|
يحق له يسافر ؟؟؟؟ بصيييييييح :(
السلام عليكم ورحمة الله وبركاته ..
أخواني وأخواتي .. بدخل في الموضوع على طووووووول .. :29: زوجي يبي يسافر في إجازته السنوية مع أصحابه لمدة أسبوع .. فيها شي ؟؟ بتقولون لا مافيها شي عادي .. طيب .. أنا مثل ماتعرفون بغربة .. يعني : ماعندي أب .. ماعندي أخ .. ماعندي خال .. ماعندي عم .. ماعندي جد .. عندي بنتين الله يخليهم ويحفظهم .. وعندي وظيفة ولله الحمد .. وين المشكلة ..؟ لما توظفت اتفقنا انا وهو ويمكن كانت فكرته بالاول .. إن إحنا نرتب إجازاتنا السنوية مع بعض .. يكون فيه بيني وبينه تنسيق بحيث ماياخذ واحد منا إجازة بدون الثاني .. والسبب : أنا إذا أخذت إجازة سنوية أبغي أسافر واقضيها عند أهلي .. وفي نفس الوقت ما أبغي أترك زوجي بالديرة فترة طويلة .. وهو إذا أخذ إجازة سنوية يبغي يسافر مع أصحابه ويتونس .. وفي نفس الوقت مايتركني في الديرة وأنا ماعندي أحد .. راح الأخ الحبيب:29: .. وأخذ إجازة سنوية وأنا ماعندي http://www.66n.com/forums/images/icons/cry3.gif طيب .. قلت له يعني كيف ؟؟ أنا إذا أخذت إجازتي باروح عند أهلي وإنت بتبقى بروحك هني .. قال لا أنا عندي رصيد وباخذ إجازة معاك .. قلت له طيب .. يعني في إجازتك هذه ماراح تسافر .. قال باسافر خميس وجمعة بس .. بلعت القهر وسكتّ .. اليوم يقول لي كلمني صاحبي ويبيني أروح معاه ( المغرب ) <<<<<<<<< زوجي حارمني من السفر لأنه يخاف من الطيارة .. بس إذا الأمر فيه وناسته عادي يشفى من مرض الخوف ..:29: :29: أنا قلت له يعني اشلون ؟؟ إنت قلت مابتسافر وتخلينا .. قال لي بس أسبوع واحد .. قلت له ولو .. أسبوع مب شوي .. يمكن يصير لنا شي وماعندنا أحد .. قال ( إن شاء الله مايصير شي ) قلت له الواحد يحط أحتمالات وياخذ إحتياطات .. قال لي ( تفاءلوا بالخير تجدوه ).. وعصب وبس مايبي يتناقش .. بعدين قال لي خلاص بسافر الخميس وبارجع السبت .. أهم شي يوم اللي عندك دوام أنا موجود بالديرة .. آآآآآآآآآآآآآه .. مقهورة ودمعتي بعيني .. أناني يفكر في نفسه وبس .. |
عليكم السلام ورحمة الله وبركاته
تصدقين !!
من شفت عنوان الموضوع بالشريط عرفت إنه لبحرينية :) ماراح أرد عليك الآن إلا لما تهديييين وتفكرين بهدوء تراني عرفت شوي من شخصيتك :28: مجرد ماتهدين وتجلسين لوحدك وتفكرين تلقين حـل يرضيكم ماأوصيك يابحرينية لاتتكلمين كثير بالموضوع وتحتدين بالنقاش مع زوجك إلا بعد ماتجلسين لحالك وتفكرين بكل كلمة تقولينها له وبعدها تطرحين الحلول عليه وإن شاء الله خيـــــر . |
أبشرك غالية ..
