ماهي المخاوف التي تصيب لمخطوبة .. و تجعلها غامضة
 

ما هي المخاوف التي تخاف منها المخطوبة أو تفكر بها :24: و هل تنتهي هذه المخاوف بعد الزواج او تستمر ؟؟؟


رجاء خاص ... اريد كل مخطوبة او متزوجه تقول خبرتها خلينا نستفيد...

شكرا لكم

و الله أنا لسه مو متزوج ولا خاطب

اكيد مخاوف ليلة الدخله

ومخاوف من انها راح تبعد عن اهلها

وبتعيش مع انسان ما تعرفه

وبعدها مسؤلية البيت

ومن هالاشياء

وكلها تروح بعد الزواج شوي شوي

الله يرزقك ببنت الحلال و يسعدكم


و ترى شرفني ان تكون اول مشاركة لك رد على موضوعي:d

شكرا لردك و مرورك و منكم نستفيد

المخطوبة تخاف من المجهول

تخاف ان يكون زوجها بخيل وتخاف ان يكون زوجها عصبي وتخاف اني لايحبها زوجها وتخاف وتخاف..

الخطوبة كلها خوف..

ربي يسعدك

اخاف الا اكون قد المسئولية
اخاف ان يتغير خطيبى بعد الزواج
اخاف جدا من ليلة الدخلة

مش المجهول بس
كل أنواع الخوف تجيها :(

الله يسهلها على الجميع يارب

انا اقولك....

تخاف من التغييير
تخاف من اهلك ؟هل بيتقبلونها ولا لا؟
تخاف من ليلة الزفاف واللي بيصيير في اول الايام
تخاف انها تحمل و تربي يهال
تخاف من الطبخ ان ما يعيبك (خاصة لو مو شاطرة)
تخاف من مسؤولية البيت
تخاف من كل شيء يديد
تخاف من اللي تعرفه واللي ما تعرفه
تخاف زوجها يخونها او يتزوج عليها
تخاف انها ماديا تتعب اذا زوجها فقير

امين

الله يسعدك و يرضا عليكي

شكرا لكي

شكرا لكي و استغرب خوف البنت من ليلة الدخلة .... بالعكس شي حلو مرة :25:

الله يوفقك و يسعدك بدنياكي و اخرتك

اكيد الخوف من المجهول لانه الزوج شيء غير معروف عند الزوجة
يعني ما بتعرفه غير من العشره

شكرا لكم جميعا الله يطمنكم و يسعدكم و تصبحو على خير

مثل ما قالت الاخت حائزة خوف من المجهول

وازيد عليها خوف من تنافر الطباع .. خوف يطلع متسلط وغيوووور وشكاك

والبرووود وعدم الرومانسيه والاهمال سواء بالمسؤليات او بنفسه بعد الزواج

لا تذكروني:(

الثنتين اللي خطبتهم و ملكت عليهم وحده الله يستر عليها و الثانية عاملة فيها ثقيلة حتى رميتها بالثلاث

اسبوعين و كل ما اكلمهما كأنها صنم (اكلم نفسي)

الحمد لله شر و انتهى


نصيحة نصيحة لجميع اخواتي بالمنتدى:
لا تعملي نفسك ثقيلة و رسمية مع خطيبك بعد الملكة ترى بعدين ولا فكر فيك وممكن يطلق


آسف اطلت الكلام


وبالله التوفيق

اذا كان الطلاق عنده مثل شربه الماي بدون حتى نقاش وتفاهم فرقاه عيد :25:

هم الكسبانين بطلاقهم بصراحه

واذا كان فعلا مطلق بنتين لهالسبب اقول لك اتقي الله قبل لا ربي يبليك
بنات الناس مو لعبه :11:

:22: :22: :22: الله يكفينا من هذا النوع من الرجال هذا النوع الى نخاف منه هذا ردي :28:

لا مو شربه ماي

لكن في مثل يقول: ضربني وبكى و سبقني و اشتكى

وانتي ادرى

وبالله التوفيق

نفس الكلام موجه لك

اتفق معاك في ان الثقل او الخجل الزايد ماله داعي :29:

الله يرزقك بأحسن منهن

من تجربتي الخاصة خفت من الحياة الزوجيه ككل
الخاطب اعرفه يقرب لي والكل يشهد له بالخير
ولكن كنت اخاف ان شخصيتي تختلف مع شخصيته وما نتفق
وكان هالخوف معاي طول وقت الملكه
والحمدلله بعد الزواج وبعد ما قربت منه اكثر ارتحت وراح الخوف

انا لي مخطوبه 3 اشهر الا اسبوع ..

