|
سؤال للمتزوجين او المقبلين على الزواج- أجبني أيها الرجل_
في فترة الملكة
كيف تتصرف المرأة مع زوجها عن طريق الهاتف يعني تتصله دوم ؟ أو نادر ؟ تسأله عن اكله وعمله يوميا ؟ تعاتبه ؟ تدلعه ؟ تثقل ؟ تصارحه بحبها ؟ مسجات ليل نهار حتى لو هو مابادر فيها ؟ بالأصح كيف لازم يكون كلامهم بالتلفون او علاقتهم كيف لازم تكون ؟؟؟ حتى تملك قلبه يعني الرجال ايش اللي يحبه في هالفتره حتى يعشق زوجته أو حتى تستطيع انها تملكه أجيبوني يا معشر الرجال و النساء |
هل انتى متزوجه؟؟؟؟؟ او مقبله على الزواج؟؟؟؟ هناك فرق.
|
اذا كنتى متزوجه وزوجك مسافر او خارج منطقتك لعمل او دراسه فعليك برسائل الشوق والغرام وخصوصا فى الليل قبل النوم
والإتصالات تكون قليله يعنى مرة كل يومين للاطمئنان . وذا كنتى مقبله على الزواج فانصح بالثقل واذا كانت هناك بعض الرسائل الخفيفه للتذكير فقط بانه على البال هذا رايى كزوج بصراحة |
عندي سؤال ليش تحبون الفتاه تكون ثقيله وكيف تكون ثقيله
الخجل هل فعلا يحبه الرجل الشلاقي اذا لماذا ارى شكوى الأزواج من الخجل؟؟؟ |
اقتباس:
كلامك 100 % سلمت يديك تحبون التناقض اعتقد الثقيلة و الهادئة ..... المرحة و الفرفشة الام و ذات العقل الكبير .......الطفلة المدللة و الدلوعة الاميرة المتغطرسة .......الخادمة المتواضعة الجريئة و الصريحة .......الخجولة حتى الموت وضحو |
السلام عليكم
كوني على طبيعتك ووضحي له انك ما تعرفين في كلام العزل وغيره من هالكلام واطلبي منه يعلمك ( كلام الحب والغرام ) اما موضوع ( تدلعه وتعاتبه .... إلخ ) هذي تجي مع الوقت وبالتدريج وراح يجي اليوم إلي بتسوين كل شيء وانت منت حاسة ... واهم شيء انك تحترمي اهله وتقومي بالواجب إذا زاركم .. وتحترميه وتقدريه ومن ثم تحبيه تحياتي للجميع |
عقد قران فقط
يعني مملوكين لحد الحين ماتزوجنا |
اقتباس:
إذا كنت اتكلم معها كلام عادي تكون ( ثقيلة وهادئة ) إذا كنت امزح معاها تكون ( مرحة وفرفوشة ) إذا كنت اتكلم عن حياتنا الزوجية تكون ( ام وذات عقل كبير ومسئولة ) إذا كنت اتغزل تكون ( طفلة مدللة ودلوعة ) إذا كنت اطلبها ( تتمنع ) وهي راغبة إذا كنت اطلب منها رأيها تكون صريحة وجريئة إذا كلمتها في بعض الامور الخاصة تكون خجولة ( والخجل هنا فطري وليس مصطنع ) في الاخير اقول لك شيء ( كوني على طبيعتك وكل ما ذكرته اعلاه يأتي بالفطرة وبدون تخطيط ) لكن يجب ان يكون لديك وعي وحسن تصرف .. بحيث تعرفين تتصرفين التصرف الصحيح في الوقت والمكان الصحيحين تحياتي |
اخونا فهد جزاك الله خير على النصيحه
لكن ياليت توضح بامثله واقيعه لأن والله صعب يعني كيف راغبه وهي متمنعه ومتى تكون جريئه وبالأمور الخاصه هل تحبونها تتوسع بالكلام ام تكتفي بالصمت والله صعبين الرجال |
حبيبتي القطوة انت ليش مستعجلة على هاي الامور !! خليها مع مرور الوقت هي الي بتيجي من نفسها يعني كل الي سألتي عنه لازم هو يبدأ فيها ،،
مادري ليش أحس أني عرفتج ؟؟ |
(( الثقل صنعه ))
مع الايام بتجي الميانه ... فخليك ثقيله احسن ... |
اقتباس:
ههههههههههه شدخل عرفتني بس لاني من قطر يعني ؟؟ ليكون انت ريلي خخخخخخخخخخخ |
اقتباس:
يا هالثقل هذا تعبنا بصراحه ع العموم مشكور اخوي وماقصرت ع النصايح جزاك الله خير |
اقتباس:
|
اقتباس:
يبونها مكس مايفهمونها مايبونها كل كلمه تقول لهم ان شاءالله وبس يبيونها تعاندهم بعد |
اقتباس:
سمعت بنصيحتك لما قال لي قولي لي كلام حلو قلت له انت علمني قال انتي بنت لازم تكونين منبع الدلع والكلام الحلو لازم انا اللي اتعلم منج صح كلامك الحين احس احسن من قبل مرات تطلع مني اشياء بدون ماحس عقب استوعب السالفه واقول عيب شبيقول عني الريال ههههههه جزاك الله خير ومنك نستفيد |
اقتباس:
اي والله عاد تعبنا لين متى يعني مشكوووووووره ع الرد |
الرجال مو متناقضين .. الرجال زي ماقال أخوي فهد هاشم يبي كل ذي الصفات .. يبغى زوجته خجوله أوقات .. مثل لما يغازلها < وذا يكون فطري في البنت زي ماقال أخوي فهد ، ويبغاها أحيانا جرئية وهذا يكون بعد ست شهور من الزواج أو سنة .. يعني مثلا في بنات يستحوا يلبسوا لأزواجهم ملابس مغرية ويسوا حركات مغرية مع أنهم صار لهم أكثر من سنة متزوجات .. والزوج يموت في الزوجة المغرية سواء في اللبس أو الحركات < لانها راح تخليه مايطالع في الحرام والمغنيات وممثلات الافلام ، راح يحس أن زوجته كافيته .
