منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المقبلين على الزواج (http://www.66n.com/forums/forumdisplay.php?f=7)
-   -   زوجي سريع الاستثاره.....افيدووووني (http://www.66n.com/forums/showthread.php?t=149744)

**بسمة أمل** 01-12-2007 06:33 PM

زوجي سريع الاستثاره.....افيدووووني
 
السلام عليكم ورحمة الله وبركاته

اتمنى ان يكون الجميع بخير


اخواني واخواتي انا فتاه ملكت قريب ولله الحمد والمنه وعقبال البنات والشباب كلهم يارب

وماشيه في الاسبوع الثالث وباقي على الزواج 7 اشهر ثانيه....الله ييسر الامور

المهم بدأنا بمكالمات عاديه نتعرف على بعض وهذا كان باليومين الاولى وبسرعه ماشاء الله تفاهمنا وصرنا عادي ناخذ ونعطي مع بعض
واتفقنا على كثير من امور الزواج بعدين مثل المشاكل مانبغاها تطلع ونبغى نحل مشاكلنا بنفسنا ووووووووو



بعد كذا بدأنا وبالتحديد بنهاية الاسبوع الثاني في الكلام عن يوم الدخله وصار يسألني عن امور خاصة بالفتيات وانا احيان بعد اسئله عن اشياء مو فاهمتها في الرجال

يمكن تقولون بدري بس هذا الي صار لاني انا واياه هذه اول تجربه نخوضها فكنا متخوفين مره وحتى هو خايف ومرتبك ولايعرف اي شيء

تطور كلامنا وصرنا نتكلم عن احاسيسنا وايش الي نتمناه الين تعمقنا بس انا طلبت منه ماعاد نتكلم بعمق اكثر والاشياء الي غامضه فهمناها وقلت حرام نتعذب اكثر من كذا لانه بددددددددددري مره على هالامور

احيان احسه محتاج يتكلم واحس انه يتعب اكثر مني يعني كل شوي يقلي كلمات تهزني
............. ودي وودي وانا اسفه اذا تعديت حدودي بس والله انا ابغى افهمكم الي صار عشان تقولون لي الصح من الغلط

رجعت افهمه انه المفروض مانتكلم في الاشياء ذي

قبل يومين كانت اول زياره

واول الجلسه كنا خجولين شويه الا شوي شوي ............ بس ماسوينا اكثر من كذا

حسيت انه تعب مره وكان مرتبك لدرجة اني قلقت من تصرفاته عرق وصار يرجف ولمن اسئله وش فيك يقلي اخاف احد يدخل على العلم اني مأكده له انه مافيه اي احد الا وراح يدق الباب لمن يجي يدخل علينا

طلب مني يروح دروة المياه ودقايق وخرج

ورحت جبت له عصير ليمون وتركته دقايق ورجعت لاني حسيت بخوووفه وقلقه

المهم لمن رجع البيت شرح لي معانته وانه استثرته لدرجة قويه وانه حس بانتصاب قضيبه وانه خاف احد يدخل ويلاحظ....والله ماادري احس زودتها بس وش اسوي عايشه بقلق ولااقدر اسئل غيركم


انا ودي اسئلكم الحين بعض الاسئله واتمنى الي عنده خبره يساااااااعدني ولايبخل علي جعل الله كل حرف تكتبونه في ميزان حسناتكم:

1/هل فعلا بدري نتكلم عن الامور من كلام عن ليلة الدخله وخلافه....طيب كيف اتصرف الحين وهو كل شوي يحاول يتكلم عن امنياته وانه نفسه ونفسه ونفسه....واحس كثير احيان يتعب ومااعرف وشلون اتصرف

وغير كذا اذا الرجال استثار ووصل لحد من الشهوه وشلون يتصرف....يعني هل احتمال يرجع للعاده السريه والعياذ بالله...مع اني متأكده انه حاليا زوجي لايستخدم العاده وهو اكدلي هالشيء...بس اخاف يتطور الامر

ياجماعه والله بمجرد اقول كلام حلو شوي ويتغير صوته ............ والله ماادري وشلون اتصرف

2/قلي على شيء ماادري هو فعلا صحيح ولا لا...قلي الكافور يخفف من شهوته وقال لازم اشربه قبل لااجي عندك...هل الامر هذا صحيح ولا فيه ضرر...افيدوووووووووووني الله يجزاكم بالخير

