|
زوجي حيرني
السلام عليكم ورحمه الله وبركاته
امس بعد الغداء قالي زوجي تأخرت اليوم؟ قلت عادي تعودت لان زوجي يداوم ويدرس الماجستير وصار يتأخر علي ومايرجع الا بعد العصر واحيانا على اذان المغرب انا عاذرته لاني عارفه انه يداوم في الجامعه هو حاول يبرر لي الموقف قلت له ترا عادي انا مو زعلانه بس اعلمك اني تعودت على تأخيرك المهم هو يطلع بعد العشاء ولما ر جع بالليل راح يغير ملابسه وراح ولدي معاه رجع زوجي شايل ولدي وفي يد ولدي الف ريال وقال خذي يا ماما انا قلت لي شكرا حبيبي قال هذي من صلوحي الي هو ولدي المهم عطيت زوجي كم بوسه وشكرته وتعشينا ولانه تعبان راح ونام اليوم سئلته قلت له حبيبي ليه امس عطيتني الف وش المناسبه قال مافي مناسبه قلت طيب وش فكرت فيه وعطيتني اياها قال والله مافكرت في شي قلت معقوله كذا تطلع فلوس وتعطيني بدون اي احساس ولا مشاعر ولا تفكير قال والله مافكرت في شي وشكله عصب قلت له على العموم شكرا انا ضاق صدري معقوله عطاني اياها بدون اي مشاعر انا فكرت قلت يمكن من كلامنا امس عن تأخيره حس انه مقصر ولان مافي وقت يجيب لي هديه عطاني الفلوس تمنيت انه قال كذا او على الاقل يقول يا بعد عمري لان هذي كلمته لي قلت يمكن يقول يابعد عمري شفت الفلوس في جيبي قلت اعطيها حبيبتي تستاهلها المهم اي مشاعر مو هديه بدون مشاعر معقوله ان احد يهدي احد شي او يعطيه فلوس بدون سبب او فكره تخطر على باله او بدون اي شعور معقوله والله قهر احس ان زوجي ما يبي يقولي يمكن ماله خلق يعبر عن مشاعره المشكله بعد ان زوجي مو راعي سواليف هو فيه رومانسيه ويقول كلام حلو بس نادرا دايما ساكت قليل الكلام يطفشني من اسلوبه هذا وخاصه لما عطاني الفلوس وقالي ان مافي سبب ولا في اي مشاعر ولا فكر في اي شي معقوله كذا؟؟؟ انتم وش رايكم؟ |
يابنت الحلال مايحمل تفكرين وتهوجسين , يمكن حس على قولتك بالتقصير فحب يعوضك بالمال ..
لاتدققين , اشتري له هدية حلوة وعطيه معاها كلام حلو وبطاقة وسوي له ليلة رومانسية بوقت إجازة ( خميس وجمعة ) وبكذا تشكرينه بطريقة غير مباشرة وتعلمينه فن إخراج المشاعر بطريقة غير مباشرة أيضا . |
ليش مكبره الموضوع..
لو مافي مشاعر كان ما عطاك اصلاً.. الله يهديك مكبره السالفه.. يمكن مثل ما فسرتي بس ما يبغي يقولك.. لا اتخلين الشيطان يوسوس كثير.. والله يوفقكم.. |
اختي العرووووس
اضحك الله سنك.....ما ادري ايش اقول لو اعطاك تتحيرين .....ولو ما اعطاك يكون بخيل فعلا انك حيرتينا:d بمزح اختي هناك احيانا امور يعبر عنها الرجل بالافعال ويأبى ان يصرح بها وهذه تعتبر من انبل واسمى ...[blink]معاني الاخلاص[/blink] حيث يفعل ....ما قد اختبأ في داخله من كلمات..... اختي لا تتحيري...بل اذهبي اليه وتقربي منه...واحمدي الله على ما انعم عليك ولك خالص الاحترامك اخوك |
الله يعطيكم العافيه
انا ماكبرت الموضوع ولا شي بس ابي اعرف ليه مايعبر عن مشاعره يعني مو معقوله يعطيني هديه ولا يكون فيه مشاعر وانا مايعجبني اسلوبه هذا انا والله دايما اتغاضى لان فيه صفات كثير حلوه واهم شي اذا قصر يحسب بالتقصير طيب بقولكم موقف ثاني ليوم الاربعاء كنا رايحين لاهلي واخوه سيارته خربانه وركب معنا هو وزوجته وعياله لان بيت اهل زوجته على طريقنا المهم زوجي كان شاري لي عطر هديه اخوه شافه وكان بياخذه وسحبه زوجه منه انا شفتهم في الشارع كانو يمزحون مع بعض المهم لما ركبانا كنت انا جالسه ورا زوجي في السياره اخذ العطر ومده لي قال خذي قلت له شكرا قال حلو قلت ايه حلو شكرا مع ان المفروض لما ارجع من اهلي كان عطاني العطر في البيت وانا وهو لحالنا وبأسلوب الطف |
