|
كيف طريقه عقد القران للمتزوجين ؟؟؟
السلام عليكم
بدخل بالموضوع على طول سبق في واحد من مواضيع احدى العضوات كتبت موضوع في لبس بالعمر العروس والعروسه انا مشكلتي ومن زود حظي الشين :16: ولدت باخر 3 ايام بالسنه كلها يعني ولدت في 27 ذي الحجه في اخر السنه وخطيبي ولد في اول سنه وشوي تقريبا هو اكبر مني بسنه وشوي لكن المشكله هنا وقت كتابه البيانات يكتبون انا وهو نفس العمر لاننا بنفس السنه معناة اكبر منى بسنه وكم شهر شفتو الحظ كيف:29: لمن جينا نسوي فحص ماقبل الزواج كتبو عمره وعمري نفس العمر وربي اانصدمت قلت لها انا اخر يومين بالسنه ليش تكبريني سنه وحده تحسونها تتشفى قلت انا تكفين دققي بالعمر ليش تكبريني سنه وشوى انا اخر يومين يعني عمري ياجماعه الخير بسبب ولادتي اخر السنه سوا بتاريخ الميلادي او بالهجري يجيب البس لدرجه ان اخوي مأأخذ الامور باهمية وقالة من زمان يوم جاء خطيبي اني اصغر منة بسنتين وربي اني انصدمت بعدم التدقيق بالعمر ادري بتعبرونها ماهي مشكلة بس انا اعتبرها مشكله كبيره مدري كيف اتصرف وربي خايفة وربي مو ذنبي ان حظي ولدت باخر يومين بالسنه طيب بتقولون لي يابنفسج وش المطلوب المطلوب اابغى اعرف بالضبط بالضبط وبكل دقه كيف طريقه عقد القران يجلس الشيخ يقول العمر ويدقق ولا ياخذ الاوراق ويسجل البيانات بدون مايتكلم بالعمر ولايدقق لان اخاف لو قلنالة هى ولدت اخر يومين بسنة يقول مش مهم المهم نفس السنه ويقوم خطيبي يفهم غلط مراح يحسبون وقت العقد ولا بنفتح له سيرة بالموضوع اخاف يفهم غلط ويقول مترددين فيني وربي انا في حيره مايعلم فيها الى رب العالمين ارجوكم ابغى اعرف كيف طريقه العقد بالضبط للى عقدو قريب |
ياهوووو معقول محد تزوج:11: وين المملكين والمزوجين ماطلبت منكم شي تعجيزي ابغى اعرف طريقه عقد القران كيف تكون بالضبط والى عقد قرانه قريبا كيف طريقه العقد بالدقه
|
30 واحد شاف موضوعي ولا رد ليش محد تزوج فيكم ياجماعه الخير سوالي سهل كيف طريقه عقد القران
ماقلت بس |
مايقولوا العمر وقت عقد القرآن ، بعدين أنا عندي أخت متزوجة واحد أصغر منها بسنتين .. ماهي مشكلة العمر ، أهم شي الدين والأخلاق وجمال الروح .
|
اقتباس:
هلا اخوي بارد الله يطمنك يارب بس انا اصغر منه بسنة ونص تقريبا بس انا اخر السنه مثل ماقلتلك حظي جا كذا اخر يومين بالسنه بس خايفه من رده فعله اخاف هو مايرضى واخاف اذا قلناله الحين بعد ماتفقنا على كل شي بيقول مواثقين من نفسهم او مترددين بس مدري اخوي وقت عقد القران في المحكمه او في البيت مايقول كم عمر البنت وهذا تاريخ ميلادها مايجلس يحسب هذا الى انا خايفة منه لو انه بيجلس يحسبها ممكن بس بيقولها كذا خايفة ان الولد ينصدم ويحسب انى بعمره لان مثل مانتو عارفين في خربطه بتاريخ الميلادي والهجري |
لا أحد يفكر في هذا الموضوع إلا أنت .
