|
يدعوني لمشاهدة بيت الزوجية وانا خائفة !!!
السلام عليكم .
أخواتي أنا في فترة الملكة . وزوجي طلب مني أني أروح معه أشوف البيت . وأنا خايفة ما أدري أروح ولا لا . الاشراف :- تم تغيير العنوان كي يتناسب مع المضمون , بالتوفيق . |
وعليكم السلام ورحمة الله و بركاته
اختي الكريمة أجد ان ذلك يعتمد على العرف عندكم.. حيث أنه من الناحية الشرعية ليس في الأمر شيء مادام زوجك... ولكن من وجهة نظري الخاصة.. من الأفضل أن تأخذي معك أخوك وإلا أي أحد ممكن يطلع معاكم... وفقك ربي |
كم لكم متملكين ؟
ومتى الزواج (ليلة الدخلة ) ؟ وماهو رأي والداكي ؟ وعلى ضوء الإجابات أعطيكي رأيي بالموضوع |
المتفائلة بشرينا قبل تروحي عسى اقتنعتي فيه وبحجمه وارتحتي له
بالنسبة لروحة البيت زي ماقالولك الاخوان خذي معاك امك او احد من اخوانك احسن بالتوفيق |
الاخت المتفائلة وفقك الله
والله ما اني قادر أمسك نفسي من الضحك يعني بصراحة لو أنا في نفس الموقف مع زوجتي وصار لي فترة مملك ما أطوف الفرصة وفقك الله وتمم لكما على خير أنا أمزح لا تأخذينها بجد لكن ضروري تأخذي معك أحد عن قولة |
اسمعي نصيحة مجربة ..
لاااااااااااااااااااااااااااتروحين ،، مافيه رجال يفوت هالفرصة أبدااااااااا ... إلا إذا كنتِ بتاخذين معك أحد ... |
لا تروحين الرجال ضعاف والمراه اضعف
|
لاتروحين
|
خذي امك والا اخوووك نصيحه لاتروحي معاه لوحدكم
والا بلاش من الفكره وقولي له مابقي شئ عن الفرح وخليها بليلتها احسن انا وانت ولابسين ومبسوطين |
الله يجزاكم خير على التجاوب معي .
أنا لي متملكة أسبوع وأحس بدري على البيت وأقاربي اللي تزوجوا عادي كانوا يطلعون مع بعض ولس ما قلت لأمي وأبوي أنا بستشير أمي وأبوي وأشوف ردهم وإذا كان ماعندهم مانع . أخليه يأجلها شوي . أختي عذية بالنسبه لحجمة إن شاء الله بتأقلم عليه بس أنا فعلا ضحكت على نفسي ليش منصدمه منه لأني ماتعودت أشوف زي شكله . |
الافضل ماتروحي بس اذا مصممه خذي احد كبير معاك وانت عارفه ليش:24: :24:
|
استشيري امك و ابوكي و هما اللي ينصحوكي افضل
|
شرعاً هو زوجك
لكن عاد تعرفي التقاليد لذا ممكن تروحي وتاخدي اخت او اخ لك صغير السن على الاقل أو والدتك لكي تكسري اي تفكير لان الوحدة قد تولد تفكير لبعيد |
والله خوفتوني .
حسيت أن الرجل بيفترسني . طيب كيف بعض الأزواج في ليلة الدخلة ما يحصل بينهم شيء . وأنتم تخوفوني من شوفت بيت لس ما أثث . |
لا تظني فيه كذا
هو مجرد حرص منا عليك ولو استشرتي اهلك راح يكون لهم نفس رأينا موفقه وعقبال الفرح يارب تحياتي لك |
بصراحه لالالالالالالالالالالالالالالالالالالالا تروحين ابدا الا مع احد
|
وش فيكم على البنت اللي يسمع كلامكم يقول هذي مهب زوجته لا تروعونها
زوجته على سنة الله ورسوله لاتحملون الامور اكبر من ماتتحمل وانتي يااختي المتفائله الرجال وده ياخذ رايك ويشاورك ويحسسك بقيمتك وانتي ترفضين روحي معه ولاتتوقعين ان الرجال بس ينتظر فرصه علشان يفترسك بلغي اهلك وبس والله يوفقك |
الله أكبر عليكم ولا واحد نصحها زين أنا يا أختي مملك وخذيت زوجتي وأخوها عشان أوريها الشقه وبحيله خليت أخوها ينتظرنا في السيارة وخذيت منها بوسات وضم وقبيلوا وبعد ما رحنا وكلمتها كانت تتمنى الحنان والرومانسية هذي من زمان و اللي كنا انحرمنا منها طيلة 6 أشهر فصدقيني روحي معه وخذي أخوك وإذا وصلتم الشقة خلي زوجك يصرفه وما بتندمين إن شاء الله وترين الرومانسية قبل العرس غير بعد العرس
|
شوفي أختي الكريمة أولا استشيري أهلك وإذا وافقوا أجلي الموضوع شوي يعني بعد أسوعين أو ثلاث بتكوني اتعودتي عليه أكثر وصرتي تشتاقين تشوفينه وبتكوني بعد اطمنتي له ومافي داعي تاخذون أحد طبعا إذا أهلك ما يعارضو ذلك ولا مانع من بعض الحذر |
