|
قهرني زوجي بتصرفه ..
والله ياعالمي الحبيب
اني من شدة القهر :mad:مادري ايش اسوي ابكي شويه واسكت واتعوذ وادعي ربي بالرحمه ... صار لي موقف :29:ومحتاره كيف اتصرف تفكيري :rolleyes:بس اني اروح لأهلي وارجع اقول لا خليكي في بيتك بلاش فضايح لأنو زمان كنت دايم على بيت اهلي :25: ايش اللي صار ؟؟ زي مانتوا عرفين زوجي متزوج علي (حسبي الله على اللي زوجوه وشجعوه ان شاء الله يذوقوا المر ) بما انو بيوتنا قريبه من بعض بيننا باب فاصل فيمر علينا بين كل لحظه واخرى وفي ليلتي اهتم فيه وبعشاه ووو واحيانا ما ادقق اذا طلع معاها مشوار في ليلتي وهذا نادر الحدوث بس اليوم ماشافناه مررررره واولاده يسألوا عنه وبالذات الصغيره متعلقه فيه اذن المغرب العشا لاحس ولاخبر ..سويت كابتشينوا حلى بخرت البيت اتزينت البنت الصغيره اصرت الا اتصل بأبوها كلمته انا بمزح ياهووووووه مختفي :d ماشفناك ؟ قال انا عند رجال جا الساعه 10 ومعاه بنته:15: من نبر 2 وشكلها نشيطه وفرحانه عرفت انهم خرجوا في ليلتي كمان... وعاتبته طيب واحنا وأولادك مذاكرتهم ...جلستك معاهم... مو كفايه غايب عنهم امس يوم كامل !!!!!! طيب اليوم اجلس معاهم يبغوا يشوفوك قبل يناموا...!!!!! اقلها خذ بنتك الصغيره مع اختها ( عشان عرف انو عملته سوده مااخذها بيخلي الموضوع سكات بس فضحته بحاستي السادسه ):11: والله اني قمت وطرطعت ورحت غرفتي ولاشعوريا اردد قدامه هو واولاده الله ياخذك عمرك وانا كرهتك كرهتك كرهتك وهذا الشي اول مره اقوله :( حسيت اني باموووووت من القهررررر :29::16: وخرج من عندي وراح اتعشى عندها وقلت احسن بعد ......:mad: وراح برى عند اصحابه ورجع ومسوي فيها زعلان الأخ ...... ويردد نفس كلامي بزعل ( انت ماتجلس عندنا انت انت ....) بدل مايدخل بشي زين بيده ويراضيني صار هو اللي زعلان بجد انا فكرت اروح لأهلي الصبح وارجع الساعه 10 زيه:18: بس همي الاولاد يحزنو مرررررره متعلقين فيني ولا نامو بس يفكروا فينا ويدخلوا ويطلعوا مانامو الا الساعه2 من القلق ياربييييييي والله شي يقهر ........ ادعولي ربي يسهلها علي ..... تم تعديل العنوان ليكون بالفصحى .. |
×.. السلام عليكم ..× بــ جد مو عدل اللي قاعد يعمل فيه زوجك ... أنا مش قصدي أحرضك عليهـ أو شي بس من الموضوع مبين إنو مو عادل و المفروض يعدل بين زوجاته ... و بعدين ما تفكري تروحي عند أهلك .. حرام الأولاد بيزعلو و بيتضايقو الله يسهل عليكِ Salam حورية لبنان |
ايوا شاطره انتي كل ماتعصبي هي تكسبه زياده ويشوفك انتي النكديه وراعيه مشاكل
شوفي بختصار ادري انك ميته قهر ودك تشققين ثيابك و و و و الخ بس اوكى لو تفكرين بذكاء مراح يفيدك الى الخسران وربي بتزودينها شوى بتروحين عند اهلك وهى راح تكسبه كله لها وبيكون لها لوحدها وانتى الخسرانه شوفي اهم نقاط تهتمين فيها 1- انسى شي اسمه عتاب حتى لو غلط فيك خليك اسكتي لاتعاتبين لانه بعد فتره بيرجع يعرف غلطه وبينه وبين نفسه بيرجعلك وبعدين انتى قلتيها بنفسك نادر يسويها اجل حلوو مافي داعي تنقهرين او تبينين له شي 2- اول مايدخل لازم تسوين له جو ضحك وناسه ولعب مع العيال خلية ينسى نفسه وانتبهي تعاتبين ابدا اسكتى لو ميته قهر جننينه وريه انك منتي مباليه فيه ولا بحركاته واذا جاء حسسيه انك بحاجته حسسيه بحاجتك له لامان لكل شي وقتها راحت تشوفين الفرق <<<<<<<:30: كيدنا عظيم |
