إبنتي و اهل زوجي !!!!!
 

مرحبا يا اخواني و اخواتي

اريدكم من ان ترشدوني و تنصحوني سوف اكتب المشكلة و انتظر منكم النصح و الارشاد

انا متزوجة منذ تقريبا سنة و اكثر و لله الحمد فقد رزقت بابنة :15: و هي الان سوف تكمل ال3 اشهر و المشكلة ظهرت بعد ما ولدت بنتي، اخت زوجي ايضا رزقت بابن قبلي بيوم واحد و كانت بيت اهلها لمدة 40 يوم مثل ما انا كنت ببيت اهلي 40 يوم . :25:

بطبيعة عملي انا اكون في الدوام من الساعة 7:30 الصباح لين 5:30 المساء و اخذ بنتي عند امي لان ام زوجي عندها ولد بنتها تربي و هو هنا طول الاسبوع لان بيت اخت زوجي بعيد و هي ما تقدر تجيبه كل يوم لذا فقط ايام العطلة الي هو جمعة و السبت توديه عندها مع ان يوم السبت تجي عندنا هنا و طبعا امها و اخواتها يشوفون ولدها و بعد في زوجة اخوهم و كل وحده تسوي شغلها بالبيت قصدي اشغال البيت الي عليهم و انا بروحي في البيت و امسك بنتي بنفسي بالمساء و لا واحد يشوف بنتي و لا ياخذها علشان انا بعد اساعدهم في شغل البيت لذا صرت امسك بنتي و ما اسوي شي طبعا اخت زوجي الي ولدت هي صديقتي بعد, اليوم و بطريق غير مباشرة اهي قالت لي انك انتي ما تشتغلي في البيت و تتركين اغراض بنتج في الصالة و لا في غرفة امي، طبعا انا عرفت ان اهل زوجي مشتكين مني لها علشان جيزي اهية كلمتني، انا مب زعلانه من هذا الشي و طبعا انا بعد لازم اساعدهم في شغل البيت :11: بس نروح للمفيد

انا بروحي في البيت الي امسك بنتي محد ما يمسكها ولا يغسلها ولا يسوي لها حليب يعني لين اقل شي ا نا اسويه بنفسي و لان بعدني ام جديده لذا ما اعرف كيف اربيها حتى الاستحمام لما تكون عند امي هية الي تحممها و في البداية ام زوجي كانت تقول لي انها بتحممها و كنت اعطيها و اساعدها في استحمام بنتي بس الحين ولا تقول لي شي:29:
لذا انا بعد ما اطلب منها شي وانا و زوجي اكثر اوقاتها خارج البيت يعني في الشغل و حتى الاكل يكون من برا لان انا عادتا اتغدا في الشغل بحكم شغلي و زوجي بعد نفس الشي مع وجود ايام ياكل غداه في البيت و انا اذا جيت اسوي عشا او اي شي اغسل الاشياء الي استخدمتها، و هم تقريبا ماشاء الله 4 اشخاص و لما اي احد تبي تسوي شي الثانية تشوف البيبي:15: (ولد بنتهم) بس انا يدوب اذا بنتي نامت اقوم و انظف حجرتي و ايام العطلة اغسل الملابس و اربعهم و ارتب حجرتي و في هذا اليومين الاجازه يوم اكون بيت اهلي و يوم في بيتي.

طيب اذا هم يبون اساعدهم ليش ما يمسكون بنتي ليش ما يحبونها مثل ما يحبون ولد بنتهم ليش دوم يسوون و يشترون اغراض لهم و ما يسوون لي، ليش لما يعزمون بعض ما يعزمون احنا ولا احنا من خارج العائلة :( ، دوم اسمعهم يقولون لاخوهم و لا اختهم ان العزيمة هذه المرة عليك و كلهم يجتمعون و لا يقولون لنا، و ليش لم بنتي تموت من الصياح وحده منهم ما تجي تاخذها علشان اسوي لها حليب او تشوف ايش فيها حتى امهم.:16:
انا ما كنت جيزي بس لما شفت انهم ما يهتمون ولا يحبون بنتي مثل ولد بنتهم صراحتا تغيرت و زوجي اذا طلعت اسوي شي و البنت صاحت على طول يناديني و هو بعد يعرف ان محد ما راح يمسك بنتي