لاتروحين لو لاقدر الله صار شئ قبل اعلان الزواج وقصر النصيب لسبب ما أو مات لاسمح الله ممكن ساعتها تقولين لي كيف بتواجهين الموقف وأهلك اللي حطوا ثقتهم فيك.. زوجك على سنه الله ورسوله مااختلفنا لكن لابد من الألتزام بالعادات والتقاليد ولاتنسين احنا في الأول والأخير شرقيين وعرب.. الله يوفقك
|
انا ما اشوف فيها شي عادي جدا مو كل الرجال تفكيرهم كذا وانهم مفترسين بس يمكن لانك توك متملكة خايفة من الموضوع ممكن تأجلين موضوع الروحة الى بعد اسبوعين او ثلاثة عشان تتعودين عليه انا بالنسبة لي يا ما ويا ما رحت الشقة لانه خطيبي يحب يستشيرني في كل شي في شغل الشقة واذا كان كل وحده بيكون تفكيرها في خطيبها كذا ما في وحده وثقت او طلعت مع خطيبها لا تفسرين كل كلمة يقولها خطيبك خطأ يمكن قصده انه تشوفين الشقة |
ليش ما تروح
هذا زوجها زوجها زوجها يا ناس روحي و الله يوفقكم يارب |
لا تروحين
ابدا ابدا الا اذا فيه احد معاك بعض الرجال يفهمها غلط ان ما عندك مانع وما صدقتي ومن هالخرابيط أجليها ولابد تعلمين اهلك ليش هو ما استأذنهم؟ صحيح زوجك بس لساتك عند اهلك |
عادي حبيبتي روحي بس الأفضل تاخذين الوالدة أو أخوك الصغير للاحتياط بس ...
وإذا أهلك (أمك وأبوك) عادي عندهم تطلعين معاه لحالكم اطلعي وما عليك إن شاء الله ,,أولا وأخيرا يعتبر زوجك ... و مستحيل يبدر منه شي كبير مثل مايفكرون غالبية اللي ردوا لأن لكم مدة قصيرة مملكين وأكيد لسى ما أخذتوا على بعض ,,, لكن الأفضل تكونين حذرة في كلا الأحوال ,,, والله يوفقك ويسعدك... |
ياناس ياعالم شو هالكلام اللي تقولونه
هذي زوجته زوجته ليه تخوفونها وتدخلون الشك فيها وليه اصلا زوجها يسوي لها شي اصلا ولو سوى لها هذي زوجته زوجته انا مااشوف فيها شي انها تروح تشوف بيتها ويكون كل شي بكيفهاا وولوبيصير شي بيصير سوا كان ببيت الزوجية والابمكان اخر هي زوجته وهم حرين لاحول ولا قوة إلا بالله |
انا من راي لاتروحين
هو صح زوجك لكن من متى من اسبوع صراحه جراه يطلب منك هالطلب واذا رحتي فاانتي اجرا منه والرجال مايحب الوحده الجريئه خصوصا قبل الدخله وهالتصرف تصرفته وحده وندمت بعدين لانه من اول يوم عايرها به وبعدين هو ليه ماطلب من ابوك او اهلك هالطلب؟؟؟؟؟؟؟لومتاكد ان طلبه صح كان طلب بكل ثقه انصحك لاتروحين والاثاث يتاجل او حتى هو يختاره او ياخذامك واختك معك وانتي توصينهن على كل الي بخاطرك حتى احسن لكم لما تشوفين شقتك مره وحده وكامله حبيبتي اسلم لك لاتروحين وارفضي وش دراك يمكن هو الحين يختبرك يشوف انتي خفيفه او لا ولاتنسين مالكم الا اسبوع مملكين |
روحي عااااااااادي بس خذي أحد من أخوانك ولويبغى يسوي شي خليه على خفيف جدا يعني بس بوسه وحده واذا تجرأ مايمديه فيه أخوك حتى لو صرفه
عااااااااادي روحي وأنبسطي أحسن فتره الملكه |
اقول من جدك انتي؟؟
يبيك تشوفين البيت مارح ياكلك شوفيه وانتي بعبايتك لا تجلسين ولا تعطينه مجال تجلسين خليك قويه وامسكي نفسك وقوليله احنا اتفقنا نشوف البيت وبسسسسسسسس !! اعتقد تقدرين تتصرفين لو بغييتي الله يوفقك اختي |
لاتروحين معه وإذا هو جاد بالفعل فليعطيك مفتاح البيت وأذهبي أنت مع أهلك 00أو أذهبي أنت وإياه مع أحد أخوانك حتى ولو كنت متملكة000 وأذكر حادثة وقعة لأناس أعرفهم جيد قال لها مثل ماقال لك فذهبت معه الى الشقة فقام وجامعها وقضى حاجته منها وسافر وبعدما رجع من سفرته أرسل ورقتها مطلقة الى أهلها وقال خلاص الذي بيننا وإياكم قد أنتهى والذي عندكم وصرفتموه بالعافية أما الذي لم تصرفوه فردوه لي 0فأخذ أبوها يسأله ماذا حصل ووووالخ لكن ماينفع الصوت الى فات الفوت وطبعا البنت لم تخبر أهلها بما حصل من فض بكارتها وكلما تقدم خاطب ترفضه حتى عجزت وتقدم لها رجل في سن والدها وأخبروه أنها ثيب فقبل بها وتزوجهاهذه القصة والله أنها حصلت لناس نعرف أبنتهم جيدا أذكرها للفائدة وشكرا للجميع
|
جزاكم الله خير جميعا على التجاوب معي .