لن يسألك أحد ولست مضطرة لشرح هذه التفاصيل لكائن من كان. كوني واثقة من نفسك ودعيك من هذه الأفكار. اتمنى لك التوفيق |
اقتباس:
اشكرك بس كيف مو مظطره اشرح التفاصيل لكائن من كان من تقصد زوج المستقبل اخاف يحسب اني بعمره يقوم يقلب علي كيف مو مظطره؟؟؟ |
و الله يا اختي ما اعرف شلون النظام عندكم
احنا ما نتعامل بالهجري و بصراحه ما فهمت شسالفة اخر يومين في السنه انا لما تزوجت جانا الشيخ(اللي يكتب العقد) في المجلس عند ابوي و جا زوجي و ابوه و عمه و عمي و وقعوا العقد و اتفقوا على المهر و كل شي بعدين جاني عمي و طلب مني اوقع على الورقه و عن الاعمار ما اكتبوا الاعمار بس اكتبوا تاريخ الميلاد (بالميلادي) و يعني لو زوجج شاف العقد يقدر يعرف كم عمرج بالضبط هاي اللي اعرفه و ما ادري انا فهمت قصدج و لا لا |
اقتباس:
ياريت تكبرين خطك بصعوبه قريت الكتابه:d المشكلة اختي ان الفرق بيني وبين خطيبي سنه وشوي هو اكبر مني واخوي قاله كذا لكن المشكله انه انا ولدت اخر السنه بالهجري في 27 ذي الحجه وبالميلادي كمان اخر شهر وهو ولد اول السنه الي قبلها فهمتي يعنى وقت كتابية البيانات مايحسبون مراح يحسبون راح يكتبون العمر وااااحد لانه بنفس السنه تقريباااا وانا خايفة يفكرني اني بعمره بالضبط ويقول غشوني واخاف نصارحه الحين بعد ماظبطنا كل شي وانتفقنا على كل شي اخاف نرجع نفتح موضوع العمر يقول مواثقين بنفسهم او مترددين فيني او شي ومدري نظامكم مثل عندنا بالسعوديه مادري ياريت كل الى عقدو يقلون لنا كيف الطريقه بالضبط |
وهل الشيخ يقعد يددقق ويقول العروسه بنفس عمر العريس ولا في فرق بالعمر هل يدقق من ذي الناحيه ؟؟؟؟
|
هو شافك ، وإذا عجبتيه إن شاء الله راح ياخذك ، وربي إذا أراد أنك تتزوجيه راح تتزوجيه حتى لو أيش صار وإذا ماتزوجك لاسمح الله ، أعرفي إن فيها خير لك ، ولاتجلسي تفكري كثير ، أشغلي نفسك بأي شي ، إذا أشغلتي نفسك راح تنسي ذي المشكلة ، وأكثري من الأستغفار قال رسول الله صلى الله عليه وسلم (من لزم الأستغفار جعل الله له من كل هم فرجا ً ومن كل ضيق مخرجا ً ورزقه من حيث لايحتسب)
|
اقتباس:
اي شافني وعجبته وتعلق كمان ويقول اني طلبه بس هو يفكر ان اصغرمنه بسنتين وانا شكلي اصغر منه بعشر سنوات بس اخاف لو عرف يقوم يقلب علي ويقول غشوني ومدري كيف الله يستر اشكرك اخوي الف الف شكر |
اقتباس:
بس زوجج بعدين بيشوف جوازج و بطاقتج و مكتوب فيها سنة الميلاد ولا شلون؟ و الحين في العقد تكتبون العمر و سنة الميلاد بدون اليوم و الشهر؟؟!! بس اختي اتطمني ما اتوقع الرياييل يدققون في هالمواضيع |
الله يوفقك يابنفسج
اذا كانت اللي كتبت عمرك يو الفحص ماتعرف تحسب زوجك واهله والمملك يعرفون يحسبون مايبيلها شي حساب العمر لا تجعلين خطأ وحده يخرب فرحتك |
اخوك يعلم الخطيب بمولدك بالضبط 27-12-1420
