان اغلب الناس ما ابتدت حياتها ميسورة الارزاق من عند الله وانشاء الله الله يرزقكم كل حلال طيب ووالله العظيم يا اخي الكريم في بنات معرفة شخصية كانو ما يشتروا قطعة او ثنتين بل بالثلاث والاربع وفجميع الالوان وكله ماركات غالية مو اي شئ وبعد الزواج والله العظيم صاروا يشتروا على قدهم وبمعنى ادق على قدر ميزانية الزوج المسموح بيها وبعض الفتيات تكون واعية لان اوضاعه المادية ومشترياتها ومصروفاتها راح تتغير عن اللي كانت معتادة عليه فبيت ابوها فبعض الامور اللي بتكون من الكماليات تقدر تستغنى عنها الوحدة وتدخرها فبيتها واستقراره وتحسين اوضاعهم لكن اكرر عليك اخي الكريم من الافضل انك تصارح خطيبتك وتستشف وجهة نظرها |
الله يطول في اعمار كل من داعالي ووقف معي وعطاني ملاحظته
مشكورين صراحة لكم تحياتي |
صدقني بتروح فيها
الماركات تطلع عليك اللبسة الواحدة بأكثر من 1000ريال والمشكلة شكله شين لكن الأسعار نار |
ما أدري عن وضعك ، لكن من رأيي إنك تفتح لها حساب و شهريا تحول لها مبلغ معين يناسب وضعك ، و هي تصرف منه من بطاقتها و ساعتها إذا خلص المبلغ ، بتصير تعرف قيمة الريال و بتحاسب بالشراء و بتقتصد ، و لو قالت خلص رصيدي قل لها إن وراك إلتزامات ثانية و إن يمكن يكون صعب عليك تزيدها ..... طبعا هنا اتكلم عن مصاريف السوق
لكن مصاريف مستشفيات و البيت و هالأشياء الثانية مو حلوة أبدا هي اللي تحاسب أكيد أنت حتى لو المسألة تخصها لكن الهدف من فتح حساب خاص لها ، هو لضبطها خلال التسوق فقط |
فعلا أخي الكريم
المصارحة مهمة بين الزوجين وصدقني ستجد زوجتك تعينك ... مجرب فقط أحط زوجتك بهمومك حتى همومك المالية وستجدها ستساعدك ... ومن المهم أيضا قبل أن تخرج مثلا لشراء شيء معين أن تحدد لها مثلا مقدار المال الذي تستطيع أن تدفعه لهذا الأمر فعلى سبيل المثال لو دعتك مثلا لعمل تسريحة الشعر عند كوفيرا معينة ولا تستطيع أن تدفع لها مثلا 500 ريال فمن الممكن أن تقول لها بأنني أستطيع فقط أن ادفع 300 مثلا أو لا أستطيع حقيقة أن أدفع مبلغ الكوفيرا كلا الأمرين راجع لك المهم أن تحيطها علما بما تستطيعه وما لا تستطيعه وصدقني ستساعدك حتما في ذلك و أنا متأكد ومن الممكن أحيانا أن تجعل بعض الأمور من مصروفها الشخصي وبعض منها من مصروفك المهم أنت من يستطيع أن يقدر مثل هذه الأمور لكن بشكل عام المرأة متفهمة ربما ستجد بعض الصعوبات في البداية لكن ستزول بسهولة فالمرأة إذا أحبت زوجها تفهمت وضعه بل وساعدته وفقك الله |
تكثر الطلبات لكن الميزانية لا تساعد
هذي مشكلة شبابنا حالياً الله يوفق الجميع |
| الساعة الآن 07:54 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©