وأنا قررت أخلي واحد من أخواني يوديني بعد أسبوع أو أكثر . |
هذا هو الرأي السليم 0 كما هو معروف عندنا خاصة في نجد أن البنت وأهلها يذهبون لوحدهم لبيت الزوجية ويضعون ملابس العروسة وأثاثها الذي سوف تستعمله ، ويكون ذلك كله قبيل الزواج بفترة قصيرة
|
اللي ما تثق في زوجها من البداية ما تثق فيه للأبد
هذا وهوا زوجها خوفتوا المسكينة! طيب مافي مشكلة يجي اي واحد من اهلها معاها لكن التخويف ماله داعي |
ياجماعة انتو نازلين تحكو الها روحي وهادا زوجك وماراح يفتسرك
ومش كل الرجال تفكيرهم واحد طيب سؤال بما انو كل الرجال تفكيرهم واحد شو ضمنكم مايكون هادا تفكيرو بلاش هادا مش تفكيرو شو عرفكم لما يكون لحالهم وخلوة بينهم و البيت واسع و شعر بالاغراء والاثارة لرؤية خطيبته.؟؟؟ يمكن هوة مش ناوي يعمل شي لكن يضعف اما حبه الها والاثارة ويبدا الموضوع باحضان وقبلات وينتهي بشي اخر فهمتو ليش بقولو الها لاتروحي وحدك ليس سوء ظن ولا تحريما ولاشيئ هو زوجها عالعين والراس لكن الاحتياط واجب ولاداعي للخلوة في مكان مافي احد ابدا يعني تقعدو لوحدكم في بيت اهلك في الصالون واهلك بنفس البيت مافيها شي اما في مكان مغلق ومعزول مابتضمني الحذر واجب وفقط هذا لايعني انه انسان سيئ او انو يضمر الشر او انو شهوته تغلب عقله ابدا لايعني هذا لكن ممكن مع الخلوة والقعدة لوحدكم يشعر بشي ويتطور الامر ولايقاوم هههههههااااااااااي كل القصة خدي اخوك او امك معكم والضم والقبلات والرومانسيات بتحصل لو في بيت اهلك قعدتكم لحالكم في الصالون وفقك الله ورعاك |
:d :d :d
والله ضحكتيني اختي ذكرتيني بالذي مضى :25: بس الموضوع يعتمد على شخصيتك وشخصيتو خليكي قوية.... اما اذا كنتي من النوع الخجول جدا وما يقدر ... :18: انصحك لا تروحي لحالك الله يوفقكم ويتمملكم على خير |
لازم تاخدين احد من اهلك معاكي عشان تكبري وتتغلي في عيونه اكتر
|
روحي والاحسن تاخذين حد معك لانه من الاصح والاحسن انه يكون حد معك وحتى لو كان هو زوجك بس لسه يعتبر خطيبك ....
اسمعي نصيحتي حتى كمان تكبري بعينه .. بالتوفيق اختي و الله يحفظك . |
روحي والاحسن تاخدي حد معك لانه من الاصح والاحسن انه يكون حد معك وحتى لو كان هو زوجك بس لسه يعتبر خطيبك ....
اسمعي نصيحتي حتى كمان تكبري بعينه .. بالتوفيق اختي و الله يحفظك . |
ما خبرتينا اختي رحتي ولا لا ؟؟
|
بدري يا أختي ؟
أسبوع و بتطلعي معه على طول ؟ اثقلي شويييي :D |
روحي مو الى هالدرجه راح يغتصبك هو
اذا طلب منك شي صديه بطريقه لطيفه البيت بيكون بيتك انتي كمان مو بس بيته لوحده ولازم تشاركي باختيار الاثاث وغيره لان اذا ماعجبك بعدين بياثر على نفسيتك وعلاقتكم الوحده لازم تكون مرتاحه ببيتها لاخر درجه روحي واكيد انتي عاقله وعارفه كيف تحطي حد للامور وطبعا اهلك واهله بيكون عندهم خبر انكم تساعدون بعض في التأثيث تحياتي |
| الساعة الآن 09:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©