|
كم المهر المناسب؟
بسم الله الرحمن الرحيم
سؤالي للأخوات المقبلات على الزواج كم تعتقدون المهر المناسب للزوجة الذي لا يثقل على الزوج وفي نفس الوقت يمشي حال الزوجة أفيدونا أفادكم الله |
انت من اي دولة واي مدينة لكل دولة ولكل مدينة عادات وتقاليد
|
بسم الله الرحمن الرحيم
اخوي انا ابتكلم عن المتعارف عليه في السعودية وبالاخص في منطقة نجد المهر بين ال 40 الف وال 50 الف ريال وعسى الله يوفقك ويسهل امورك ومبروك مقدما |
الأخت البحلة النفس
أولا اسمحي لي أن أسألك عن معنى البحلة تطفلا ثانيا أنا لا أسأل عن العادات هنا ولكن أسأل عما يكفي والبنات تقريبا لهن نفس الاحتياجات بعيدا عن المبالغات والاسراف الممقوت ألاخ الفاضل ولد أهله جزاك الله خير بس لا يسمعون دعوتك |
احنا بين فلسطين وسوريا والاردن ولبنان يعني بلاد الشام تكون مهورونا بين عشرة الاف وعشرين الف ولكن هذا يتوقف على وضع الخاطب ولكن بالنسبة الي بكفيني 15 الف مع دهب العروس انا هادي وجهة نظري
|
الي تشتريك بترضى بالي تقدر عليه ،، بالنسبة للمهر من 80 الى 100 الف كافيه ولله الحمد ..
الله ييسر على كل شاب يريد الزواج ،، |
صراحة حرام يكون المهر أكثر من 50 ألف أنا عن نفسي كان مهري 15000 ريال وكفاني وازيادة بعد ولاتنسو حديث الرسول: (أقلكن مهورا أكثركن بركة) |
السلام عليكم ورحمة الله وبركاته :
المهر المناسب ، والمناسب جداً / #40.000# ريال سعودي كافي وزيادة ولك تحياتي |
على حسب حالها وحال مجتمعها .. مثلا فيه ناس من طبيعة لبسهم والأغراض إلي يتقضونها ويشترونها عادية , مايهتمون بالماركات والألماس هذي يكفيها 30 ... والناس إلي يشترون ألماس وساعات ألماس وشنط ماركات هذولا 50 وياله يكفيها .. عشان كذا لازم يكون عندك خلفية عن مجتمعهم عشان ما تنقصها حقها بين قريناتها فتحس بشي في نفسها وتكسر خاطرها .. ولا يكونون مو متعودين , فيتوقعون إنك بطران وغني وتبذخ بالفلوس .. الله يوفقك ويوفقها ويسعدكم |
في الرياض 40000 ريال , يعني هذا معقول وشكرا |
انا من رايي 50 الف اتوقع تكفي...... عندنا اغلب البنات مهورهن 70 الف
والله يوفقك |
كل انسان وعلى حسب مقدرته
لاكن احنا في الحجاز يعني مابين الـ20والـ50 وفي ناس بتدفع اكثر بس المتعارف عليه هوا الي سبق وقلته ولازم اهالي البنات والبنات يقدرو ظروف الشباب وظروف ارتفاع الاسعار الي احنا فيها |
احنا بمنطقتنا 25- 30
بس كل التكاليف الثانيه من حفل الخطوبه للزواج القاعه والطقاقات .. للتاثيث بكامله كلها عالزوج يعني بالنسبه لي مو مهم كم المهر لكن ايش الاتفاق بينهم ومين يتحمل المصاريف الثانيه لان كثيرين مهورهم 50 وعليها القاعه والحفل وكل شي !! وبصراحه هالاشياء تكلف مرره |
لا ياخوي حاجات البنات مو نفسها البنات في كل منطقه متعودين على عادات تختلف عن المناطق الثانيه وحاجاتهم تختلف تماما..