الأخ بعد النقاش اللي صار أخذ ال ( sleeping bag ) وملابس .. وراح يخيم مع أصحابه .. :( لا وقال لي أنا اسبوعيا باروح رحلة مع أصحابي يومين وإنتي لا تطلعين أبد أخاف يصير لكم شي إذا طلعتوا وأنا بعيد عنكم ..http://www.66n.com/forums/images/icons/icon40.gif |
كلام الاخت غالية صحيح
اهدي وصلي لك ركعتين وبعدها اجلسي مع نفسك وفكري في موضوع سفره اذا الموضوع قابل للنقاش ناقشيه بكل هدوء لكن اذا النقاش ما راح يجيب معاكِ نتيجة ريحي حالك احسن ولا تتعبي اعصابك لانه بيسافر يعني بيسافر يعني اهلك بعيدين عنك طيب وأهله ما فيه احد قريب منك؟ |
الله يكون بعونك..بس ترى الرجال مايصلح معهم اسلوب العند..حاولي معه باللين..وبعدين المغرب وش فيها ينراح لها!!!!
انتي حاولي معه انكم تحتاجونه وانه اذا صار لكم شئ بغيبته ..تراكم في ذمته..وهو المسوؤل قدام الله عنكم.. وبالنسبة لطلعة البر مو مشكلة خلية يطلع يغير جو..علشان يرجع بنفسيه حلوة..ولو قال انه بيطلع كل اسلوع..قولي له انكم بعد انتم تبغون تطلعون وياه..وحاولي يكون اسبوع معكم واسبوع مع ربعه في الر.. يعني شئ احسن من لاشئ.. والله ييسر اموركم يارب.. |
اقتباس:
أنا بديرة زوجي .. أهل زوجي مو فاضيين لي .. سفراتهم كثيرة .. ومايهتمون لي أصلا .. مع إني معاهم ببيت واحد .. بس ولو .. هم ماراح يحلون محل زوجي .. أنا مرتين وأنا في طريقي من البيت للدوام أو العكس تصير لي مواقف .. الأول حادث سيارة .. والثانية الإطار ( بنجر ) أو ما ادري ايش يقولون لها .. من لي غير زوجي أتصل به يجيني ؟؟ يعني في الأسبوع اللي بيسافر فيه هو يضمن إنه ماراح يصير لي شي وأحتاج له ؟؟ يمكن حادث .. ولو ماطلعت من البيت مثلا .. مافيه حوادث تصير بالبيت ؟؟ إصابة بليغة مثلا .. إغماء .. سكتة قلبية .. جلطة دماغية .. يصير أو مايصير ؟؟ طيب .. ليش الزوج لما يبي يبين في موقف قوة وأهمية يقول إن الزوجة ماتقدر تعيش بدونه ووووو .. وإذا بغى يتركها يقول المرأة تقدر تعتمد على نفسها .. تناقض عجيب .. |
اقتباس:
مين اللي معاند ؟؟ أنا وللا هو ؟؟ هو اللي معاند يبي يروح .. أنا مش في موقف يسمح لي أعاند لأن الأمر مو بيدي أسمح له يروح أو ما أسمح له .. النقاش مع زوجي معدووووووووم .. طلعة البر أنا ماقلت له شي خله يروح .. بس هو يقول أنا إذا رحت البر إنتي أجلسي في البيت ولا تطلعين أبد .. يعني في أيام الدوام ماعندي وقت أطلع .. وفي إجازتي الأسبوعية أنحبس في البيت .. أفهموووووني .. قاهرني والله .. |
الله يعينك
الله يسخره لكم اخاف اتكلم اشيشك عليه بزود وربي مايرضى هذا الشئ مالي الا ادعيلك |
جينز ..
يعني الحق معاي صح ؟؟ :(:(:(:(:(:( |
شوفي حبيبتي ام الدانه لاتناقشيه الحين وان صار بعيد عنك كلميه او ووحده من البنات تقوله طفشانين ونبغى نطلع يابابا لان الزوج لاصار بعيد ^^^يلين قلبه ويحس فيكم الحين ودعيه مصحوبا بدعواتك ولاتيني ان متضايقه نهائيا الله يسعدك دوووووم وتروحين للاسباير يارب |
اقتباس:
اسباير للحين ماشفتها من يوم الموضوع:29: زوجي مايهمه أحد .. إذا فكر في وناسته أو وناستنا .. كفة وناسته ترجح .. المشكلة مو في إني أبي أتونس .. فيه شي اسمه ( ضرورة ) وشي أسمه (ترفيه ) .. والإنسان العاقل يقدم الأهم على المهم .. بالفطرة المفروض يعرف ايش الأهم وايش المهم .. بس هو رغباته تطغي على سلامة تفكيره .. |
الله يكون في عونك اختي بحرينية
خلاص ما زال انه سافر ادعي له بالتوفيق الله يرجعه لكم سالم اكيد يا اختي محد يحل محل الزوج بس وقت الضرورة لازم الجئ للأقرب يعني كلها اسبوع ربي ما راح ينساكم وان شاء الله يحفظكم من كل شر انتي وبناتك ليتني اعرفك كنت ونستك |
لا ماسافر ..