3/اذا جاء عندي كيف امنعه وامنع نفسي من المداعبات...ولا نستمر ومافيها اي ضرر علينا...انا احس نفسي طبيعيه ولافيني ذاك التأثر...بس خايفه عليه


الله يجزى بالخير كل من يدخل الموضوع ويساعدني ولايبخل علي لاني قلقااااااااااااااااااااااااااااااااانه وحاسه باقي فتره طويله ومو عارفه وشلون اتصرف وهو كل اسبوعين بيجي يزورني واخاااااااااااااف تتطور المواضيع ومتأكده انه باذن الله مايصير الشيء الكبير الا بعد الزواج

اغصان مائله 01-12-2007 06:58 PM

انا كنت مااقابل خطيبي زوجي حاليا تصدقين علشان هذي الامور لاني ماابغى اعذبه

حاولي تققلي من المقابلات اكثر والمكالمات ايضا واذا تقدرو تقدمو العرس افضل لك وله

ولاتخافي عليه كل الشباب كذا بس هو خجول

هاايدي 01-12-2007 07:06 PM

صراااااحه بدري مرررره عالكلام في هالمواضيع ..

خصوصآ انه باقي على الزواج 7شهووور كاااااامله ..

اقترح عليكم تخففين من المكالمات ...(والكلام الخاص احذفيييييييه نهاااائي الاباخر شهر )

والزيارات لاتكون كل اسبوعين بتملون من بعض وانتوا لسه ماتزوجتوا ..

صدقيني ماراح يكون بيوم الزواج هذيك اللهفه والمتعه ..اللي تتمنينها لانه ..خلاص عارفك وشافك

حاااولي تقللين من المكالمات والزيارات قد ماتقدرين ..

ونصيحه لاتدلينه على طريق العاده السريه بأستثارته بهالشكل ..لانه اذا استثار ماراح يلقى طريقه

يرتاح فيها الا بفعل العاده خصوصآ اذا كان موملتزم ......


الله يوفقك في كل امووورك ...:)

topaco-flower 01-12-2007 07:07 PM

انا اشوف هالشي امر طبيعي حتى لو وصل عفوا لمرحلة القذف مافيها شي
لانه زوجك بس لاتوصل الى شي اكبر لانه العرس بعد 7 اشهر يعني وقت طويل
وانا من رايي ان الريا وامراة لازم يكون بينهم هالاشياء ايام الملجة عشان تخف عليهم رهبة الدخلة
والله يوفقكم يارب

oumhoussam 01-12-2007 07:10 PM

يا اختي لا تقلقي هذا شئ طبيعي و كلنا حصل معنا كده في اول مقابلة بس بعدين هاتتعودو على بعض
و كما قالت الاخت لانه جوزك من النوع الخجول

يعني دايما حاولي تذكريه انه الحاجات دي تكون احلى بعد الزواج
و ربنا يسعدكم و يبارك لكم في الزواج

علي العلي911 01-12-2007 07:28 PM

هذا أمر طبيعي جدًا .. لكن حاولي أن تغيري هذه المواضيع إلى أخرى نافعة وجادة ، كالتعرف عليه أكثر وما يحبه وما يكره .. أشياء أخرى مفيدة ومعينة ، أقراي كتاب محمد رشيد العويد ( حتى يكون الزواج سكنا ) وناقشيه في بعض ما طرحه المؤلف لتستفيدوا أكثر في معرفة ما يتعلق بالحياة الزوجية ، ذكريه مثلاً بالصلاة اجعلي تحفيظ قرآن بينكم وأنا صادق والله فيما أقول ، فهذه الأشياء تقوي الرابطة وتزيدك أحتراما منه لك ، إضافة على ذلك رفعة عند ربك وطمأنينة وأنت جالسة مع زوجك .. (( ألا بذكر الله تطمئن القلوب )) ، لكن لابد مع ذلك من الحديث العاطفي دون تعمق فقط كلام عام ..
وفقك الله يا أختنا الفاضلة

مــريم 01-12-2007 07:55 PM

شوفي باقول لك شي ..
الشاب قبل الملكة يحن ويزن على راس أهله دوروا لي مرة وابغي أتزوج وووو ..... ليش ؟؟
لأنه بحاجة يفرغ الشحنات اللي فيه ..
وشي طبيعي لما تملك وحصل وحدة حلاله ماعاد فيه يصبر ..
الاستثارة السريعة اللي تشوفينها فيه طبيعية جدا ..
لذلك أنا دايما أنصح إن فترة الملكة ماتطول ..
شهرين ثلاثة أربعة بالكثير ..
وإلا بعدين يطيح الفاس في الراس وهذا الشي اللي مانبيه ..