يا حبيبتى الله يعينك واعلمي أختى أن الحياة لا تهنأ و الراحة فى الجنة و مع أزواج الجنة ربي يقدرنا و يعطينا الهمة العالية لنصل لها
|
ربي يسهل امورك ويبعد عنك جميع الهموم ويجعل حياتك سعاده في سعاده
|
يا حبيبتي انتي لا تحطينه في بالك و ما يصير الا الخير يعني لمن يطلع معاها في ليلتك او ما يجيكي الا متاخر
خليكي عادي مرررررره اضغطي على نفسك مو مشكله و قوليله هلا والله ان شاء الله مبسوط مستانس و من هالكلام يعني لا تبينيله انك زعلانه او شيء و لا انه انتي منتظرته في بعض الرجال يحبوا يقهروا الحريم و الله بالذات اذا عرفوا انه زوجتهم مرتبطه فيهم او منتظرته يخلوها عادي و اخرتها الطاوله تنقلب علينا !!!!!!! انتي الحين لا تكبرين السالفه و لا جاكم مره ثانيه خليكي عادي جدا الله يهديه ان شاء الله و يبعد اذى نمبر 2 عنكم امين |
اقتباس:
شوفي عزيزتي انا من النوع الهاديء وبنفس الوقت صريحه ومشكلتي ماعرف امثل واكذب واسوي نفسي مبسوطه واكتم في نفسي مااااااقدر تلاقيني على طول مواجهه ...... ريحتيني بكلامك الله يوفقك ..... |
اقتباس:
عشان ماتصير في ليلتي شاكره مرورك ودعواتك الحلوه |
اقتباس:
آآآآآآآمين يارب انا اقول يابنت السعاده في الجنه بس احيانا الواحد يخرج عن طوره وينسى نفسه اسعدني تواجدك اقتباس:
اقتباس:
انا احيانا لما اعرف انه مع اصحابه يهون علي واقوله نفس كلامك وارحب فيه بس ياعمري كان مقضي ليلتي عن الطبينه :16: واللي مزعلني الحين انو هو مسوي فيها زعلان |
و يخليكي يا رب ( عندي واحد الله يخليه)
ادري حبيبتي انها صعبه بس انتي خليكي عااااااااااديو جربي مره انك تطلعي في ليلتها لو العصر تتمشي انتي وهو بس تجربه و ما دام هو مسوي زعلان ( قلب عليكي الطاوله) راضيه و مشيها هالمره |
انا راى مع راى البنفسج لكن عندى سوال وليس لكى فقط ولكن للنساء هى الدنيا تستاهل اننا ننكد على نفسنا ليه لا تتمتعى بيها بدون معاصى افرحى يااختى وحاولى تخلى بيتك جنه فيه الفرح والسعاده اضحكى من قلبك ولا تعطى ل الثانيه فرصه لتنكد عليكى خرج ويها اخرجى انتى تانى يوم معه باى حجه مشرط تقولى له نتنزه قولى محتاجه اشترى اى شى اخترعى يعنى وبعدين اسحبيه لخروجه حلوه اكيد هى الاخرى هتنقر وهتفكر اقبل متقول تخرج فى ليلتك لانك هتخرجى معاه تانى يوم ده اذا كانت شريره وهى بتفكر ازى تخرب على ليلتككونى انصح منها شئ ثانى ابغى اقوله لكل النساء نحن لسنا خلقنا من اجل الرجال فقط نعم فى اشياء جميله حاوليكى انظرى اليهاشبابك اهتمى فيه حتى لو عندك 100 سنه وهموم الدنيا انا اقول لكى كونى معتدله المزاج حتى لا تاثرى على اولادك ويعيشوا فى نكد
|
عورتي قلبي يالغالية .. مادري ليش يتزوجون اذا هم مايقدرون يعدلون ..