راح البر وبيبقى لي بكرة أو يمكن اللي بعده .. إجازته السنوية للحين مابدت .. أشلون أخليه يصرف النظر عن السفرة ؟؟ وينكم ياشباب .. كيف تقدر المرأة تقنعكم بعدم السفر ؟؟ |
حبيبتي بحرينية انا ما ابغى ازيد الطين بله بس لازم اقولها الرجال طول عمرهم انانييين و ما يفكرون الا بانفسهم و بس ما همهم احد اهم شي وناستهم و احنا الله لنا و الصبر الصبر و بس
|
افا افا افا بس بحرينيه اختي الكريمه
اذكري الله انتي الان واريحي قلبك وما بيصير فيك شي ان شاءالله ولا لعيالك خليكي هاديه واذكري الله بس.. وسالفة البر خليه يروح البر اله موسم وبيمل وبيرجع.. اما سالفة السفر خليها انتي الحين وارتاحي وصلي لك ركعتين واذكري الله وسبحيه ان شاء الله تخف نفسيتك شوي وترتاحين اختاه ولي عوده اول صلي ركعتين واستغفري الله واهدئي بارك الله فيكم لي عوده.. ياذن الله لا تنسي اذكري الله واستغفري.. |
وااااااااااااااااه يانااااااااااااااااس
على الزعلانين لاياعمري لا ماعاش من يزعلك ماعاش هدي شوي الله يخليك والله وانا اقرأ ردوك قلب عورني من العصبيه:23: حبيبتي استهدي بالله وتعوذي من الشيطاااااااااان قومي صلي ركعتين واذكري الله 1\\\ زوجك بيسافر بيسافر صح يعني لو تطلعين قرونك http://content.sweetim.com/sim/cpie/...s/00020077.gif ولو تضاربين http://content.sweetim.com/sim/cpie/...s/00020080.gif وتخرمشين و http://content.sweetim.com/sim/cpie/...s/00020059.gif كل هذا مارح يفيد صح اذا كان براسه السفر سواء رضيتي ام ابيتي على الاقل يسافر وانتوا الاثنين راضين احسن من يسافر وانتوا الاثنين شادين مع بعض اسمعي مني ياقلبي انا استهدي بالله وتزيني واجلسي مع زوجك حبيبك وقولي له بكل دلع وتغنج حبيبي انت خلاص نويت السفر؟؟ طيب كم يوم راح تجلسون ان شاء الله؟؟ الله يسعدك وان شا ءالله تنبسط لاتنسانا من الهدايا<<<<< http://content.sweetim.com/sim/cpie/...s/0002006B.gif وحاول حبيبي لاتتأخر علينا راح نفتقدك وووو وتدلعي عليه وحركات من هنا ومن هنا وقولي له لاتنسانا من اتصالك عشان نطمن عليك وتطمن علينا وقولي له حبيبي حتى احنا ودنا نسافر معاك ونغير جو ونستانس مع البنات توعدنا المرات الاجازه القادمه نسافر سوى ؟ وجهزي شنطته واعملي له حركات ودلع وعطري ملابسه من عطرك وودعيه وحصنيه وادعي له بحصن الفرج وغض البصر عن الحرام واستودعيه الله صدقيني ياام الدانه راح يسافر وهو مبسوط وبنفس الوقت راح يشالق لك عارفه ليه لانك ودعتيه وانت راضيه وبنفس الوقت متأثر من سفره فراح تكون عودته متلهفه هذا اذا قصها من واخذها يومين ورجع ام الدانه ياعمري من فتره لفتره يحتاج الرجل الي تجديد النشاط وتغير الجو من ناحية سفر او طلعات من الشباب مادام الحمدالله زوجك مستقيم ولا هو حق حرام الله يبعد عنه شياطين الجن والانس لاتخافين عليه راح يسافر ويغير جو وراح يرجع لك مبسوط وراح يبسطكم ويصير مشتاق لكم حاولي هذي الايام تكون جلساتكم وطلعاتكم مع البنات ممتعه يعني حتى يكون لها طعم ثاني عشان يتذكركم فيها خصوصا وقت السفر ولما يرجع خليك مبسوطه وبيني له اشتياقك ولهفتك وخذي الامور ببساطه وراحه ام الدانه زوجك جنتك ونارك ولاتخليه يسافر وهو غضبان عليك وطفشان منك خليه يروح وهو مبسوط ومشتاق لك الله يألف بين قلوبكم ويحنن قلوبكم على بعض ولايغير عليكم ام الدانه ومن ناحية بيصير لك شي لاسمح الله بإذن الواحد الاحد مارح يصير شي اهم شي رضاااااااااااااااااااااااااااااااااااه عنك هيا ياقلبي تعوذي من الشيطان الله يسعدكم يارب حصنتكم بلا اله الا الله |
اختي بحرينيه ولكن
والله الموضوع ما يستاهل بعدين استغربت من تفكيرك ..انه اذا سافر يمكن يصير كذا وكذا يا اختي .... قل لن يصيبنا الا ما كتبه الله لنا لو كل وحده بتفكر بطريقتك ..كان ما احد ركب سيارة ولا طيارة ولا خلى اولاده يسافرون يدرسون ولا احد طلع او سافر يقضي اشغاله واعاملة خلي الرجال يطلع ويوسع صدرة وانت بعد بعد لك كل الحق انك توسعين صدرك اما بالنسبة لاهل زوجك ..لازم يكون له مكان في حياتك ... عشان اذا يوم لا سمح الله صار لك ظرف وزوجك مو موجود لظرف ما ...يكون لك سند في الغربة وربي يسعدك |
اقتباس:
اصبر وبس .. يمكن مع مر السنين يحس ويندم ويعوضنا .. ويمكن مايحس.. وأعيش طول العمر أتنازل عشان عيونه .. |
اقتباس:
جزاك الله خير أخوي على مرورك .. أنا أبد ما أعترض على روحته للبر .. بس هو الحين يبي ينتقم مني لأني ماوافقت على موضوع سفره .. وقال لي مافيه طلعات حزة اللي أنا أكون فيها بالبر .. |
اقتباس:
|
ام الدانه
تعرفين المثل اللي يقول (( لجل عيون تكرم مدينه))) :d الحياة الزوجيه كلها تنازلات وتضحيات من الطرفين الله لايغير عليكم ام الدانه طيب متى اجازتك؟؟؟ |
اقتباس:
لو في يوم حادثتي كان زوجي مسافر .. أنا كيف أتصرف ؟؟ طبعا لن يصيبنا إلا اللي مكتوب لنا .. لكن مو معناته نترك كل شي ونتكل .. مثلا إنتي بتسافرين اسبوع وتتركين بيتك .. مش لازم تسكرين الكهربا .. وتخبين مجوهراتك .. وتقفلين الأبواب .. مو كل هذه أمور الواحد يحتاط لها منعا لحوادث الحريق والسرقة وإنتي غير موجودة ؟؟ أشلون مايحتاط لأهله زوجته وبناته .. موإحنا بشر وإحنا أولى ؟؟ بالنسبة لأهل زوجي .. أنا عارفة ومتأكدة إنه لو صار لي شي أكيد بيوقفون معاي وبيسندوني ماراح يخلوني انا وبناتي .. لكن مو حلوة والله الزوج رايح ينبسط ويتونس وتارك مسؤولياته على أهله .. لو إن هلي عندي كان شي طبيعي ألجأ لهم وماراح أنحرج منهم .. لكن أهل زوجي بيني وبينهم حاجز بناه الطرفين أنا وهم .. أنا كذا مرتاحة ومريحتهم .. ماراح أهد الحاجز عشان أتمصلح عندهم لما زوجي العزيز يبي يونس نفسه .. هو لما تزوجني يدري إن ماراح يكون لي غيره .. أنا وبناته من مسؤولياته .. وش ذنب أهله يحملهم مسؤولية مو لهم ..؟ أكرر .. أنا مامنعته من السفر .. لكن يختار الوقت المناسب .. |
اقتباس:
الطرفييييييييييييين .. مو طرف الزوجة وبس .. خلاص والله لاعت جبدي .. يارب يسافر وآخذ اسبوع نقاهة وراحة منه .. |
اقتباس:
|
هذا الزواج الى منجنات البنات عنده تجي تشوف الهناء الى منه
كان الله في عونك الله يصبرك مالك الا الصبر <<<حايمه كبدي من الزواج |
من اغلب الردود أكتشفت إن الرد على سؤالي :
نعم يحق له يسافر .. لذلك أنا باسكت عن الموضوع وخله يسافر الله معاه متى ماراح ومتى مارجع .. جزاكم الله خير لكل من شارك في موضوعي .. سامحوني لأني شوي معصبة ومتنرفزة .. <<<<< لا مو شوي إلا واااايد .. |
مادام السفر في رأسه بيسافر يعني بيسافر ماله داعي تنكدين على روحش الانانيه موجودة في معظم الازواج من رأيي خليه يسافر وانت زعلانة ويرد وانت بعد زعلانة وما ترضين عنه الابعد انه يوعدش ويحلف لش انه ما يكررها الا بأتفاق بينكم وما تخلين اي امور ثانية تؤثر على موقفش
|
اهليين بحرينية , والله مادري كل البحرينيات جذي دلوعات , والا بس آنه وانتي :d لالا بس خلاص لا تعصبين , خلنا نروح لموضوع سفر زوجج :25: اقتباس:
طبعاً ماله حق يخلي زوجته واولاده بروحهم ويسافر عنهم , وخصوصاً إن في بينكم اتفاق بالنسبة لـ الإجازات. بس إلي صاير إنــوو مووستحيل تغيرين فكرة زوجج عن السفر لأن باين عليه متحمس ! وحابب يسافر مع ربعه . انتي خلاص اتنازلي له يسافر (لأن اصلا لو ما تنازلتي بعد بسافر) خل يكون الشي عن طيب خاطر , وايد احسن بس طبعاً لا تتنازلين بدون مقابل ! لازم تآخذين وعد يسافر معاكم انتي والبنات , لمن اتطلعون اجازة مع بعض :22: تصدقين , آنه بعد زعلانة لأن زوجي بسافر عني مع إنه بروح (الحج) وهذي فريضة , ومع إني وسط اهلي وقاعدة في بيتنا . ولكن احسن إني بضيع بدونه !! يعني آنه حاسة فيج , الله يمرر هالأسبوع على خير إن شاء الله وما يصير الا كل خيـر |
الله يسخره لك يا رب
واذا كنتي توثقين فيه خليه يستانس مع ربعه 00000000000 |
alameri ..