عنده شعور داخلي بالامتنان لكن ماعرف كيف يعبر عنه
|
اخوي انسان
انا لو سويت له الي قلت وعطيته هديه بيقولي والله لو خليتي الفلوس تنفعك احسن ماودي تتخسرين وتجيبين لي هديه ابيك انتي تستفيدين من الفلوس اخر مره عطيته هديه كان معطيني فلوس بروح للسوق ولانه انقبل في الجامعه عشان يكمل ماجستير شريت له هديه قالي شكرا بس لو انك استفدتي من الفلوس احسن ومن بعدها ماشريت له اي هديه |
أختي هل من عشاق المشاكل والخصومات التي تخلق من لا شي ؟؟؟؟
ستعرفي كيف تتعاملين مع زوجك في حالة تشب نار بينك وبينه لا تنطفأ بسهولة فتندمين على أسلوبك معه , احمدي ربك على مثل هذا الزوج قبل أن تزول هذه النعمة |
أختي احمدي ربك واتركي الوساوس عنكِ . فالبدايه قلتي: اعتذر . وبعدها أعطاكي فلوس 1000ريال أختي حطي زوجك بعيونك واتركي الوسواس |
انتو مو فاهميني انا الحمد الله مو راعيه مشاكل
وما ابي المشاكل انا ابي اعرف ليه بعض الرجال مايعبرون عن مشاعرهم زين وكيف اقدر اخليه يطلع الي بقلبه وش الطريقه الي تخليني احسسه انه لازم يبين لي مشاعره وسلامتكم |
عادي يااختي واايد رجال يعبرون عن مشاعرهم بالماده ..
خلاص احمدي ربك على الاقل يعبر باسلوبه .. في كثيير غيرك يشتكون لا كلام ولاهدايا الحمد لله ع النعمه .. |
اقتباس:
اما عن انه اعطاك الهديه في السيارة عند اخوه واهله يمكن يبي يبين لهم حبه لك او يحاول ان يبين مشاعرة بطريقة ثانية |
اختي الكريمة .. هذا الموضوع رائع جداً وجاء بوقته ليعطينا مثال واضح على استراتيجية التفكير لدى المرأة والرجل .. تعتقدين بأن زوجك اعطاك النقود بدون مناسبة .. واقول لك بالتأكيد ان ذلك خطأ .. لقد اعطاك النقود ولم يذكر مناسبة معينة ولكن (تقديره الشخصي لك) بالذات لموقفك الرائع بالصبر على ظروفه وتغيبه عن البيت لوقت طويل اضافة الى حبه لك ..كل ذلك يشكل له سبب للتعبير لك عن هذا التقدير والحب بطريقة (ربما لاتعجبك) ولكنها عفوية نوعاً ما .. فقد يكون زوجك من الرجال الذين لا يجيدون التعبير عن مشاعرهم عن طريق الكلمة ..بل يجد بالهدية العينية طريقة واضحة للتعبير عن الحب .. وقد يكون زوجك رجلاً بصرياً بينما انت سماعية ..وهذه النقطة في صالحك اذا مااردتي ا ن تكسبين زوجك اكثر واكثر وذلك عن طريق الهدية العينية ..جربي ذلك وسترين في هديتك مفعول السحر الذي لايصدق!! ولكن كل ذلك لايشكل اي فرق طالما ان العلاقة العاطفية بينكما واضحة المعالم .. وثقي تماماً بأن زوجك يحبك ..فليس جميع الازواج من يفعل ذلك مع زوجاتهم..صدقيني |
حبيبتي فيه ناس تعبر عن حبها بالكلام وفيه ناس بالافعال وفيه ناس تعطي زي زوجك وفيه ناس تبي تكبر المواضيع مثلك اختي روحي طيري الاف قبل لا يغير رايه ابو الشباب وعليك بالعافيه
وكلام ابو فراس النمري مرررررررررررررررره مقنع وسليم 100% |
الله يعينك على تفكيرك000
|
والله انتم يا معشر النساء تركتم الزوج بين نارين ..ان لم يعطيكم او يهديكم اقمتو القيامه ولم تقعدوها وان اعطاكم او اهدى لكم سالتم لماذا ..وليش فهل هذا يعقل يا اختي الكريم ..خلاص الرجل اعطاك المبلغ والحمد لله سواء بسبب او بدون سبب خذي المبلغ وادعي له في ظهر الغيب .. http://www.21za.com/pic/salam_kalam007_files/80.gif .. |
الله يعطيك العافيه اخوي ابو فراس هذا الكلام الي يشرح الصدر