الله يعينك حبيبتي.. |
تدرين ليه لاني نفس طبعك انقهر بسرعه وما اقدر ابين اني مبسوطه لوميته قهر ما
اقدر امثل لكن مع الوقت وشفت الى حوالي نفس طبعي عندهم كرامه ومايقدرون يمثلون انخربت بيوتهم وفضلوا الاطراف الثانيه الي تمثل وتتصنع لكن الي اقصده من كلامي فكري بشويه ذكاء وش راح يفيدنا طيب انقهرنا وتقطعنا وبكينا طيب وش يفيد (القهر) بطقاق طقي راسك بالجدار دام عنده البديل لاتفتكرين يجي يراضيك واذا سواها اول مره وجاء وراضاك المره الثانيه مراح يراضيك وراح ينضر لك نضره نكد وانك نكديه وصاحبه المشاكل وهذيك تسوي له جو وناسه وش بيكون مصيرك بنكد طوال الوقت او انك تروحين بيت اهلك ويكون لها بالكامل انا اعرف اخت زوجه اخوي كذا توها صغيره تزوجت متزوج والله ثم والله ماكملت السنه الى وهو مطلق الاولى مع انها بنت عمه وماخذها عن حب تدرين ليه لان هذة الثانيه الى ماخذها ابدا ماعندها كرامه كرامتها ذي ناسيتها في بيت اهلها ماغير تضحك اوتنبسط معاه ومن يشوفها الى مبتسمه وعامله له جو بالبيت اما الاولى حست ان كرامتها انداست وانها انهانت و و و وشوفي بنهايه قاطها في بيت اهلها وتعرفين شعور الوحده ترجع بيت اهلها جميع انواع المذله وعياله متشتتين بينهم وهي الخسرانه بنهايه غبيه عطته اياها جاهز مجهز على الاخر على (طبق من ذهب ) فانتي فكري بطريقه ذكيه خلي بيتك مصدر لسعاده للمرح للوناسه انبسطي خلي جو بيتك اول مايدخل كله شياكه وعطور وسوي له احلى الاكلات تميزي خليك مميزه سوي اشياء بعمره ماشافها الا عندك تعرفين الفندق خلك فندق 5 نجوم لانه يجي يوم ويروح كيف الشعور لمن واحد فينا يروح فندق 5 نجوم خدمه 100 على 100 تطلعين وانتي نفسيتك جنان من هالفندق ودك ترجعين له انتى خلك كذا تكشخي خليه حتى لو مثلا يوم من الايام جا بالغلط عندك كان يبي شي من البيت وكان اليوم مو يومك وكان يبي شي من البيت خليه يشوفك بكامل شياكتك بين له انك ماتكشخين علشانه بيني له انك مستمتعه بحياتك معاه او بدونه خليه اذا جاء اليوم عندك نسيه نفسه خليه يضحك وينبسط اذهليه تعرفين معنى انك تذهلينه خلك دايم بجو حلو مع الاولاد خليه يحس انه مصدر بيتك قائم على الوناسه والحب واهم شي وبنفس الوقت حسسيه انكم ضعيفين تبون الامان تبونه بجنبكم واذا طلع من البيت خليه يحس انة :بيطلع غصبن عنه مايبي يتركم لوحدكم علقي الاولاد فيه بزياده لاتقولين له اجلس عندنا لكن حسسيه فقط بالنضرات انك بتحزنون لو طلع تعرفين الرجال عاد لمن يحسون المراءة ضعيفه مرررره ومحتاجته يحنون عليها وعاد وانتي وشطاراتك <<<<<<كيد النساء:30: بتجي فتره بسيطه الا وهو نادم انه اخذ الثانيه :22:ادري بتقلون بنفسج تخربين على الثانيه احسن من قالها تبني سعادتها على تعاسه غيرها :16: لا وبعد تاخذ يومها ويوم غيرها وش الاجرام هذا حتى لو هو معها ومطاوعها المفروض تعرف حقوق رب العالمين حرام عليها تاخذ يومها ويوم غيرها يعني موكفايه اخذت وجها منها لا وتخطط تاخذه كله لها والله شي يقهر |