بالنسبه للدول اخوي الاسعار تختلف والناس تختلف والاوضاع تختلف.. عموما زي ما قالو الاغلبيه بين الاربعين والخمسين كويس بالنسبة نجد.. اما في الجنوب مهورهم مرتفعه نوعا ما اتوقع مية وفوق.. باقي مناطق المملكة ماعندي فكره والله.. |
السلام عليكم برأيي الشخصي أن 35 ألف في مجتمعنا السعودي مناسبه ... والله يعين العزاب على جمع المهر |
الاخ يقول لكم .. ماهو المهر المناسب واللي مايثقل لاعليه ول فيه اسراف للعروسه ويوفي اغراضها تقولو 40 الف و100 الف :eek:
اخي عن تجربه الكثيرات 25 مره كويس ولو تبغى تبحبح لها اعطيها 30 وان شاء الله ربي يسهل امركم :22: |
عندنا اغلب المهور تتراوح بين 100 جرام و250 جرام ذهب
اكثر شي ربع كيلو ذهب |
مع غلاء الذهب , ارى المهر المناسب من 25 الى 30 ولا يزيد
|
مثل مااقال الاخ رادع المهر مابين 25 الى 30 الف كفـــــــــــــايه وزيادة بعد
اما الي يقول 70 والا 100 الف هذا مو كل اغراضها امكن تقدمه لأهلها وش بتشتري 100 الف مانقوول الا الحمدالله والشكر بس ........ واصلن الحين البنت ياالله تحصل الشخص المناسب مو شرط المهر يكفي والا لا وبالتووفيق |
السلام عليكم اخواني ..
احنا فـ اهلنا 30 .. واذا كثّرت 35 .. مو اكثر .. اهل جده .. والله يعلم مادري باقي العوايل .. فيه كل شي .. انا صحبتي مهرها 50 .. صراحه احس انه مره كثير .. 30 مره معقووول .. صح انه مايكفي .. بس هذي الاصول |
اتوقع ان انسب شي 50 الف....
|
أنا من رأيي أي أسرة تطلب فوق المعقول أن الشاب يتركهم ولا يعبرهم لأنه اللي يقبلون بالقليل كثير
وخلي بناتهم تعنس بعدين بيدورن على الشاب وهم من يدفعون المهر |
.......... ما اعتقد فيه عوايل يقولون نبي مهر كذا ... ولا عمري سمعت يهالشي إلا بالتلفزيون .... يعني اللي يقول من أسباب العنوسة غلاء المهور ... أقول له غلطان وكلامي مو من فراغ من كذا وحده سمعت هالكلام ............. بالنسبة للمهر 50000 بس ملابس زين من غير زواج و ذهب وتأثيث كل شي على الزوج ... واللي بيقول كثير ... ترى الدنيا تغيرت كل شي صار غالي ... والأخت على ما أعتقد اسمها محمد هيا أو الأخ ... وين ثمانين إلى مية ... هذا عندكم انتم لكن احنا لا... هذا مهر الطبقات العليا مو المتوسطة ...
|
من 25 الى 30 الف
كاااااااااااااااااااااااااااااااااافية بإذن الله |
السلام عليكم ورحمة الله وبركاته ,, أحنا عندنا في الشرقيه يترواح بين 30 إلـــى 35 ولكن ثق ثقه تامه أنها ما تكفي الزوجه من ملابس وعطورات وذهب وبعد إذا كان فيه عرس تكون الكوشه على الزوجه يعني الله المستعان وبع الزوج وراه اللتزامات والله يعين الطرفين وأنصح لكل المقبلين على الزواج ان يبدأون خطوه بخطوه ,, |
احنا عندنا في منطقتنا يتراوح بين 30 الف و35 الف انا مهري 35 الف صحيح انها ما تكفي مع ارتفاع سعر الذهب لكن وش نسوي والحمدلله ابوي الله يطول بعمره مو مقصر معاي فيه بعض الشباب المهر يكون على ابوه هو اللي يدفعه لكن اذا الولد كان وضعه المادي بسيط وابوه ما يقدر يدفع له المهر شلون بيقدر يجمع مبلغ 50الف او اكثر بالاضافة الى تكاليف الزواج وتأثيث مسكن الزوجية بصراحة انا اشوفها حرام بالنسبة للشباب اللي اوضاعهم المادية بسيطة |
ياجماعه خلونا واقعين في نجد .. الرياض وسدير والوشم واعتقد يمكن معهم القصيم
من خمسين الف وانت طالع .. |
في الرياض وسدير والقصيم المتعارف عليه خمسين
ولازم يجيب طقم ذهب او الماس على حسب ماديته انا مهري مدري كم !! بس ماكان خمسين لان ابوي قال لزوجي اكتب في العقد المهر خمسين الف زيها زي اخواتها ولانبي منك شي بس اهم شي العقد يكون خمسين والله يخليه لي ماقصر كنت اجهز ببطاقه ابوي ماعمري حسبت وحست زي هالبنات وصرفت فوق السبعين ياربيه كلش غلا الا المهور!!!!!!!!!!! امي مهرها كان خمسين!!!!!!! |
كان مهري 10000ريال كفاني و زاد...