المهم انتوا قولوا لي شو اسوي كيف اقدر امسك بنتي و بالنفس الوقت اساعدهم في البيت


اعرف اني طولت عليكم بس علشان اوضح اكثر مع ان هذا اقل شي قلته

ربي يعينك ويعطيك على قدر نياتك وفعلا الي عندها بيبي وهي ساكنه مع اهل زوجها تكون مرتبطه

ومشغوله طيب لم يكون دورك في ترتيب البيت خلي بنتك عند ام زوجك وطنشي اي شي تسمعينها

وان شاء الله تكبر ويخف الضغط عليك

طيب اختي مش احسنلك مايدخلو فيكي او في بنتك؟؟؟

ان بشوف انو هادا احسن

يعني كل واحد بدي يمسك بنتك وتتربى بين اكم ايد؟

انا بشوف هيك احسن احمدي الله مابتحشرو فيها او بتربيتها

صحيح شي مزعج انهم مطنشين كانك من برة العيلة

لكن احسن من انو يكونو متدخلين وملزقين ومشاكل

يعني بالمقارنة هيك الوضع احسن

حاولي تنظمي وقتك

اكيد شغل البيت مابياخد وقت كتير لانكم اكتر من وحدة يعني نظمي وقتك يمكن تتزبط الامور

موفقة

مشكورة اختي ام شاهين

بالنسبة لام زوجي هي المربية لولد بنتها يعني اذا ولد بنتها عندها ما تقدر تشوف بنتي، واذا حتى لو شافتها ماراح تشوفها مثل ما تشوف ولد بنتها و هذا يخلق حساسية و اصلا الحساسية بيني و بين اخت زوجي الي هي بعد صديقتي موجوده من بعد ما جبنا البيبي

شكرا على تواصلك يا اخي \اختي ملك شادي

صحيح كلامك و شغل البيت ما ياخذ ا لوقت بس انتي شوفي انا ارجع البيت و لين اخذ بنتي و اروح بيتي تصير الساعة 6 و لين ما اجهز لها اغراض الرضاعة و اصلي و هي ترقد شوية تصير الساعة 8 بالليل و اخت زوجي اصلا ما عندها صبر و على طول تروح تنظف و تكنس يعني ما تعطيني وقت. بالنسبة لتربية بنتي صح ان ما احب احد يدخل في تربيتها لكن لما اشوف اهتماهم و حبهم لولد بنتهم هذا الشي يسوي لي حساسية يعني ازعل و قلبي يبي تفجر من الألم مع كل وحده شافت بنتي تموت عليها ماشاء الله عليها بس هما يحبون ولد اختهم اكثر من بنت اخوهم الي هي بنتي و هذا شي يقهر :29: :11:

اختي يمكن البنات بحبو بعض اكتر

يعني الخوات برتبطو عادة بالاخت اكتر من الاخ

بالتالي حابين بنت اختهم بسبب قربهم لاخوهم

يمكن

طيب جربي تشتغلي الصبح قبل متطلعي

والله عالسريع

نظمي شوي بس

انا اختك ملك شادي

شكرا على ردك يا منت عاجبني

هما ما يامروني و لا يقولون لي شي يعرفون اننا ما نوسخ ولا نصرف كثير من ناحية الاكل و المصرف طبعا، و بنتي ماشاء الله عليها صح لها 3 اشهر بس الله يهديها امي و يخليها لي من كثر ما تتكلم معاها، دوم تبي حد يكون جنبها و يلاعبها و يكلمها صح البيبي ما يفهم شي في هذا العمر بس يشوف ان في ناس حواليه و قاعدين يلاعبونه علشان كذا و اذا قلت لهم بنتي جيزي يقولون الحين البيبي ما يعرف شي انت معطي الموضوع اهمية زايده

صح يا اختي ملك شادي بس حتى مرات اذا صار شي في ولد اختهم، اخت زوجي الي هي صديقتي تقول لي انتي حسوده و انتي حسدتي ولدي و لما تقول جيزي تبط جبدي مع اني اشيل ولدها و الاعبه بس هم ولا يلاعبون بنتي ما اتذكر يوم اجوا و خذوا بنتي و لاعبوها كله انا اودي بنتي عندهم و بالنسبة لشغل البيت اسويه الصبح انا موافقة معاج بس شو تقولين لما التنظيف يصير دوم بالليل يعني الصبح لما اقوم ما في شي و البيت نظيف، انصحيني شو اسوي بالليل؟؟؟؟؟؟؟؟؟؟

لا تهتمي المهم زوجك فاهم وضعك ومقدره ،

مادامه واقف معك وفاهم وضعك لا تهتمي لغيره، هو المهم
واذا حد عاتبك مرة ثانية قولي الي عندك وصفو القلوب
يعني فهميهم شو انتي تشعري وهم بشو مقصرين ،واسمعي منهم وتفاهمو

الله يفرج همك

وانتي صاجة اختي بحرينية ولكن !!!