اقتباس:
بالعكس ابدا ابداااااااااا لاتواجهينه قوليله حبيبي انا ابي الى يبسطك ويسعدك مو مهم انا او لاتجيبين له طاري ابداا لاتعاتبينه خلك مثاليه خليه هو يستحقر نفسه لمن يطلع معاها خليه يقول كيف اليوم مو يومها هذه واطلع معاها انتى اسكتي ابدا ولاتذكرينه خليه هو بنفسه يحس انه سخيف وظالم وكل مايشوفك خليك دايم مبتسمه ومبسوطه ولا كأن شي هامك باختصار الغي الاحساس انك انتي واجب بالنسبه له وهو لازم يؤديه خليه يحس انك شي ممتع مو واجب ولازم يؤديه اختي ترا مو حلو الاحساس انك تؤدين واجب فهمتي علي حسسيه انك متعه مش واجب لازم وغصبن عليه يؤديه انا اقولك مثلا يوم كنا ايام الدراسه كيف يكون شعورك لمن تؤدين واجب مدرسي ودك تشققين الدفاتر من كثر الواجبات ودك تروحين تشوفين افلام الكرتون ودك تطلعين تنبسطين اما الواجب المدرسي ماهي الاوسيله لنجاح ونيل الشهادات لكن بدون حب ومتعه لكن هنا في محل زوجك مو مضطر انه يؤدي واجبك لنهايه حياته.. لانه ممكن يطفش ويشوف نفسه ان الحمل زاد عليه وموقادر.. يقول خليني احسن على وحده وش لي بالهم والغم انا مش ملزوم خلاص تعبت بيلقى لنفسه اعذار فهتمي ؟؟؟ فاتني لاتخلينه يحس انك واجب اعكسي الايه خليه يحس انها هي دخيله عليه وانها بلشه وابتلش فيها :29: ادري بتقلون بنفسج شريره:30: بس والله تستاهل انقهر من طبع بعض البنات يتزوجون متزوج لا وبعد ماتحمد ربها الا تفكر تاخذه لها وتخرب على الثانيه لية لية الظلم |
اختي سابرينا الي اغضب زوجك منك
رفع صوتك الدعاء عليه ترديد كلمات الافضل لك لو مسكتي نفسك والله حبيبتي ما ألومك على زعلك شي يقهر انك مجهزه له كل شي وبعدين يكون طالع مع زوجته ( هذا اذا كان طالع) بس كان الافضل لك بانك تصرفتي كالتالي اول ما جاء قدمتيله كل الي جهزتيه له ومو لازم تشاركينه تستفسرين وتتأكدين هل كان مع زوجته الاخرى او لا تعاتبينه وتبينين انك زعلانه منه وانك ما رضيتيها عليها لانك ماترضينها على نفسك (هذا اذا كان طالع معاها) مو ممكن يكون صدق عند رجال والبنت كانت معاه لاي سبب آخر يعني يمكن مو لانه كان عندها بس من رايي انك ماتكبتين مشاعرك ابدا فضفضي عن نفسك بس المهم تكون فضفضه باسلوب مو بصراخ تبينين له حقك والي يكبت المشاعر السلبيه راح تنكبت عنده المشاعر الايجابيه مع الوقت يعني بيصير عندك تبلد وما يهمك لا هو ولا عياله وراح تكون نفسيتك زفت والله يسعدك ويهنيك دنيا وآخره |
