مااشوفه كثير
 

مشكلتي ان زوجي عنده دوامين يطلع من الصباح ومايرجع الا الساعة 3 ونص او اربع
نتغدى مع اهله وعلى طول نطلع لبيتنا عشان ينام ويرتاح
ودوامه الثاني يطلع من البيت الساعه 6 الا ربع ومايرجع الا الساعه 11 او احيانا يتأخر الى 12 او 1 اذا كان يبي يروح للاستراحة عند اصدقائه ويجي تعبان وجوعان بس يبي ياكل وينام

احنا بيتنا طابقين امه وابوه واخته تحت واحنا بالطابق الثاني
فلما يروح الصباح لدوامه ارتب انا البيت وانام الى الساعة 11 او 11ونص ولما اصحى انزل عند خالتي (ام زوجي) عشان نبدأبتحضير الغدا ونقعد الين يجي زوجي نتغدى بعدين نطلع فوق ينام ولما يروح للدوام الثاني اقعد اذاكر واحوس بالبيت او انزل عند اهله
الزبدة : اني مااشوف زوجي كثير واحيانا مااشوفه الا وقت النوم
ودي ان يوم نتغدى سوا او نتعشى سوا نقعد مع بعض نسولف
ودي اقوله بس اخاف يزعل مني انا عارفة انه موقاعد يلعب بالعكس اشوف انه يتعب واقدر هالشي بس انا والله احس اني مشتاقه له
مرة جربت وقلتله اني مشتاقتله ومن زمان ماقعدنا سولفنا مع بعض
قاللي: حسستيني اني مقصر بحقك وانا والله مو بيدي انا قاعد اتعب واشتغل عشان مانحتاج احد وعشان اجيبلك كل اللي تتمنيه


عشان كذا انا ماابغى اقوله عشان ماابغى احسسه انه مقصر معي

وش اسوي علموني

حبيبتي اذا السالفه شغل معليه اتحمليلك شوي

و خلي الويكند اطلعي انتي وياه يوم و خلي الثاني له


و حكاية السهر

قوليله لا تسهر ددايم عشان نقعد مع بعض و قوليله انه انت مومقصر بس انا اشتاقلك



ايش يقولون اللي رجالهم يغيبون عشان يسهرون ؟؟؟!!!!!

احمدي الله يالغلا

والله اتحملت بس احس اني اشتاقله
وانا مخلية يوم الجمعة لي بس حتى فهاليوم مايخلونه الناس كثير يدقون عليه عشان الشغل لان زوجي يعرف ناس كثير وكل شوي يرن جواله
حاولت مرة قلتله يوم الجمعه حط الجوال صامت قالي مااقدر لان في عندي اتصالات مهمة

السلام عليكم ورحمه الله وبركاته

اختي الكريمة ما عليك الا ان تتحملي تعب زوجك وتعذريه فهو يتعب ويشقا من اجلك انتي اصبري واجرك على الله

ان شاء الله الله يصبرني
وان شاء الله ربي يرزقني بالذرية الصالحة عشان القى شي يسليني ويصبرني

هذي هي الحياة يا دلوعة الغلا

مو الكل مرتاح ومتهني طول اليوم

واذا شفتي وضعك ترى ماشاء الله والله يبارك لك ممتاز

الحمدلله زوجك عنده مسؤولية تجاهك وتجاه اهله يعني ان شاءالله مرضي ربه

اجل وش تقولين على الرجال اللي ما يهتمون بزوجاتهم او ما يهتمون ببيوتهم او اهاليهم

واهم شي نيته في الشغل يعني هو ما طلع مال من البيت

هو يطلع ويشتغل عشانك

ادعي له حبيبتي ان الله يسهل عليه ويوفقه

شوفيك دائما مشتاقه لزوجك

تلقينه حتى هو دائما مشتاقلك

ارسليله في دوامه ايميلات حلوه

مو تقولين انك ودك تجلسين معاه

بس تبينين له غلاه عندك

ووقت الاجازه اطلبي منه تمشيه حلوه على قدر استطاعته

اختي تأقلمي مع الوضع الي انتي عايشه فيه

وعيشي حلاوته

ترا مو كل الي ازواجهم فاضين ماعندهم اشغال مبسوطين

والله يسعدكم ويهنيكم ببعض دنيا وآخره

حبيبتي اذا كنتي تدرسي


فالصبح انتي بالجامعه او الكليه و اذا رجع جلستوا سوا

و اذا طلع حاولي تروحي عند اهلك مره

تطبخيله مره

تقرين كتاب

تتعلمينشيء

يعني اشغلي وقتك

و زي ما قالت وحده من الاخوات عبريله برساله او ايميل


و احمدي ربك دايما حبيبتي




تحياتي

حاولي انك تعزمية نهاية الاسبوع على العشاء أو الغداء ،،،

صحيح اني ادرس لكن مااداوم يعني بس بوقت الاختبارات اروح الجامعه
وبالنسبه للرسايل دايم ارسله وهو في دوامه

والمشكلة ان بيت اهلي بعيد عن بيتي يعني مو متى مابغيت رحت

سبق وقلت ان اجازته بس يوم الجمعه وانا يوم الجمعه مخصصته لي بس مافي فايدة شغله يلحقه حتى على التلفون اربع وعشرين ساعه جواله يرن

دايم احسسه اني مقدره تعبه وهو يدري بهالشي


ربي يحفظه ويوفقه

اختي الكريمة والله حالك من حالي بس يمكن انا اكتر والله مرات اقعد ابكي لاني تعبت من هالحالة بس والله في نفس الوقت مقدر تعبه عشاني
واللي بختلف عنك اني مستقلة بعيدة عن اهله

طيب حاولي انك تخرجي معاه نهايه الاسبوع او في وقت اجازته

سبحان الله
اختي الكريمة
شوفي أنا مثل زوجك عندي دوامين وارجع البيت بس أتغدى وأنام وأرجع تاني للدوام بس صدقيني الانسان في هذه الظروف يدور الفرصة علشان يرتاح وزوجك يروح فيها الاستراحة مع اصدقائه السر يا أختي ان الانسان يدور على أكثر شي ممتع له ليقضي به وقته الضيق اذن الحل أنك تخلي وقته معك ممتع جدا بحيث هو اللي يحرص على أنه يجد وقت يريح عندك
كيف؟
هذا عاد شأن نسائي خاص انتن أدرى به واسألي الاخت أم جمانة
واذا كان معك وأتته اتصالات فلا تنزعجي منها المهم أنه معك ولا تكثري من التذمر والتشكي فهذا أكثر ما ينفر الازواج
وصدقيني كلها باذن الله مرحلة وتعدي ويأسس نفسه وتتحسن ظروف عمله
وسبحان الله بالمناسبة قبل كم يوم كنت أنا وزوجتي نتذكر ظروفنا في بداية الزواج ونتعجب كيف كانت الامور ماشية والحمدلله على كل حال
فصبر جميل اختي الكريمة وستقطفين باذن الله ثمار صبرك شهدا مصفى
وفقك الله وأعانك

مشكور اخوي لمرورك بس زوجي مودايم يروح الاستراحة بالعكس بفضل انه اذا رجع من دوامه يرجع البيت
بس يرجع مرة تعبان يتعشى وينام
بالعكس مايروح للاستراحة مرة حرام والله

الله يوفقك ان شاء الله
والظاهر مالنا الا الصبر
الله يوفقهم ويرزقهم ان شاء الله كل تعبهم هذا عشاننا وعشان عيالنا بالمستقبل

الله يصبرك ويصبرني

ويوفق ازواجنا يارب