|
أريدها زوجة لي., فكيف السبيل لاقناع اهلي بها؟؟
السلام عليكم ورحمة الله وبركاته اولا اهنئكم على هذا المنتدى الذي جذبني اليه روح الاخوه والمصداقيه بين أعضائه ادام الله المحبة الاخوية بينكم وجعلكم نبراسا خير ان شالله اولا انا لست فتاه كما يوحي المعرف انما انا شاب ابلغ من العمر 25 سنه اعمل بوظيفه حكوميه مرموقه ولله الحمد مشكلتي التي لا أعلم هل أنا افتعلتها ام هي بالفعل مشكله احببت فتاه من مدينتنا ويعلم الله أنني احببتها بإخلاص وهي كذلك بادلتني هذا الحب وانا متيقن كامل اليقين انها مخلصه ولا يشوب حبنا ما يعيب هذا الحب كان قبل 4 سنوات الى خمس سنوات الان بعد أن توظفت وحان موعد الزواج وبدأت الخيارات تظهر على السطح من أهلي واجهتني مشكلة كيف أقول لهم أنني اريد هذه الفتاه فهم لا يعرفونها أبدا ولا يعرفون أهلها انا فقط من أعرفها وأعرف اهلها بعد أن سألت عنهم ولم أجد الا كل طيب تجرأت وحدثت اختي التي تصغرني بالمشكله ووعدتني خيرا بأن تنظر في الموضوع ولكنني لا أثق بها أبدا فهي تريد لي فتاه اخرى دوما تمدح بها فأنا أعلم انها تريد ان تكرهني في هذه الفتاه من خلال نقل مواصفات مغلوطه وطباع لا تمسها الفتاه التي احبها كما ذكرت تبادلني الحب وان كانت بها صفات سيئه مثل النظره الماديه في بعض الأحيان مثل العناد ولكن دوما ما تعود وتعتذر عن ما بدر منها وتعدني خيرا صحيح أنني احبها ولكنني ما زلت متردد فجميعنا متعلقون ببعض ولا نرى سوى الزواج امامنا انا اعلم انه قد يأتي البعض ويقول ان ما بيني وبين حبيبتي فيه شيء من الحرام ولكن اقول يعلم الله انني اطلب من الله ان يغفر لي ذنبي وهي كذل تدعو ربنا بأن يغفر ذنبا ويجمعنا على الخير فلا أنا ولا هي نستطيع الابتعاد لا اعلم اوقات أشعر بإزدواجيه بمشاعري تجاهها اريد ان اتركها ولكن لا استطيع اجد نفسي مربوطا بها كيف أصل اليها وأجد الطريقه المناسبه التي افاتح بها أهلي بهذا الموضوع ان وافقتوني وان عارضتموني كيف أجد الطريقه للإبتعاد عنها رغم أنني فاقد الأمل فهي أصبحت جزء من حياتي اتمنى ان تجد مشكلتي دقائق من اوقاتكم الثمينه شاكر لكم ومقدر ومعتذر عن إشغالكم المحتار الاشراف :-عذراً تم تغيير العنوان كي يتناسب مع المضمون. |
أنت الرجل وأنت من يختار
لا أستطيع أن أتخيل رجلا يغصبه أهله على ترك من يحب والزواج بأخرى :( |
اذا واثق من اختك ماراح تتكلم او تفشي سرك هذا