اااااااااااااااااااااااااااااااااااااااااة يا القهر انا اوافق الاخت بنفسج قلبا وقالبا والله يلهمك الصبر والسلوان
|
اختي سابرينا الله يكون بعونك يارب
مع اني كنت نمبر 2 لكن العكس الظلم وقع علي انا المشكله صدقيني يااختي في الرجل نفسه ومن يتقي الله يجعل له مخرجا هم لو يخافوا الله ويضعوا العدل نصب اعينهم كان ماوقع ظلم لا على الأولى ولا الثانيه لكن الله يهديهم اما من ناحية تصرفك انا اقولك بحكم التجربه اخطيتي علما الخطأ اساسا خطأ زوجك لكن لما جا عندك استقبلتيه بأبتسامه واعصاب هاديه عالأخر وخليتي الجلسه ضحك وناسه بعد ماتقضوا لليلتكم واعطيتيه المهم عاتبيه عتاب محبين ومن هالكلام الحلو وبيني ان خروجه معاها في يومك وتركه لك واولادك عشان يطلع مع زوجته في غير ضروره هذا شي مايرضيك في يومها يسوي اللي يبي اما يومك لك ولأولادك انا والأولاد وش كثر نتظر جيتك ولهفتنا لكن انت بتصرفك ضايقتني وضايق الأولاد ومثل هالحكي وانت ماشاالله مايحتاج اخبرك انا ادري لو كنت مكانك يمكن افجر فيه قنبله مو كلام حلو خخخخخ :d امزح الله يوفقك ويسخر لك زوجك ويبعد عنك شر وكيد نمبر 2 |
قولي (لا اله الا انت سبحانك اني كنت من الظالمين)ربي سبحانه يشرح صدرك
|
اقتباس:
والله ياوخيتي متعلق فيني حيل ولازم بالليل يأنا بحضنه ياهو على صدري بس الى الان عادي عندي طلعاته هو رجال موحرمة يجلس في البيت بس هو مومتزوج علي وانتي بردي على قلبج وتذكري دايما عقوبة اللي مايعدل بين زوجتين انه يأتي يوم القيامة وشقه مائل _أي نصفه_وإلا ماشرع الله الزواج من ثانية الا لأن فيه الخير لبنات حواء واذا المسلم تلاعب بهالتشريع وقام يدخل في البحرام من عدم العدل والتفرقة ربك راح يحاسبه حبيبتي خليها على الله الله موجود وراح تشوفها ضرتك اذا كان هي من يساعده على عدم العدل وفقك الله حبيبتي.. |
اخت بنفسج كلامك كله عين العقل ماشاالله عليك لكن اسمحلي لي اخفقتي في شي واحد الزوجه الثانيه ليش تعاقب عشانها زوجه ثانيه لأنها رضت تاخذ رجل متزوج باستثناء ان الله حلل للرجل اربع هذا نصيبها رجل متزوج انت تتوقعين كل زوجه ثانيه ماودها ان يكون لها زوج بدون زوجه غيرها لكن اذا كان نصيبها حتم عليها الزواج بزوج متزوج نشن هجوم عليها انا ماقول هذا لأني تزوجت رجل متزوج لا ورب البيت لكن حقيقة كلامكم يألمنا كأن انتم والزمن علينا |