عشان ما تحسفون بعدين اهو لة الخيار.. بعدين اذا كنتو مولودين بنفس السنة ما يمكن يكون بينكم بالعمر اكثر من سنة في كل الحسابات..موفقة اختي |
اقتباس:
هلا اختي جوري هنا السوال متى هذا كله بيصير الحساب بالعمر انا صار لي مخطوبه علية الحين 6 شهور واخوي الله يهديه يوم جا يخطبني قالة بينك وبينها سنتين او عاد قاله اكثر اخوي متوه يحسب بالميلادي او ماركز كثير بسالفه العمر مو قاصد شي بس تحسب منه اني اصغر بالعمر لان اخوي مايعرف تاريخ ميلادي بالضبط ولا اخذ اهميه للعمر وانا كمان ماكنت اتوقع انه قريب من عمري لان اخوي قالي هو اكبر منك ب 2 او 3 على بالي اخوي محدد عمري بالضبط بس انصدمت يوم شفت عمره في ورقه فحص الزواج لاني انا شفت الورقه بس لانه عمل الفحص في منطقه ثانيه وارسله فاكس لنا والدكتوره طابقت الفحص يوم شفت عمره انصدمت وخفت انه ينصدم مثل ما انصدمت انا وغير رايه والله ميته خوف ومانقدر نفاتحة بموضوع العمر لان الحين ضبطنا كل شي جاهز مو معقوله بنقوله ترا الفرق سنه بينكم او اكثر بشوي اخاف يحس اننا مترددين او مو اثقين من نفسنا |
اقتباس:
وشو عام 1420 <<<< شنو يعني انا عمري 8 سنوات :d ههههههههه هنا السوال متى نقوله صار لنا مخطوبين كم شهر معقوله يجي يقوله عن سالفه العمر ااخاف يقول مو واثقين بنفسهم هذولا او مترددين |
ياخووووان كل الملك جديد والي قبل ابغى اعرف بالضبط كيف طريقه عقد القران وش يسئلون وش يجبون هل يكون في سوال صريح عن العمر وقتها
هل الشيخ يسال عن العمر وقتها ولالا |
اقتباس:
لانه قبل عقد القران وبعد ما ضبططنا واتفقنا على كل شي وسوينا التحاليل مانقدر نفتح موضوع العمر من جديد ولان ليلة عقد القران مراح يكون في جدل ومراح يحسبون تخيلو الموقف يناس وقت الشيخ مابيكون موجود بيقول السنه بدون حسابات وانا خايفة من رده الفعل فهمتوني مش مشكله بعد القران راح افصل له كل شي بس نفس اليليه بتكون اوراقي مع اهلي مش معة ابدا |
ياجمعاه الخير وكل المتزوجين يجون يشرحون لى طريقه عقد القران كيف تكون بالضبط وش الاسئلة الى تنحط والى الى يقوله الشيخ بالضبط وربي خايفه من ها الموقف
|
مومعقول كلكم نسيتو كيف عقد قرانكم ارجووووووووووووووووكم
|
ياختي وش دخل العمر عند الشيخ ..؟
حتى لو بينكم 20 سنة , الشيخ ماراح يدخل في هل الامور ...الشي الوحيد الي بيقوله الاسم .. والشروط ... فقط. أنتي لا تخافين , وريحي بالك ... العمر مش مهم ... المهم الاخلاق والراحة النفسية والدين طبعاً ... أنا من شروطي أريد فتاة من عمر 17 الى 20 فقط ولكن حصلت فتاة قمة في الاخلاق والجمال ووووووووو , أصغر مني فقط بـ سنتين يعني 23 سنة وقبلت فيها ... وسعي صدرك ,,, وأهتمي بالعريس والف مبروك .http://smilies.sofrayt.com/^/aiw/smile.gif |
اقتباس:
الله يسمع منك يارب يابو ناجي بس مو كل الشباب تفكيرهم حلو مثلكم ياريت ياريت مايذكر العمر لكن انتو متاكدين مايذكر العمر اثناء عقد القران لانى بتاكيد بفهمه الفرق بس موقت العقد ابدا |