وانت ناوي هالشي لوجه الله تعالى وفي داخل خوف من الله واذا فعلا في قرارة نفسك تدعي الله يغنيك بحلاله عن الحرام روح لامك وقول لها كنت اسولف مع واحد من الشباب عن الزواج فدلاني على بيت عندهم بنت للزواج على حسب قول اهله واراد فعل خير لي والخير للفتاة واهلها وانا كلفته انه يكلم اخته علشان تسأل عن هذي الفتاة واهلها ومافي سيرتهم الا كل خير وطيبة وانا بصراحة استخرت في امري نحو هذي البنت وحسيت براحة وناوي تفرحيني يايمى وتخطبينها لي احس سعادتي معاها والله يوفقك يااارب ويرزق من حيث تحتسب ومن حيث لا تحتسب اللهم بحق اسمك العظيم الاعظم الاعز الاجل الاكرم الذي ادا دعيت به على مغالق ابواب السماء بالرحمة للفتح انفتحت الا مايسرت وفتحت على بصيرة وقلب اخي "مخطوبات" عاجلا غير آجل وسخرت له قلوب عبيدك واخذت بيده في الاسباب وكفيته حرامك واغنيته بحلالك ويسرت امره وكشفت غمه وهمه وكربه ووفقته في امره الذي هو ماضٍ فيه ياجواد ياكريم ياسميع يامجيب اعقلها وتوكل على الرحمان الي مايضيع عبيده ونصيحة جذيه صغنطوطة اتفق مع خطيبتك وان شاء الله تكون خطيبتك ان توقفون مكالمات علشان الله يوفقكم لانك تدري انها حرام وابتدي اشتغل على الموضوع بهمة ونشاط وبدعوة وحف عملك هذا بالاستغفار في كل امر علشان تتسع لك المخارج على كل ضيق ^_^ استودعتك الذي لا تضيع ودائعه في امان الله |
باين انه فيه شي غامض في الموضوع
ولا ايش اللي يمنعك من مفاتحة اهلك بالموضوع ما فيها شي اذا قلت لهم ابي اخطب بنت ال فلان سمعت عنها كلام طيب واتوقع انها مناسبه لي وش رايكم واذا اعترضوا ناقشهم واقنعهم |
اتفق مع الاخت دمعات الروح
وحاول مع الاهل مع الاستخاره مره واثنين وعشره واسال الله العظيم ان ييسر هذا الامر في خير لكما ويجمع شملكم بالحلال وعلى خير ونسمع اخبار قريب عنكم مفرحه امين يارب |
لازم توفي بوعدك للفتاة الي وعدتها بالزواج من 5 سنوات وانت لازم تكون صاحب القرار وهاي الايام تقريبا اغلب الشباب بقولو لاهلهم عن البنت الي بدهم اياها يعني اشي طبيعي صار
|
اخوي الكريم
انصحك بصلاة الأستخاره قبل ما تفاتح اهلك بل موضوع ... واذا اتيسرت الأمور اطلب من اختك عشان تفتح الموضوع مع اهلك واذا ماصار كلمهم انته وقووول انها بنت ناااس وانا ناوي ان شاء الله علي الزواج منها واذا الله رادلك خير تري بتكون من نصيبك قال تعالى "عسى ان تكرهوا شيئا وهو خير لكم , و عسى ان تحبو شيئا وهو شر لكم" ... اذا انته نيتك ان تأخذها بل حلال الله يسهل امرك ويغفرلك ولا تنسي التوووبه ... والله ولي التوفيق |
الله يكتب لك اللي فيه الخير
|
تأكد من مشاعرك اولا وتأكد انك تستطيع ان تعيش معها مع بعض السلبيات بعدها توكل على الله واستخير وابدأ بجد وكلم اهلك بالموضوع لأن لا يجوز شرعا ان تكون على علاقة مع بنت من غير رابط شرعي يربطك بها......