الي يقهر اذا صاحت ما يسكتونها و انا جربت هذا الشي اترك بنتي عندهم لما اروح اسوي شي و اسمع بنتي تصيح اروح اشوفهم قاعدين عندها و لا يتعبون نفسهم ان يعطونها المصاصة بس هم زينين، الحساسية وهذا الاشياء جت من بعد ما ولدنا انا و اختهم مع بعض يعني يفضلون ناس على ناس، والله ماادري ايش اقول القصة طويلة بيني و بين صديقتي الي هي اخت زوجي و تقهرني لما هي تقول شي و تسوي شي ثاني
لما بغيت اتزوج اخوها كانت تقول لي ليش تروح صالون في دبي و روحي صالون في الشارجه احسن، ليه تبين البوم صور فيها 200 صورة يكفيكي 50 صوره و بعدين كلها مكررة، مع انها ملجت و عرست بعدي و راحت صالون في دبي و عطت لنفسها البوم كبير ، و لما بغيت اربي قلت انا بروح بيت اهلي 40 يوم لان هذا ما عاداتنا قالت لا عيل انا ما بقعد اربعين يوم حرام ريلي بروحه في البيت و ما بقعد وايد اتاري قعدت لين ما كملت 41 يوم بعد مب 40 يوم

والله انا من الله ابي اساعد و انا مب من النوع الي ما اساعد و لا اشوف بيتي بالنهاية هم اهلي بعد و اهل بنتي و احبهم حبا في زوجي الله يخليه لي ان شاء الله

الله يعينك

حبيبتي لو كنت حابه اتساعدينهم مثلا قولي حق أم زوجك لا تعبين نفسج انت اجلسي وانا أخلص الشغل عنج بس انت أمسكي بنوتي وريحي نفسج ،،،

بسم الله الرحمن الرحيم00ماشاء الله تبارك الرحمن00
شوفي ياعسل عندك عدة امور لازم تحطينها ببالك:
اولا 0عشان يحبون بنتك لازم يحبونك00 طيب كيف؟مثلا ممكن تساعدينهم مثلا بدعوتهم عالعشاء من المطعم (بحكم كونك موظفه) حاولي تكسبينهم بالهدايا 00 عوضيهم عن غيابك00 كذلك حسسيهم بانك محتاجه لهم وهم كذلك محتاجين لك00 قد يعتبرون سلوكك معهم((غياب بنتك وغيابك)) بانك مستغنيه عن مساعدتهم00 مثلا اطلبي من بنتهم الصغيره تفزع معك بتصليح الرضاعه بعدين قولي لها : جزاك الله خير مدري شسوي بدونك00 الله رزقني باخت جديده00 ان شاءلله نفزع معك في عيالك00 وكثري من التودد والتقرب 00 كذلك خمي البيبي الصغير وقولي بسم الله عليه يجنن يشبه امه((جاملي))
كذلك قربي المسافات بينهم وبين بنتك00 مثلا امتدحيها وقولي طالعه عليكم00
كذلك شاوري ام زوجك في امور بنتك بحكم خبرتها حتى لو كنتي تعلمين بان معلوماتها خطأ لكن عززي نقطه انك بحاجه لدعمها وبيني اهميتا عندك00وامتدحيها في تربيه اولادها واساليها عن الطريقه((وقولي ياليت تطلع بنتي زي عماتها سنعه!!((هك)) :25:
كذلك اتصلي علي ام زوجك وانت بالخارج وقولي لها وش تامرين عليه من بره00:22:
يعني اكثري من تقديرهم وحاولي ترك بنتك شوي مع اهلها00 لكن بتعويض ذلك مثلا بشراء اغراض للبيت اوقطعة قماش لام زوجك او عطر لاخته 00 شاوريهم مثلا بطلعه مشتركه معهم00 لكن لاتكثري منها
الخلاصه:::انغمسي معهم في حياتهم بالغصب لين الله يفرجها:25:
لااله الا الله محمد رسول الله00