موفقة أختي ..

روح الغالي 01-12-2007 08:22 PM

الله يسعدك يارب ياعروستنا

حبيبتي


كل اللي يصير طبيعي

البعد يتأخر في بداية هذه المواضيع

والبعض يسلك فيها بسرعه



لكن كل اللي عليك

اولا\\\ لاتجعلي جلساتكم بمفردكم كثيره

ولاتعطيه الامان انكم في الغرفه لوحدكم وانه مافي احد بيدخل الا اذا دق الباب

بالعكس خليه متخوف



ثانيا\\ حاولي تنتبهي لبسك

يعني لاتلبسي مره مفتح يعني مغري

خليك حلوه وجذابه ولكن مستره نوعا ما



ثالثا\\ حاولوا تطلعون خارج البيت يعني مطاعم كافيهات

عشان ماتصير جلساتكم بالبيت بس

يعني غيروا جو واستمتعوا وحتى تصوروا للذكريات





رابعا\\\ اهتمي كثير انت وزوجك بالتثقيف

اشتري لكم بعض CD او الاشرطه او الكتب

وتبادلوا انت وهو


وبالذات المسموعه لها اثر كبير وسريع


احرصي


على التثقيف على فهم النفسيات بين الزوجين

وعلى اسس الحياة الزوجيه

وعلى فنون حل المشكلات الزوجيه

وغير وغيره

افضل بكثير

من التثقيف في الامور الجنسيه<<< هذي خلوها اخر شي ثقفوا نفسكم فيها




واخيرا:

الله يوفقكم ويألف بين قلوبكم

**بسمة أمل** 02-12-2007 08:21 PM

اغصان مائله

هلا اختي

مررررررره صعب اسوي الي قلتي عليه لانه بيزعل

تسلمين لمرورك ياغاليه


هااايدي

صلي على النبي يااختي

ان شاء الله ربي يحميه

تسلمين لمرورك خيتوو

topaco-flower

oumhoussam


شكرا لمروركم

والله يطمنكم يااااااارب

علي العلي

كلامك راااااائع
لاحرمك الله الأجر


بحرينيه ولكن

مشكوره لمرورك

روح الغالي

ماادري شو اقلك

ربي يجزززززاك الجنه

كلامك ريحيني كثير




مشكووووووورين جميعا

بس تمنيت تردون على اسئلتي

انتظر البقيه

زوجةاحمد 03-12-2007 04:25 AM

انا شايفه ان الموضوع عادي وهاذا يحصل بين كل المتملكين وهو ارتبك لانها اول مره بس انتي المهم تعرفي تسيطري على الوضع في اللحظه الحاسمه

سراب يرقب الغد 03-12-2007 06:50 AM

اسميحي اقولك بدري على هالمواضيع


حاولي تكوني رسمية او جادة شوية اثناء المكالمات لدرجة اللي توصل له انك ماتبي تتكلمي بهاي المواضيع قبل الزواج


حاولي تتعرفي على شخصيته اكثر الجانب الجنسي ماهو الا جزء من شخصيته يعني في امور كثيرة تستاهل الحوار غير الجنس خصوصا ان لسة على عرسكم 7 شهور بالرغم انك حلاله ف
حاولي تجنبيه وجع القلب

اضافة الى ان كل شئ فوقته حلو تكونو متشوقين لبعض اكثر

zzeko 05-12-2007 02:25 AM

السلام عليكم

موضوع بسيط نخفف الانفراد ببعض نشغل نفسنا يموضوع تانى
ولا يكون حضوره عندك من اجل الاثاره فقط
وعلى العموم ستقل الاثاره عند بالوقت
وشكر

السلام علكم

زيكووو


الساعة الآن 06:39 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©