للأسف كان فيه اتفاق من بينا وهو أخلف .. وهذا من أهم طباع زوجي .. منت عاجبني .. يعني بيسافر بيسافر .. مافيه حل لهالشي .... :(:( ياما اتفقنا ووعدني نسافر ويقول لي بنروح ويبروح ويخليني أتحلم وأغرق في خيالاتي .. وبعدين أقول أصحي يابنت .. أي سفر وأي حلم وأي خرابيط .. ماشفنا شي .. على طاري السفر .. مرة قال لي بنسافر 4 ليالي دبي أعوضك عن شهر العسل اللي قضيته مريضة ( بعد كان دبي وأربع ليالي بس ).. جينا جهزنا للسفر .. إلا أسمع أمه وأخوانه معزمين يجون معانا .. يعني في سيارتين .. قلت لزوجي بس في الطريق مع بعض .. في دبي مانعرفهم ولا يعرفونا .. أو نأجل سفرتنا .. قال لا أوكي نروح .. رحنا طلعاتنا معاهم .. وشقتنا فوق شقتهم .. وبعد ليلتين قالوا بيرجعون رجعنا معاهم .. هذا وهو في نيته شهر عسل ثاني ..:(:( أنا الله كاتب علي ماتهنى بسفر مع زوجي .. من يومها قلت له أي وقت هلي بيسافرون باروح معاهم ولا تمنعني .. لأني شكلي إذا معاك باخيس ولا بسافر .. دعاء باشا .. أوثق فيه ..؟؟؟ أمممممممم .. والله مش متأكدة من هالنقطة .. بس هو حر .. اللي مايخاف من ربه مايخاف من أحد .. |
الله يكون في عونك بحرينية
هو طلع وانتي زعلانه اكيد راح يتضايق وهو مع الناس الله يحفظك يا اختي |
اقتباس:
السلام عليكم . . . أنا كزوج بقولك إنه لكل رجل مفاتييييييح وكل واحده أدرى بمفاتيح زوجها وكل ما عليها هي استخدام هذه المفاتيح . . . يعني مثلا زوجتي تعرف أنها لو عملت هذا الشي أنا برتاح وزوجتي تعرف انها لو وفرت لي هذا الشي ما راح أتركها وأشياء من هذا القبيل . . . وبعدين يا أختي .... لا تكبري الموضوع كثير أنا شايف إنه فترة سفر بسيطة ما راح تأثر شي ومثلها مثل سفر للشغل بس الفرق هون مضطر وهون بكيفي . . . ولكن الأهم ... كيف زوجك وأخلاقياته؟!؟! يعني هل ممكن يروح يسافر لأغراض محرمة ولا انتي متأكدة انها مجرد وناسه مع الأصدقاء؟!؟ . . . أسأل الله لك العفو والعافية والله المستعان |
حبيبتي اقولك خليه يسافر بكيفه
لان ايش ما قلتي و سويتي بيسافر و اذا ما سافر اسمحيلي بيطلعها من عيونك و بتقولين ليته سافر و فكيني لكن الشؤال هنا : كيف اخلاقه كويسه ؟ واثقه فيه ؟ هل ممكن يطلع برى الخط ؟ الله يعينك و اهم شيء انك تدعيله الله يهديه و يبعده عن الحرام تحياتي اختك حلا الايام |
اقتباس:
اهلين حبيبة قلبي بحرينية انت ليش تفترضين الحوادث قبل وقوعها ؟؟؟ اتكلي على الله ..الواحد يسوي اللي عليه من احتياطات والباقي على الله سبحانه لكن ان اوقف سفرة حتى لو كانت للوناسة لان يمكن يصير حادث؟؟؟ لا هذا مو معقول شوفي اختي ...انت صحيح متفقة مع زوجك على توقيت الاجازات ...لكن هذا هو اخلف الاتفاق انت زعلانه لانه اخلف الاتفاق ...والا انت خايفة انه يصير لك حادث لا سمح الله ؟؟؟ حددي اي من هالسببين اللي مزعلك ؟؟؟ انا حاسة انك متلخبطة ..مو عارفة تحددين وش اللي مضايقك من سفرة اعتبري ان سفرة لشغل... لو كان زوجك من النوع اللي شغله يتطلب سفر كثير ...كيف كنت راح تتصرفي ؟؟ اختي ...صحيح انت في بلد بعيده عن اهلك ....لكن على الاقل في يدك سيارة و ووظيفة انا مثلك في بلد بعيد عن اهلي ... وزوجي من النوع المشغوووووووووول جدا وانا لا املك لا سيارة ولا وظيفة ...لكن اقلمت نفسي على هذا الوضع وانا شايلة اغلب المسؤلية عنه يعني المراة الشاطرة تعرف كيف تدبر امورها بدون زوجها صدقيني هو راح يسافر سواء رضيتي ام لم ترضي فريحي نفسك ولا تحطين عراقيل لانك انت اللي راح تتعبين في الاخير وهو اللي راح يسافر وينبسط الله يسعدكم |
