|
ذنبي أنني موظفة
أثناء فترة الخطوبة كان خطيبي ينفق علي بمبلغ معقول أقضي فيه حوائجي ومطالبي
أما الآن وبعد أن تزوجنا وتوظفت لم يعد قادراً أن ينفق حتى المبلغ الزهيد حتى وجبة العشاء أنا التي أقوم بالتكفل بها علماً بأننا لا نخرج نهائياً إلى أي مطعم أو نزهة حتى لو بشكل شهري عندما طلبت منه مبلغ لشراء شيئ قال بأن ليس لديه المال الكافي وتحجج بأنني أنفق مبالغ كبيرة على ملابسي واكسسواراتي ولا أدخدر شيئاً وعندما سألته عن مصروفي الشهر قال بأنني تنازلت عنه منذ زمن وهو غير مستعد لأن يدفع لي إلا إذا كان سلف . وصلت به إلى تعامله معي بالسلف . علماً بأن راتبه معقول ودائماً يتحجج بأنه يدخر المال لبناء المنزل . ويريد أن أشاركه في قرض لبناء منزل ولم أعارضه أبداً. أليس من حقي أن ينفق علي ولو بمبلغ زهيد كي أشعر بأن هناك من يقف بجانبي أليس من حقي أن يقدم لي هدية ولو لمرة واحدة في حياته أليس من حقي الاستمتاع براتبي دون رقيب أو حسيب هذا ولم أنجب منه حتى الآن لا أعلم ماذ سنصير عليه من حال بعد ذلك . علماً بأنني تنازلت عن أشياء كثيرة مهمة في الحياة الزوجية ومن أهمها عدم الاستمتاع الزوجي |
الله يصلح احوالكم
اختي صحيح الوحده منا تحب مابين فتره والثانيه يهديها زوجها بس يمكن زوجك مايعرف وش معنى الهديه بالنسبه للمرأه كلميه باسوب فيه محبه وتودد منك ويكون في وقت مناسب هذا بالنسبه للهدايا اما بالنسبه للمصروف انا معاك ان الوحده تحب ان الزوج يشتريلها أو يعطيها مبلغ بين كل فتره والثانيه بس مادامك تقولين ان زوجك قاعد يبني فراعي ظروفه هو مو يبني بيت لكم انتم الاثنين وان شاء الله لاولادكم فهو ان شاء الله مو قاعد يصرفه على نفسه والا على سفرات لحاله مع اصحابه وبالنسبه لتنازلك عن الاستمتاع الزوجي فاسمحيلي اختي اقولك انك تنازلتي عن حقك كزوجه وهذا اهم من كل ما ذكرتيه حبيبتي صارحي زوجك بكل الي في خاطرك لا تبقين شي اي شي بخاطرك طلعيه والله بترتاحين بس اهم شي اختاري الوقت المناسب يعني ما يكون تعبان وفيه النوم او جوعان او وقت الوجبات اختاري وقت يكون فيه مرتاح نفسيا وجسديا والله يجعل زوجك قرة عين لك ويجعلك قرة عين لزوجك |
يا احتى مالذى يبقيك فى زواج ليس فيه لانفقه ولا استمتاع ؟؟؟؟؟؟؟؟؟؟؟
ماحكمه الزواج اذا؟؟؟؟؟؟؟؟؟؟؟ قفى مع زوجك هذا وقفه والا فانفصلى عنه فانت غير متزوجه اصلا "الرجال قوامون على النساء بما فضل الله بعضهم على بعض وبما انفقوا من اموالهم" الله يصلح حالك استعينى بالله ولا تعجزى |
عزيزتي بادري انت بالهدايا من قدم السبت لقى الاحد
واذاكان فعلا لديه مشروع بناء بيت اوقفي بجانبه فالمعروف لا يضيع ابدا والله يوفقك |
|
لا تخلي المال يوقف بينكم .. أنتم زوجين يعني واحد ..
|
افضل شئ الحوار والتفاهم واتفقوا على كل شئ ..
