العريس لايعرف ان عروسه اكبر منه في العمر واليوم ملكتهم ماالحل؟
 

صديقتي خطبها شخص واتفقوا على الزواج والحمد لله
والعروسه والعريس اخلاقهم عال العال ماشاء الله

لكن العريس عمره اصغر من العروسه بسنتين وهو ما يدري يحسبها بنفس عمره

المشكلة اليوم ملكتها
وهي تقول ( اخاف يطلقني اذا عرف اني اكبر منه )


انا قلت لها هو ما سال ابوكي لما جاء خطبك قالت لا


ايش ممكن تعمل ؟؟ ابي نصيحتكم


الله يوفقها بفرحتها اليوم ويتمم عليها بخير يارب ( دعواتكم ):14:

الاشراف:
تم تعديل العنوان ليناسب النص..

وليش تيجي تقول ليه انا عمري كذا بدون اي مناسبة ؟؟

خلها تعيش معاه فترة وتحاول انها تكسب قلبه واهو بيشوف إن مسألة العمر ماتشكل مشكلة عنده ،،، خاصة اذا تفاهموا وانسجموا مع بعض ... الله يوفقها ولا يفرق بينهم ابداً ..

يعطيك العافية عذابة مشكورة

هي ما عندها مشكلة في عمره لكن خايفه من ردت فعله هو

سألت أبوها قال ما في فرق واجد بينكم ( هههه ابوها يبغى يزوجها وبس ) الله يهديه

لكن العريس شافها واهله كمان وأعجبتهم لكن هي تقول انه ما سأل عن عمرها ؟؟
فهي تروح تخبره عن عمرها يعني ( تقول مره غلط)

( انا وجهة نظري اللي اتمنى ما تكون غلط (
الولد شافها يعني موافق عليها
الشيء الثاني هو لو يهمه العمر كان سأل )

بعدين هو 26 وهي 28
يعني مو ذاك الفرق والأرقام مو مقياس

لو الولد سأل عن عمرها والبنت وابوها كذبوا حيكون غش
لكن كدا فين الغش هو ماسأل ؟

يسعد قلبك يا مملكة الامل

ماادري احس الموووضووع مو سهل..

يعني احس سالفة العمر تنعرف من البدايه مو ليلة الملكه

الله يوفقها ويسعدهااا ومايكووون خطيبها من النوووع اللي يطالع العمررررررر

طيب المأذون راح يسال عن عمر البنت يعني لما ينكتب العقد ؟
الي اقصده العريس حيعرف عمرها الحقيقي اثنا العقد او انه ما يبان ؟؟

بس زوجتك ... وقبلت ...

؟؟؟؟؟

مشكور اخي العازم

البنت اتعلقت في الولد وهذي المشكلة

انا اشوف انها تكلمه قبل مايجي البيت وتقوله الموضوع وانشاءالله ربي يجيب لها الي فيه الخير

الله يخليك اختي طمنينا على صاحبتك

ما حصل شيء للآن هي تنتظر الفجر ...والخوف سيد الموقف الله يفرجها لها يارب

نعم حبيبتي الماذون يكتب تاريخ ميلاد البنت وتاتريخ ميلاد الشاب في العقد.. لذلك العريس اكيد رح يعرف من وقت عقد النكاح.

يعني كدا لازم تكلمه قبل ما ينكتب العقد ؟؟

ملاحظة هو يصير ولد خالتها لكن ما يعرف بعمرها

بما انه ولد خالتها معناته عارفين انها اكبر من ولدهم..

خلااااااااااااص قولي لصاحبتك لا تشيل هم وتحط ببطنها بطيخه صيفي.

صحيح يقرب لها بس بعاد عن بعض يعني
كل واحد كان ساكن منهم في مدينة وما يعرفون عن بعض شيء زي الاغراب يعني ..


انا كلمتها قبل شوي تقول ما يعرف شيء عنهم


المهم البنت حالتها حاله ادعو لها تبكي قطعت قلبي ..

الله يعين

اختي ماظن انه في واحد يبقبل على الزواج من فتاه وهو مب عارف عمرها ...

اكيد سال حد بس مش ابوها .. يمكن الولد سال امه مب هي خالتها اكيد تعرف هي متى انولدت ..

واذا هالكثر خايفه تكلم خواته وتقول لهم اخوكم يدري والا لا ..