اما اغلب الاعضاء هاااااااااااااااااااااااااادين فيني بسم الله علي انا ما قلت لكم بزعل على زوجي والا بتهاوش معاه انا الحمد الله زوجه عاقله واعيه مو راعيه مشاكل بس شي حيرني وحبيت استفسر منكم وبعدين الي يقول الله يعينك على تفكيرك اي تفكير تقصد انا الحمد الله مافكرت تفكير شين في زوجي عشان تقول كذا والي يقول احمدي ربك انا الحمد الله دايما احمد ربي مو عشان الهدايا والفلوس لا انا احمد ربي لانه اعطاني العقل والحكمه والصبر على تحمل جميع الظروف والتقصير من زوجي ووقفت معاه في جميع الظروف كل الناس حسدوه لانه متزوجني مو لجمال لا بل لاني امرأه مثاليه وبعض اصدقائه يسئلون هل عندي اخوات عشان يخطبون وهذا كله لاني مريحه زوجي وحاطته فوق راسي وان شاء الله ينفع بس انا مصره لييييييييييييييييه الصمت عن بعض الرجال ليه ماتعبرون عن مشاعركم وانا مصره مافي هديه بدون سبب وش رايكم |
عادي يا اختي معظم الرجال كذا ما يحبون يعبرون عن مشاعرهم
خليك من التفكير واعتبري الامر طبيعي |
بكل بساطة يا أختي
أذا شايفة أنه أهانك أو زعلك بأنه عطاكي الف ريال رجعيها له ويا دار ما دخلك شر . يا بنت الحلال الرجل يحبك ويموت عليكي وأنتي تعاتبينه ليش يجيب لك الدراهم بدون ما يقول أنا احبك وأموت عليكي بالله ايش اسوي فيكي انتف شعري وإلا اضرب راسي بالجدار . والله أنه يحبك ويموت عليكي بعد . لازم تعرفين أن الرجال يعبرون عن الحب بالافعال بعكس النساء اللآتي يعبرن عن الحب بالأقوال . الله يسعدكم يا رب ويجمعكم على خير دايم اخوك القلب الكبير |
القلب الكبير
انا ما قلت انه اهاني بالعكس انا فرحت بالهديه وعطيته مليون بوسه ومدحته ومابقيت كلمه حلوه ماقلتها له بس انا اسئل هل معقول ان طلع الفلوس من جيبه بدون احساس وبدون اي سبب انا قلت على الاقل يقول شفت الفلوس وقلت اعطيها حبيبتي تستاهل بعد هالكلمه صعبه بس بدون اي تعليق شي يقهر رغم اني مابينت له اني تضايقت بالعكس ابتسامتي بالطول والعرض واصلا انا الحمد الله بشوشه محد فاهمني |
اقتباس:
اختي الكريمة ..بصراحة تامة هل تشكين بزوجك ؟؟ |
هلا اخوي
لا ما اشك فيه بس انا مستغربه من بعض الردود الي يقولون احمدي ربك وانتي تبين المشاكل والي يقول الله يعينك على تفكيرك انا ما قلت ابي مشاكل انا استفسرت عن شي محيرني والا انا غلطانه يعني انت اخوي ابو فراس ممكن تعطي احد هديه بدون اي شعور طراء على بالك معقوله هديه بدون اي احساس؟؟؟ |
يالله ما شاء الله تبارك الله انا شايفه انه الحركه اللي سواها زوجك مره حلوه انه جا ومعاه ولدك شايل الفلوس ..يا ناااااااااااااااااااااااااس ما شاء الله تبارك الله ..
احمدي ربك ياختي ترى النعمه تزول عن اللي جاحدها.. |
اقتباس:
بصراحة ...لا مستحيل اشتري هدية لأحد بدون احساس ... لكن ممكن اشتريها بدون مناسبة .. الاصل في الهدية التلطف والتحبب الى الناس .. يقول الرسول صلى الله عليه وسلم : (تهادوا تحابوا) . واعود اسألك سؤال آخر .. ليش حكمتي على هدية زوجك انها بغير احساس ..؟؟ بصراحة .. انا ممكن بالفراسة اعلم امور كثيرة عن الناس وعن حياتهم ..لكن مسئلة الاحساس صعب اني اوصل لها لأنها من علم الغيب ..ولا يعلم الغيب الا الله سبحانه.. اعتقد ان الطريقة التي قدم لك فيها زوجك الهدية بها غموض لم تتقبليه .. ولكن انا متأكد ان هديته كانت بسبب احساس كبير نحوك .. ومايدريك ..ربما سمع زوجك محاضرة قيمة او نصيحة من انسان مجرب عن فوائد الهدية بين الزوجين .. والله اعلم. |
بقلك على شئ حاولي دائما تعبري عن مشاعرك..