حبيبتي لذة عشق احنا مانشن حرب عالزوجة الثانية لا يالغالية ..لكن هناك بعض الضرائر اللاتي يحاولن سرقة الزوج من زوجته الاولى وأولاده ولاترضى لهم ان يفرحوا به كما تفرح هي به تريد ان تتملكه وحتى لو تقذف زوجته الاولى وتحلف على كتاب الله بس المهم انه يصير لها هي فقط وبعضهم والله انهم ينحطون على الجرح ويبرى مثل وايد بعايلتنا ماخذين على زوجاتهم بس الزوجة الثانية تبي تكسب زوجها بما يرضي الله والله ماأكذب عليك لو قلت لك انها تسهر في الليل على زوجته الاولى وتقوم فيها وتبرها وتداويها وتدرس عيالها وعيال الاولى وتعزم زوجها وزوجته الاولى على العشا في بيتها أو مطعم .. لكن اللي تشوفينه هو ينطبق عليه ( الخير يخص والشر يعم)
|
اقتباس:
عارفه ليه ؟؟ كله عشان ماتتجرأ هي وتطلع في يومي ... والله ماظن اراضيه ابداً وشكرا لرجوعك مرة اخرى |
اقتباس:
والحمدلله اقلمت نفسي وحمدت ربي على نعمة الصحه والعافيه والمال والاولاد والأهل يارب لك الحمد بس يحز في نفسي اولاده ماأخذوا حقهم من ابوهم .... وشكرا لحضورك اقتباس:
والعدل احيان واحيان واسعدني تواجدك ويارب يجمع بينك وبين زوجك على خير |
اقتباس:
وباحاول امثل وكم مره حاولت بس ماقدر انا حتى لو مره اكذب يكشفني لانه متعود على صراحتي .... وفكرة اخلي بيتي فندق حمسه نجوم فكره جهنميه حلوه بس والله ماقصر معاه دااايم الوناسه عندي اما اني اكون على طوووووووول مبسوطه احسها صعبه راح يقول هذي هبله ينضحك عليها بسرعه ..... والله عليك افكار احسك قريبه مني الله يحفظك ترى اجنا دايم كذا نحزنه لا جا يطلع وحتى هو يحاول يبعد عينه عننا حاس بالذنب ( لاحول ولاقوة الا بالله ) ونصايحك لاتحرب ولاشي عزيزتي انتي عارفه انها كانت مطلقه وعندها بنت بعد وبهذلت زوجها وتركها معلقه سنتين مو راضي يطلقها وفي الاخير خلعته وياليتها دخلت باحترامها الابقلة ادب اسعدني تواجدك مرة اخرى ولاتحرمينا طلاتك.. |
اقتباس:
وكلامك ريحني كثييير وفعلا انا ماحسسه اني واجب احب اكون بنظره متعه وراحه ووناسه وشكلك ماقريتي موضوعي عنبعض من سواتها فينا تفضلي الرابط http://www.66n.com/forums/showthread.php?t=150423 |
اقتباس:
|
اقتباس:
وفعلا كان معاها وكنت متأكده لأنه ماأنكر ... بس هو استفزني على طول رفع صوته ويهاوش هذا اللي خلاني اخرج عن طوري ... وفعلا الي يكبت المشاعر السلبيه راح تنكبت عنده المشاعر الايجابيه مع الوقت الله يسعدك ويبارك فيك .... |
اقتباس:
[color=#4B0082]ياعمري ياقلبي والله ماقصدت اني انزل من قيمه الزوجه الثانيه لاننا ممكن كلنا نكون مكان الزوجه الثانيه محد يدري وين النصيب صحيح اني على وشك الزواج لكن والله مدري وين النصيب بس انتي فهمتي قصدي غلط انا اقصد وحددت كمان نوعيه من الزوجات الله يهديهم يتزوجون متزوج ويتوعدون كل الوعد سحبه من زوجه الاولى وداخلين لخراب البيوت اعوذ بالله مثل الى صار مع اختنا سابرينا شي يقهر ياختي اليوم يومها وتطلع مع زوجها فالنفرض انه منه وهو ظالم وماينصف عاد هي ماتستغل