|
زوجي صار بخيل ؟وانا السبب!!!!!
اول ماتزوجت لاحظت على زوجي كثرة عزائمه ولو اقولكم بشكل يومي ماراح تصدقون
بسبب مركزة الاجتماعي ,,,لكن كنت اوقف بوجهه واقول حرام عليك هذا تبذير قلت له اعزم الناس وخلك كريم لكن مرة بالاسبوع مو كل يوم :( وكنت لمن اطلب طلبات للبيت مااكذب عليكم يجيب بالكراتين وكنت اتضايق واقوله يابن الحلال بتخرب لاتجيب الا بالكيلو وانا اللي احدد لك بعد والحمدلله صار مدبر في هالامور وكأني لاحظت زوجي صار يمسك يدة بعد ماكان مبذر بالدرجه الاولى لكن المشكله انه صار بخيل علي مو مثل اول مرة كنت لمن اطلبه شي يجيبة على طول الحين طلبي يتجمد بالشهور مايجيني ماادري المشكله فيني او فيه او ان على قول المثل زوجك على ماعودتية الحين صرت مثل الطفله اذا بغيت منه شي ابكي ويقول انتي بس اطلبي ولا تعيدين طلبك ’’لانك لو تعيدينه وتزنين راح يتاجل ومابيجيك بالسهوله والحين كل ماذكرته بالاشياء المهمه اللي ابيها يقول عشانك تكلمتي بأخرك اسبوع :19: وعلى هالموال ,,,:confused: الحين كيف اتصرف معاه والله اني ندمت ليتني خليته على طبعه الاول ,,وعلى تبذيرة والله طفشت ابي حل كيف اتصرف معاه اخر مرة قلت له كلمه جاته في الصميم ...قلت ترى موتنا جوع :d ,,بس ابي ارفع ظغطه واحسسه فيني شوي ’’’’’’’’عصب وجاب طلباتي الضرورية وجلس يوم زعلان مني وانا مو قصدي والله لكن وش اسوي ابي حل !!!!!!!! |
أختي كلامك له صحيح التبذير. وشراء طلبات المنزل بزيادة هذا أمر خاطئ ولايجوز . وبعد ذلك تقولين انقلبت حاله إلى الأسواء . أختي ناقشيه بهذا الأمر وقفي وقفه حازمه معه . أخبريه أن من واجبه أن يلبي طلباتك وطلبات المنزل لكن أختي ناقشيه بهذا الكلام بهدوء وأنتهزي وقت رايق فيه ... والله يوفقكم |
اقتباس:
حاولت معاه لكن صار مايجيب الا الضروري فقط الاشياء الثانية اللي اعتبرها انا ضروريه هو ينظر لها انها تافهه او اني ااجلها , مشكور على النصيحه ,,,,, |
يا اختي طبعه القديم كان خاطيء طبعا
انتي الحين اتكلمي معاه و قوليله كل شيء بكل صراحه و قارنيله بين الوضع السابق و الوضع الحالي ما اتوقع انه بيستمر على هذا الوضع و قوليله ان كل شيء بالوسط تحياتي |
اقتباس:
دائما اقارن بين وضعه السابق والحالي ,,و ماالقى اجابه منه لكن غلطتي واستاهل عليها , شكرا لك |
اقتباس:
دائما اقارن بين وضعه السابق والحالي ,,و ماالقى اجابه منه لكن غلطتي واستاهل عليها , شكرا لك |
فعلا زوجك على ماعودتيه
انا زوجي ماكان يحسب للفلوس ابدا لكن الحين ماصار يصرف مثل الاول ...لا وعينه في مكافاتي وراتبي اللي لسه مااستلمته |
الرياييل امرهم عجيب
|
اقتباس:
|
قال الله عز وجل: (وَلا تَجْعَلْ يَدَكَ مَغْلُولَةً إِلَى عُنُقِكَ وَلا تَبْسُطْهَا كُلَّ الْبَسْطِ فَتَقْعُدَ مَلُوماً مَحْسُوراً) (الإسراء:29). وقال عز وجل: (وَالَّذِينَ إِذَا أَنْفَقُوا لَمْ يُسْرِفُوا وَلَمْ يَقْتُرُوا وَكَانَ بَيْنَ ذَلِكَ قَوَاماً) (الفرقان:67). ربما هذه ردة فعل من زوجك يااختي الكريمة بسبب ماذكرت من حرصك سابقاً على الاقتصاد بالتدبير .. ذكري زوجك بالايات السابقة ولكن ..احذري ان توصل الى فكرة انه بخيل !!! |
سبحان الله والله تعجبت من النقض للنقيض؟
|
يمكن يمر بضائقه ماليه ؟؟
مو معقوله هالتغير المفاجيء يكون من غير سبب |
سبحان الله فعلا خير الامور الوسط ..الله يهديه ويصلحه .. |
اقتباس:
الله يستر والله دايم اقول اشفيك صاير بخيل :eek: |
اقتباس:
اجل انا وش اقول الله يصلح الحال بس ويرجع مثل اول |
اقتباس:
موفقه اختي |
شوفي اختي طلبي الي تبينه منه .. و اذا ما يابه لا تسوين اكل قوليله ماكو شيء بالبيت !! مادري شقولك اسفه بس ماكو شيء .. خخخخخخخ ذيك الساعه يطر يروح ايب و خلج سياسيه اختي من دون ضحك ولا بكي قوليله احترت شسوي ماكو شيء بالبيت جذي يمكن يستحي .. ماكو الا الحيله اختي
اختج بني |
اختي اخاف قاعد يقط فلوسه مكان ثاني !! ما فكرتي اب هل الشيء !!