واشتري له هدايا سوي ليالي رومانسية صدقيني حيحس انه مقصر معاك وشوي شوي حيتعلم كيف يرد لك شئ من جميلك وحبك ..وبقلك شئ اذا قلك ليه كلفت على نفسك او ماله داعي سوى نفسك ماسمعتي شئ ولاتزعلي بل استمري وقوليله انت اغلى شئ وفرحتك من فرحتئ والفلوس اخر ما افكر فيه انا ابيك انت روحك الحلوة ومن هذا الكلام ...... انا في فترة مريت بنفس الظروف كان زوجي في فترات دراسته في الجامعة ينشغل بس انا عذرته وكنت المح له بطرق غير مباااااشرة ...بحكم اني دراستي علم نفس حاولت اعالج الموضوع .. اتمنالك حياة سعيدة |
الله يوفقك , أنا اختك إنسان , ومادام زوجك ماهو راعي هدايا ولا راعي كلام , لكن الشكر والتقدير يكون منه بالمال , هذي صفة شخصية له , وأنتِ متعايشة معه وأكيد متكيفة مع هالصفة , خلاص صعب تغيرين هالشي فيه , عودي نفسك إنك ماتنتظرين منه كلام رومانسي . وفي حال المال منه هذا عنده مثل الرومانسية عندك , اغرسي هالشي بنفسك وتقبلي زوجك مثل ماهو مادامت هذه الصفة ليست مشكلة .
|
يا اختي الله يهديج
ما لاحظتي انه اسلوبه في تقديم الفلوس من خلال ابنه قمة الرومانسيه ليش ما فهمتيها بهالطريقه لو اكتفيتي بالشكر بدون ما تدققين على السبب افضل! |
اقتباس:
اختي العروس انت كتبتي ..ليه بعض الرجال ما يعبرون عن مشاعرهم .. وانا اقول لك ...يمكن بس الاعضاء اللي يكتبون في هذا المنتدى الرائع هم اللي يعبرون عن مشاعرهم عاد انتي وشطارتك في تحويل عدد الاعضاء الى نسبة مئوية ..راح تطلع النتيجة 0،0000000000000001 من الرجال هم بس اللي يعبرون عن مشاعرهم وهذا ليس لانه في نقص مشاعر عندهم اتجاه زوجاتهم لا وحاشى لله ..(لكن من خبرة 23 سنه زواج ..و معاناه مما تعانين انت ..يمكن حالك احسن من حالي بكثير ...على الاقل هو يعبر لك بشكل نادر انا ما فيه تعبير شفهي ...التعبير دائما عملي ...ومو جايين يعرفون هالرجال ان المراة تحب تسمع اكثر من العملي ...لكن لا حياة لمن تنادي )ولكن هذه هي تركيبه الرجل ...فهو عملي اكثر من ان يكون شفهي انا كثير يجيب لي هدايا وما يقول لي اصلا انه جايب هدية افتح الشنط واقول له هذا لمين يقول هذه لك فقط لا غير او يدخل من الشغل يكون ماسك كيس في يده ويحطة على التسريحة ...وبعد مده افتح الكيس ابغي اشوف وش فيه ...يكون جايب عطر او اي شي ثاني ...واعرف انه لي اشكرة واحمد الله انه على الاقل يجيب ويذكرني مو لازم يقول لي السبب او يبين لي مشاعرة فعاد انت لا تكبرين الساااااااااالفة ..هو يشوف انه حمل الولد وخلاه هو اللي يقدم لك الفلوس ...فهذا اعتبره حركة حلوة كثير من الرجال لا يعرفون يعبرون عن مشاعرهم ..او يشعر انها تهز رجولتهم ان يكوني عاطفيني او رومنسي الله يسعدكم |
انا دايما اعبر له عن مشاعر انا حساسه ورومانسيه كثير
كنت اسوي له حركات رومانسيه يعبر لي عن فرحته وسعادته ويشكرني ويقبل ايدي بس يمل على طول ما اشوف انه وبعدين تكون الليله عاديه مثل كل الليالي هو يحب يهديني والحمد الله مايقصر وكل عيد لازم جوال جديد وقيم وعطورات بدون مناسبات بس هو قليل الكلام مايتكلم كثير احيانا يكون برا البيت لفتره طويله ولما يجي استقبله بابتسامه واريحه على الاخر بس يقول كلمتينوشلونك وش عندك اقول ماعندي شي انا جالسه في البيت ومشتاقه لك انت الي وش عندك يقول ابد لاجديد زي العاده ويطالع التلفزيون وخلاص نظل ساكتييييييييييييييييييييين افكر ابي اقول شي اخترع سالفه وافكر اقول معقوله لما يطلع برا يكون ساكت كذا؟ والا يمكن كل طاقه الكلام الي عنده طلعها برا ولما رجع للبيت خلصت الطاقه؟؟ |