هلا أختي ... والله حاسة فيك لأني بعيدة عن أهلي ولو بيطلع نصف يوم مع ربعه أموت قهر لأني فعلاً أفقده مافيه أحد يجيني ولا أروحله ...بس مثل حالتك ادعي ربك يسخره لكم والمشكلة موفيه بربعه الله يهديهم جميعاً،،،،،ادعي ربك يصرفه عن هذي السفرة ..(يارب إذا كان بسفرته خير له ولي فسهلها يارب وإذا كان فيها شر لنا تصرفهاعنه ياااارب وتكتب لنا الخيرة يارب)(يارب تصرفه عن هذه السفرة بحولك وقوتك ياااارب)
الله يوفقك يارب ويكتب لكم مافيه الخير. |
السلام عليكم ورحمه الله وبركاته
هلا وغلا بام الدانه الغاليه :d الله يعينك ويقويك شوفي هو مسافر مسافر برضاك والابدون رضاك صح والا لا عشان كذا خوذي الحل الاسهل والاجمل هو الرضا خليه يسافر وهو راضي عنك وانتي راضيه عنك على الاقل يكون ضميرك مرتاح من ناحيه الله اولا وقبل كل شي لانك مراضيه زوجك ونايمه وهو راضي عنك ثانيا مثل ماقلتي محد ضامن هالحياة الله يكفينا شرها ودعيه وادعيله وقوليله اوعدني تكون اخر مرة تسافر بدوني ومن هالكلام :23: والله يسر امرك ويسخرلك زوجك :22: اللهم امين |
ياللي تقولون ليش أحط احتمالات وتوقعات وحوادث ..
زوجي من أمس في البر .. واليوم الأنبوب تبع السخانة في حمامي فرط وقام يهد الماي كله من الخزان والسخانة .. وألحين أنا ماعندي ماي في حمامي من الصبح .. وأبو زوجي يحاول يشوف المشكلة في حمامي .. حلوة يعني تشوفونها الزوج نايم بره البيت ورامي كل مسؤولياته على أبوه وأهله .. كل اللي قادرين عليه تقولون لي خليه ينبسط وخليه راضي عليك .. جاااااااااااااوبوني بصراحة .. |
شي ثاني ..
زوجي مرة راح يومين دولة (( خليجية )) يعني مو المغرب .. بعد مارجع .. ظل اسبوع يوصف لي اللي شافه لما راح متنزه مائي .. تخيلوا ليل ونهار يقول لي البنات بمايوها وببكيني ووووو .. ويقول كأني قاعد بأوروبا .. وفوق هذا رايح المتنزه من الظهر لي بعد المغرب ماطلع منه .. |
معلش أختي
س انا ما بشوفها مشكلة لو كانت مرة بالسنة .. مو غلط ! انتي حاولي تاخدي اجازة و تروحي أهلك أقر فرصة و ان شاء الله الأمور بتنحل |
والله مافهموتني والله ..
أنا إجازتي ما اقدر آخذها إلا بعد شهرين أو ثلاثة .. وإحنا أتفقنا ناخذ الإجازة مع بعض في وقت واحد .. أنا اروح عند أهلي .. وهو يسافر المكان اللي يبيه .. عشان ما أتركه في إجازتي واروح عند أهلي .. ولا يتركني في إجازته ويسافر .. هو خالف الأتفاق وأخذ إجازة قبلي .. وقال معليش ماراح أسافر وأخليك .. بعدين قال باسافر خميس وجمعة بس .. بعدين قال بسافر اسبوع .. بالنسبة لزوجي أعرفه في السفر تزيغ عينه وما أدري إذا ممكن يعمل شي أكبر .. لكن مو هنا المشكلة .. لأني أنا ماراح أمنعه يسافر إذا أنا كنت عند أهلي .. بس أنا بعيدة عن أهلي .. وبعيدة عن زوجي .. أختي فافي .. لا تقيسين الموضوع على حياتك .. أنا غير وإنتي غير .. مو لأنك صابرة ومتأقلمة يعني أنا أقدر أتأقلم .. أنا يوميا أروح الدوام مشوار نصف ساعة ذهاب ونصف ساعة إياب .. تشوفينها شوي ..؟؟ |
| الساعة الآن 12:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©