اختج بني |
اختي الحل اسهل مماتتوقعيه
باين على زوجك انه رجل متفاهم وياخذ ويعطي مدام انه رجل اجتماعي اومكانته فمن الماكد انه اخذ صفة طيبه انه يحب ياخذ ويعطي بشرط انك تقنعيه او يقنعك فعانتي جهزي الموضوع من جميع الجهات عشان ما يحصل اي مفر وانشاء الله ترجع حالتكم الى الافضل |
الله يهديه يارب
|
اقتباس:
هلا اختي ,,,مو لها الدرجه عاد :d عاد الا الاكل هذا اول شي يجيبه لكن اقصد الاشياء الضرورية عندي في نظرة هو مالها داعي مااقدر افصل الموضوع والا ودي عشان تفهمون قصدي |
الله يريح القلوب ويألف بينكم
اختي استهدي بالله واذكري الله طلباتك الضروريه اكتبيها بورقه مثلا 1_ محتاجين ياحبيبي نروح للسوق عشان نشتري ملابس شتويه 2_ محتاجين نروح السوبر ماركات قبل يوم الاربعاء لمقاضي البيت عشان العزيمه 3_محتاجين اليوم الصيدليه 4_ صيانه سخانات دورة المياه ^^^ حاسه اني اعطيتك قائمة طلباتي:d:d واعطيه الورقه وخلاص لاتتكلمي اذا انتم متعودين انه هو لوحده يروح السوبر ماركت للمقاضي اعطيه الورقه الثانيه اللي مكتوب فيها مقاضي البيت اللي تحتاجيها وخلاص هو يتصرف الرجال كذا اعطيهم قائمة المهمات :22: وعيشي حياتك من غير لانكد ولا تعصبي ولا شي واكيد بيخلص المهمات اللي عليه اهم شيء ارفعي معنوياته واشكريه واثني عليه دايم وتحطميه الله يسعدكم يارب |
اقتباس:
لاوالله هذي طلباتي :d بالذات السخانات الخربانه والكهربة وعن السوبر ماركت مو دايم يروح وحدة بعض الاحيان اروح معه على العموم مشكورة ياقلبي ونحاول نرفع معنوياته ونشوف النتيجه |
اقتباس:
زوجي فعلا انسان واعي ومتفهم واجتماعي بالدرجه الاولى لكن له فترة الحين مرة مايجيب الا الضروري فقط وغيرة لو اطلب من اليوم لبكرة يجمدني شهور هو ماكان كذا ابد كنت اطلب اي شي اليوم الثاني احصله الحين لاء مدري وش اللي غيرة يمكن انا ويمكن غيري وان شاء الله يصلح الحال ويرجع مثل اول ,,, اليوم باحاول معاه واقولكم النتيجه |
ان شاءالله فترة بسيطة ويرجع زوجك مثل اول واحسن يعني من هنا الى نهاية 2008 م
تبغين تعرفين السبب ؟؟ بسيطــــه !!! زوجك متعلق مع الناس في الاسهم وقل دخله الأضافي بنسبة 50 الى 70 % وكلنا مثله تحياتي ،،،، |
اقتباس:
مدري ماقد قال زوجي شي عن الاسهم يمكن كلامك صحيح وقل دخلة مع انتكاسه الاسهم ويمكن لا مشكور على الفائدة وجزاك الله خير |
الله يعينك بس و الله يوم قريت الموضوع حضرني مثل عربي يقول "جنت على نفسها براقش"
|
اقتباس:
|
ذكريه ان الحياة شد ورخا وانه لو ماصرف على بيته من بيصرف عليه وانه المسئول قدام رب العالمين عنكم وعن بيته وطلبات بيته وذكريه وش كان يسوي بتبذيره وانه تغير للافضل بس مو لها الدرجه وان الوسط حلو لايبذر ولايبخل ..
|
| الساعة الآن 06:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©