|
نصيحه لكل راجل (قدع) مقبل على الزواج
نصايح خاصه للرجال فقط........ 1-قبل ماتفكر بالبنت وتخطبها فكر في اهلها وخاصة الام أسال عنها كثير لان البنت راح تكون طبق الاصل من امها. 2-ابتعد عن زواج الاقارب تراه وجع راس. 3-لاتفكر ان البنت راح تفهم ماذا تريد منها يعني لاتفكر بالتفاهم والحب الصادق يعني لاتكون على نياتك وطاير بالعجه .أركد واتوقع توصل لمرحلة التفاهم بعد سنين. 4-لاتفكر ان الزواج شئ بسيط يعني عليك حقوق وواجبات لازم تتلتزم بها. 5-المشاكل اذا صارت بينكم (الله يكفينا شرها) حلها بسرعه وبهدوء .ولا تتدخل ابن امه فيها. 6- ماراح تفهم المرأه يعني ريح بالك من الحين. |
اقتباس:
بس ماوافقك على هالنقطه ومو كل شي نفسه الله ييسرلنا الحياه الصالحه :) |
عزيزي
مو معقول تقول : اقتباس:
بحكم إنك جاي تنصح يعني لازم يكون كلامك اكثر وضوح ^ ^ |
شكلك طالع من تجربة مش ولابد !
كلامك نسبة صحته متفاوتة ، و المسألة توافيق الله يسمح أمر الجميع |
أول شي مساء الخير ثاني شي ليش متشااااااااااااائم للدرجة هذي ومن قال لك انه مافيه تفاهم ومافيه حب بس تقدر تقول انه في حالات حب نادرة هاليومين هاذي والسبب العناد وكلن يقول كلامي مايتكسر وكل واحد من الزوجين مايرضى يرضي الثاني اذا كان زعلان واشياء كثييييييييييييييييرة والله تلقاها تافهة بس حنا نسوي من الحبة قبة وياكثرهم اللي يقولون طنشها وبتركض وراك والا طنشيه وبيركض وراك وكله مو صحيح يا أخي الكريم انا مريت بتجربة قاسية جدا ولم اقصر ابدا وهناك غيري الكثيرات ولكن تجد الرجل الصح مع المرأة الغلط والعكس صحيح ولله حكمة في ذلك بإمكانك ان تقرأ موضوعي وتعطيني رأيك فهو يهمني كثيرا http://www.66n.com/forums/showthread.php?t=151792 خصوصا وباين من كلامك انك تعيش بعيد كل البعد عن الحب وزوجتك تسمع كلام امها لكن صدقني اصابع ايديك مو زي بعض والرجال يختلفون والنساء يختلفن بس انت وسع صدرك وتفاءل وصغرها تصغر كبرها تكبر ولا تدقق على كل شي وفوت وخل بالك مرتاح من المشاكل ولا تعصب الله يسعدك قول آآآآآآآآآآمين تحياتي للجميع |
شكلك شاااااااارب من كاس الطلاق وذايق المر
أحسها فى كلاماتك وما الومك |
شكلك شاااااااارب من كاس الطلاق وذايق المرررر
أحسها فى كلاماتك وما الومك ونصايحك هى نصايحي لكل متزوج تحياتى لكل المطلقين |
اقتباس:
تحياتي لكم جميعا والله حالكم يكسر الخاطر ومحد راضي على حاله مو مشكلة اول شي خل الطلاق آخر الحلول ثاني شي لو مانفعت كل الحلول وطلقت تزوج مرة ثانية وجرب حظك بس في جميع الاحوال خلك وسييييييييييييع صدر الله يسعدكم قولوا آآآآمين ويجبر بخاطري قولوا آآآآآآآمين تحياتي لكم |
أنا معاك أخوي في بعض كلامك ولو انو مو موجه للنساء بس اسمحلي ارد عليك ... بالنسبة لزواج الأقارب أنا معاك ميه بالميه احتمال يكون مشاكل .. طلاق ... تسوء العلاقات بين العيلتين ... لكن البنت مو شرط طبق الأصل عن الأم .. ياما أمهات حبوبات وبناتهم وش طول ألسنتهم والعكس صحيح ... وتعقيبا على بعض الردود ( بعد اذن كاتب الموضوع ) مهما كان حال الرجال أحسن من حال البنت الضعيفة المسيكينة .... إذا تأخرت وما تزوجت ... قالوا كبيرة ما تنفع عاااااااااااااااااااااانس لكن الرجال إذا صار كبير هذا الزين ..... إذا تطلقت تحمل لقب مطلقة وتعال شف من يآخذها إلا من رحم ربي .( أعرف وحده مطلقة ومعاها طفله وما تجاوزت 25 تزوجت وخذت شاب كل قال ماشاء الله مآخذه واحد ما تزوج من قبل .... تدرون وش صار ....؟؟؟ مرييييض يوم يشتغل وعشرة لا ... حالته المادية مو مرة ... ولا يكافئ أهلها ماديا ولا اجتماعيا ... )... المطلق إذا قالوا له خذ بنت فلان ... سأل عن عمره واذا تعدت 25 كبيرة وبقية الشروط انتم عارفينها ..... إذا مطلقة أو أرمله ومعاها أطفال ... الأمل في انها تتزوج ضعيف وان تزوجت تعاني الويلات من شروطه بالنسبة لأطفالها لكن لو هو مطلق أو أرمل ومعاه أطفال .... بعد الشروط المعتادة ... مربية لأطفاله .... لأنه عارف ان ردته وحده استقبله عشرة بدالها ................................ لكن ما أقول إلا الله يرزقنا ويستر علينا ... البنات يرحمون صدق
|
888
وقودي أمل قسم بالله جبتي لي الغلقة من كلامك ! الله يعيييييييييييييييييين بس |
8888888
حبيبتي دي روم ( مالي نفس أغير اللغة ) بسم الله عليك من الغلقة وضيقة الصدر ... ليش جاتك غلقة لا والمشكلة أنا السبب ..... والله لو ما شفت الكلام اللي أنا كاتبته على أرض الواقع كان ما تفلسفت وكتبت ... لكن الله يكون في عوننا يالبنات .... ويخلف علينا برجال يعرفون قدرنا يارب |
كلامك جواهر
وخاصه النقطه الاخيرة |
اوافق اسأل مجرب في آخر نقطة
لكن المرأة تحب اللي يفهمها ,,, طيب وين المشكلة سوي نفسك فهمتها :d .....[blink][/blink] |
شكرا على المرور لجميع من تفضل بالمرور والتعليق.....
حائر ومتفائل معصوب بالقشطة de rom دلعته وطلقني يـاشين العزوبيه وقودي أمل تتنهام وبس كفاك غرور وصدقوني انا مريت بتجربة وهذا اللى طلع براسي منها نصايح:eek: ...انا مااعمم تجربتى وقناعاتي يعني لكل تجربه ظروفها واسبابها .......... الله يوفقكم احبائي وصدقوني اصدق شي قيل عن الزواج او الطلاق انه (قسمه ونصيييييييييب):25: |
| الساعة الآن 09:16 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©