ان كنت تريدها اذهب واخطبها وان تيسر لك الامر فألف مبروك وهذه من الاستخارة وان لا فهو خير لك ايضا من الاستخارة..... اخي لاتستهين بموضوع التعارف والحب قبل الزواج واعلم انها لاتجوز شرعا فهل توافق بأن تأتيك ابنتك في المستقبل وتعترف بانها تحب شخصا وسوف يأتي لخطبتها..... اعقلها وتوكل |
اقتباس:
اقتباس:
الحب ماهو عيب ولا هو حرام ابدا واذا كنت تحبها صحيح لازم انت اللي تبدأ الخطوة وتعلم اهلك بلسالفة ولو كانت من نصيبك حتكون ان شاءلله . مع تمنياتي لك بلموفقية. |
هل تجد في نفسك ترددا
إذن كيف سوف تفاتح أهلك بالموضوع وأنت في قرارة نفسك متردد وتقول بأنك تشعر بإزدواجية المشاعر تجاهها بعض الأحيان كذلك فإنك ذكرت أنها تنظر للأمور نظرة مادية في بعض الأحيان وفيها بعض العناد تفكر جيدا قبل أن تتقدم هل بإمكانك أن تتأقلم معها مستقبلا عندما يجمعكم سقف واحد ياأخي الحبيب ما نعلمه بديهة أن أي رجل يريد الزواج يجب أن يكون مقتنعا تمام الإقتناع بما يقدم عليه ولاينبني الزواج على المجاملات أبدا تحدث مع نفسك بكل صدق ماالذي يجعلك مترددا؟ بالتأكيد لديك أسبابك التي لم تذكرها |
اخي الفاضل
اولا كن جازما بأنك تريدها ولاتريد سواها واعتقد5 سنوات كافية جدا لهكذا قرار ولاتدع لشيطان يوسوس لك بترك الفتاة فكلنا نحمل عيوب اتفق معها على نقاط معينة واقطع الاتصالات.. عرف اختك على الفتاة و دعها فترة شهر تدخل البيت ثم فاتح اهلك انك تريد فلانة صديقة اختك.. او كما اشار عليك الاخوان انك سمعت عن منزل هذه الفتاة كل خير وتريدها.. والله يسعدك ويوفقك لكن اترك الحرام أختك حائزة |
اخي بسيطة اخبر اهلك بانك رايتها في مكان ما مكتبة مثلا او سوبر ماركت او مركز دورات
لعدة مرات رايتها ودخلت راسك وعجبتك وصمم عيها وقلهم انك سالت عن اهلها وعنها وماعليهم شي وناس كويسين جدا(انت فعلا اسال عنهم قبل مفاتحة اهلك) ومااظن تكون في مشكلة يعني ولااحبذ ان تقلهم انك كنت على علاقة فانت لاتدرري نظرة اهلك لهيك امور ممكن يرفضو بسبب العلاقة ويحكولك هاي بنت اخلاقها مش منيحة في ناس هيك بيفكرو انو لو بنت حبت او شي فخلص يعني خربانة فلا تضع حالك بموقف متل هيك ادعو الله واستخير و الله يوفقك ننتظر التطورات ،،،...،،، |
فكر في الموضوع زين واستخير ربك قبل ما تفاتح اهلك بالموضوع وانا من راي انك تفاتح الوالدة بالموضوع وتقول لها سمعت انه العيلة الفلانية عندهم بنت مدحوا لي اخلاقها واخلاق عيلتها وتقول لها تسأل عن العيلة وعن البنت لانك حاب تخطب البنت الله يكتب اللي فيه الخير ويوفقك.... |
كل اللي تزوجو عن حب اعرفهم كانت نهاية حبهم الطلاق والعياذ بالله !
يقول الشيخ نبيل العوضي في شريط اسمه "بين قلبين" ان 80% من حالات الطلاق بالمحاكم كان يسبقها حب قبل الزواج ! عليك يا اخي بكثرة صلاة الاستخاره ,, والتقرب من الله والاستعانه به ,, فإن كان زواجك بهذه الفتاة خيراً لك أسأل الله أن ييسره لك وان كان شراً لك أسأل الله يصرفها عنك ويعوضك خيراً وان كنت تريد رأيي الشخصي "فأنا لا أنصحك بالزواج منها فاستعن بالله وفوض أمرك له واحتسبه بلاء وتذكر - من ترك شيئا لله عوضه