ملاحظة : الزوج مايحب زوجته تكون جريئة في بداية الزواج يحبها تكون خجوله إلى أبعد الحدود لكن بعد سنة وبعد مايجوا العيال ( يحبها تكون جريئة ومغرية ) ، وهي راح تجي مع الوقت ، مو شرط سنة يمكن بعد ستة شهور أو أقل على حسب ، يعني مالها فترة زمنيه محددة .. شوفوا الوقت الأنسب وسووه .. حتى لو كان بعد شهرين . بالنسبة لأسئلتك : 1- الاتصال < هذا ماأقدر أحدده بصراحة لأن ممكن زوجك يكلمك كل يوم مثل واحد أعرفه .. لكن لازم يجي يوم تسبقيه في الاتصال ، سويها مرة مرتين في الأسبوع < على الأقل . 2- تسأليه عن شغله وأكله كل ماأتصلتي .. شي مهم . 3- تعاتبيه .. مدري بالضبط ، بس ذي تجي لحالها ، يعني مثلا ً تعاتبيه له ماصلى الصلاة في وقتها بطريقة حلوة ، وتنصحيه وتقولي له فوائد الصلاة في وقتها . 4- تدلعه .. هذي مدري على حسب الموقف .. هي تجي لحالها مايبي لها تفكير . 5- تثقل .. مدري ، يمكن في مواقف تحتاج ثقل ، أما أنها تثقل على طول .. لا ، يعني مثلا إذا صارت البنت تحب زوجها في ذي الفترة لازم تبين له ، يعني يحس من كلامها ، تدق عليه مرة مرتين في الأسبوع ، ترسل له رسايل أحيانا او دايما < مقدر أحدد ، على حسب العلاقة اللي بينكم . 6- مصارحته بالحب < هذي أحلى شي ، وأحلى طريقة للمصارحة بالحب ، إذا كنتي تحبيه صدق ، إذا مرة دق عليك في الليل وخلص مكالمته .. أنتظري كذا ربع ساعة بعدين أرسلي له رساله مكتوب فيها .. أحبك ، صدقيني ماراح يقدر ينام ، وكل شوي راح يفتح الرسالة < مع أنه يعرف وش مكتوب فيها .. سبحان الله . 7- مسجات ليل نهار .. تختلف على حسب العلاقة اللي بينكم ، أنتي سوي اللي تشوفيه أحسن بالنسبة لعلاقتك مع زوجك . بالنسبة للدلع والأشياء الأخرى في الزوج .. هذي كلها يحبها الزوج بس لاتشيلي همها كلها إن شاء الله راح تجي في وقتها ، أقرب مثال يوم جيت أرد على أسئلتك ماقعدت أفكر بعدين كتبت < لا ، على طول بديت أكتب وجات الأفكار ، ولا كنت متوقع أني راح أكتب كل ذي السطور .. ( خلي كل شي بوقته ) .. وزي مايقول المثل كل شئ بوقته حلو . |
اقتباس:
تسلم والله ساعدتني وايد بس احلى شي هذي : - مصارحته بالحب < هذي أحلى شي ، وأحلى طريقة للمصارحة بالحب ، إذا كنتي تحبيه صدق ، إذا مرة دق عليك في الليل وخلص مكالمته .. أنتظري كذا ربع ساعة بعدين أرسلي له رساله مكتوب فيها .. أحبك ، صدقيني ماراح يقدر ينام ، وكل شوي راح يفتح الرسالة < مع أنه يعرف وش مكتوب فيها .. سبحان الله . عجيييييييبه الحركه بس بصراحه استحي اسويها بعد فتره بسويها ان شاءالله خل الريال يستوعب السالفه لانه رسمي شوي جزاك الله خير وربي يسعدك ويوفقك |
| الساعة الآن 02:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©