يعتمد عل قناعة البنت ترى و طريقتها في الشراء انا اهلي بخير و يحبون الكشخة لكن انا اللي رفضت اخلي الزواج في صالة و حفلات و هالخرابيط اما اخواتي فكانوا يعملون حفلات و يشترون ذهب كثير لان احنا كذا طبقتنا الاجتماعية انا غيرهم ... قلت ما ابي شي لاني ما احب البس كثير و اكشخ وااايد احب البساطة... و الحمدلله على كل حال يعني اهم شي قناعة البنت |
40000 ريال مناسب جداً
|
على حسب اهل البنت وعاداتهم
احنا عاداتنا 50 الف وطالع اول واحد خطبني عطاني 35 الف - قمت اصيح من القهر وكذبت على الناس وقلت خمسين ليه لاني مابي اكون اقل منهم والله اني خففت على نفسي ومشترواتي قد مافدر ولا شريت ذهب ولا شي وزدت على ال35 -------- 8 الاف صراحه كل شي غالي .. الاقمشه والخياطات مايكلمونك الا بالالاف والعروس تبي كل شي زين ومن كل شي تبين تاخذ اكثر من شي << مدري فهمتوا والالا اخر شي الحمدلله ربي ماكتب وانفصلت |
قال الرسول (صلى الله علية وسلم)
"" أقلهن مهرأ أكثرهن بركة "" صدق الرسول الكريم ما له داعي يزيد المهر عن 30000 ريال انا أشوف من 15000 ريال الى 30000ريال تكفي زيادة لية بشري عمارة والا سيارة!!!!؟؟؟؟؟ تمنياتي لكم بحياة سعيدة |
تدرون اني افكر اقدم المهر ستين الف
طبعا شامل للذهب |
[QUOTE=رادع]مع غلاء الذهب , ارى المهر المناسب من 25 الى 30 ولا يزيد[/QUOTE]
كم يساوي 25 او 30 او 50 جراما من الذهب انتو تتكلمون بعملتكم المحلية ياريت توضحو اكثر القيمة |
بالنسبا الي المهر اعتقد ان المبالغ الى ذكرتونها مبالغ بها بالنسبا لنا اهل البحرين
اعتقد احنا في البحرين المتعارف عليه 15000 اتوقع فيه اقل مسكين الشاب زين منه اجمع المبلغ هذا بالنسبا لمجتمعي بس للاوساط الاخرى في البحرين فيه اكيد مبالغ تفوق هذا المبلغ باكثير تحياتي |
في السعودية
المهر المتعارف عليه .... ما بين 40 الى 50 الف ريال ويالله يكفي ... وتاخذ من اهلها اللي ينقصها ترا الدنيا غلت ..... والذهب طار سعره .... العروس تحتاج ذهب ولبس لا تنسون انها بكتون الانظار عليها بعد الزواج |
اقتباس:
ياحبيبتي لا تعممي انا مثلا مهري 10000 والحمدلله كفاني وزيادة |
أنا تزوجت منذ 12 سنة وكان المهر 5 آلاف وذهب بـ 10 آلاف
ولله الحمد زواج ناجح بكل المقاييس ... |
المهر عندنا بين المية وخمسين الين الميتين الف
و الله يرزقنا الرزق الحلال و يوفقنا |
والدي طلب من زوجي مهر قدره (الف ريال فقط لا غير) :)
+ الشبكه. زوجي مارضي وقدم 60 الف ريال لكن انا والوالد رجعناها كلها له واخذنا اللي طلبناه من اول (الف ريال فقط) وهذا الشيء طبّق عليا انا وعلى اختي ايضا .. |
| الساعة الآن 04:38 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©