الله خير منه - وفي قاعده فقهيه تقول : (((( ما بنى على باطل فهو باطل )))) " وان كنت مُصِراً عليها قل لأهلك انك اعجبت بها وتريدها بالحلال ولاتقول لهم انك كنت تكلمها "عشان بعد الزواج لاتكون فكرتهم عنها سيئه" قل لهم شفتها ودشت قلبي واذا ماتزوجتها مابي غيرها اهم شي التوبه يا اخي قبل لاتخطبها من الآن امضي في طريق التوبه فلعل الله ييسرلك أمرك ويفرج لك همك " وتحسبونه هيناً وهو عند الله عظيم " والسموووحه |
أول شي الاستخارة لانها مهمة وراح تعرف من خلالها الصح وبعدين حرام تترك البنت وانت تحبها وبعد هي تحبك والله الحب ماهو حرام بالعكس الحب اجمل شي في الحياة فلا اضيع هذا الحب من ايدينك وبعدبن انت راجل و تقدر تاخذ قراراتك بنفسك وحاول تقنع اهلك بالطيب بس انتبه لا تقولهم ابدااا ان بينكم قصة حب او انك تعرف البنت قول ان واحد من ربعك دلك على بيت اهلها ولازم تكون جرئ وتبدى بالخطوة الاولى بعدين هذي حياتك وانت تختار شريكة حياتك مووو أهلك وبعدين فكر في مشاعر البنت لما تتركها تراك والله بتجرحها والله يوفقك ان شاء الله وتاخذها الاشراف :-لفظ المشيئة تكتب على هذا النحو (( إن شاء الله )) بارك الله فيك. |
قلب فؤادك حيثما شئت
إنما الحب للحبيب الأول يا أخي الكريم توكل على الله و استخير و تزوجها .. انت لين الحين ما كانت منك محاولة جادة للزواج منها انا اقول اذهب لاهلك و كلهم سمعت عن بنت طيبة و صفها لي حد من الإخوان ..و انا ارتحت لها ما في داعي تقول انك تحبها و هي تحبك خلاص الله ستر عليكم ... و ان كان لك نصيب بتاخذها و ان مافي نصيب .. استخير و انت الله بييسر لك الخير اما مسألة ان فيها اشياء ما تعجبك مثل العناد .. و المادية .. هي توعدك خير يعني هي خاطرها تتعدل و ان شاء الله مع الوقت تكون افضل انا اقول توكل على الله وتزوجها .. بصراحة يا اخي بنات الناس ما هي لعبة توعدها بالزواج و اخر شي اول ما اهلك يكلموك عن الخطبة تتردد و تحتار لو ما كنت تبغيها زوجه ليش توعدها اهم شي انك تقطع علاقتك بها فوار و ان كنت تبغاها اطلبها من اهلها .. اهم شي بعد جميعكم توبون الى الله .. و تستغفرونه ... |
اسمع وانا اخوك اول شي استخر واكثر من ذكر لا اله الا الله
وثاني شي بما انك تحب البنت والبنت تحبك وفي نفس الوقت علاقتكم كانت حب بس ولا بينكم شك فتوكل على الله وتقدم لها ومدام انه شي فيه عفه لك فاعرف ان ربي سبحانه وتعالى يبي يبارك لك فيه الف مبروك اخوي مقدما والله يوفقك ويوفقني ان شاء الله ويسهل امري وامرك يار ب يا كريم |
اخواني جميعا
لا أعرف كيف أشكركم فقد أكرمتوني بآرائكم التي كانت نحل تقديري وكم من المرات ادخل الى هنا واتأمل واتفحص الردود ردا ردا فجميعها فيها الحلول وان اختلفت الطرق فلكم جزيل الشكر والتقدير قررت أن اتزوجها وأيقنت ان سر سعادتي بيدها ولكن للأسف اختي التي أخبرتها ذهبت الى الجامعه التي تدرس بها ورأتها وقالت لي بالحرف الواحد أن البنت ليست بالجميله أبدا ولا تحمل من صفات الجمال سوى البياض عندها ترددت كثيرا فأنا خائف بأن تتوتر علاقتنا بسبب الشيء هذا ارجوكم ان لا تلوموني فالجمال مهما كان مطلوب صحيح أنني أحببتها من أجل اخلاقها ولكن للجمال دور ارجو ان تفهموني اشكركم مجددا التحيه |