ترى الموضوع جداً بسبط ..

الله ييسر لهم يارب كل خير ويبعدعنها كل حزن .. لا تصيح ولاشي .. بكرة ان شاء الله تفرح بملكتها :)

انتي قلتي انه ولد خالتها
يعني خالتها مو معقوله ما تعرف كم عمرها حتى لو بعاد
وحتى بنات خالتها اكيد يعرفون ان عمرها كذا
خلاااااص ليش تفكر و تتعب نفسها و الا يعني تبي تنغص عليها فرحتها
شوفي مافي ابو يقول للناس تعالوا عمر بنتي كذا هــــم اللي مفروض يسألون او المعروف انهم ما يتقدمون لناس الا عارفين عنهم كل شيء فما بالك ببنت خالته

خليها تستانس و تنسى الموضوع و لا تحط في بالها انها غشته او اي شيء من هالقبيل

هو غلطته انه ما سئل

وهي واهلها لازم يكونوا واضحين من البداية

الحين ايش تسوى عليها كل هالخوف والقلق لما تحس انها مخبية شي


خلاص تسكت دام هذا اللي صار لاتفتح عيونه ويحط هالنقطه بباله

اشكر الجميع واسال الله ان يوفقكم لكل خير

بنفسج الله يريح بالك يارب عموما صديقتي اخذت برأي حائزة الامل وقررت انها تسك فمها ههههههه
تقول انها ما غشته هو لو يهمه كان سأل ..

بعدين حبيبتي سنة وسنتين مو هذاك الفرق اللي يخوف صح ولا لاء ..


لا تخافين واستعيني بالله انا قلت نصايحكم صديقتي وقلتها استخيري وربي لو كاتب شيء بيصير ..

يعني لو هو عاجبته ومقتنع ما في شيء بيغير رايه ..


هي اليوم ملكتها الاربعاء بعد المغرب بطمنكم عليها ان شاء الله بالتوفيق

أنا فكرت الفارق عشر سنوات أو أكثر

سنتين أختي ليس بفارق كبير ولايعتبر أصلاً فارق

راح يبين العمر بالعقد وراح يعرف العريس عمر عروصته ساعتها لو مايبيها بيقول
السالفة محلولة

اختي العزيزة..اكيد مئة بالمئة هو عارف عمرها ولذلك لم يسأل عن العمر...ودام انه قريبها يعني حتى لو ما يعرف اكيد سأل امه..وما معقولة امه ما تتذكر متى ولدت بنت اختها
يعني صديقتك تعمل مشكلة من لا شيء
خليها ما تقول له الا اذا سألها فلو اخبرته بدون ما يسأل سيعتقد انها تخبره لأانه شيء غلط..يعني ستجعله يحس انها عائق رغم انه لم يحس ابدا انها عائق والدليل انه خطبها
والله يوفقها ويوفقك

اولا الفرق موب كبير
ثانيا ممكن ما يكون هو عنده مشكله وبافعالها وقلقها واسئللتها الكثيره ممكن تخلق عنده مشكله في العمر
ثالثا معظم الرجال لا يهمها العمر كثر السعاده والاستقرار في الحياة الزوجيه

موفقه باذن الله

مادامها أعجبته ما أتوقع ان فيه داعي للخوف000

لاااازم لازم تتأكدون ان الرجال يعرف عمر خطيبته

الله يوفقهم

تم عقد القران بدون مشاكل الحمد لله والعريس والعروس بعمر بعض ( كانت معلومة خاطئة تم نقلها للعروس لفركشة الموضوع )

الله المستعان اسأل الله ان يوفقهم

لا حول ولا قوة الا بالله..!!!!!!


الحمدلله على كل حال.. دام ربك كاتب يصيرون لبعض راح يصيرون ولا حد يقدر يمنع هالشي..

انا من رايى ان العروسه تقول لعريسها على سنها الصحيح وممكن متدخلش فى الموضوع على طول علشان هو ميخدش موقف ممكن تتكلم معاه فى اى موضوع وبعد كده تحاول توصله سنها الحقيقى وبعد كده تشوف هيعمل ايه اهم حاجه انها ميتفعش توافق على عقد القران بدون علم جوزها بسنها وان شاء الله هيكون خير هى بس تصلى وتدعى ربنا ولو فى نصيب ليها اكيد هيكون مهما كان السبب