الوضع وثانيا الحين وضح من كلام اختنا سابرينا ان زوجته الثانيه كانت مطلقه وبينها مشاكل مع زوجها وصار خلع و و يعني مثل مانقول سوابق:o يعني ماينفع مع ها النوع الى الحكمه ولا وش رايك تخرب بيتها وبيت زوجها في نوع ترا مايرحم وربي عطاها عقل لازم تتصرف بحكمه وماطلبنا شي منها يغضب رب العالمين وبعدين ياما في زوجات ينحطون على الجرح يبرا واغلب اصلا الزوجه الثانيه مظلومات اشد الظلم وحياتهم عذاب لكن والله ماقصد اجرح بالزوجه الثانيه وحقك علي اذا هاجمت بالزوجه الثانيه:22:[/color] |
اقتباس:
لاوالله ماكنت متاعبه من اول اتاريها سوووابق :d ماقول الا الله يعينك ويساعدك ويهديها وبعدين بخصوص تكونين مبسوطه مو لدرجه الهباال ههههههههه :23: اقصد تكون نفسيتك عال العال يعني ترا النفسيه تبين بالوجه بذات.. خلك مبستمه دائما وغير مباليه وبعدين انه عارف طبعك وماتقدرين تغيرنه احب اقولك محد يبقى على حاله كل انسان يتغير وياما كنا بطباع وتغيرت جذريا لازم تكون عندك قناعه علشان تتغيرين ويااوخيتي احب انبهك على شي الصراحه مو بكل الاوقات تنفع والله عن تجربه الصراحه تخرب بعض الاحيان وماقول الله االله يسعدك ويهدي زوجك لك والله يفوقك يارب |
اقتباس:
وانا اخطأت اني ماكتمت زعلي وبعدين عاتبته بعد العشا والوناسه اقتباس:
|
اقتباس:
ويجينا خميس وجمعه مع انو في نفس الحي تخيلي ؟؟!! فطبعا رفض زوجي خرابيطها ... والبعض الآخر عاد كل شي وله حكمه سبحان الله بس يارب لاتحوجنا لها |
اقتباس:
هذا اللي صرت اسويه بعد ماتزوج يروح يجي ماأسأل فيه عشان احسسه انو عادي حتى انا ممكن اعيش بدونك بس ودي يكون معاي على طول اسعدني تواجدك |
حبيبتي والله سابرينا صج محد مرتاح
زعلت عليج وحسيت بقهرج من زواجه عليج .. ولا بعد مايعدل !! صعب الواحده زوجها يتزوج عليها ومايعدل بعد ؟! الزواج بثانيه لين رابعه حلال بس بشرط العدل ...... بس بعض الازواج يتزوج على زوجته يظن انه بيأدبها والا بيقهرها مادرى انه ظلم نفسه وتحمل ذنب زوجته وفتح عليه باب من ابواب جهنم .... والله ماراح يوفقه في دنيته وفي الاخره يمشي ونصه مايل وعادة الازواج العادلين بعد مايجربون الزواج بثانيه ماينصحون بالتعدد لمعاناتهم من صعوبة العدل وتوزيع الاوقات بين الزوجتين بالملي ونفس الشي النفقه حتى لو الزوجه الثانيه تعمل وراتبها ضعف راتبه فهو يعطيها من ماله نفس المصروف اللي يعطيه للزوجه الاولى حتى يكون عادل ولأنه يخاف من عقاب الله في حال الظلم ومثل هذول الازواج ربي يجيب الطمأنينه للزوجتين ومع الوقت يحبون بعض وعيال بعض لان كل واحده تدري ان زوجها مايرضى الا بالعدل واللي يسويه للثانيه هو نفسه للاولى خاصة اذا كان الزواج من