اخوي ما راح اطول وازود في الكلام ولكن لكل انسان نظرة ممكن تكون اختك ما اعجبت بها وانت تعجبك وممكن تكون غيره من اختك لانها ازين منها لان من المعروف ان البنات بينهم غيره بشكل ما الله به عليم
انا انصحك اخوي استخر وتوكل على الله واخطب البنت وشفها شوفة شرعية وربي ان شاء الله يكتب لك الي فيه الخير ولا تقول اختي تقول مهيب زينة الاهم في الموضوع رايك انت وبس شفها وبعدين احكم هي حلوة وجميلة والا لا اسال الله العظيم ان يوفقك ويوفقني ويكتب لك ولي ولكل مسلم السعادة ان شاء الله |
الله يعطيك العافيه اخوي
وييسر أمرك إن شاء الله رغم اني متردد كثير بمسألة الجمال واخاف اظلم البنت معاي لكن إن شاء الله ربي يوفقنا ويميزها بعيني الاشراف :- لفظ المشيئة يكتب على هذا النحو ((إن شاء الله )), بالتوفيق. |
بعد خمس سنوات تتردد بالزواج بها من أجل الجمال ؟؟
لماذا لم ترها كل هذه المدة طالما الجمال مهم لديك ,, ارحم قلبها حين تعلم بترددك بسبب قلة جمالها :29: ( حسب رأي أختك طبعا وليس رأيك ) |
باك من جديد
والله يا اخوي اني متفاعل معك بشكل كبير وعلى شان هذا تشوفني ارد عليك في كل مره واتابع موضوعك اول باول اسمع وانا اخوك انت تحب البنت وهي تحبك وهذا الشي صدقني يخليك تشوفها احلى وحدة في الكون كله حتى لو هي اشين وحدة وقبل كل شي انت تبي تشوفها الشوفة الشرعية يعني ان شاء الله ما فيه ظلم للبنت الشوفه الشرعية لا تقدم ولا تأخر الله يوفقك الله يوفقك الله يوفقك يا رب ويوفقني ويسهل امرك وامري وكل مسلم يارب وطمني وانا اخوك اذا تم موضوعك على خير |
اقسم بالله تعبت نفسيا
بس هيا السبب كنت أبغى اشوفها من بدري وهيا اللي كانت ترفض تقول الشوفه الشرعيه ان شالله وبالفعل كما توقعت ما تملك الكثير من الجمال انا لا اريد اظلمها بالزواج منها فأنا الآن وحبها في أوج عظمته بدأت أتردد بسبب الجمال فأسأل نفسي بعد الزواج وبعد أن يفتر هذا الحب مالذي يحدث ؟؟؟ ساظلمها قررت أن أتركها وابتعد عنها وقلت لها بأن لي أسبابي الخاصه تجبرني على الإبتعاد عنك ولا أستطيع أن أقف في طريقك فإن أتاك النصيب فلا تنتظريني زعلت مني انصدمت من اللي اقوله حتى قالتلي أنا ماني مصدقه أكيد انت فيك شي انت مجنون مسحور مانتا طبيعي انت انا راح أترك الآن وما راح يكون بيني وبينك اي وسيلة إتصال اكيد راح تفقدني وترجع حبيبي اللي أعرفه ورسمة حياتي معاه مستحيل يطلع منك الكلام هذا وكانت تبكي بشكل قطع قلبي قسم بالله المشكله ان البنت واثقه اني راح أرجعلها انا تعبت والله العظيم تعبت بكى وبكيت وهم وانهميت حياتي قلبت نكد بنكد ايش أسوي أنا ما أبغى أظلمها معاي أعرف نفسي الجمال عندي ضروري راح يكون له دوره معقوله راح تقدر تنساني والأيام كفيله بالشيء هذا ولا راح أبقى جرح ما يطيب بقلبها ؟؟ ان شالله الأيام تقدر تنسيها وتكرها فيني تبكي الآن في بيت أهلها بنت ولا تبكي بعدين على لقب مطلقه يارب ياكريم ييسر أمري يارب واغفرلي واكتبلي الخير اينما كان اشكرك اخي ولد أهلي وجزاك الله خير التحيه |