امم

صراحه اخاف يكون بخيل .. معقد .. اتمنى انه يحبني .. لو يحبني يكفي .. كل شي ح يهون ...

واكيد اخاف من ليلة الدخله .. بس مادري خايفة من ايه فيها .. يمكن لأنو انا وهوا حنكون لوحدنا مع بعض ..

ح اكون جدا متوترة ..مادري.. الله المستـعـــان D:

أخــــاف أن معاملته معاي تتغير بعد الزواج بعدما عودني على معاملته الحلوه !!!!!!!!

معلش يعنى بعد اذن حضرتك لوسمحت


ممكن تقول لنا اية سبب الطلاق بالظبط

وياريت بجزء من التفصيل

وكم كانت المدة


علشان نستفيد


وربنا يصلحلك الاحوال

اسفة نسيت اقول حاجة


اذا سمحت هصعب الموضوع عليك شوية


ياريت تذكر الاسباب اللى ممكن تقولها لربنا عند السؤال


ترى بنات الناس مو لعبة


واسفة لو اخطأت

المخاوف كثيييره جدا بالنسيه لي ..

خصوصا كل ما قرب موعد الزواج ..

اخاف انو يتغير بعد الزواج او يطلع غير عن ايام الملكه ..

مع ان فترة ملكتي مو قصيره ابدا (سنتين ) بس احس اني الى الحين ماعرفته صح .. يمكن بحكم انو كل واحد في مدينه ومانشوف بعض كثيير ..!!
صحيح فيه مكالمات بينا بس المكالمات وحدها ما تبين طبيعة الشخص يعني يادوب فكره عامه عنه ..

اخاف انو بعدي عن اهلي يكون سبب مشاكل لاني طبيعي ماراح اتأقلم على الوضع على طول بس خايفه انو ما يطول باله عليه او ما يراعيني ..

اخاف من العلاقه الخاصه وهل راح اقدر اسعده وفي نفس الوقت هل راح اكون مرتاحه معاه !!!

خايفه بعد انو مايكون كريم معايه لاني عند اهلي الحمدلله موناقص علي شي ..

اكثر شي يخوفني انو ما نتفاهم مع بعض ..

اخوي بصراحه قلبت المواجع يعني لو اجلس اعدد مخاوفي الى الصباح ماراح اخلص
بس خلاص ما ابغى اطول عليكم اكثر ..

شكرا على طرحك لسؤالك اللي خلاني افضفض شوي ..اخاف

المخطوبة تخاف من الحياة الجديدة لان كل شيء جديد عليه وما تدري كيف تتصرف مع هالامور لكن هذه الامور كلها تبدد بعد الزواج

اهم المخاوف كيف انها تتعامل معاه بروحها

اشلون تتعامل مع ام زوجها و عائلته بحيث تكون محبوبة

كيف تتعامل مع اللمسات و الاكتشافات خخخخخخ



و الله الموفق

بالنسبه لي انا عكس الناس

مااخاف من ليلة الدخله

اخاف من اني اتغير بعيونه ,, اخاف انه مايحبني ,, اخاف اني ما اعجبه بتصرفاتي
مادري

تخاااف من المجهول بس احنا مانسبق الاحداث اولا

والله اكثر همي ليله الدخله

وكمان اخاااف انه يتغير معي لانه وقت الملكه كلها مجاملات

وهذا الشي يبين بعد الزواج


والله يستر ههههههههههههههه

تخاااف من المجهول بس احنا مانسبق الاحداث اولا

والله اكثر همي ليله الدخله

وكمان اخاااف انه يتغير معي لانه وقت الملكه كلها مجاملات

وهذا الشي يبين بعد الزواج


والله يستر ههههههههههههههه:d :(

اول شيء الخوف من الشوفة
بعدين الخوف من نتائج تحاليل الزواج
بعد كذا الخوف من حفلة الملكة
الخوف من حفلة الزواج


حسب صديقاتي ما يحكوني

الخوف على مراحل كل مرحلة لها خوفها

ليلة الدخلة انا خائفة منهااا والباق تساهيل بقدرة الله تعالي

المخاوف من اشياء كثيره

من البعد عن الاهل

من المسؤوليه

من تطلع اشياء مجهووله عن خطيبي

وبصراحه فتره مابين الخطوبه الى الزواج كلها مخاااااااوف

لكن الله يرحمنا برحمته ويسعدك ربي