اقتباس:
وذبحته من البوس واليوم الثاني سئلته قلت ليه امس عطيتني الالف قال كذا قلت طيب يعني فكرت في شي او حسيت باحساس معين اوحسيت انك مقصر وحبيت تعوضني قال لا بس كذا انا الي قهرني انه يقول لا كذا بس يعني معقوله دخل ايده في جيبه وطلع الفلوس وقال خذي بدون ان يفكر اي تفكير انا قلت يمكن ولدي طلع الفلوسمن جيب ابوه وقال اهو اجل بعطيها حبيبتي تستاهل فهمت اخوي علي يعني ممكن من موقف او فكره بسيطه فكر انه يعطيني المبلغ على العمومماصار الا خير انا تعودت عليه ودي يعبر عن مشاعره اكثر هومن سنتين دخل علي للبيت وبعدين على طول جاه اتصال مواعدواحد عشان شغل تخيل ماجلس ولا دقيقه بس طل وشافني وسلم علي وقال بطلع انا تضايقت ولما شافني متضايقه طلع الفين وقال خذي روحي للسوق وغيري جو يعني عبر عن شي فكر اني طفشانه وقال خذي وروحي للسوق فالي اقصده انو لازم يكون في موقف او تعبير عن فكره او احساس معين انا اسفه اني ادوشتكم وقلبت روسكم والله اسفه |
اقتباس:
اختي هل سبق وقراتي كتاب((رجال من المريخ ونساء من الزهرة))؟؟؟ راح تفسر لك اشياء كثيرة غامضة علينا نحنا النساء عن عالم الرجل ومن ضمنها ((قلة الكلام عند الرجل واسبابها )) نصيحة اقراية ...راح تستفيدين جدا جدا تحياتي |
الكتاب عندي بس ما خلصت قرائته
بس استفدت منه كثير وانا قريت في الكتاب نقطه مهمه وهي ان احد اهم الفروق بين الرجال والنساء هي طريقة تعايشهم مع الضغوط تكون حاجات الرجال للشعور بتحسن مختلفة عن حاجات النساء المرأه عندما تكون منزعجه او تحت ضغط من أحداث يومها تبحث عن شخص ما تثق به وتتحدث إليه عن مشكلاتها اليوميه لكي تشعر بتحسن فالحديث بالنسبه للزهريات ( النساء ) هي علاقه حب وثقه ولا تشعر الزهريات بالخجل من أن لديهن مشكلات و في المقابل عندما ينزعج ويتضايق الرجل لا يتكلم ابدا بل يصبح هادئاً جداً ويدخل إلى كهفه الخاص ليفكر في مشكلته ويصبح شديد التركيز على حل هذه المشكلة إلى درجة انه يفقد الوعي بكل شي آخر بصوره مؤقتة آملا ان يجد حلا وفي هذه الاقات يكون غير مؤهل لإعطاء المرأه الانتباه والمشاعر التي تتلقاها عاده لان عقله مشغول وهو عاجز عن تحريره ومن الصعب عليها ان تكون متقبله له في هذه الاوقات لأنها لا تفهم كيف يتعايش اهل المريخ مع المشكلات ان الزهريات يتوقعن ان اهل المريخ لابد ان يفتحو صدورهم ويتحدثون عن كل المشكلات كما تفعل الزهريات وعندما يعلق الرجل في كهفه تشعر الزهريات بالاستياء ولكن عندما تتذكر المرأه ان الرجال من المريخ وانهم مختلفون عن النساء تجد الطمأنينة وعندما تفهم أن دخول الرجل الى كهفه ليس دليلا على انه لا يحبها او انه مشغولا عنها وإنما هذه طريقه اهل المريخ عند مواجهه الضغوط والمشكلات سوف تكون المرأه اكثر تقبلا وتفهما للرجل. بس هذي حالات عندما تواجهه مشاكل مو اعلب الاحيان |
| الساعة الآن 01:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©