اختى كوب كابتشينوا احسنتى بارك الله فيك

مشكورة يا خواتي والله ردكم تبرد الصدر بس برد على كل وحده لحال
اختي دلووووعة والله مثل ما قلت انا اشيل ابن اختهم و الاعبه و بالنسبة لشراء الاشياء والله انتي صاجة مع اني بديت من كم يوم لما اشتري شي حق بنتي اشري له مع ان اخت زوجي الي هي ام البيبي لما تشتري شي حق ولدها ما شفت شرت شي حق بنتي هي عادتا تشتري لاولاد اخوها الكبير بس لبنتي ما شفت لا منها ولا من اخواتها مع انهم يشترون حق ابن اختهم و بعدين اغراض البيبي شي تافه و انا ما عندي اي مانع ان اشتري لولدها و بالنسبة لان اخلي بنتي عندهم بالاسبوع مرتين لانهم اربعة، ما يصير انا اقول لك كيف ام زوجي مسؤولة البيبي و زوجة اخوهم الكبيرة عندها ولدين و الله يعينها و يبقى الاخوات الي هم في اشغالهم لين الساعة 3 الظهر يعني لما يردون يكونون تعبانين و يبون يستريحون لين 6 المغرب و في ذيك الساعة انا اكون في البيت :25:

اختي كوب كابتشينو و الله كفيتي و وفيتي ماشاء ا لله عليكي بس برد والله بالنسبة للمحبة هم يحبوني بس الي صار ان عدم مساعدتي لهم في البيت هي الي اثرت فيهم، و بالنسبة لاني اخذ مساعدتهم و ابين لهم اني محتاجهم والله انا استحي وايد ان اقول لاخت زوجي ساعديني في شي تتعلق في البيبي انا لما كنت بيت امي في الاربعين مع اني كنت تعبانة و ما اقدر اقوم من مكاني بحكم العملية القيصرية كنت ا ستحي اقول لامي جيبي لي كوب ماي و كنت اصيح ان وصلت لهاي الحالة مع ان مع مرور الزمن تحسنت حالتي و بالنسبة لخمي لبيبي انا مااقصر بس اشوفه و انا فاضية الاعبه و اشيلها و في اشياء الثانية زي شراء قطعة قماش او عطر انا معاكي في هذاي السالفة مع ان كل عيد ما اقصر مع ام زوجي :30:

اختي انا ما فهمت سامحيني ،،
هم يطلبون منك تنظفين بيتك أو تساعدينهم في تنظيف بيتهم؟؟

هم ما يطلبون بس بطريقة غير مباشرة يقولون حق اختهم الي هي صديقتي و هي بعد تلمح لي وانا اعرف هذا الشي يعني يبون اساعدهم

أنتي قوليلهم أنا صراحه ماأقدر أساعدكم بنتي ماخده كل وقتي وبعدين حبيبتي أهم شي أهلك يحبون بنتك

ليش ماتقدمون على شغاله ؟ على الأقل تساعدكم في شغل البيت

شوفي يااختي دامك عايشه معهم لالالالازم بتحتاجين لهم والدنيا حواجة عودي نفسك00 صحيح هذا مو من طبعك بس الان انت مظطره مستحيل بتلحقين على كل شي بتتعبين نفسك كذا00
وعشان ماتنحرجين عوضيهم بطريق غير مباشر00 صدقيني الدنيا والظروف تغير الواحد00:(
ونصيحه قلبيه ابتعدي عن المقارنات سواء مع بناتهم او حريم عيالهم00 يعني لاتقولين مسكو عيال بنتهم وانا لا00 او راحو لزوجه ولدهم الكبير وانا لا00 هالشي بيدمرك0((0 لان الناس اصلا يفرقون في التعامل بين بناتهم فكيف بين حريم عيالهم))
عيشي حياتك بعيد عن المقارنات واقنعي نفسك ان كل مايحصل للانسان فهو يستحقه نظير سلوكه00:22:
يعني اختلاف تعامل الناس مع الاخرين نتيجه لاختلاف تعامل الاخرين معهم00 باختصار سوي معهم زي سلوك زوجه الابن الكبير اذا كانو يحبونها00:22:
كذلك تذكري((احسن الى الناس تستعبد قلوبهم00))
((تهادو تحابو))