انا تعقدت لاني مريت بموقف جدا صعب قبل 3 سنوات كان عمري وقتها 22 وكم شهر يعنى تقريبا 23 وحظرت وقتها حفله لوحدة من اقاربنا وشافتني وحدة تبيني لولدها المهم لقطتنى واخذت تسال من بعيد للي يعرفونا بالعرس وتسال تبي توصلنا بي طريقة وبنهاية اكتشفت ان ابوهم يعرف خوالي
بجده لان بعايلتنا ما نقبل اي احد الى اذا معرفه او معروف بنطاق العايله وخذو يتصلون بخوالي بجده واسطات علشان نرضى فيهم وكلمو اختكم علشان تعطينا البنت لولدنا و و و وخوالي اخذو يمدحون بالولد وخلاص اقبلو فيهم ولين كلمت بالتلفون امي وامي قالت لها حياك الله تفضلي عندنا واخذو يسولفون طلع الولد اكبر مني بسنتين وشوي قالت لها طيب بكلمك ثاني يوم شكلها شاورت الولد قالها لا ابيها اصغر مني باكثر من سنتين شكلة يبيها اصغر منه بعشر سنوات :25: لاحول ولا قوة الا بالله طيب دام كذا تاكدو قبل ماتفشلوني عند خوالي وحريم خوالي وعلمو العالم كلهم انهم يبوني ودخلو ناس ذا كله علشان نرضى فيهم طيب دام شفتو البنت وعايلتها تشرف وشكلها هو الى يبية الولد وللعلم شكلي والله الي يشفني يعطيني 16 سنه ومافي شي ينقصها غير انها تصغره فقط بسنتين طيب انا اشوفه مناسب بس طريقه تفكير بعض الشباب غريبة وربي قوموا الدنيا وقعدوها علشان نستقبلهم بس في بيتنا وعلموا العالم كلها ليش بنات الناس لعبه وبنهايه يقلون لا مافي نصيب الولد يبي اصغر منه بكثير وقتها انا تعقدت وتفشلت من ها الموقف مع اننا تونا ماقبلنا فيه اصلا بس قالت لها تفضلي نتعرف بس قهرني الطريقه لو اني اكبر منه مايخالف صحيح كل شي قسمه ونصيب واصلا كنت مراح اقبله بس انا متعقده من طريقه تفكير الشباب واخاف اتعرض لنفس الموقف وقت عقد القران خلاص صرت متعقدة ياجماعه الخير اعذروني |
وينكم يلة جاوبونى ناس يقلون يتم الافصاح عن العمرعند الشيخ وناس يقلون لا هل يتم الاحراج عند عقدكم للقران ولالا
|
أختي الكريمة
العمر ليس له علاقة نهائيا في عقد القران وانما فقط يطلع الشيخ على الكشف الطبي وبعدها يعقد القران ويسجل المعلومات من واقع دفتر العائله الخاص بوالدك . وبعدها يطلب من زوجك ان يراجعه حتى يحصل على عقد النكاح وعلى اساس عقد النكاح يتم تنزيل اسمك من دفتر العائله الخاص بوالدك ويتم اصدار دفتر عائله جديد لزوجك ويتم وضع اسمك فيه وعمرك الموجود في الدفتر السابق اتمنى ان وضحت لك الموضوع والف الف مبارك مقدما الله يسعدكم |
اقتباس:
الف شكر صاحب الراي السديد ريحتني الله يرحيك دنيا واخره |
كان ودي اساعدج بس ما اتخطبت وم اعندي فكره انتي قبل العقد قولي وجعلنا من بين أيديهم سدا ومن خلفهم سدا فأغشيانهم فهم لا يبصرون وادعي الله ولا تخافي وكل قولي الله يسهل
|
اقتباس:
هلا والله اختي نايت الله يسعدك ذكرتيني بدعاء هذا الله يسعدك يارب ويسرلك لك نصيبك يارب عاجل مو اجل ياارب |
| الساعة الآن 09:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©