لاتخلي الماديات اهم شئ في حياتكم لا ساعدوا بعض عيشوا روح وحدة ولاتضيعي عمرك وانت مااستمتعتي بحياتك ؟؟؟ اتمنى لك السعادة |
اختي الكريمة مادام زوجك في طور بناء بيت او التحضير لذلك فاعذريه
مادام انتي موظفة اصرفي على نفسك ما انت محتاجة لمصروف من زوجك الا لربما في ما يتعلق بالبيت اما مسالة السلف بين الازواج غريبة شوي بس حاولي تتجنبيها لاجل لاتنشرخ العلاقة بينكم على اشياء يقدر الواحد يتفاداها (يعني حاولي تتجنبي التصرفات اللي راح تخلي تعاملكم كانكم اغراب ) |
خلى با لك وسيع ولا تخلين الشيطان يدخل بينكم
والصبر مفتاح الفرج |
[b] ويريد أن أشاركه في قرض لبناء منزل ولم أعارضه أبداً.[/b]
نصيحتي لك انك ماتحاولين تاخذين قرض من اجله كيف تثقين في انسان يقول اسلفك اذا تبين سلف وين جالسين حنا في هوليود المفروض انه هوالي يصرف عليك انا عندي بنت عمي مدرسة وتزوجت من رجال قريب من العائله وحالتها زي حالتك بالضبط تدرين بعد ما اخذت قرض ب270000الف ريال من البنك واعطته الفلوس على اساس انه جالس يبني بيت لهم على كلامه تدرين وش حصل ؟ الحين طلقها ومعاملتها في المحاكم وطالبناه بالفلوس وقال ضاعت في الاسهم عشان كذا انتبهي لا يصير فيك ماصار في قريبتي اشك في صدقه مادام قال سلف ؟؟؟؟ انا لو اعرس على موظفه ما ابي راتبها لكن مافيه مشكلة ان الزوجين يتعاونان على الحياة ويكافحان سويا لكن انه يتنزل ويقول سلف ؟؟؟اااه يالقهر شكله بياخذ القرض من هنا ويحط رجله مادام ماجاله اطفال بيتشجع انتبهي وفكري حبة حبة حبة قبل لاتتسرعين في شي تندمين عليه انا اسف على كلامي هذا لكن من قهري من سالفت بنت عمي الا نفس سالفتك بس الفرق انها اخذت قرض وطلقها وتوهقت الله لايوفقه انا ما اقولك هالموضوع انه يعني خلاص لاتسلفينه بس فكري جيدا يابخت من بكاني ولاضحك الناس فيني اسف على الاطالة بس فكري في الابعاد والمستقبل جيدا والله يوفقك اخووووك الاسطورة351 |
والله ماادري وش اقولك غير الله يعينك وييسرلك امرك ........
|
السلام عليكم ورحمة الله وبركاته..ن في البن
اسمحي لي اصارحك انتي الي تنازلتي عن حقوقك.. كان المفروض من اول يوم زواج تعرفين حقونش و لا تتنازلي مهم كلف الامر.. بنسبة للمصرووووف ملزوووووووووووم يصرف عليش النفقة على الرجل ولا تساعدي في البناء مب ملزمة .. بصراحة ريال يسلف مرته في النفقة ما ينعاش معه .. يعني مب اهل لتحمل المسئولية .. لو عندكم ابناء شنو بيسوي ..؟؟؟ الله يعينك ويسهل امرك |
حقيقة انني ارى الامور من ناحية اخرى فانا وزوجي موظفين..ومصروفنا يا دوب يكفي للبيت ولنا معا..يعني المراة تراعي ظروف زوجها..ثم انتي تصرفي كل مصروفك على نفسك يعني مش محرومه
هناك نساء لا تعمل وتحلم بمبلغ بسيط لها ولو مرة في السنه..بس ظروف الزوج لاتسمح او انه بخيل لكن... هذا لا يعني انه يقرضك المال اذا احتجتيه حقا ومن حقك ان تطالبي بهدايا لاني اعلم انها تسعد الزوجه جدا جدا بل وتفتح النفس للحياة |
اقتباس:
أنا مع الأخت زهرة التوس أختي الرجال على ماعودتيه إذا الرجال تعود على الشيء من الصعب تغييره والأهم من هذا كيف تتنازلين عن أهم حقوقك وهو النفقة((حتى وجبة العشاء أنا التي أقوم بالتكفل بها )) والاستمتاع الزوجي ومن ناحية القرض ماأنصحك<<أحس خايفة لا يصير معك مثل ماصار مع قريبة الأسطورة351 صحيح حلو أن الزوجة تساعد زوجها بس زوجك!!!!!!!...... أسمحي لي ماتدرين وش بيصير بكرة لا قدر الله مشاكل الله يبعدك عنها زوجك من أولها يقولك سلف..... عاد هذه أول مره أسمعها زوج يسلف زوجته عذرا على الإطاله ماأقول إلا الله يعينك ويصلح زوجك |
| الساعة الآن 12:01 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©