باك من جديد
على العموم اخوي راح اقول لك معلومة مهمه لو تكون ملكة جمال بعد الزواج الجمال راح يختفي اهم شي الحب يكون موجود وانا اتكلم بشكل عام يعني سوا البنت هذي والا غيرها على العموم ما احب اني استرسل في كلامك واضيق صدرك اكثر واكثر ولكن ما اقول الا الخيرة فيما اختاره الله وبالتوفيق لك ولها ان شاء الله |
بعد خمسسسس سنوات
سبحان الله ما تنلام شاب مثل بقية الشباب أهم شيء نفسك كنت محتاجها فتره ولما استطعت على الزواج بديت تفكر تفكير ثاني صارت ما تصلح لكن ما يبرد القلب ألا أنه كما تدين تدان و أبشرك ماراح تنساك من الدعاء عليك الله يستر منكم ولا يجعل لكم على المسلمات سبيل |
اختي عبير الرياض الله يهديك يا رب الموضوع مهوب موضوع انتقام الرجال كانت عنده مشكلة والي قدر يقول له حل قاله غيره هذا بينه وبين الله وبين البنت مالنا اي علاقة جعلك في الجنة ولا نبغى نكب على النار بنزين وبعدين اعتقد انه مهوب صغير في العمر على شان نقول له سو وافعل هو كبير وعقله في راسه يعرف خلاصه ادعي له ولها بالتوفيق والسعادة
واسف على التدخل في ردك ولكن الدين النصيحة |
اخوي تصدق انا قصتي نس قصتك انا فتاة ولكن الفرق هو ان اهله جئو وخطبوني طبعا على اساس انو هو سمع عني من ناس لأنو اهلو ما بيسمعو ولا بيرضو يا خدو بنت هو كان يعرفها علما الله اعلم بالنيو والحين اهلو شكو بالموضع وعرفو انو هو كان يعرفني والى الان اهلو معندين ولا راضين يرجعو يطلبوني وقاعدين بدورو علما انو هو مابدو غيري لاكني مازلت الى اليوم ادعي واصلي واستخير وتصدق عن نية هذا الموضوع ليسرلك ربك عسى ان يدفع البلا عنكم
|
سبحان الله خمس سنوات وانت على حد كلامك تحبها ولافكرت بالجمال
والحين يوم جاء الجد صار الجمال مهم والله العالم لو اختارت اختك اي صفه ثانيه تذمها بالبنت كان قلت هالصفه مهمه الحقيقه اخي الكريم انك طول السنين الماضيه تلعب وتتسلى وترضي غرورك ان فيه بنت تحبني لكن البنت كانت حاشرتك وملزمه على الزواج وتبي كل شي يمشي بالحلال فمسكت العصا من النص والحين المسرحيه انتهت ومثلك مثل اي شاب ماعنده سالفه تعبت ومليت وبتسلم رقبتك للماما والاخوات واي وحده يختارونها بتحطها ببيتك وبتقنع نفسك وتتاقلم انها زوجتك وتريح راسك لكن لاتنسى ولاتتعجب من دعوه تصيبك او اولادك في يوم ما فبنات الناس لسن دمى تلعب بهن ثم تلفضهن اللهم لك الحمد انك ثبت قلب المسكينه ومنعتها من الانجراف اكثر وراء اطماع الذئاب وساعدتها على الحفاظ على نفسها وعرضها الى ان انكشف امام نفسه والله من قريت العنوان وانا غاسله يدي منك اجل انت الي يتتزوج وخايف من اهلك؟؟؟؟؟؟؟ الله يعين الثانيه الي بتزوجك المشكله انه يقول انا متاكد اني اختي بتسبها لانها تبيني اخذ وحده ثانيه واول ماسوت اخته حركتها وافق لها الله المستعان والله يحفظنا واخواتنا والمسلمات من شروركم |
انا ما قلت الجمال مو مهم عندي
انا كنت أسألها عن جمالها وكانت دوم تقول انا حلوه هيا اللي رسمتلي الضوره هذي ايش اسوي هيا اللي غشتني وقالت انا حلوه وما كنت أحب أصر اني أشوفها حتى ما أجرح قرارها بالموضوع هذا ولأن علاقتنا محترمه فأرجوكم افهموني اقسم بالله ما أنام من كثر الغم والهم |