الثانيه كان لسبب ملح وليس نزوه ولاتزعلين ياعزيزتي وتتهاوشين معاه بسببها لان الزوجه الثانيه بتستغل تنكيدج له وبتتفنن فيه حتى لو ماسوت له ربع اللي تسوينه بس يكفي انها طبطبت عليه وسوت عمرها كانها حنونه واطيب منج لكن اذا كنتي عادي ومطنشه هي اللي بيطلع قناعها وبيكتشفها زوجك ويعرف انها فيها عيوب مثلج ويمكن انتي افضل منها واللي بقلبج على لسانج مو مثلها وبيعرف ان محد كامل واظن لو انا بمكانج انا اول شيء قلبي بينكسر منه خاصه اذا كان الزواج بدون عيب مني واظن ماراح اكون مهتمه فيه مثل قبل دام رخص فيني وتزوج علي ولا بعد مايعدل !!يعني لو كان يعدل بيشفع له وبصراحه انا نفسي ماراح اتغير خاصه اذا كنت مو مقصره معاه ... وبعطيه حسب طاقتي واستطاعتي والا يعني علشان تزوج علي بصير واحده ثانيه (ويني من قبل ؟؟) بالعكس بكون انا نفسي باصالتي وطبيعتي لان التمثيل وبذل طاقه فوق طاقتي بتكون مو دايمه ومؤقته ومصيري بتعب منها .. حتى الزوج بيمل وبيكون محتاج يعيش حياه طبيعيه وحب طبيعي بدون تمثيل ومبالغه .. وبعض الازواج اذا لاحظ عقلية زوجاته جذي يستغله ويقعد يقارن بين الثنيتن علشان يتنافسون عليه .. ولو خاف الله ماسوا جذي بس قلة عقل منه ومن حريمه ... وبعدين مو هذي الحركات هي اللي تكسب الزوج وبتمنعه يتزوج في ازواج يتزوجون على زوجاتهم مع انهم مو مقصرين مع ازواجهم بكل شي وفي الاخير يتزوج .. يعني هذا قرار يكون في الرجل ويحدده المكتوب والنصيب وبنفس الوقت لو انا بترك له المجال وبهدا وبسكت وبتجاهله في مشاعري لين الغموض وانتي سوي جذي لين يشبع من الثانيه ويتهاوش معاها ويرد يدورج انتي ووقتها سوي نفس اسلوب الثانيه وحطي نفسج طيبه وحبوبه وعقلج كبير وهي اللي بتنجن لانها بتكون تعودت انه يطنشج انتي ويروح لها مو يطنشها هي ووقتها استغلي عصبيتها عليه وكوني اكثر حنان له ودام ظلمج بيظلمها هي واذا قال لج تعالي نطلع بيوم هو يومها اطلعي علشان هي تحس وتذوق اللي ذقتيه دام زوجك مايعرف كيف يعدل ودام هي تتعدى حددوها سوي مثلها وخليها هي بعدين اللي بتطالب بالعدل وان محد تطلع بيوم الثانيه بس لا تتعلقي فيه كثير لانه مو عادل ولمن يزعل منج بيرجع لها ويقهرج فحاولي يكون الموضوع عادي ..... جا عندج عيشي حياتج واستمتعي معاه واشبعي غريزج منه واطلعي معاه وتونسي .... راح لها خذي لنفسج فرصه للراحه منه ...وبجذي عيشي يومج ولاتخلين زوجك محور حياتج .. وصدقيني كوني بطبيعتج وادعي الله بالصبر .... واذا انظلمتي فربج فوق وتذكري قوله تعالى: (( ولننصرنكم ولو بعد حين )) اقتباس:
والله ياجرك ويصبرك ... ان شاء الله |
| الساعة الآن 04:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©