ياخي اذا كنت ما شفتها الى الان انصحك
تروح وتشوفها بعلم اهلها ترا نظره الرجل تختلف عن نظره المراه يعني اختك تشوفها ماهي جميله لكن لو شفتها يمكن تعجبك ان شاء الله وحصل لناس كثير مثلك الاهل يشوفون البنت ماهي بالجمال المطلوب واذا شفها الخاطب تعلق فيها ولابغى غيرها واهم من هذا كله القبول مدى تقبلك لها ان قبلتها نفسك ودخلت قلب راح تضرب بالجمال عرض الحائط ياخي استخير الله وان كان خير لك تاكد ان الله سييسر لك المر وان كان غير ذلك صده عنك وهو اعلم بحالك اسال الله ان يكتب لك ولها الخير |
اقتباس:
مع كلام الأخ |
انت شفتها او ما شفتها ؟؟
اذا ما شفتها اطلب انك تشوفها .. وصدقني حبها راح يدخل في قلبك غصبٍ عنك .. وربي يوفقك .. طمنا عن اخر اخبارك .. أميرات .. |
أنا ماقهرني الا ان البنت جالسه تنتظرك و تبني أحلام خمس سنيييييييين
و أنت موافق عليها فلما جاء الجد صار جمالها مو بالمستوى المطلوب !! قول أنك ماتبيها و خلاص و من ناحية هي بتكرهك فأكيد اذا عرفت حقيقتك تبي تكرهك لكن تنساك ما أظن لأن الظلم ما ينسى |
تبي الصراحه والله ماعندك سالفة اذا تزوجت غيرها
تعرفها من خمس سنوات وتحبك وتحبها وتلقاها بعد متعلقه فيك بس حياها مانعها انها تقولك تعال تزوجني مدامك قلت لااختك خلاص خلها تدبر لك الموضوع والله تحطم البنت وتحطم قلبها واحلامها لاتصير اناني بسئلك سؤال: مافكرت انك لو تخطب وحده ثانيه يمكن تكون متعلقه بواحد ثاني وش بيصير موقفك؟ الله يكتب لك اللي فيه الخيره اسيرهاااا |
اسيرها سؤالك في محله وانا اخوك
اخوي مخطوبات لا يضيق صدرك واذكر الله وكثر من الاستغفار وان شاء الله ربي يبي يفرجها من عنده |
آسفين اذا ضايقناك
لكن لو كانت علاقتكم سنه أو مامنيتها بالزواج خلال هالفتره كان أنا أول وحده تقولك أبعد عنها و الله يرزقك ويرزقها الله يكتب لك ألي فيه الخير واستخير قبل أي شيء و إذا أرتحت لتركها فالله يعوضها خير وقبل أي شيء عليك بالتوبه أنت وياها |
اختي عبير الرياض كلامك فيه شي من الغلط طبعا في وجهة نظري
انتي تقولين لو كاان سنة اسمعي وانا اخوك الامور هذي ما تعتمد على مدة ولا زمن يعني ممكن تكون علاقتهم خمس سنوات ولاكن مهب على اساس حب وزواج تكون علاقة صداقة طبعا انا هنا ما اغفل جانب الحرام وانها علاقة محرمة ولاكن كمثال فمثل كذا خمس سنوات وتكون علاقة صداقة حتى لو ما صار بينهم شي عادي لانها علاقة انبنت على انها صداقة وبس وممكن تكون علاقة ست شهور وتنبني على حب ويكون فيها وعد بالزواج الكلام مهوب على المدة الكلام على القلب والاحاسيس والله يوفقك يا رب ويكتب لك الخيرة ان شاء الله وكثر من الاستغفار من ذنبك وربي يبي يفرجها ( من لزم الاستغفار جعل الله له من كل هم فرج ومن كل ضيق مخرج ومن كل بلا عافية ) |
الله يكتب لك الي فيه الخير بس غلط انك دخلت اختك
وانت عارف انها تبغالك وحده معينه وغير كذا راح تمسكها على الفتاة انا ارى كما يرى احد الاخوه رح للوالده وقلها |
| الساعة الآن 10:07 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©